點解我睇 #大叔的愛 睇得咁投入?
除咗套劇本身好笑,演員個個出色,對我嚟講,係有多一層意義。
如果你同30年前正值步入青春期嘅我講,30年後香港電視會有一套男男愛情喜劇喺黃金時間播出,我真係打死都唔會信。你20年前,甚至10年前同我講,我都唔會信。
過去咁多年,大家都見識過TVB點樣喺電視劇入面present LGBT群組架啦。Gay一定係乸型嘅,trans一定係變態殺手,同性關係一定係「有問題」無好下場,角色一定係古明華演蘇基之類嘅騎呢image,等等,所有最負面最古舊嘅stereotype無限放大。各下網上search “TVB同志角色” 會搵到好詳盡嘅資料。
終於,2021年,ViuTV上映呢套 #大叔的愛,唔單止有LGBT representation,仲有田一雄呢一種sexually fluid嘅 representation。有兩男kiss scene,有兩男求婚,有兩男同居,而一切都present得自然舒服,感覺就是跟異性戀愛無異。阿牧阿田可以係兩個乾淨健康嘅鄰家男孩,KK可以係一個事業有成嘅成熟大隻靚佬,Gay唔一定係標奇立異,係肉酸,係不務正業,we can be decent just like everyone else,呢一種方式嘅presentation,係我呢一輩嘅人等咗好耐先等到嘅奇蹟。
最欣慰嘅係,你上ViuTV個fb睇,係完全無嗰啲「嘔心」「該煨」「道德淪亡」「希望佢哋鍾意返女人」等old school homophobic comments, 反而大家係叫阿牧追番阿田,阿田氹番阿牧,KK好有型好可愛等等。好似坊間忽然間好開放好接受同性戀咁添!係咪真架?當然,睇戲還睇戲,現實世界可能係另一回事。但我諗呢套如果係TVB劇,唔好講多,早5年播,我唔相信接受程度會係咁。
所以,我好感動,某程度 #大叔的愛 係幫助緊normalize LGBT community。你睇劇入面,田牧KK嘅同事朋友,除左頭一陣嘅驚訝,之後大家都完全無嘢,唔會大驚小怪。某程度,你身邊嘅人都可以因為睇左 #大叔的愛 而變得咁chill。當一班睇開TVB嘅媽媽,都會同仔女一齊追一齊笑,都會覺得田牧好登對好靚仔,會覺得KK好man好有型,你諗係幾大進步。上一輩嘅可能睇咗呢套劇,而令一個想同屋企come out嘅年青人將會have a much better time coming out,因為佢哋對LGBT社群有咗一個新嘅reference point,唔再係TVB古明華同變態人妖殺手,而係賞心悅目嘅Edan、Anson Lo同黃德斌,Mirror咁紅、德斌又咁有資歷,都肯演同志,其實同志,又真係無咩嘢啫!
對LGBT culture陌生嘅直人,睇完呢套劇亦會洞悉到gay relationship真係more than兩個基佬「玩菊花食香腸」,而係可以好純粹好有愛,會互相照顧互相陪伴just like any other relationship because that's really just the way it is。
所以,想多謝ViuTV,尤其是喺呢個要消滅異色、順從建制嘅年代,仲會拍一套咁能夠提升小眾嘅劇。呢陣子係香港生活真係好難笑得出,但呢三個星期起碼有一個鐘頭我可以暫時忘記一切盡情開心。亦多謝三位主角,放下偶像包袱,拋低鐵漢形象,令廣大香港觀眾對LGBT社群嘅印象可以upgrade到一個應有嘅嶄新面貌。
#老懷安慰
#行前一小步不是容易事
同時也有1部Youtube影片,追蹤數超過80萬的網紅果籽,也在其Youtube影片中提到,【港情講趣】 《全民造星II》選出冠軍,不論是否你的心水,都已經塵埃落定。不過即使新一屆冠軍已經誕生,上屆冠軍姜濤在一班姜糖(姜濤歌迷的暱稱)心目中,他的「超級冠軍」地位永遠不變。 ========= 全新副刊,推動知識文化多元。培養品味,立足香港放眼世界。不畏高牆,我們站在雞蛋一方。 《果籽...
