話說，尋晚約咗男友今日12點半觀塘等，熟知佢會遲到，我建議不如12點啦。然後我今日11點半先出門口，希望有人等返我轉頭，點知12點10分佢打俾我話出緊門口，話自己好快10分鐘就到，心諗，你ironman飛過嚟咩。
嬲咗。
嚴格嚟講，我係遲到，但都仲早過佢，佢嚟到果陣都依依哦哦作法咗一輪先至平息返，佢讚我聰明呀明知佢會遲，仲話唔想令我失望先至遲到，唔知點解嬲人真係好攰。我以為自己已經無嬲，點知頭先搭巴士，佢見有人咳，突然喺個袋度拎咗個口罩出嚟俾我。
喺呢一刻我先知道，我無嬲了。
#佢買咗新銀包俾我我都未嬲完
#本身係嬲遲到
#後尾係嬲佢兜
#佢仲要話自己唔想我失望先至遲
#遲到其實道歉就得
#一個口罩了解到佢份人
#真係好細心 #好體貼
#其實應該戴口罩嘅係狂咳果個人
#傳染病嘅幕後黑手
