話說我有位朋友(其實唔係好熟)早排分左手,一般黎講,男仔開分手post我都係俾個like就算,畢竟我又冇女仔介紹(問人要不要中途轉基,我有好仔介紹又有點怪怪的)但講到呢單分手,我就真係好勞氣。
世界上分手的理由有很多,太長(距離)可以是分手的理由,太短(認識的時間)也可以是分手的理由,千奇百怪的理由我也聽聞過,但我最接受不到的分手理由是:我要專心工作為未來打拼,所以我地分手啦。
是的,這個分手的理由是很普遍的,尤其是年輕的男性用這個理由,更是見怪不怪。但見怪不怪,不等同沒有問題,呢度又唔係中國,我唔會因為「呢啲事成日都發生架啦,所以我唔會婊」。這個理由乍聽下來非常冠冕堂皇,但其實是最賤的分手理由。
女孩們,在你接受你面前這男人「忽然成熟」之前,你有沒有想過男人點解要為未來打拼、點解要賺好多錢?想要買跑車嘛?然後呢?可以落老蘭溝女。想要買樓嘛?然後呢?可以和別人有樓有高潮。想要給家人更好的生活嘛?等一陣先!乜原來佢一直當你呢個女朋友係外人,佢未來嘅人生藍圖根本無當過你係屋企人架?咁佢又左一句BB,右一句老婆叫得咁親切?古有包龍星逢人叫契爺,乜你條仔溝親女就叫老婆咁過癮嘅?
是的,簡單點來說,「要專心工作為未來打拼」的隱藏意思,就是「你未夠好,我依家飛起你之後,日後聲價十倍可以溝過條更好嘅女」。夠唔夠賤?唔夠。正所謂良禽擇木而棲,俾得出呢個理由的,一定係禽獸界的表表者,佢擇人而妻,也很正常。最賤的,係佢當自己張家輝上身,「依家你冇,但你將來會有」,條Hihi竟然係為左一個或多個,將來唔知會唔會有的女而飛你,呢件事就真係好過份。大佬,你話你有第三者,識左第二個更加好要換馬,被飛一方都叫做輸得心甘命抵,但竟然去到最尾係輸俾一個賤男開後宮之夢的願景,真係會有創傷兼陰影。
可能你會想幫個男人辯護:唔係呀,佢真係好有事業心,但佢亦都真心愛我架。
又或者咁,我同你開個盤:佢愛你呀嘛?咁我賭佢事業有成之後,一定絕對唔會溝返你。
賭乜都得,我side bet埋我老公條J大你18cm都仲得。
咪係囉,肯接受現實未呀?呢啲男人多渣到擺落貴夫人生機精華萃取機都榨唔出水呀。
咁又唔好唔開心,我補充一點,其實講得出呢種借口的男人,十個有十一個到最尾都係一事無成,你早走早著啦。唔係我黑心咒佢,而係呢啲懷著不知那裡來的自信,夢想終有一日可以平步青雲的人,很抱歉,不具備成功的質素。你望下城中有邊個有錢佬係會未發達先身癢的?這種眼高手低,元配都未搞掂已經認為「我值得擁有更好」的人,不止在感情上,就連事業上野心亦不能和能力掛勾,總是認為鴻鵠將至,只想投機取巧的心術不正者,怎可能會真正的成功?
