【龔成問答信箱】(Q22281-22300)
Q22281:
龔成老師你好,我現有[email protected]大概佔我45%既股票
呢排再跌因為其下衞星場鑽石娛樂場停運
長遠黎講係咪都唔需要太擔心?
而家再跌,應唔應該再吸納呢?
先多謝你既意見!
龔成老師:
對佢會有中短期不利,但長遠,仍是有質素的。澳博控股(0880)有質素的,雖然中短期有點弱,但長遠無問題,仍是一間不差的企業。不過,你單一股佔佔45%,是高風險!
你要在反彈時減持,去翻佔股票組合比例15%以下較穩健。
------------------------------------------------
Q22282:
老師,請問建設銀行仲值唔值得長揸?
我6.07買入,萬咗2萬股,打算收息,但佢最近不斷跌,,目前應該係繼續持有定止蝕? 應唔應該趁依家低位再吸納?謝謝
龔成老師:
建行(0939)本身質素不差,有一定的規模,在全球都有網絡,本身不會無質素的。
不過,這股增長力不算強,只是一隻收息股,現價投資可以,因為在合理價,但唔好對股價有太大期望。
前景不過不失,中短期會因中國經濟有影響,銀行業的賺錢能力不及從前,加上壞賬因素,都會令佢中短期弱。不過,初步已好轉,但不是高增長型。
而長遠,會慢慢穩定的,不過,增長力不強。
你有貨可持有,如果目標是收息,可持有。但如果你想增長,就未必適合。至於是否加注,要睇這股佔你組合比例多唔多,以及你的投資目標。
------------------------------------------------
Q22283:
請問522同6869, 285 那一隻值博率高的,6869已經就快52週低位,請問此刻價位是便宜區嗎?
請問2158醫渡科技幾錢可入,現價都是略貴嗎,幾錢為合理區,因上年都要3x ,現在已接近
請問1833同2158比較,邊隻優質的呢
龔成老師︰
唔好用"52週低位"這種短炒分析,去決定一隻股票平貴。我地應從佢質素、行業發展、財務狀況等,去做估值。
因為過去股價,未必有效反映今天狀,特別係企業本質已經有改變,或者行業已有一定變動。你用過去股價作評估,好易出問題。
現價值博率計,現時長飛光纖光纜(6869)會較高,算係合理區。但佢質素有少少質轉弱的情況,唔建議大注。
而質素上,比亞迪電子(0285)會較好,但現價偏貴,回到$40以下,才好考慮。
醫渡科技(2158)有潛力的。可長線。
提供基於大數據和人工智能(AI)技術的醫療解決方案。集團主要向醫療行業的主要參與者(如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者)提供服務和合作。
根據大行報告,於2019年,集團收入在中國所有醫療大數據解決方案提供商中排名第一,在中國醫療大數據解決方案市場中的市場份額為5.0%。
睇翻大行對佢2020-23年預測,收入和毛利增長分別為73%和83%,增長力唔錯。
佢平台有一定擴張性,長遠受惠更多醫療保健客戶使用平台。不過公司客戶過度集中,以及依賴公共部門。
但佢依然係在燒銀紙狀態,係一個扣分架地方。整體算係有質素,但要注意風險,投資時唔建議大注。
之前貴,現價算是略貴,最好回翻多D先考慮。
至於質素上,平安好醫生(1833)會好少少。現價算合理區頂位,最多只宜小注,或可以用月供去儲貨。
------------------------------------------------
Q22284:
老師,如果買樓,以下地區應該選那一區,我打算自住:
1. 荃灣區
2. 元朗YOHO series
3. 屯門瓏門
4. 將軍澳中心
5. 康城
6. 深水埗四小龍
Burget大约700-800萬, 想買較新樓齡, 地鐵上蓋/交通方便, 未來1-2年要BB, 所以希望有400-500呎, 以上選擇那區較好? 或另有建議嗎?
如考慮借按揭, 借幾多成會較好? 你建議男友將所有積蓄放晒落首期, 之後月供較輕鬆(但就冇$再做其他投資), 你建議借幾多成?