佢令我哋搵番青春 在 月巴氏 / Work Super Guy Facebook 的最佳貼文
兩年前寫過以下一篇文,分成上下兩篇刊登。
上篇的五首,是𡃁仔時就鍾意的,下篇那五首,則是人老咗後的偏愛。
選擇絕對個人。
內文刪改了一點。
——————————————
【任何時候都有權愛上多首達明】
1.《長征》(曲:劉以達 詞:陳少琪)
我迷上達明的起點。有這麼一個起點,全因為一齣(你未必睇過的)電視劇《鐳射青春》(伊健有份做,但只是配角,主角是黃澤鋒)。What is 鐳射青春?用鐳射形容青春是否恰當?我不知道,而只知道這齣罕有的香港青春劇,講夾Band,算是捕捉了青春總會遇上的典型煩惱,啱晒我呢亭最典型後生仔。我同隔籬屋張太個仔晚晚追,追到有一天他買了《長征》的Cassette,我立即衝去佢屋企用那部收音錄音機狂焚——這就是一個1987年屋邨仔的青春。很多年後我向達明說自己超鍾意《長征》,劉以達笑說,首歌其實好娘。
2.《馬路天使》(曲:劉以達 詞:陳少琪 / 黃耀明)
當初肯定不是因為歌詞而愛上,而是因為劉以達作的曲實在好聽;那句「長夜裡天使在歡笑在呼叫讓分秒讓一切忘掉了」,我當時太細自然不明白,只覺得能夠背到兼一口氣唱到,實在有種解成就的快感。後來,大個咗少少,認為這首《馬路天使》跟《溜冰滾族》和《迷惘夜車》應被歸入同一系列,同在客觀描繪失序的青春亂象。
3.《青春殘酷物語》(曲:劉以達 詞:林夕)
如果《馬路天使》、《溜冰滾族》和《迷惘夜車》都以不帶批判的態度,描述香港社會80年代中期過後的青春現象,《青春殘酷物語》就直指青春的殘酷本質——注定被「世界」這隻怪獸侵吞。聽達明的歌,往往聽錄音室版本最能聽到那份用心,但個人認為1996年《萬歲萬歲萬萬歲演唱會》中的《青春殘酷物語》現場版,才是最完美版本;黃耀明更作了以下一段注釋:「有人話,青春同時間好殘酷,好快咁嚟好快咁走,你好難捉住佢;有青春嘅人對世界好殘酷,而世界對有青春嘅人都好殘酷。」
4.《今夜星光燦爛》(曲:劉以達 詞:陳少琪)
那是1988年,「六四」未發生,香港還算正值盛世時,黃耀明卻公然唱衰:「恐怕這個璀璨都市光輝到此。」——因為是以青春而非大人的視角審視。點知,一語成讖。
5.《天花亂墜》(曲:劉以達 詞:周耀輝)
一直認為最強勁的歌詞,是能夠以最不帶明顯指涉的字句,描繪出一幅最具體的Picture,《天花亂墜》就做到了。表面似乎只在講流行曲現象,卻側寫了一片香港人(在懶理回歸大限殺到)的世紀末顏色,沒有渲染喜與悲,明明說了很多,卻又似乎沒說過甚麼。
6.《情流夜中環》(曲:劉以達 詞:何秀萍)
