#婊揚好人好事
FODAL Supermarket 食全超市 大戰 娘娘 Sonia Travel Journeys Round 1!!!!!
早前娘娘出過一個post講食全超市的奴工問題，結果收到食全超市的千字文反擊！我想講嘅係呢... 好惡啊，人妻先生都有轉載過，真係巧京京，會唔會我都收律師信架？ 🥺🥺🥺
既然佢咁把炮寫千字文，我咪入去睇下囉，點知原來話所謂人工低係請人做Apprentice (學徒），咁學徒嘅最低工資係幾多呢？£4.30 ... 咁當然佢都有話自己俾多過最低工資嘅，我當（我估架ja)你俾夠£6，法定工時每星期最高40個鐘，一個月有四星期多啲啲：6*40*4=£960... 我間「死過人」嘅百年舊屋都月租£1300啦，做成個月交左租然後唔駛食進行光合作用是吧？我唔講呢樣野會唔會俾雷劈，最正嘅係仲要咁大義凜然皇恩好蕩。
不是黑心同佛心僱主都係好個人觀感，公道自在人心，寶寶怕收律師信，寶寶不敢說哦～
咁... 大家講法律，就法律吧！
首先，食全自己講係請人做學徒，咁根據截圖中嘅政府要求呢... 係要簽agreement嘅。但食全真係唔止食全，仲要食到盡一盡，連合同都食埋，即係無依照法律要求提供合約，唔係我講架，佢自己鬼拍後尾枕在截圖三自己講出黎架 😂😂😂 「唔出合約俾學徒就係少或者未幫人打過工」呢點我唔清楚，但做老闆做到基礎勞工法列都錯晒，應該經常都做開老闆，啲生意開完又好快俾政府告到執，所以成日有新老闆做 😂😂😂
另外呢... 學徒唔同試工架老闆，學徒點解會平一截，係因為老闆需要提供在受僱期間20%的受薪訓練，我想問下：貴公司有沒有辦法提供一個training plan出黎？有沒有招募導師培訓學徒？按道理說，一個月返160個鐘，你需要提供160*20%= 32小時的最低培訓時間。我真係想知道一間超市仔有咩野複雜到需要每個月32小時的培訓？Well... 不過人地係佛心公司，可能真係會提供足足32小時的訓練呢？
無呀，路見不平，拔刀相助，香港人幫香港人，我都係幫手問一下貴公司的員工合約同埋培訓。睇完你地篇文章，我真係覺得你地好偉大，肯俾個機會香港人，好彩有你地教育一下佢地，否則個個移民去英國都以為自己「有手有腳餓唔死」、「大家互相幫助」，謝謝你讓大家知道世界係幾咁醜惡（I mean娘娘竟然誹謗你地呢啲良心企業，我真係好嬲好心痛）。我打算搞個1分鐘移民清醒班，未知貴公司老闆是否願意擔任導師？不過我覺得你未夠經驗，所以想請你做學徒，我無你咁佛心所以我只會俾最低嘅£4.30，不過都同你一樣係唔會簽約，唔知o唔ok呢？
食全千字奇文共賞：
https://www.facebook.com/321265441828098/posts/822476508373653/?d=n
#原告變被告
#呢件事真係好大陸
#利申我絕對唔支持娘娘
#佢係放負五毛打手
#嚇到香港人唔敢黎做學徒
#月入四捨五入有一千鎊明明係荀工
#搞到我都好想去做學徒
#好想知道一個月32小時嘅培訓會係咩
#係囉超市有咁多野教咩
#好期待又好緊張
#學徒就是學完也徒勞的意思
#有錢搵律師無錢俾高啲人工也是挺妙的
佢係放負五毛打手 在 港英飛機車大砲- 『人哋分享吓睇樓嘅經歷有咩問題 - Facebook 的推薦與評價
『佢只係個人意見，你哋啲五毛打手放負正人渣。 ... 會害到人#總之免費分享資料唔需要負上任何責任#一落地就識睇樓的確係叻#好靚喎間隔唔錯好值得買. ... <看更多>