通常呢啲講到自己咩成日要應酬、俾唔到安全感你、覺得keep住你對你好唔公平的男人,我真係想講句收皮啦,依家咩年代呀?最有錢嗰班傾生意駛劈酒攬女架咩?我在舊公司求L其搞個午/晚餐會,一堆上市公司CEOCFO排排坐傾緊野啦,前總理呀朱生個仔都係我座上客,佢張卡片淨係得人名同電話冇title架,同佢食飯開會佢一滴酒都唔飲添,後尾我極力勸酒,佢盛情難卻先俾我倒左一杯黎養金魚,你同邊個富二代傾啲咩生意咁巴閉要成日花天酒地呀?講黎俾哥哥聽下?可能我咁岩networking時會見到佢daddy,可以幫你同佢講聲叫呀世侄唔好飲咁多呢?眼界決定境界,你依家冇,將來都唔可能會有。
最後,講多句,其實呢啲男人分完手,唔駛半年又會同另一個望落很會P圖的死港女一齊,無他的,一個口甜舌滑吹噓著自己未來的男人,配上一個以為自己釣到準金龜的女人,天殘配地缺又怎會不天雷勾動地火,愛個死去活來?而我當然替我的朋友高興,原來半年他已經變了成功人士,不用再為事業打拼了。
不過,創業難,守業更難,我不難想像,明年今日,又會有人要繼續為事業打拼了。
#明年花更好
#知與誰同
#賤人就是矯情
#無呀我呢啲師奶仔真係好廢咩都唔識架
#名副其實的廢奶
#邊似得佢地見咁多世面識咁多大人物姐
#有啲人對成功的定義同民建聯爭取延長綠燈一樣的廉價
#要召喚大人物幫忙唔難
#你點還返個人情俾佢先得架
#賣腎都唔掂啦
#人地出豉油你做雞都死
#上個tag打錯字姐
#Harsh_Tag
同時也有2部Youtube影片,追蹤數超過60萬的網紅飲食男女,也在其Youtube影片中提到,車輪滾滾,輾過鬧市霓紅燈照在地上的繁華,晃動的小型客貨車車身印着「文記醬料」的字號,抓着軚盤一雙粗糙及滿佈不少傷痕雙手,或新或舊或星點或刀划,訴說着他的滄桑及經歷,雙手主人將屆七十,半個花白頭髮已禿光的老者。 車上時間顯示已將近午夜十二時,他仍踏着油門,在港九新界來回穿梭,為店鋪送醬去,他是文記的...
你點還返個人情俾佢先得架 在 飲食男女 Youtube 的精選貼文
車輪滾滾,輾過鬧市霓紅燈照在地上的繁華,晃動的小型客貨車車身印着「文記醬料」的字號,抓着軚盤一雙粗糙及滿佈不少傷痕雙手,或新或舊或星點或刀划,訴說着他的滄桑及經歷,雙手主人將屆七十,半個花白頭髮已禿光的老者。
車上時間顯示已將近午夜十二時,他仍踏着油門,在港九新界來回穿梭,為店鋪送醬去,他是文記的老闆文健佳,人稱文叔。
這樣的日子他幾乎天天如是,從早上六時到廠切料、炒醬、入樽、包裝到送貨,忙上十五六個小時,對一個69歲的老人來說,這不單靠拚勁,還得有過人的意志力。他比任何人都要活得用勁、活得狠辣,如鋼鐵般的硬撐,因這條命經歷的苦辣太多,就像他手中的各種醬料,鹹酸苦辣,五味紛沓,全都封存在他這生命的載體裏──
萬死一生,他的命在槍口下得以倖存過來,把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境,每能排除萬難,扭轉危局,揮戈返日。以煙火炙燒,煮出一鍋屬於他的百料鍋,不知情者追隨其醬,被一襲濃重奇香所吸引,然而他的故事更曲折跌宕,蕩氣迴腸……
駑鈍之材 刻苦自勵
清晨六時,空氣中仍透着一絲清冷,在灰濛濛的工業區,上班的人潮未現,街道顯得岑寂。在某工業大廈的五樓內,一股濃烈攻鼻的香味正隨着抽風扇的翻動竄出,油煙氣充斥着整個空間,辛辣味道攻得人淚光盈盈。這裏是一家製醬工場,斑駁的牆壁都燻得黑黝黝,油膩污濁,長年累月炮製醬料,這些黑膩油迹,每一道都是歷史痕迹。
