【月球上的人 VS 月球下的人】
排完戲立即行過隔離街去到另一個劇團排練室同蘇B一齊做「生活日常」live。(佢拒絕喺我公司做live,原因係我公司有佢個樣嘅海報)一見到呢個識咗十幾年但係無認真傾過偈嘅朋友,嚇死我,點解我哋兩個嘅衣著......
.
另一方面,開live前,主持表示好驚對住我會唔覺意喺節目爆粗......well......我覺得佢擺明針對我......
.
最後我哋無爆粗,只係「尷粗」播咗一隻我唱嘅「月球下的人」同佢作曲嘅「月球上的人」。大家都有少少尷尬,打和。
.
#上個禮拜做雲妮鍾情細蘇先話我做咩同Vani咁襯
#佢係月球上我係月球下
#其實我揀咗十隻歌
#月球下的人舞台劇
同時也有6部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,【做生意 - 寧做第一、莫做更佳】如何定位 positioning? 大家記唔記得,邊個人係第二個踏上月球? 邊個人係中國第二個太空人? 唔記住? 我都唔知。 我只記得美國岩士唐及中國楊利偉係第一人。 Why? 做生意同樣道理。做生意,positioning (定位) 好重要。 好嘅 posi...
佢係月球上我係月球下 在 李根興 Edwin商舖創業及投資分享 Youtube 的最佳解答
【做生意 - 寧做第一、莫做更佳】如何定位 positioning?
大家記唔記得,邊個人係第二個踏上月球? 邊個人係中國第二個太空人? 唔記住? 我都唔知。 我只記得美國岩士唐及中國楊利偉係第一人。
Why? 做生意同樣道理。做生意,positioning (定位) 好重要。 好嘅 positioning,唔單止要比行家做得更好,而是要比行家做到「第一」。
「第一」嘅意思是「第一個」。"Be the first in a category, not just better." 如果你唔係個 category (類別)嘅第一個,就從新定義一個新嘅 category,做到第一個。
後面係我沙咀道新租客「鋿晶館」, 佢點心的確好好味。 短短開業一兩個月,Openrice 就已經好多笑臉,街坊不斷回頭幫襯。
但得罪講句,我覺得從 positioning (定位)角度,係辛苦錢。 因為佢樣樣嘢都好係味啲,啱街坊口味,但冇一樣嘢係「第一個」,因此價錢唔收得貴。 呢番說話我都有同佢講, 佢容許我同你分享。
如果我係佢, 除了好味以外, 我會推出啲香港首創嘅點心經營模式。例如,大大件字係門口寫住:
- 香港首間拳頭咁大個的蝦餃/燒賣店,或者成米長嘅腸粉/油炸鬼店,咁客人打咭放上網都吸引啲,又或者:
- 香港首間只用十分一份量味精 的點心專門店,因為唔用太無味,大家不如做個老實人。又或者:
- 香港首間立食嘅點心店,5分鐘上菜承諾,廿分鐘內埋單九折。收平啲,但用料更靚, 翻枱速度可以加快好多。
.... Whatever it is, 可能你覺得以上好白痴,總之 my point is 唔單只要做更好,而是要做行內重新定義 New Category 的第一個,咁傳媒報導嘅吸引力,網上打咭,人哋記得你及慕名而來嘅機會率都大好多。
老實說,如果我只係一個普通商舖投資,即使我投資回報高過人,你唔會識我, 我身家仲要差大地產發展商十九條街。 但我,李根興,係香港首間證監會持牌嘅商舖基金創辦人,你一定記得。個個傳媒都搵我,行過條街好多人都認得我,點解? 因為我開咗個新地產 category 叫「商舖基金」,一開咗,我永遠都係你哋心中的第一個, 無人能夠代替。 但投資回報好啲或者點心整得好味啲, 聽日馬上可能有人叻過我。
你做生意都要記住,唔單止要比行家做得更好,而是要比行家創造一個新的 category 做到「第一個」,咁人哋呢世都記得你。 記得就自然會特登會嚟幫襯你,到時價錢就自然可以收貴啲。
無人會記得邊個係第二個上月球或者中國第二個太空人。
點都好,佢兩公婆好有心做,你有時間就來試下佢哋巧手點心啦! 起碼係「平靚正」過人! ?
