關於 來自星星的你粵語 ，我們在網路上蒐集到這些相關的討論、資訊與評價

來自星星的猩猩（下）

上集：http://bit.do/fs6Jh
　　
好多國家都感受到我國嘅威脅，紛紛幫助A國，攻擊我國。

但防護罩嘅功能非常強大，除咗核武之外，好多高科技武器都可以抵擋，無為我國造成太大傷害。

我國反擊，同時用某啲外星武器，換取同盟國嘅支持......第三次世界大戰正式開始。

擁有絕對防禦嘅我哋，本來應該立於不敗之地，
但無幾耐，C國嘅新型核彈，攻破咗我哋一個城市嘅防護罩，直接摧毀該城市。
　　

舉國震驚，之前話，呢種防護罩最少比地球現有科技超前五十年，點解會被攻破？

據講，嗰隻新型核彈，可能比現有科技超前一百年，C國無理由做到！

我哋即刻去搵猩猩，問佢防護罩會失效。

猩猩睇一睇新型核彈嘅情況，即刻疾筆奮書，寫低更強嘅防護罩研製方法，保證可以防到新型核彈。
　　

最強之矛攻最強之盾？我忍唔住問：「咁如果C國再研製出更更強嘅核彈呢？」

猩猩好嬲，喺紙上寫：「無可能，馬騮仔一向都唔夠我叻，佢唔會贏到我㗎。」

「邊個係馬騮仔？」我唔係好明

「朋友、對手。」猩猩答得簡潔。

外星猩猩嘅朋友，即係另一隻外星生物？
C國可以研製出咁強勁嘅核彈，背後果然有外星生物嘅幫助。

但問題係，猩猩點知道C國有佢朋友馬騮仔嘅幫助？
　　

我接二連三咁問，猩猩就講出真相。

原來，猩猩所在嘅星球，科技水平非常高。

而猩猩同馬騮仔都鍾意研究武器，就聚埋一班朋友，一齊討論交流。

佢哋個個都覺得自己研發嘅武器更犀利，但係武器嘅殺傷力太大，外星政府根本唔容許佢哋進行大型比併。
　　

所以，佢哋決定去其他星球搞Battle，大家分別去唔同國家，提供武器資料。

國家武裝實力增強，自然想謀取更多利益，戰爭就會挑起，佢哋就可以實驗邊個研發嘅武器係最強大。

猩猩同馬騮仔嚟咗地球，猩猩話，之後可能會有更多「參賽者」加入地球嘅大戰，
當然係加入其他國家，根據佢哋嘅比賽規則，每個國家只可以有一個參賽者。
　　

我勃然大怒，佢哋居然為咗意氣之爭，害死千萬地球人。

我咬牙切齒：「你點解會講出嚟？你依加仲喺我哋手上，你以為地球人唔會殺你？」

我將佢寫嘅嘢全部上報，申請處決呢隻邪惡嘅猩猩。

申請迅速被駁回，政府仲派咗更多保鏢，專責保護猩猩嘅安全。
　　

而且，猩猩嘅需求，只要係我國能力範圍內嘅，都要滿足。

「聽講地球啲雪茄唔錯，我仲想食雪茄。」

「黑超都幾型喎，整副畀我戴。」

「近來壓力太大，我需要刺激。我想要女......唔係女人，係女猩猩。」
　　

因為，第三次世界大戰已經展開，血與火嘅仇恨，唔係講一句「唔打啦」就可以了事。

如果無咗猩猩，無佢提供更強大嘅武器科技，而其他國家有外星生物作為後盾，可以想像，我哋國家會一敗塗地。

於是，呢隻猩猩好逍遙咁攬住雌性猩猩、戴住黑超、食住雪茄，
一路指導我哋研發武器，一路睇住峰火連天嘅畫面，感慨武器嘅強大。
　　

我唔知道，佢哋呢場Battle幾時會完，亦唔知地球會為呢場Battle死幾多人。

但我有時會諗，點解一開始，大家會相信「兩隻香蕉可以換到核武器護罩」？

因為猩猩生得似地球嘅猩猩，表現得呆呆傻傻，我哋以為人哋蠢，以為有便宜可佔。
　　

殊不知，世上其實無咁多「著數」。

所有命運嘅禮物，都一定有價格，不過有啲禮物明碼實價，有啲係分期付款；

仲有啲禮物係「先到貨後付款」，你以為唔駛錢，往往利息最高昂。
　　
－完－
　　
將專頁設定為「搶先看」/ "See first"，最新故仔馬上睇！
　　
新書《寓言地府動物園》已經出版了，現正發售中，
詳情可點擊這裡：http://bit.do/e37JG
你的支持是我最大的動力！
　　
#短故 #短篇 #小說 #陳美濤 #廣東話 #粵語 #tomatochan #來自星星的猩猩