龔成老師︰
地區上,其實現時投資價值差唔多。但將軍澳這個典型的住宅區,雖然現時缺乏就業機會,投資價值較中等。
但未來交通配套會日漸完善,如將軍澳跨海連接路日後落成後有助改善交通,利用跨海連接路及將藍隧道,10分鐘便可到九龍區,會提高了這區的價值。
一般來說,市區的長遠價值會好D,荃灣區、四小龍算是這類。
但由於係自住樓,我建議你從生活角度做主要考慮。你要睇下邊個地區和單位,較配會你餘下幾年生活需要,又有一定投資價值(至少同大市同步),就可以考慮。
現時按揭息口低,我建議盡借。用空出來資金,做投資增值,效果會較好。
------------------------------------------------
Q22285:
老師老師
7.8入1177
$28入1810
$44入左941
近日跌左我應再入D貨定唔理佢??因我聽你講睇長線的
我仲有0001都係想長線收息的,現在佢又係跌左,其實現在咁嘅時世,應該點儲錢???唔通儲金??
龔成老師︰
只要佢地長線投資價值不變,你照持有就可以。但是否加注,要睇佢平貴水平。
中生(1177)和中移動(0941)現價合理,但你已有貨,再等回多10-15%左右,才再加注會較好。
而小米(1810)現價依然略貴,回多1,2成才加注,值博率會高一點。
長和(0001)都有質素,但已經好大間,增長力唔會太高,但用來收息係無問題。現價算合理區中上部,可分注入貨。
但再提你一次,我地投資選股,會因應年紀和風險承受力去做決定。
中生(1177)和小米(1810)係潛力股,若你較年青,持有這類股票係可以。但若你較近退休,這類波動性大的股票,就不太合適。反而中移動(0941)這類收息股,會較適合。
而長和(0001)有平穏增長力,再加一定股息,基本上你是任何年紀,都可以考慮。
------------------------------------------------
Q22286:
1. 龔老師,收到你的回覆,好感動啊!我因為股市下跌好擔心提早退休的計劃受影響,心情極差。我這個人比較重感情,買香港寬頻,不買香港電訊,
是因為之前個女在那裡上班。太傻了,對嗎?現在,她剛轉工了,哈哈!
請問老師我現價應該加注嗎?我上次入了10000股。
我放工去港島可能太趕,請問上課地點會去九龍嗎?
2. 當然,退休後就不是問題。老師,我擔心的原因是公積金1半放股票,而且2成是2星期前才加碼的。其實,因為我從未投資,所以目前計劃是一半錢留俾基金經理繼續投資,
選均衡組合,其中一半全球股票,另外債卷等。一半由自己購入本港的收息股,當然分段購入,以候理想價格。
請問老師認為以上計劃可行嗎?基金經理JP Morgan, Fidelity 之類收費年息1.25%,你覺得我應該花這筆錢嗎?
靜候老師的寶貴意見。非常感謝!
龔成老師︰
1) 明白,但投資唔好太感情用事,我地真的要理性分析。可能你個女從工作角度,係一個好公司。但從投資角度,又可以能另一回事。
當然,香港寬頻(1310)投資價值都不差,你照保留用來收息,係無問題。現價合理,但若佢已佔你組合一定比重,就唔好加注住。
個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
至於上課地點,暫時都係香港島個邊,但我間中都會開星期六班的,通常一年開1、2次,星期六下午時間。
下次可能在今年年尾。你或者可以預早留位,只要whatsapp 55457212我同事,打「留位星期六班」就得。我地有具體資料就會 whatsapp。
2) 其實你已快要退休的話,所以投資都應該係相對保守。股票上,我之前提過的收息股,係適合你的選擇。
基金方面,都係一些收息型保守基金會較好。但由於基金有一定管理費,所以我比較建議係自行買收息股。
如果你唔識選擇,你可以買一籃子收息股的ETF,X恒生高股息率(3110)。它是一個投資收息股的基金,追蹤恆生高股息率指數之表現。
可以視為收息股的組合中其中一員。這基金可投資的,現價合理,可分注。佢是投資香港大型,較穩陣,派息較高的上市公司。
這是不差的收息組合。
而債券,都係可以,但必須係一些A級債券,才好考慮。
------------------------------------------------
Q22287:
呀Sir~ 我沽出了0968~我相信佢係潛力股,我本人對太陽能發電有好大興趣,但佢價位太浮動,我年紀係大,但心智未夠定,所以用呢筆小資金準備購入一手2800
好彩得你鼓勵,我身邊有好多人都覺得女性一到左32歲就年紀好大,潛移默化都令我覺得到左呢個年紀又結唔成婚,事業又無起息好失敗⋯⋯但自從過左期之後
(好多凡人都定義女性過左30就是過期,所以我初頭都咁諗,所有野都想趕在這條線完成)過左期後,好多野都看開了,其實仲有好多路可以行……天無絕人之路,
(現在首要做的就是養活好自己同我屋企人)但我相信根據你的方法⋯⋯就算係無咩天份⋯⋯都可以從衣食住行裏找到優質股,當初就是睇中中電公用股的特質,係價位74左右買了,
令我生活質素改善了。現在都堅持番工帶飯,不知不覺都帶了十年飯,就算比人笑我寒酸也不怕,都好過貼錢買難受,係咁嘅時候都仲帶到歡樂比人……哈哈
好彩我樂天,仲練到我面皮厚左。我一定要努力,就算感情上我是個失敗者(其實係我問題,男方對我都算唔差,係我當時太任性,同比左太大壓力大家
我仲衰花心,同其他男性傾計,係我唔啱)能夠找到可以相守的人很難,大家一齊加油!
