又到左 #雷囡媽媽好書推介 x #雷小囡說故事 時間。
好似好耐都冇同大家分享呢個話題。話說喺佢21個月大嘅時候已經開始鐘意講故事。
（舊片重溫 https://bit.ly/2HJKmaz 睇一次笑一次）
佢每次聽完我講故事佢都會學人講返出嚟！
但每次都改晒內容，又爆肚,又一開波講左結局先，
真係俾佢笑死。 但我知其實佢已經盡左力㗎喇！
畢竟啲故事都咁長，要記又真係唔容易！
最近又俾我搵到本好正嘅圖書。 #我會自己說故事
好適合2-5歲嘅小朋友睇。每一頁都有3-4格圖畫。
得標題有文字，其餘都係簡單易明嘅圖畫，
俾小朋無限嘅想象同發揮空間。媽咪可以以引導方式，
同佢一齊創作故事。雷小囡聽左一次就可以講返個故事出嚟喇！
當然唔係講得太通順啦！但對未夠2歲半嘅佢，我收貨㗎喇！🤣🤣
開頭我都有啲擔心，冇文字我會唔會教錯意思誤人子弟㗎？ 好彩原來後面有貓紙。有故事導讀俾我地參考。咁就唔洗驚啦！
呢本真係好啱小朋友睇，睇得多對第時作文真係好有幫助。而且我仲用嚟幫家姐溫英文考試
（你冇睇錯我冇打錯，係英文！）點解？
小學英文考試作文都係用4格漫畫，邊度得嚟搵咁多俾佢吖，隨手打開一頁叫佢簡單講出嚟咪得囉！
中文說話評估都好啱用㗎！一分鐘講晒個故仔出嚟！溫書咪咁簡單囉！ 🤣🤣 #懶媽教囡法 ，
我呢個 #怪獸家長 點會放過任何一個溫書嘅機會呢？本書好抵㗎！廿幾蚊咋！等我買多幾本慢慢玩！
呢套書係 #蘋果樹圖書 ，佢地好多書都好正，
我仲準備左另一本俾雷大囡，又係好鐘意！
如果大家有興趣想知我有咩心水書俾7-10歲小朋友，話我知，
我再同大家分享!
想買可以去呢度：
https://www.facebook.com/448218155225540/posts/2186861994694472?sfns=mo
蘋果樹圖書 Apple Tree Books
#蘋果書圖書AppleTreeBooks
#傻b說故事 #雷小囡說故事 #大象的腰帶
#雷小囡日常 #傻b日常
#佢話自己係傻豬豬唔係傻b🤣