我不是中環人,但曾經有段時間每逢夜深,就在中環出沒——不是去老蘭,而是在那些象徵繁華和香港價值的路段,蹓躂閒逛(簡稱遊蕩)……你不要問我原因,因為連我都不知道原因,只知道這些在日間被無數人趕頭趕命踐踏的捷徑,入夜後就還原為一條路,而這個名叫「中環」的空間,就只是一個搵食空間,偏偏香港就以這空間作為繁華的呈現。這繁榮原背裡有數不清空冷孤寂,夜靜又再次顯出這赫赫迷城之荒。何秀萍寫的詞,訴說了這份商業價值背後的空洞。
7.《愛彌留》(曲:黃耀明 詞:周耀輝)
《神經》,1990年專輯,達明拆夥前最後一張專輯,一張有明顯指向性的專輯,指向一個怪誕時刻——發生了一宗大型慘劇後,我們終將面臨一個改變一切(即使有人寫包單馬照跑、舞照跳)的重要時刻,就在這半天吊時刻,我們投入了一場無厘頭的極樂心理狀態……《神經》裡的歌,大都有一種刻意經營的愉悅和激昂,除了《愛彌留》——周耀輝極盡隱晦艱澀的歌詞在說甚麼?不同人睇會有不同答案,但至少有一句相當明確:忘掉總比思憶永久。Yes,我們與生俱來最強的內置武器就是遺忘,於是,一切(過錯)都預先被原諒了。
8.《晚節不保》(曲:劉以達 詞:林夕)
你嫌達哥唱得唔好?但甚麼是好?塵世間咁多曾經被標籤為「好」的人,有幾多個可以確保這標籤能同自己百年歸老?並順手帶入黃土?反正笑一笑已蒼老,誰介意晚節會不保。
9.《今天應該很高興》(曲:劉以達、黃耀明 詞:潘源良)
是甚麼令一個 / 群人決定離開自己成長的地方?在八十年代,是對未來的未知所衍生的恐懼——嗱唔知驚乜但總之驚定先啦;到了今時今日,是各種離譜人與事共同製造的恐懼,有目共睹,Very具體(至於點解咁多自稱 & 叫人愛國的出類拔萃人士都擁有外國護照?你問番佢哋啦)。想走而又走到,自然高興;想走但明知走唔到?更要高興——至少在表情上交足戲。
10.《繼續追尋》(曲:劉以達 詞:潘源良)
但灰到盡頭的我仲未投(城門)河自盡,可能因為一首歌——達明第一首歌,一首勵志歌,每當聽到這首歌,就不期然想起曾幾何時我經歷過一個有夢的年代,但明哥摑醒了我,我好記得六年前訪問他時他說:自己從不懷緬過去,因為「而家都幾好呀」。從來未聽說世間一切美好,然而人在世界誰能沒去路。所謂好,未必在中環搵到,未必晚節得保,也未必是成功走到,而是你還願意繼續追尋屬於你的那一步。
佢令我哋搵番青春 在 TINA SHEK 石天欣 Facebook 的最佳解答
#無出街100日 💩
#我感覺自己喺太空住緊
#誰的人生不迷惘 之 #騰文
。
如果真係識我既人都應該知道
我係一個超負面嘅人💩
尤其是最近呢一年 一路睇住香港嘅新聞
依家再加埋武漢肺炎 地球暖化
美國一日可以新增五萬確診
小熊搞到全球亂晒
下刪一萬字😑如果我認真放負嘅話
我應該可以寫到一本字典咁厚..