來自星星的猩猩（上）
　　
見到呢隻猩猩，我知道，我嘅人生即將有突破。

尋日，政府喺郊野度發現咗隻飛碟，飛碟嘅科技遠超地球嘅水平，當然即刻被運去研究。

飛碟內只有一隻貌似猩猩嘅生物，作為動物學家，我被任命為「星星猩猩研究組」嘅組長，負責研究呢隻猩猩嘅狀況。
　　

第一個正式研究外星生物嘅動物學家！諗吓都令我熱血沸騰。

我直情搬去研究所，日以繼夜咁對住隻猩猩，希望儘快得到成果。

測試完基本生理狀況後，就開始測試佢嘅智商。

佢嘅智商出乎意料地高，我哋好快就教識佢寫字，可以好似人類咁溝通，不愧係外星猩猩。
　　

我問佢：「你喺邊度嚟㗎？」

猩猩寫咗一個名，我當然睇唔明，可能係佢個星球嘅名掛。

我又問佢嚟做乜，佢寫咗個單詞「開心」。

嚟地球開心？有幾開心？我繼續同佢用紙筆傾計，教佢哋球人嘅用字。
　　

我本來以為，我哋會咁樣相處一段時間，我就出番篇論文，講外星猩猩嘅特性。

根據政府安排，猩猩寫嘅所有嘢，都要交畀政府留底。

有時猩猩寫一堆亂七八糟嘅字母同符號，我都睇唔明，只係照交上去。
　　

點知，無幾耐，總統居然出現喺研究所！

據講，猩猩喺其中幾張紙裡，寫咗一種武器嘅研製方法，
嗰種武器嘅科技水平至少超前五十年，應該係外星人用嘅武器。

如果我哋掌握更多高科技武器，就有更多嘅國際話語權。

所以，總統專登嚟觀察隻猩猩，將猩猩嘅存在列為國家機密，嘉許我嘅努力，
並且畀我一個重要嘅任務：喺猩猩身上發掘更多武器嘅科技。
　　

我呆咗：「佢......佢係一隻猩猩啊，佢點會識乜嘢科技？」

「佢來自外星，可能偷睇咗外星人嘅科技呢。」
總統答：「原因唔重要，總之依加嘅情況，就係猩猩掌握咗重要嘅科技。」

雖然大家都充滿希望，但我都係無乜信心，從一隻猩猩身上學整武器喎，始終覺得有啲荒謬。
　　

死馬當作活馬醫，我只好問：「有無犀利嘅武器？」

猩猩寫：「香蕉。」

我遞咗兩條蕉畀佢，跟住佢就埋頭苦幹，寫咗一堆嘢出嚟。

我當然唔識睇，交畀軍事專業分析，發現佢寫嘅，係核武器防護罩嘅研製方法。

顧名思義，就好似科幻片咁，受到攻擊時，會出現一個透明光幕，
其實係能量場，喺短時間內吸收大量能量，擋住核武嘅衝擊波、光輻射、放射性塵埃等等。
　　

軍事專家們熱血沸騰，迅速調動大部份資源展開研究，證實核武器防護罩確實有效。

本來，各國都唔會動用核武，係因為核武破壞力強而且難以防禦，用核武必然導致核反擊，於是同歸於盡。

依加，我哋有咗防衛核武嘅可靠方法，咪即係話我哋可以用核武，而又唔怕其他國家嘅核反擊？

政府中嘅主戰派極度興奮，聲稱我哋唔駛再同敵國談判，為咗一丁點嘅利益殫精竭慮，我哋可以直接開戰！

