關於 佢哋話我唔喺度佢特別乖 ，我們在網路上蒐集到這些相關的討論、資訊與評價

最近比我個女搞到我陀陀擰，因為佢講嘢叻左好多，所以駁嘴亦都多咗好多。最近亦都每日帶佢翻學，七點起身之後成日就好似冇停過咁，個人都比較攰。

佢喺學校亦都仲係好黐身，我完全走唔甩。不過呢個都唔係頭痛嘅地方，考驗我嘅地方係佢係學校有時會對老師冇禮貌，亦都會搶其他小朋友玩具。而我自己個人採用嘅管教方式，係唔會打唔會鬧亦都唔會呼喝。我會用我最大嘅耐性去了解點解佢有呢一個負面嘅情緒同埋行為，慢慢氹佢自願還玩具比同學。我相信如果我係佢手上搶番個玩具還俾人，咁我嘅行為都同佢一樣，佢唔會係我身上學到好嘅嘢，得到一個好榜樣。

我呢一種管教方法可能俾人覺得係太過林善，甚至乎仲寵壞個女，不過我亦都相信呢一種方法先係得到最長遠嘅正面效益。

其實管教子女真係要無比嘅耐性。如果你同我一樣，都係用呢種管教方法嘅話，你就會知道每次同佢講道理都要用好長嘅時間，佢都未必即刻明，你亦都睇唔到即時嘅效果，或者阻止到佢當時嘅壞行為。

最近我嘅耐性就真係受到挑戰。可能始終都係大肚婆，情緒容易波動，會有挫敗感。好在老公成日都係我身邊支持我，叫我放鬆啲。謝謝老公，亦都多謝老師們對我個囡嘅包容。

如果大家對正面管教有興趣嘅話，可以到以下幾條link重溫我之前錄影過嘅video。

positive discipline part 1
https://youtu.be/VZU90roYIAM

positive discipline part 2
https://youtu.be/2ljdMJ6YBdA

Positive discipline part 3
https://youtu.be/tFpSoFiewz0

#positivediscipline
#正面管教
#不過唔係個個都buy我呢一套方式
#我身邊啲人都有話過我個女蝦我
#佢哋話我唔喺度佢特別乖
#不過我覺得冇話邊個方式對或錯
#只係邊一個管教方式最適合自己
#咁多位爸爸媽媽加油
#mamacollege
#30weekspregnant

齊齊地為床 天為被—序章—
今年想行富士山有兩個理由 ❶ 想係35歲之前，自己身體仍然冇病痛做自己想做嘅嘢 ❷ 浸淫喺日本文化成長下嘅80後，想更加深入了解呢座世界文化遺產活火山——富士山??????
嚟咗日本之後發覺自己想做嘅嘢多咗好多，而且日本比香港地大物博，接觸到嘅新事物機會同樣較多，資源分配亦唔會一面倒只係傾向大陸人?早係三月嘅時候丫仁已經開始徵召各路嘅勇士陪同征山，結果成功爭取組成一行七人，集勇氣、毅力同經驗於一身嘅「活力爆棚童顏組」齊齊向富士山出發??????隊中有香港行山經驗嘅同學、亦有曾經上過富士山嘅朋友、仲有喺歐洲行山經驗老手??陣容咁強勁，又點會有問題呢？
出發前一星期緊張到不得了，但由於裝備要係出發前一日先送到黎，所以只能夠放到屋企嘅一角等入袋??‍♂️係「そらのした」上網租咗一set7樣用品，有齊登山嘅必需品例如大容量背囊、爬山厚底鞋、二刀流行山杖、防風褸及褲、頭燈同補暖外套，寄到去屋企都只不過係13,400円?佢個網頁有齊中英對照，唔識日文都唔使擔心！你可以選擇送到去酒店，再經任何一間便利店寄番件回去亦得，得咗?完全方便觀光客兩手fingfing 就去爬山（來回運費都只不過¥1000?，抵俾）咁我一早就可以輕鬆着住成套裝備出發，唔使係五合目換衫慳返唔少時間???? 點解租？因為如果我今次成功制霸富士山頂的話，應該唔會再有第二次上山吧，說到底丫仁都唔係outdoor型?
放工之後即刻返屋企執行李，又要拍片影相等等都真係異常忙???越執就越覺得有好多野甩漏，兩點仍然仲處理緊上山嘅瑣碎事，無奈又要五點起身，只好乖乖地唞一唞補一補眠就起身出發！

我哋始終都係第一次行富士山嘅新手初哥，選擇咗難度最低但相當費時嘅吉田徑行！我哋喺新宿集合再搭京王電鐵到河口湖轉巴士，車程約兩個半鐘¥2100左右一程！搭巴士亦要買兩日券¥2200/人???計埋裝備，登一次山其實同滑雪差唔多價錢?
一個鐘頭嘅巴士車程車到我哋去最近嘅山口五合目！！合目（ごうめ）係等於check point / station 識別。
❶ 五合目
❷ 六合目
❸ 七合目 （距離最長嘅路程）
❹ 八合目
❺ 本八合目
❻ 八本五勺（人稱8.5合目）
❼ 九合目（最懸崖峭壁嘅難位）
❽ 山頂
共8個check points?而大部份嘅山小屋（やまごや）都位於七同八合目。因為正直行山旺季，早係五月嘅時候想開始電話預約小屋都打唔通。原本想選擇距離山頂近啲嘅人氣山小屋——御來光館，用盡方法都做唔到登記，大概星期六日嘅空位應該爆曬????退而求其次，我哋揀咗喺八合目元祖室，但願有一餐飽飯來暖暖個胃。
上到五合目已經有成海拔2200米左右，而且溫度由河口湖嘅33度驟降到最適合人類生存嘅溫度，超爽YY嘅15度左右??????受氣壓影響，朋友帶來嘅平時薯片、濕紙巾密封包裝都已經脹過醬爆??我哋要等身體適應高海拔，所以我哋要係五合目休息至少30分鐘先可以出發。五合目個大空地前見盡人生百態，有人做熱身拉筋、有人買糧食衝刺；有人去神社參拜保平安，亦有人寄明信片；丫仁當然要去買一支必買留念佳品——金剛棒，於每個check point到印一個特別嘅燒印，證明自己有到過呢個地方??????
金剛棒有長有短，任君選擇。有人買長嘅當行山杖，短的就當紀念，價錢有¥600到¥1500不等。我哋做完熱身，搽好防曬就圍埋一齊柴娃娃叫口號：「がんばるぞーAAO?」
2018年7月21日12:45為我地登上日本之巔，展開一生難忘嘅登山旅程?????????

ps：應該會係第一次打內容同多啦A夢大長篇差不多嘅遊記

第1章：
https://www.facebook.com/WHJP2015/posts/2612960658930090
第2章：
https://www.facebook.com/WHJP2015/posts/2619351031624386
第3章：
https://www.facebook.com/WHJP2015/posts/2627141754178647
第4章：
https://www.facebook.com/WHJP2015/posts/2635127250046764

懇請大家陪住【丫仁】成長，緊貼我最新動態 ♫
分享在日期間的生活，點滴累積成長！

【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！