Sir ~ 我成功購入一手2800! 好野
Sir 的書成功入手你本80後。
龔成老師︰
現在已經是2021年,唔好再比D固有舊思想影響。好多事情,其實唔會因為年齡,而出現限制。有時個限制唔係人地比,而係你比自己。所以,放開點,好多事件自然可以做到。
同埋,有時我地做野,係為左對自己有個交代。所以,有時唔好太介意人地點睇,因為只有你自己,才最清楚自己做緊乜。
信義光能(0968)係有質素,但佢波動性係較大。若你風險承受力較弱,換成盈富(2800)都係可以。
就算再優質企業(包括2800),中短期股價都會有機會波動。原因不一定是本質出問題,可以係一些與其本質無關的因素。只要長線質素無變,中短期波動我地唔需要理會,長線持有就可以。
至於感情,是一個需要終生學習的課題。過去的就過它過去,吸引經驗,保持正面,自然就會有好事來。
還有,多謝你支持我本書。睇完之後,你可以先睇埋《財務自由行》和《股票勝經》。因為這3本,會係較適合初學者。加油!
------------------------------------------------
Q22288:
我係澳門既粉絲呀!對你既課好感興趣,唔知你會唔會考慮開網課呢?
我都想問下老師呀,因為我係有私人因素一定要賣左依家既自住樓,咁我賣左之後假設我會拎100萬去投資,咁剩低既錢我係咪可以買番間細樓做自住樓呀?
但會唔會供唔到呀?因為我人工唔高,還是租住屋先?謝謝老師喔~
龔成老師︰
網上課程,我暫時唔會考慮。因為只前都試過有人盜錄,比較麻煩,所以暫時只會開辦實體課程。
其實我之前都有開過澳門班的,不過現時疫情,所以暫時停左,之後會再開翻的。
你或者可以預早留位,只要whatsapp 852-55457212我同事講,打「留位澳門班」就得。我地有具體資料就會 whatsapp你。
因為現時已有好多澳門人留左位。
每個都有自主需要,由於你終極目標的物業(900萬),相較你現沽出物業(480萬)係有一段隔離。你可以先買入較細物業自住,另一邊用優質股增值,再去細屋換大屋。
至於會不供唔起,你要睇翻你個新物業價錢。你比較年輕,人工未算好多。可能你要預留較多資金,去比首期。
當然,另一個方法就係先租屋,再用套現物業的資金,去投資優質股增值。但這個方法,會令你財富組合,偏重晒係股市,風險會略高。
我會較建議用細屋+優質股的增值,因為這個方法會較平衡。
但緊記,這個細屋係用來將來換大屋,所以必需有投資價值,最少要做到跟大市同步。而且個呎寸唔好太細,少於300呎的單位,最好不要考慮。
------------------------------------------------
Q22289:
老師想請教你,如果我層樓7年前以$340萬買近屯市附近約460呎單位,依家升值$580萬,呢層樓近兩年放租每月收租$11500
我最近諗過因為層樓舊了27年樓齡,想賣咗出去攞d錢換另一層一手樓,資產增值潛力會否高d?定係一賣一買所花嘅費用更唔化算?