鋿晶館嘅阿正、Janice 加油!
#鋿晶館 (點心/燉湯專門店)
網址: https://s.openrice.com/QrbS0dgCA00~uCaz-Ag
地址: 荃灣沙咀道130號地舖
電話: 23828292
#生意定位
佢係月球上我係月球下 在 巴打台 Youtube 的最讚貼文
外星系主任 04 - 小灰人 [廣東話]
https://youtu.be/6bS39NOuvGw
請各網友支持, 課金巴打台
(過數後請標明所支持的節目或主持, 把入數收據WhatApps 至 : 94515353 )
- 恒生 348 351289 882
- 中銀 012 885 1 086914 9
( 戶口名: Leung Wai in Tammy)
- 轉數快FPS 3204757
- PayMe 94515353
- Paypal : tammyleung96@yahoo.com.hk
巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
----------------------
Hello, 大家好, 我係你地嘅外星系主任, 今堂我地嘅講題係
小灰人喺外星人研究學中亦叫羅斯威爾外星人,首次目擊報告系1961年9月19日,亦系一種外星人或外星生命嘅通稱,特別系喺飛碟相關事件同超常理事件中。雖然有人自稱見到各種唔同外星人,但系小灰人依然舉足輕重佔有75%美國目擊報告,20%嘅歐洲大陸目擊報告,12%英國目擊報告。
典型嘅小灰人描述系120cm(4呎)高或超過五呎高,有灰色 藍灰/綠灰/紅灰)皮膚,身體細小,冇大塊肌肉,腳短,步伐唔敏捷,手長及膝,有6隻手指。球狀冇頭髮嘅頭, 由細嘅頸部支撐,頭嘅比例好大,(黑色)大眼睛,扁平鼻哥,細嘅嘴冇外耳。喺好多案例,鼻窿亦有似系垂直兩條裂口狀嘅。
有時話佢地系著住灰色緊身衣制服。亦有人話系赤裸。而唔理系衣服或赤裸都無法分辨性別,都睇唔到外生殖器。
雖然唔同嘅媒體上有各種小灰人角色出現,但系大體概念上都系小身體嘅大頭人物, 有大眼,小臉;本形像已經喺流行文化存喺超過100年。類似小灰人嘅概念也喺多個科幻小說登場,包括H·G·威爾士系列小說,其中1901年《月球上最早嘅人類》將整個月亮設有居所,外星人設定系頭無鼻,眼睛出現凸塊,步姿古怪。這個概念喺漫畫及科幻雜誌上出現,當中包括David H. Keller作品《The Conquerors》。
960年代,灰人開始喺小說中流行,如杜立巴族等虛擬外星生命,但系1965 發生了改變因為Boston Traveler出版了他自稱為真實古仔嘅書Betty and Barney Hill. 據說古仔來自他被催眠後嘅吐實回憶, 並由Benjamin Simon醫生紀錄了一年催眠治療, 它描述一個薄烤餅型太空船降落喺山丘上並下來了一些無毛無耳大眼嘅外星人.