機器聲隆隆,來自場內的一兩部機器,五六個人分散於內,矮小微胖的文叔;旁邊是他的妻子文太;紮馬尾的女生是文叔女兒May,遠處還有一兩個男女員工。就只幾口子經營着這裏,分工合作,忙忙碌碌。
「做咩咁早開工?我冇料!惟有將勤補拙,唔怕辛苦,勤力啲當撐自己!」文叔自謙地說。來自廣東寶安的文叔,做的辣椒醬是他祖傳家用配方,煮醬必用好材料。「材料來價都比較貴,我用白色小蝦米,有顏色嗰啲蝦米顏色係後加上去,冇蝦味。我用老甘草、肥身芝麻、細粒皺皮嗰種花生,最重要用呢隻辣椒乾叫『四川辣王』,香濃辣味強,用佢先至夠勁道!」
赴湯蹈辣 爐火純青
大量的四川辣王,連皮帶籽,與蒜頭一同磨碎。他做醬與人不同之處,是部分材料如芝麻、花生、小蝦米先以烘爐烘乾,烘得噴香才磨,香味突出。
炒醬前他大啖喝了整整一支水,走到一個足有半個人高的大桶前,桶底有火爐燒着猛火,煮着內裏的油。「煮油,油溫好重要。保持大火炸,但火又唔能夠太大,辣椒燒燶咗,成鑊油都變苦。」他等油沸起就將辣椒、蒜茸嘩啦嘩啦的倒進去,油一爆,辣味像原子彈般爆出來,攻鼻又刺眼,旁邊人們都立即退避三舍。「唔係人人頂得順㗎!我都要灌水降溫先炒到。」哪怕是煮了半輩子辣醬的老江湖,遇上奪魄勾魂的濃烈辣勁,還是難以招架,被攻得鼻水眼淚全套出來,可見這辣醬是如何橫行霸道。
辣椒也不能一下子全倒進去,這樣很難令油沸起,他逐少倒,不停令油保持沸點,炸到辣椒和蒜茸的水分全部出來。椒香撲鼻而出時,就加入磨碎的芝麻、花生、蝦米、甘草、八角、桂皮等,再放些蝦醬,一炒就炒足三小時,滾油把香與辣通通燒煉出來。旁人光是聞着都陷入狂打噴嚏的尷尬局面。
遍體鱗傷 渾然忘我
文叔依然面不改容,揮動着大鑊鏟不停的攪呀攪!火熊熊猛燒,火舌兇猛地把一鍋烈油煮得滋滋作響,油在滾動,燙熱的辣油小泡如噴泉般彈出,彈至他的手和身,登時紅了一個小點,燙痛難受過後!匯集成他身上手上無數的星點小疤痕──今天好了,明天又添新傷,這點小傷對他來說,已是家常便飯。
他把一門心思只放在煮辣油的節奏上,渾然忘我,直勾勾地盯着鍋裏辣醬的變化。「一定要慢慢嚟,用大火慢慢炒,一路炒要一路攪,等佢唔好黐底,又要留意顏色同氣味變化,見啲辣椒開始由紅變啡就叫得。」
這一下一下的攪動,對這副老骨頭是項考驗,心不老,可畢竟已屆古稀,他漸漸吃力,不得以交付夥計來攪,夥計倦了又換給他接力,如是者換來換去,兩人均汗流浹背。
一爐熊火,燒煉出這個性突出的辣椒醬。不加色素、不下防腐劑,一嗅,香辣味撲面而來。只舀小撮,舌尖傳來驚心動魄的辣,如果能忍受痛苦,後面便是美味了,蒜頭噴香,與芝麻、花生、蝦米、蝦醬等複雜的香味,直如一把無形的鈎,勾住了味蕾,讓人停不下來的上癮。
「我炒呢個醬四十幾年喇!起家都係靠佢架!」文叔感喟。這個醬,承載他窮與富,高山與低谷,與他糾纏半生。往事像空氣中的香辣味,在抽風扇的翻動中,一幕幕閃過……
死裏逃生 拚命地活
50年代,他在寶安出生於地主家庭,從小被定性為走資派、反革命分子等,背景成分不好,被冠上「地主仔」的惡名,他感到無比冤屈,「因父之名」成了被歧視欺侮的對象。
「我細個曾經俾人剝光豬,俾人吊住打。綁喺棵木瓜樹度示眾,人人經過見到,我覺得好醜怪。最慘係打完身上有傷口,就特登用木籤去拮,專揀我傷口痛處去拮,痛到……而家周時發夢都夢見番嗰種痛,痛到扎醒!」文叔猶有餘悸。
他17歲時,更因此被拉去勞改坐牢,判了十年徒刑,牢中遭受囚犯和獄吏的欺壓。他被困在這樣的環境裏,活得很絕望,只要一天在大陸,就看不見未來。「嗰陣身邊好多人同我講,喺鄉下死路一條,出香港仲會有條生路行。」