計唔計意比些意見我作參考
龔成老師︰
27年樓唔算話十分舊,但主要擔心會係到30年,會出現需要樓宇大維修時,這個成本上的風險。
係香港做物業買賣,成本絕對唔細。除非你現有物業,真係好有問題,否則你應維持現狀,保持以租養樓會較好。
另外,我一直都唔係太建議讀者去買一手樓。因為好多時都有溢價。變相令你買貴左,影響長線回報。
------------------------------------------------
Q22290:
龔sir你好,我26歲的,岩岩上星期7月5才開始真正開戶投資,係一個新手,之前有供一份儲蓄保險(供5年,岩岩今年1月供完,大約30幾萬),
大約一個月一萬三 人工左右,現在開了一個富途牛牛(入左18500)玩港股,sofi(入左25000)玩美股
以下是我持有既股
富途牛牛(18500本)
00451 2000股 0.355入
01725 200股 41.0入
01771 2000股 3.45入
Io. 美金25股 1.83入
sofi(25000本)
voo 美金5股 400.78入
apple. 美金3股 142.81入
dis. 美金2股。173.66入
因為之前唔識,左買右買已經蝕咗3000左右,想問我現持有股的因有d都虧損緊,我需要止損沽空,重新制定方向嗎?
還是應該再等這些股升?因現在比較迷惘是否需要將全部股賣走,重新制定下才再買?感謝
龔成老師︰
我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
協鑫新能源(0451)、恒達科技控股(1725)、新豐泰集團(1771)唔係全無投資價值,但質素只算一般,而且風險會略高,長線不宜持有太多。
Ion Geophysical Corp (IO)為技術中心的公司,其業務主要為全球石油與天然氣行業,提供地球物理技術、服務和解決方案。
本身規模唔算大,而且過往股價都好波動。佢這去數年,一直處於未有盈利狀態,加上近年營業額持續倒退。
可能佢面臨一些不利情況,佢唔係完全無投資價值。但不確定性好大,投資時最多只可以少少注。
其餘股票,都係有筆素,你照持有就可以。
其實你除左選股上經驗不足,令到買入一些較弱的股票外。我見你買入價都好多時係偏貴,這反映你定平貴能力,都係有所不足。
因此,我建議你未來時間,先利用月供模式,去建立一個股票組合,以減低買貴貨風險。
你26歲,應以增值為主,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
月供方面,你可以選擇投資在平穏增長股︰VOO、盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰QQQ、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學(2382)、阿里(9988)、騰訊(0700)、GX中國電車基金(2845)、三星FANG ETF(2814)。
如果你對這些股票,未太了解。我建議你先供一些指定市場的ETF,美股可選VOO和QQQ(後者風險較高),港股可用盈富(2800)。到你有一定經驗,才買入其他股票。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
另外,"保險"只係理財中防守部份,買足夠保障就可以,增值可以留比優質資產(如優質股、物業等)去做。現有儲蓄保可持有,但唔建議再增加這方面的開支了。
------------------------------------------------
Q22291:
你好,龔sir:本人今年35歲,之前都只是持有現金,關注你的F&B和買了你二本書,今年才初次投資股票。
現金:2百萬
儲蓄保險:20年期已供11年,一次領取可領40萬
一層樓:月供8千,貸款剩約1百萬
每月收入:8萬,二夫妻二個小孩。公司退休金:累積左50萬。每月需供養双方父母,所以能存3萬左右
持有股票26萬:
27 @61.6 *1000
1177 @7.38*4000
[email protected]*1000
[email protected]*1000
[email protected]*1000
[email protected]*67 月供2千
[email protected]*1000
[email protected]*2000
[email protected]*300
目標,50歲財務自由。 打算再投資20萬股票,應該如何配置,感謝關注。
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
現時你已經有物業類資產,現有資金,可以較集中在優質股,去做財富增值。
你35歲,應以增值為主,建議你用「平穏增長股」 + 「潛力股」作組合,去創造一個增值平台。2者比例,大約各一半。若你投資經驗較淺,潛力股佔比要下調至2-3成。
你現時持有的股票,都係有質素,你照持有就可以。但當中融創中國(1918)業務不差,有規模、品牌、銷售網絡,但同時有一定風險。