流行文化開始越來越多地將小灰人與許多軍工複合體和新世界秩序陰謀論聯繫起來,一個眾所周知嘅高峰系福克斯電視台連續劇“X檔案”,於1993年首播。它結合了尋揾灰色外星人存喺嘅證據以及一些唔明飛行物陰謀論將其陷班雜燴般嘅串接編排起來,還有1996年首播嘅Dark Skies擴展了MJ-12組織嘅陰謀,之後Stargate SG- 1星門計劃嘅連續劇把更多科幻成分融入,並把小灰人描述成宇宙正義力量,到了戲劇末期幾乎成了星際大戰嘅古仔。
搞笑動畫南方公園中小灰人以兩集嘉賓方式出現,擔任一種諷刺角色,1995年一個輿論高峰系電影製片人雷桑蒂利聲稱已獲得了22張16毫米膠卷,這張膠片描繪了一個“真正嘅”灰人屍檢,據說系從1947年新墨西哥州羅斯威爾事件中發現嘅,之後美軍紀錄屍檢影片。引起軒然大波,然而喺2006年他自己承認影片系流嘅,但又堅稱真實影片存喺他並睇過,此假影片系他憑記憶盡量還原真實原片嘅重拍品。後來這一事件成為2006年英國喜劇電影Alien Autopsy嘅主題,嘲諷外星狂熱者可以隨意被一個騙子耍十年
今堂我地暫時講完, 多謝各位同學咁專心聽書, 喜歡我地課堂嘅朋友, 請,讚好, 同埋分享, 最緊要訂閱我地頻道, 要按埋旁邊個鐘仔,我地一有新影片, 各位就可以第一時間知道, 好啦, good bye class!
佢係月球上我係月球下 在 李根興 Edwin商舖創業及投資分享 Youtube 的最佳解答
《傳統三大智慧》這次賣書《李根興的生意哲學》對你做生意的啟示
希望你唔好覺得我好「吋」,在玩嘢...! 我只想真心同你分享我的思維。
中國人有什麼傳統三大智慧,在這次賣書過程都好有用?
想預訂我親筆簽名的新書《李根興的生意哲學》,可以whatsapp我(+852) 90361143。
內容包括(1) 創業勵志故事,(2) 生意理論,(3) 商舖知識,(4) 創業隨筆。三百多頁,定價HK$198,2020年第二季出版。
P.S. 我只whatsapp 回覆至新書No. 854,其他會未來一兩日內會回覆。俾我一家人放下假先?
#賣書的傳統三大智慧
。。。。。。。。。。。。。。。。。
錄影日期2020年1月30日星期四 at Lake Tahoe
全文內容:
首先希望大家在香港保重,身體健康。 我而家嚟咗Lake Tahoe 呢度同外母一家人趁農曆新年滑雪,到處走走。
嚟緊第二季我會出本書叫做【李根興的生意哲學】, 內容包括好多勵志故事,生意理論,商舖知識同埋創業隨筆。基本上就係我過去18年創業的經驗同理論炒埋一碟。 我爸爸,亦都係我偶像,會幫我寫個「序」,總括佢1973年大陸落嚟香港兩手空空對我嘅創業忠告。 我三個女幫我用手畫緊個封面, 唔知係乜,佢哋話事,可能係個月球,可能係隻烏龜,whatever they think it's right. 到時你睇到。我仲已經搵咗多位商界名人,每人幫我寫三至五個創業原則同謬誤。全書約三四百頁。2020年第二季出街。定價港幣$198。
本來我都冇諗過突然賣書, 只係飛嚟嘅時候冇嘢做繼續要proof-read 本書,機上 wifi 有人問我幾時可以預訂,我畀咗個whatsapp number,就馬上收到好多order,兩三日內就賣了過千本。I have lost count, 未有時間數。So far 千四五左右掛。我唔係靠賣書搵食,not sure .....