主戰派強調，暴力唔可以解決問題，但絕對嘅暴力，可以消滅帶來問題嘅人。
　　

我覺得有啲唔妥，雖然我一向同動物打交道，對軍事科技一竅不通，

但純以邏輯思考，咁勁嘅核武器防護罩，用兩條蕉就換到，係咪唔太合理呢？

我表達出我嘅諗法，但所有人都同我講：「嗰隻只係猩猩啫，猩猩邊度識『抵唔抵』吖，畀條蕉就咩都講晒，有幾奇？」

總統仲直接回覆我，叫我唔好諗咁多，
我唯一嘅任務，就係繼續努力，喺猩猩身上掘出更多武器嘅資料。
　　

事情一步步發展，政府竭盡全力，將核武器防護罩安裝好。

然後，我國喺國際對話中姿態強硬，屢屢以核武作威脅，其他國家當然不以為然。

無幾耐，我國動用核武，毀滅咗長年敵對嘅A國嘅一個城市。

各國都譴責我國，A國迅速以核武反擊，但眾目睽睽下，戰無不勝嘅核武，被防護罩擋住，消弭於無形。
　　

總統好開心，主戰派好開心，似乎我哋成為地球上最強嘅國家，指日可待。

至於我嘅工作，係繼續對住隻猩猩。

我將啲片播畀猩猩睇：「你寫出嚟嘅防護罩，真係好勁喎。」

猩猩手舞足蹈，好開心好自豪咁樣。

「你有無其他武器嘅研製方法啊？依加開戰啦，寫出嚟，幫吓我哋國家啦。」我遞咗兩條蕉畀佢。

猩猩一路食蕉，又寫咗幾種外星武器嘅研製方法。
　　
下集：http://bit.do/fs83Q
　　
將專頁設定為「搶先看」/ "See first"，最新故仔馬上睇！
　　
拯救咗地球，之後呢？：https://goo.gl/EVhESA
我嘅職業係：白狐俠：http://bit.do/eJkZ4
　　
#短故 #短篇 #小說 #陳美濤 #廣東話 #粵語 #tomatochan #來自星星的猩猩

[#台港論國關] 軟實力是國家影響力非常重要的一部分

洞見短評：台灣人經常自嘲的就是外國人總是把台灣聽成泰國，這反映了台灣對外軟實力輸出不足。昔日台灣曾培養大批最優秀的中文歌手和藝人、今天周子瑜或其他藝人必須跑到韓國或中國發展。雖然大時代是一個因素，但卻不能是個理由，這其中也牽涉了政府政策跟國內產業結構的多重問題。

台灣這麼多人看韓劇，但有沒有看出韓劇的競爭力並吸取其中的長處，則是值得思考的問題。

比如說今天英國歌手或藝人儘管許多都會自然地將美國市場作為重點，但英國本地市場也一樣蓬勃發展，許多在英國成名的到美國便比較順利，台灣歌手曾經也是走這種模式。這其中政府政策跟產業結構都佔有很重要的因素。

過去台灣以中國市場為目標，然而今天中國都要學韓國，以國際市場為目標，文化立國來輸出文化改變自身形象，台灣不應持續棄守文化方面，否則外國人永遠會把台灣聽成泰國。如何利用台灣自身軟實力的基底和台灣人的創造力與國際接軌，以及擺脫凡事以中國市場為最終目標的想法，則是我們當下必須思考的問題。

延伸閱讀
CL聽文化：聽見台北捷運的聲音：100天創造「地景音樂」
http://www.insight-post.tw/cl/20150108/11276

[#國際關係會客室] 訪問鍾樂偉：韓軟實力橫掃 中國要拜師

香港的歌曲和電視節目於八九十年代達到頂峰，更輸出到日本、韓國和東南亞國家。然而，香港娛樂節目的水準和產量於九十年代之後急速下滑，現時的發展更加不時為人詬病。時移世易，亞洲娛樂界的龍頭位置已經由韓國頂上。韓國電視節目和電影不但於亞洲各國極受歡迎，還出口到中亞和東歐國家。本專欄請來專門研究韓國文化的鍾樂偉，比較香港跟韓國娛樂界的差異。

鍾樂偉自高中時觀看韓國電影《八月照相館》後就跟韓國結下不解緣，其後又藉《傷心街角戀人》而產生對研究韓國文化的興趣。為了可以進一步了解韓國，鐘樂偉主動學習韓文，當時仍然是韓風未吹起的2001年。入了大學之後，鍾樂偉主修政治學與國際關係，自此正式開始其研究韓國的學術生涯。現時鍾樂偉於中文大學全球研究課程擔任助理講師，主要教授韓國文化和政治。

答：鍾樂偉 (C)
問：沈旭暉 (S)
整理：李志鵬

S： 你在新書中介紹韓國的「土土歌」節目，是電視台重新邀請一班過氣歌手出來表演。而香港的粵語流行曲於八十年代曾經風靡一時，到底香港能否複製「土土歌」的模式？

C： 其實香港一直都有類似的節目，例如「靚聲王」系列，分別只是香港的節目無論在包裝、製作和規模等都未達到韓國的水平。香港的只是每個星期重複地邀請不同的七、八十年代歌手上節目，演唱他們的首本名歌。整個節目的感覺十分單調和「老餅」，根本就無法吸引年輕人收看。相反，韓國的節目製作人卻願意不斷把新元素加入綜藝節目。「土土歌」定期有不同主題，邀請相應歌手。此外，其製作過程比香港的認真得多，舞台設計、服飾打扮等都是仿效八十年代，而香港的只不過是單純地邀請歌手獻唱。相比之下，韓國觀眾自然會對每星期的節目都充滿期待。

S： 背後有什麼原因推動韓國電視台不斷於節目中尋求突破？

C： 最大的原因當然是韓國的電視業生態跟香港不同，當地有很多電視台，當中包括收費和免費的，競爭十分激烈。相反，香港只有一個主流電視台，自然缺乏不斷創新的動機。另外，韓國的節目製作人不但著眼於本土市場，還很希望把節目賣到海外，因此製作時精益求精，以達到出口海外的水平，正如《爸爸！我們去哪裏》、《Running Man》等都出口到中國大陸和香港，而且不少韓劇在海外也大受歡迎。香港的製作人的視野卻大都只局限在本地市場，加上「一台獨大」的背景，令他們不願創新。以上種種因素都令香港的節目無法如韓國般大規模地出口到海外。更甚的是，大部分香港製片人眼中的出口市場只是中國大陸，甚至刻意迎合國內市場，而令作品失去香港特色。如此一來，香港作品就更難出口到外國。

未過分遷就海外市場

S： 韓國製作人有沒有刻意地改變作品風格，以迎合海外市場？還是他們都希望強調韓國本身的特色？

C： 韓國的作品可以分成兩大類，分別是以海外市場和本土市場為目標。在香港和內地十分受歡迎的《來自星星的你》就屬於前者，製作人有意以全智賢等大牌明星於海外吸金。有趣的是，《來自星星的你》在韓國本土的收視率並不是特別高。此外，「土土歌」的觀眾以本土市場為主，嘉賓都是當地藝人；而《Running Man》的製作人則希望把作品出口到海外，因此邀請了不少於海外具知名度的明星。韓國的市場比香港大得多，自然可以同時容納兩套不同的發展模式。

面對龐大的中國市場，韓國製片商亦難免有相關調整。內地的電視台可以出超過100萬元人民幣購買一集韓劇的版權，因此以海外市場為主的韓國節目已經適量地加入中國元素，例如中國人角色，又或是中國品牌的植入式廣告。然而，我認為韓國節目大都可保持其特色，未有過分遷就海外市場。原因是中國觀眾視韓國文化為一種潮流，只要該節目是由韓國拍攝，其收視於內地都有一定保障。

S： 十多年前的香港電視劇也可以出口到中國內地，情況跟現時韓劇在國內橫行的局面相似嗎？

C： 當時的香港電視劇跟現時的韓劇一樣，都被國內民眾視為潮流和現代的象徵。十多年前，當時中國的娛樂事業正處於起步階段，國內缺乏具有星味的明星。國內電視台和電影公司都紛紛邀請香港明星到國內拍攝電視劇和電影，順道帶紅國內演員。時至今日，中國大陸已經有自己的明星，當中不少更加到海外登台演出。單單是培訓明星已經不足，中國亦開始思考如何學習當紅的韓國模式。

眼見位於東北亞的韓國可以大規模地以電視節目向中亞和東歐等地輸出其文化，中國內地的政府和娛樂界漸漸了解到「文化立國」的重要性，他們明白無論拍攝多少《大國崛起》一類紀錄片的效果都不如一套成功的電視劇。因此，他們希望向韓國取經，以改變其他國家對中國的印象。中國的電視節目已經於近年開始模仿韓國的一套，演員也作韓式打扮。

中國政府對韓國以國家主導的軟實力出口模式十分受落，因為不但可以向外輸出其文化，同時可避免民間取得中國軟實力的話語權。中國政府因此不斷出錢購買韓國電視節目的版權，又聘請韓國製片人到中國教授拍攝技巧。

全靠《侏羅紀公園》啟發

S： 為何韓國的軟實力發展可以獨樹一幟？

C： 早於九十年代初，韓國政府就希望以軟實力改變世人對韓國的看法。事關即使韓國於1988年舉辦奧運會，又是亞洲四小龍之一，但外國人對韓國的認知仍是十分皮毛，不少人只認識現今改稱為首爾的漢城，甚至分不清日本跟韓國。韓國人一直都希望於國際上得到應有的地位，卻苦無對策。直到《侏羅紀公園》在1993年於韓國上映，韓國人才意識到原來一套電影不但可以帶來票房收入，更加可以吸引世人目光，其效果比韓國出口千千萬萬輛汽車更強。自此之後，韓國政府就開始資助文化部門和電影復興基金會，又支持漫畫、動畫、藝術等方面的發展。時任韓國總統金大中於1998年更加提出「文化立國」，希望通過流行文化增加世人對韓國的認知。此外，當局十分有遠見，把文化和科技結合，一同向海外輸出，例如LG、Samsung等品牌都得到政府大力支持，並且主動在全國安裝寬頻。可以說，「韓流」的輸出本身就是韓國政府的國策所致。

信報財經新聞 hkej.com 2015年8月15日

#韓流 #軟實力 #鍾樂偉

延伸閱讀：卡塔爾軟實力
https://www.facebook.com/…/a.104508991552…/1139698012731014/

《點講廣東話》系列一直受到一批忠實觀衆收看以及大力支持，真的很感恩。
你們的每一個留言點點都有看到，並且真的有參考各位給的意見。很開心有朋友的幫忙，影片質量提高啦！接下來希望有更多更好的影片分享給大家，點點愛你們！多謝！

楊民翠 Carina Yeung 點點
Facebook:
https://www.facebook.com/DimDimOfficial
Youtube:
http://www.youtube.com/user/carianyeuang
Instagram:
https://instagram.com/dimdim1125/

Special Thanks:

勤豐廣告製作有限公司

宣傳策劃 NIC Media Workshop https://www.facebook.com/nicDesignMedia

拍攝製作： Movon Production https://www.facebook.com/movonproduction

場地贊助：富德拳館

聰師傅：https://www.facebook.com/shifuchung/

字幕製作：明鏡製作社https://www.facebook.com/spiegelproduction