他不想坐這冤牢,就越獄逃了出來,打算偷渡來港。不料在邊境時被解放軍發現,飆疾追捕,十數隻狼狗被鬆綁亂跑而出,一下追人嗅、嗅草叢,甚至追車,偶而一犬吠影,百犬吠聲,聞者提心吊膽。解放軍聽見犬吠循他的方向去,拉了槍膛。「留喺度一定死!我走俾槍射又係死!但都有機會你射唔中,我仲有生天。」
他把心一橫,就在準備奔竄之際,解放軍已亂槍掃射,子彈嘭嘭嘭亂響,他以為難逃一死。突然有個女子在另一邊叫救命,分散了解放軍的注意力,他得以脫身。只向着看見的一點兒光,拚命地不顧一切逃到香港。「我條命本來係咁多!因為我有一個念頭──要生存落去,個天先加長我條命,到今時今日。」
他常告訴自己,這條命好不容易撿回來,只要有明天,他就拼盡全力活。
頑抗愛拼 遇強愈強
來到香港,他投靠在觀塘做街邊賣魚蛋小販的哥哥,炒這家傳辣醬,用來煮魚蛋。他跟哥哥看檔,有黑社會常在收「陀地」,他眼睜睜看着哥哥和自己捱更抵夜,又走鬼避警察才掙來點錢,黑社會天天搶去生計。終於,黑社會又來要錢,他忍無可忍,拿起牛雜鉸剪衝上前說:「一係你打死我,你打我唔死,一定係你死﹗」他發狠要插死那個黑社會,那人被他一兇腳軟,知道他強蠻如牛,惹不過,從此不敢再來取保護費。
其後他自立門戶,自己推木頭車在街邊賣魚蛋、豬皮,並改良辣醬,將芝麻、花生和小蝦米烘香,才磨碎與辣椒等炒,香味豐盈,自成一家。辣醬香味令他迅速火紅起來,未開檔已有大班客等候,開了檔就不停圍滿了客,魚蛋好賣得天天比人早賣清。
別檔眼紅他,就暗中報警。那年代,警察收黑錢是常事,有個警察特別針對他,一天拉了他四次。「嗰個差佬仲同我講,見我一次拉一次,如果再見到我喺觀塘開檔,就打斷我腳骨。」他怒不可遏,抓起那警察就打,他被告毆打軍裝警員,判了守行為。「嗰次我係留案底,但我都係嬴!至少班差佬以後見到我都唔敢再拉我!」文叔自傲地說。
廉政公署成立後,換了市政人員來拉他,他眼看經常走鬼不是辦法,剛好他存到錢,就立意上鋪。
飛黃騰達 傲睨一切
他開鋪賣老本行魚蛋,連帶他的辣椒醬,惹味誘人,人流如鯽,生意非常好,一個月賺二十萬。因此他陸陸續續開了九間店,這是他的黃金期,間間店都賺大錢,這時他身家暴漲至兩億,買下六七層樓。其中兩層,他用來接濟同鄉。
「我偷渡先可以生存到落嚟。而家到班鄉里偷渡嚟香港,我一定幫。冇地方住我免費畀層樓佢哋住,冇工返就喺我鋪頭做!」
他是過來人,有一顆赤子之心,其中一個同鄉免費一住就八年長,還有他見一些貧苦三餐不繼的,或乞兒等,都叫他們來鋪任吃而不收分文。
生意好,錢賺得容易,「我唔覺得搵錢有咩難度!」他漸漸對事物表現出鄙夷。曾經有個李錦記的夥計,到過他店吃東西,被其辣醬吸引,建議他不如開醬廠賺錢。「我睇唔起做醬,都搵唔到大錢。我同佢講送畀我都唔做!」
他有錢沒地方花,沒地方玩樂,心靈漸空虛,看見行家賭錢很得意,他亦陪着賭,賭股票、買黃金、鋤大d、賭十三張,從玩樂心態,到一步一步沉迷,終於陷了進去。「嗰時就算賭輸咗,啲錢聽日又再搵到番嚟,怕咩?」
97年前他去澳門,一晚輸過一千二百萬,回香港賣了五層樓填債。雖然爛船有三分釘,但他僅餘的資產,到金融風暴、沙士來時,鋪的生意一落千丈,九間店惟有相繼結業,差點連夥計的薪金也沒付清。他一下子跌入谷底,沒錢用,沒工作,連生計都成問題,他成了落難人,幾億身家一下子全被他敗光……
墮甑不顧 向前邁步
「冇晒錢,唔係死。如果係死,就真係乜都冇!我喺鬼門關走出嚟都試過,死唔去,我仲可以全力再做,由頭嚟過!」那時他50來歲,並沒因此而頹廢不振。