。
個腦入邊有好多嘢都好想嘔哂出嚟
今日試吓寫啲正面嘅嘢🤭
同大家分享吓「子彈思考整理」呢本書
如果你都成日覺得自己好忙
好唔夠時間用 或者唔清楚自己做緊啲咩嘅人
我建議你可以睇一睇呢本書
(有時間可以睇埋「誰的青春不迷惘」)
。
以下我分享書裏面既內容
。
「如今是線上連結最緊密的時代,但是我們缺乏人與人之間的接觸,我們嘅源源不絕的資訊洪流淹沒,被過度刺激而焦躁不安,過度工作而深有不滿,不斷接收信息而感到疲倦。科技深透知生活的各個角落,讓我們不斷分心。」
。
「生活忙碌不堪。我的存在似乎變成一長串待辦事項清單。我早已忘卻自己的夢想、目標、如果⋯⋯會怎樣、如果我可以。」
。
「我們的動機受到媒體左右。我們的社群平台充斥各種展現財富、旅遊、權力、放鬆、美麗、歡樂、好萊鎢色戀情的影像。這些虛擬世界的資訊徑流,逐漸滲透至我們的意識中。每次上網。我們的現實感和自我價值感就做遭扭曲。我們將自己與這些虛構故事進行比較,並據此建構我們的計劃。」
。
「忙碌的狀態就像是從樓梯跌落而下:刺激、反應、刺激、反應。這種方面的反映循環綁架了我們的注意力,讓我們沒有多餘時間去發現愛、成長與目標,這些能真正為我們生活創造價值的事,卻因為忙碌而不被看見。」
。
「你不能創造時間 你只能利用時間。快樂是意義的副產品。要過得快樂,就得思考那些事情是有意的。要知道哪些是是有意義的,就必須花時間⋯⋯」
。
「最終,重要的不是你的人生沒了多少歲月,而是你如何渡過這些歲月。只要想想,我們現在對於時間的認知因小時候有何不同?小時候, 1小時的車程像是永遠。我們到了嗎?年紀越大,我們對於時間的流逝要不敏銳,對於如何花費時間也越來越漫不經心。我們不停地追足一個又一個的限期、一個又一個的目標,時間飛逝,特別是忙碌的時候。我們對於時間的體驗是相對的,所以很容易忘了時間是有限的資源。在我們察覺之前,已經沒有時間了。」
。
「真正的問題在於:為什麼我不開始這樣做?我們無法掌控未來,但是在我們有選擇的時候,必須保持警覺,決定讓那些事物佔據我們的時間,因為我們沒有多餘的生命可以浪費。問自己哪些是「必須要做的」以及「那些是重要的」,將那些讓我們分心的事物排除在生命之外。別忘了生命無常,提醒自己那些珍貴的東西正在流失,如此才能真正看清全貌。緊記自己終將一死,才不會忘記要好好善用活着的時間。」
。
你又係咪真正了解自己?
了解自己需要啲咩?想要啲咩?
書裏面有一個測試 你可以搵一張紙
試吓寫低呢三樣嘢
1. 你正在做?
2. 應該做?
3. 想要做?
。
當時我寫完出嚟真係有啲😨又有啲💔
因為我發現我應該做嘅事一直拖延
一直想做嘅事又冇做😐
而正在做嘅事其實根本唔重要🙄
所以我開始改變我嘅生活習慣
先做返必須要嘅事 然後再搵方法
令自己做自己想做嘅事
我喺度一時三刻好難同大家解釋得好清楚
有興趣嘅話可以去買呢本書睇晒佢🙈
但如果嘗試簡單咁解釋嘅話...
咁當然必須做嘅事就要先做
因為好多時候我哋都諗住做咗最容易嘅先
而最容易做嗰啲 又通常唔係好重要
可能唔重要到 根本唔應該放時間落去
所以必須要先做需要做既
然後諗方法去完成自己想做嘅事
有困難就解決佢 千祈唔好擺喺度
咩都唔做 咩都唔試
就會變成永遠都冇可能實現
。
係大概七年前我嘅Facebook
經歷過一次del走咗四千幾人
要逐個逐個人手禁🥶
仲send咗四千幾封inbox通知對方
因為我唔再想將生活同工作拉埋一齊
以前嘅生活>影相+字>出post(重覆)
然後留意吓有幾多人like有冇人留言
我以前以為只係藝人先會係咁
因為工作關係 強迫自己不停出post
到而家發展到好多人都係追求緊呢樣野
。
其實你到底有冇俾人影響到你自己?
你嘅選擇 你嘅行為 係發自你內心?
定係因為網上嘅資訊令到你跟隨?
(如果有睇到westworld都可能會明白)
你Facebook裏面既咁多人
幾多個人你真係識
有需要用你寶貴嘅時間去關注?