首先,中國樓市如果逆轉會有很大打擊,另外,這股的負債超高,無事就無事,有事大件事。
因此,投資這股不是不可,因為不是完全無質素,但要明白背後的風險,同時明白這一定會令股價較波動,自己最好控制注碼。
現在你每月可儲$30000,但只月供$80000,有點少。我建議先用5成儲蓄做月供(即$15000),其餘先儲起,用一邊月供一邊儲蓄的策略。
現時大市只是合理區,你現有200萬資金,如果無特別用途,我建議用來投資增值。
你可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
至於"保險",其實主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
------------------------------------------------
Q22292:
老師你好,我今年35 ,有17200 股滙豐係手,帳面都蝕緊40 萬,最近考慮緊要唔要放左一半或全部,等跌市再入其他做長線投資,如買其他想問有咩建議,謝謝,不勝感激。
龔成老師︰
你現時狀況,存在2個較核心問題。
首先,匯控(0005)都算係有質素,但佢只係收息股,增長力唔會明顯。
而當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你35歲年紀,應該先做好增值,而唔係儲收息股。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
因此,從資產配置角度,你係需要沽出部份匯控(0005),將佢地換至其他增長股上。唔係佢質素有問題,而係佢唔適合你,同時佢佔你組合比例過重,而造成了不必要的風險。
以下是一些適合你的增長股,你可以沽出部份匯控(0005),轉至這些股票身上。
平穏增長股︰金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、粵海(0270)
潛力股︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。
平穏增長股,現處於合理水平,可分注入市。現潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22293:
成哥你好,非常讚你的資產配置網上課程。學到很多,特別是買樓置業個chapter.想請教一吓操作。
現時我自己的生意前舖後居,所以住方面的租金己包括在租舖的租金內。打算5,6 年後再買一層自住物業。
非常深刻你講過用資產追資產,所以我最近買了一個出租物業325萬,做了7 成按揭。首期90萬左右,租金回報每月1萬2千。
利息方面可以只供息不供本。年利率1.95% ,定息2 年,之後視乎市場息率而定。打算前三個月交給經紀管理,當交學費學做業主。之後自己管理。
這收入要交税20%,末計每年維修之類雜費。請問這個操作時可行嗎?
風險上,我明白如果無人租和利率上升的話,可以會由 "資產", 變成 "負債"。
買原因是同區差不多的單位要差不多350萬。這區租盤比較短缺所以放租能力尚算高。
想請問成哥有其他風險或地方要注意嗎?這供息不供本可行嗎?
謝謝!
龔成老師︰
其實物業只要有質素,都是資產。就算因為加息,或者無人租,令到你短期負現金流。但只要佢長線有升值能力,我地都會視之為資產類。
現時計,租金回報率算可以。但你要留意2個問題,首先你個按揭只係頭2年定息,之後個息口跟市場。但所謂跟市場,到底會係幾多? 會唔會令你月供大增,造成財務壓力。
到時如果大增,你要轉按,會唔會有大問題? 你要計清楚。
第二,你現睇翻個單位,呎寸會唔會太細。一般我建議投資物業,只好有300呎以上,即一個家庭的最低要求,咁個投資價值會較好。
------------------------------------------------
Q22294:
老師你好. 這幾年一直有關注你, 叫做小有所得. 亦很感謝你於2年前的回答
大學畢業快2年, 目前有26萬存款, 5000股 1177, 1600股 3067, 月入17k. 預計10月後月入23k
1. 本身計劃約2年半~5年後結婚, 現在白表單人身份抽中居屋. 由於基本肯定只會有粉嶺皇后山的300呎以下單位, 老師覺得應否袋住先?
a) 想買的理由是樓價近年升幅太誇張, 300萬的樓用了5年時間就變成近600萬... 如果私人市場繼續用此幅度上升. 再過3年說不定就完全負擔不到了
b) 不買的理由是皇后山居屋並不算太優質 (雖然相比之下真的便宜) 目前一刻並沒迫切需要, 如果樓價升幅不算誇張, 將來完全有能力用購買地點和大小較為理想的物業
c) 個人想法是現在先購入, 將來有需要時一定有地方住. 而有能力的時候可考慮換樓, 雖然失去短時間內買入更佳物業的機會, 但似乎較為保險
2. 想知道老師對2182天長集團有何看法? 上市後很快就能派息. GP較高, 現金一直維持高水平, 口罩業務得到政策支持. 但同時擔心
a) 為買新廠房而作出的借款會拖累公司發展,
b) 太依賴單一顧客,
c) 市場流通小, 股權有點集中.
謝謝老師的意見!