我目的唔係想show off,反而係賣書過程入面有啲中國人嘅傳統智慧對我有三大啟發, 肺炎疫情總會過去, 可能到時對你做生意都有幫助。
(1) 「物以罕為貴」。
Whatever you sell, try to make it limited edition (限量版). 普通一本書印十萬本都得,但如果十萬本都一模一樣,就唔珍貴。 我自己頭嗰1000本就講到明有編號, 蓋章,簽名,加個人化的message,一千本之後就無 number 。
你做間茶餐廳都係一樣,每日都要推出啲特別限量餐,要講到明限幾多份,不斷update 剩幾多,咁人客先會覺得緊張,好嘢才爭住買。 亦都因為咁,你有冇留意到airlines網上嗰啲訂位,永遠都係得 few seats left for this price,幾個坐位剩,之後可能都只係加幾十蚊又有位啦, 但啲人客見到 few seats left for this price 就緊張好多,馬上訂位。
(2) 「瘦田冇人耕,耕開有人爭!」
之前啲人訂書,都係一本一本咁訂,whatsapp 覆到我手軟。 後來啲人就馬上平均訂書數目飆升咗兩三倍,點解? 因為我加咗句,限量每人五本,再後來改做每人限三本。 咁啲人可能覺得:「嘩,限三本,咁梗係好嘢!」,馬上個個都訂兩三本。 馬上賣得好快。
記唔記得我同你講過, 美國人好鍾意飲金寶湯。 超級市場想賣多啲金寶湯嘅方法唔單止係減價,根據1998年美國 Journal of Marketing Research 三位教授研究咗86間超級市場指出,佢哋發現如果純粹減價,由每罐美金89仙減至79仙, 平均每個人會買3.3罐。 行過買嘅機會率係7%。但如果擺個sign 喺度 Limit 12 Cans per Person, 每人限買12罐, 咁啲人睇到 limit 12罐,一定係好嘢啦, 個個係咁買,咁樣平均每人買就會由3.3罐提升至7罐。 行過買嘅機會率亦都會由7%提升至9%。 咁.... 總生意額就可以升咗165%。
你盤生意, 又有冇咩係可以唔單止限總數,仲要每人限量呢? 每人限食兩個特色漢堡包? 每人限飲三杯特色 milshake? 「瘦田冇人耕,耕開有人爭!」,中國人幾千年嘅智慧有佢嘅道理。
(3) 「小財唔出,大財唔入」
有冇留意到,我話部分靚嘅number我會出錢以倍數價錢回購。我回購咗1,2,10,18,111等,仲有其他我出咗錢,買家唔肯賣俾我。
It's not about money! 我做咗個 test, 當我話用作慈善用途,個個都賣比我,但如果我話我自己日後可賣貴啲,就個個都唔肯俾我。Why?
根據哈佛行為經濟學教授 Francesca Gino,呢個叫 Endowment Effect (禀赋效應)。人無嘅時候,就唔介意繼續無。但一擁有咗,就唔想無。 除非知道係畀另一個人,比佢更加差,能夠令佢好返少少,咁佢又唔介意再無喎。 即係等於做慈善,個個都ok,接受我個價。
但如果要令到佢由有變無,目的係令到另一個人更加好,比自己仲好的話,佢又唔制喎。 因此我話我想回購再賣高啲價,個個都唔肯賣畀我。
但賣唔賣畀我,唔重要。最重要嘅係,佢接受咗我嘅價錢,佢開心收到多啲錢,肯定周圍同人講。 即使唔接受, 都已經覺得自己賺咗, 肯定更加珍惜本書, 都係周圍同人講。變相免費 word of mouth marketing (口碑宣傳) 亦都係最有效的marketing. 有限錢,最緊要大家happy.
你做生意都係,「小財唔出,大財唔入!」。 開緊茶餐廳,試下每個碟有個number, 到某個幸運數字嘅時候,就請個人食餐飯。或者同佢講,佢可以選擇免費,捐咗個餐錢去做善事積福。
你食物成本最多幾十蚊,每日送十個、一百個都好呀,有限錢,但肯定 word of mouth 嘅 marketing effect 好大, 餐廳一定大排長龍。 我都會落嚟幫你宣傳送你啲「良心餐」出街。 好過為咗省成本,社運/肺炎,逆市白交租,拍烏蠅。
總之,「物以罕為貴」,「瘦田冇人耕,耕開有人爭」,「小財唔出,大財唔入」, 做茶餐廳,做牙醫,做運輸同樣道理。中國人幾千年的傳統智慧有佢嘅料到。我唔係靠賣書搵食, 都係兩三日單靠facebook 賣千幾本。 對我自己做商舖基金都好大啟發。你呢?
It's a good book,我畢生智慧係晒入面,想有我親筆簽名,whatsapp me at +852 9036 1143。出街時通知你點攞書。如果你 message mark 住以上「三大智慧」其中一個, 我會親筆係本書入面「第四個智慧」特登 Blank 咗嗰頁寫埋畀你 ? 其他人無㗎,大家香港保重!
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw