《響》
😈：巴打們……我星期日就要見網友，依家好緊張，求開解
😶：所有關於感情問題，一律建議分手
😎：無相我覺得無野幫到你
🤩：你地即日就簽紙咩？咁緊張！到你結婚個下，咪要心臟病發！
😈：無相啊……我都覺得自己好勇，同一個任何人傾左咁耐，仲當正佢係女朋友……
😎：無相……十個有九個伏！今時今日既科技，點都執到一張靚相啦，如果連相都唔敢比，肯定係執都執唔到既層次，兄弟我只可以送支美極比你，希望你食得開心
🤩：以我ICQ溝女中伏Lv Max，介紹你到時去到附近打電話確認，唔對路既就走人，一邊走一邊Block！記得著波鞋！
😎：唔得唔得，你地幾時見，我要去直播比大家睇，一路拍住你比恐龍追，侏羅紀公園第七集！！
😶：無相，一係好靚，一係好豬，你覺得自己上世係咪拯救過世界先？
😈：我諗……我可以接受到既程度都幾高既……
😎：我記得你對上追個位都幾靚，你係咪係旅行既時候發生過咩事……
😈：呃……的確有樣野可以分享既，我係墨西哥個陣有次行行下街有人係度開槍，然後子彈就係我前面唔夠十步……我記得當時我好冷靜，將個headphone收好，再慢慢退後，好似咩都無發生過咁……如果我當日行得快少少，或者播隻快歌，可能就已經死左
🤩：真人真事？定吹水啊！我唔信囉
😎：睇黎去完旅行，你寫故事既能力提升左唔少
😈：明就明，唔明就……
😶：如果你真係經歷過生死，咁你應該唔會怕豬扒，都好，你為呢個世界解決左一個問題，下一世應該會有好報
😈：其實我緊張個位唔係佢咩樣，而係我好驚係網上傾得好好，但一見面就會無左種感覺，連帶平時傾計都傾唔成
😎：兄弟，外表其實真係好影響既，唔係凡事都可以用內在去搭救，最少對方都需要係個正常順眼既人先得啊，以我所知你唔係好欣賞畢卡索，你覺得自己可以每日好似睇抽象畫咁睇你身邊既人咩？
🤩：我記得你近視都幾勁，不如你頂唔順時唔好戴眼鏡，有時睇得太清楚都唔係咩好事
😶：心靈伴侶係好，但你要見就要冒上一個風險，自己揀得就唔好喊
😈：我都係第一次網上傾下計傾到……我認真覺得自己沉船囉
😎：其實呢……當初沉船呢個term係講愛上性工作者，你知嫁可？
🤩：寫野既層次太高，小弟只能講個服字
😶：我收返頭先建議分手呢樣野，既然你係真愛，祝你幸福
😈：我剛剛睇過，依家個term解釋都可以係愛上一個人
😎：諗太多，講真，你現實識一個人，都唔係包生仔啦，好多人見幾次之後就會無感覺，如果你第一次見完覺得唔得既，咪由佢自然流失囉，有乜好緊張呢
🤩：可能佢係腦海入面已經構思左一個一生一世既故事！我就好膚淺既，合則來，不合則去
😶：你真係唔放心既，咪呢兩日換相先囉，佢都可能有呢個顧慮，提早知道，又有咩所謂呢
😈：我唔想，你話我太浪漫主義都好，我都會希望到最後先開估
😎：咁你有分數咪得囉，其實你都係決定左啦，咁你希望我地幾個比咩意見你呢？
😶：佢明顯係想發洩，當我地飛機杯，用完爽完就會拜拜
🤩：唉……我地仲係可重用既飛機杯，用唔緊要啊，用完你要洗先得嫁！！！！
😈：我諗緊，當日要點見同點做好
😎：喂，下星期Staycation我地有咩節目？我見個浴缸都幾大，不如我地好似港女咁一齊係浴缸自拍
🤩：好喎，係咪有泡泡啊，我帶隻鴨仔！
😶：我book間房可以食煙，我訂左盒雪茄，到時可以chill下，仲有支放左好耐既響二十一
😎：響21……依家駛唔駛八千，你咁捨得！！？？
😶：當年我地一齊去日本旅行個陣買落，當年好似二千唔駛
😈：你班友……轉移話題既本領……
🤩：你個陣唔係話當你升到做partner既時候先開黎飲咩？
😶：係，但我upgrade左，依家我有支響三十年放係度等到時慶祝
😎：@人渣 你問黎做乜！！比條粉腸可以晒命！！
🤩：@屎忽鬼 我錯喇……
😶：你地想飲響三十咩？我拎黎比你地飲囉，你想要，開聲咪得，你唔講，我又點知你要啊？
😈：師傅……我要……
😎：官人……我要……
🤩：老爺……我要……
😶：咁支響二十一呢？
🤩：第一晚飲，第二晚飲響三十！
😈：小孩子才做選擇！
🤩：有個有錢朋友真好！！！！！
——
長傾·不見 第一回 @筆友
https://bit.ly/LongchatEP1
長傾·不見 第三十三回 @燒書
https://bit.ly/LongchatEP33
好久 不見 第一回@久違
https://bit.ly/LongtimeEP1
好久 不見 第十回@Staycation
https://bit.ly/LongtimeEP10
#好久不見 #長傾不見
侏羅紀世界恐龍介紹 在 《侏羅紀世界：統霸天下》30隻恐龍登場！小小藍叫「貝塔」 的相關結果
「偷蛋龍」是小型獸腳亞目恐龍，最長只能到2.5公尺，牠們被稱為是最像鳥類的恐龍，目前化石只有兩組，其中包含恐龍蛋和蛋化石，僅能從葬火龍來推測，偷蛋 ... ... <看更多>