。
當年嘅我因為職業問題要限制自己嘅言論
限制自己嘅思想 限制自己嘅行為
限制到我自己 成日問到底我係邊個
我自己到底喺度做緊啲咩?真正想做啲咩?
然後我最終選擇做返一個普通人
做一個可以有言論自由人(雖然可能之後冇🙄)
你問我 我會答你當然會想繼續拍戲
但如果唔可以講正確嘅事
做自己真正想做嘅嘢 🤡不了
。
咁我依家係咪做晒所有我想做嘅?
咁當然未啦 但起碼我知道個方向
原本諗住下年參加環遊世界加漂白個頭
但今日唔知聽日事 想做點解唔而家做
想學法文想學琴想運動 全部做緊
我唔係遊手好閑㗎 工作繼續
但如果你安排好時間嘅話
原來可以做到咁多野💩
尋找番你失去(/嘥)咗嘅時間
。
諗住退休之後做啲咩?
我點知我有冇命到退休嗰時🤡
想做嘅 而家可以做嘅 即刻做
比較難做既 努力咁令自己做到
希望你都可以做到你想做嘅事❤️
。
#唔覺得會有人睇哂 💩
佢令我哋搵番青春 在 果籽 Youtube 的最佳貼文
【港情講趣】
《全民造星II》選出冠軍,不論是否你的心水,都已經塵埃落定。不過即使新一屆冠軍已經誕生,上屆冠軍姜濤在一班姜糖(姜濤歌迷的暱稱)心目中,他的「超級冠軍」地位永遠不變。
=========
全新副刊,推動知識文化多元。培養品味,立足香港放眼世界。不畏高牆,我們站在雞蛋一方。
《果籽》 栽種品味,一籽了然。 https://hk.appledaily.com/realtime/lifestyle/
相關影片:
【告別街舖】有人鬧$100紅豆沙搵笨 有人排足個半鐘 車仔麵店老闆娘:「終於輪到我揀客!」(果籽)(https://youtu.be/ZRxuvymM7j4)
【臭豆腐烈女】喪母後拜師成全港唯一女師傅 獨門醃法不授徒:如果佢反骨我點交代 (https://youtu.be/nOnn7uQCxIw)
【流浮山蠔民】養香港蠔50年收成等三年半 良叔獨撐蠔田捱到殘:阿仔唔接手冇人做 (https://youtu.be/zb-rYILQZms)
【筲箕灣東大街】魚蛋河名店對決!名廚食評人實試 王林記魚蛋有水準 安利切腩似湯渣(飲食男女) (https://youtu.be/vYjGxQtbgxU)
【九龍城老粥店】廣東撞粥賣足71年 結業再重開 第三代傳人:有信心保持招牌 (https://youtu.be/NA460vTgiq4)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)
#姜濤 #佢令我哋搵番青春 #果籽 #StayHome #WithMe #跟我一樣 #宅在家
佢令我哋搵番青春 在 豪花15萬睇姜濤出show 姜糖:佢令我哋搵番青春! 的相關結果
又或者在姜濤面前,這群別人眼中的中女,可以尋回失去了的青春。「我有些朋友已結了婚、生了小孩,他們好羨慕我,因為覺得我青春了。 ... <看更多>
佢令我哋搵番青春 在 【35+粉絲團】豪花15萬睇姜濤出show 來回搭電梯50 ... - LIHKG 的相關結果
... 豪花15萬睇姜濤出show 來回搭電梯50次為見一面姜糖:佢令我哋搵番青春! ... Viutv 個節目調教你男友入邊有個男仔叫JeffreyNgai靚仔過姜濤勁多。 ... <看更多>
佢令我哋搵番青春 在 【35+粉絲團】豪花15萬睇姜濤出show 來回搭電梯50次為見 ... 的相關結果
【35+粉絲團】豪花15萬睇姜濤出show 來回搭電梯50次為見一面姜糖:佢令我哋搵番青春! 蘋果日報2020/06/15 14:19. 娛樂粉絲中女全民造星姜濤姜糖 ... ... <看更多>