有個跟他相識的裝修公司老闆,明知他以前是億萬巨賈,在觀塘赫赫有名,特意請他做擔泥頭,然後到處跟人說文叔落難投靠,有意誇耀。「佢唔係睇低我,係睇得起我,我要多謝佢呀﹗嗰陣好多老細知我背景,冇人請我㗎!我多謝佢肯請我,畀機會我,我先可以翻身!」
他肩膀擔着扁擔,挑起兩筐黃泥,爬上八樓,來來回回,汗涔涔而奔跑。文太見況,忍不住兩淚滂沱。文叔安慰文太道︰「搞成咁係我爛賭,自己攞嚟嘅!大丈夫能屈能伸,冇所謂嘅!只要養到自己同頭家,咩工、咩苦都唔怕捱!」
他不計較別人的眼光,肯捱肯做,那老闆被感動,反而因此看得起他,願意借錢給他去做生意。
他懊悔當年太桀驁不恭,想起李錦記夥計提議他開廠做醬的事,他就拿着這點小本錢,開了醬廠。自己手做辣椒醬、魷魚醬、麵豉醬、xo醬、酸梅醬,共十種。
他認真做醬,腳踏實地,事事親力親為。親自到店鋪及食肆兜售,送醬給人試吃,又在各區開分銷攤位親自坐鎮推銷。逐步去建立,慢慢有了生意,客人又被他的辣椒醬味道吸引住了。如今他不敢怠慢,收到客戶來訂貨,都親自去送貨。他批發給許多雜貨鋪、小超市、分銷檔、酒樓食肆等,像食神韜哥的大榮華酒樓都來幫襯他,更有不少客直接上廠買醬,生意滔滔。
他靠醬由街邊起家,上鋪,結業、到開廠再做醬,起起落落,從谷底再爬起來,又屹立不倒。「起又好,跌又好,做人最緊要有一個念頭、一種態度──我唔會死嘅!」
這是他的人生感悟,心存信念,就可活出生命,是死?也生。
撰文:孟惠良
攝影:陳秉謙
文記醬料
廠地址:新蒲崗大有街2-4號旺景工業大厦5字樓H座
電話:2342 0343
營業時間:星期一至五9am-6pm
銷售點︰文記醬料設流動直銷攤位,詳情請留意香港文記醬料Facebook專頁( http://bit.ly/2K691bc )。
![post-title](https://i.ytimg.com/vi/hku1dRpKknI/hqdefault.jpg)
你點還返個人情俾佢先得架 在 大丈夫。工作遊記 Youtube 的精選貼文
【出賣親友】?こっそりvs?ドッキリ
係過去一星期,我係多個因素之下偷偷地返左香港,俾一個驚喜(サプライズ)大家的同時,好想拍低佢地驚惶失措個樣?
你可能會問以:
1) 好地地,你返乜鬼去呀?
2) 戇居,浪費時間!!好多人地想留係日本架。
3) 咪玩啦,半年就頂唔順啦?
坦白講,我D個TRIP真係好值得,仲要賺突左?除左可以同家人共聚中秋,團圓同慶祝生日外,仲可以CAPTURE到一D平時見唔到既樣,這個情境連打緊字既丫仁邊打邊笑。???
因為除左好幾個人知我回來之外,我都忍手不聯絡,不上載到FB(忍到我就黎死)見到O晒嘴個樣,手機快捷按鈕一開,即時拍到重要MOMENT回味,好好笑。如果唔係我離開左個溫室罩,都真係見唔到你地個笑樣,一個三十年都未曾見過既笑容。以前堂/表兄弟姊妹去外國留學都無咩感覺,直到自己身同感受先知到屋企真係得一個,錯過就抱怨一世。上年被顏色運動分化左,希望可以早日大和解吧~
皆さん、快點回家食下飯啦。我仲要感激的個細細妹同我夾埋全家俾一個好大既生日禮物我老媽子。還記得黎working holiday要走個刻兩個都啜泣咁既樣???
懇請大家陪住【丫仁】成長,緊貼我最新動態 ♫
分享在日期間的生活,點滴累積成長!
【丫仁】's FB:https://www.facebook.com/WHJP2015
仲有,緊係要【Subscribe】我既youtube channel啦!
![post-title](https://i.ytimg.com/vi/MtKfPdFHjhA/hqdefault.jpg)