龔成老師︰
1) 香港長線樓市,我預都係會保持上升。你可以先買入此物業,用以資產追資產,去保持增值。
我地買居屋,都有一個好處,就係可以比市價較平的價錢,買入單位。從而空出較多資金,作投資增值。
但你要明白,這居屋單位,位置唔算吸引,投資價值一般。加上你將來轉手,你係要補回地價(除非賣翻比綠表或白居2)。而且,都有一定買賣成本。
到底係先購入居屋,定先用優質股增值,等遲些買較理想單位,其實無一個必然答案。
但現時從投資角度,股市會比樓市較有值博率。你可以從投資角度、未來收入估算、長線生活所需去作考量,估算出一個較適合自己的決定。
2) 天長集團(2182)我未仔細研究這間企業,有派息表面上係利好,但實際上,都要睇佢派息原因和長線政策。
此股派息因素,對我地判估佢投資價值,影響唔大。此企業規模細,盈利和股價都幾波動。
投資價值係有,但唔算十分高,而且都有一定風險。若你投資係可以,但不宜大注。
a) 用供貸買入廠房,唔一定壞事,只要佢產出價值較高,咁就可以。
b) 佢5大客戶佔收入近9成,主要客戶近6成,的確係有過度集中性風險。
c) 都算可以,未到話十分集中。如果你想知邊D企業有這問題,可以上證監會個"股權高度集中公布"網頁,裡面有列出相關企業。
------------------------------------------------
Q22295:
感謝你的回覆,我女友其實仲有一堆銀行股,不過他最近看了你的股票勝經,已知不能在銀行及科網再加碼,她現在每月月供5000,慢慢平衡返個組合。
不過我也留意到公平值變動,其實我不太明。(如進階班有講到我到時再學習)
另外,我真的覺得你太好,明明沒收我們咨詢費,但每次回應的質素很高,內容十分詳盡。
我希望你打造的品牌越來越有認受性。
龔成老師︰
多謝你支持,我希望可以透過這裡交流,去分享一些正確的投資觀念和知識。從以令一般散戶或者新投資者,可以有個更明確的方向。
其實公平值,我係初階都有講。主要係一些會計上數字(非真正現金收入),好似物業類股票,你會最常見到。
每年當物業升/減值時,都會反映在公平值上,而這部份會計入盈利當中,令我們估值時出現偏差。
因此,我地去做估值時,要先排除這些數字,才可以得出一個貼近實況的結果。
------------------------------------------------
Q22296:
龔成老師,港交所新CEO攪重組,對港交所有咩影響?
你好龔成老師,請問晶片股中哪一隻相對穩陣小小值博較高?
早晨龔成老師,中國平安$73買,有冇買貴左?
龔成老師︰
港交所(0388)新政策,暫時唔見佢對集團優勢,造成重大改變,依然係一間好優質的企業。
如果晶片股,其實我較建議台積電(TSM),佢係一間有質素架企業,在全球半導體業界有領先地位。
集團專注生產由客戶所設計的晶片,現時已經是全世界最大的專業積體電路製造服務公司。
如果你睇好半導體發展,可以月供,並長線持有。
中國平安(2318)有質素的,佢有規模,有品牌,近年的發展都不差,不過,股價有時會有少少波動,這主要受投資市場表現影響。
這股有長線投資價值,是平穩增長型。現價算係合理區中下間位置,分注投資就可以。
------------------------------------------------
Q22297:
老師你好,最近見中慨股因為反壟斷法都紛紛回調
As at而家︰
阿里: $196.5
騰訊: $527.3
美團: $285
小米:$26.35
老師覺得可以點部署?而家價位合理值得入嗎?
另外,啲內銀股都除哂淨,呢排睇緊建行同工行,現價分別係$5.57同$4.48,老師又覺得現價入手長揸好嗎?
唔該哂老師
龔成老師︰
中央近期推出不少政策,一眾大型企業股價,都因此而受壓。但我地分析時,重點都係會睇翻企業長線質素。
暫時未見,這些股票的長線盈利能力,有明顯變差,你有貨可照持有。除了小米(1810)要回多1,2成才算合理外,其他已在合理區較上部,若無貨,已可入小注。
建行(0939)和工行(1398)都在合理區,可以分注。但你年紀較年輕,這2隻都係收息,增長力麻麻,唔係太適合你。
------------------------------------------------
Q22298:
成哥有d人話錢小就唔好分散咁多投資,唔係就賺好小,咁長期唔賣,回報率一樣多,仲要冇咁集中風險,咁講岩唔岩。
如果我月供︰
1000巴巴
500小米
500中國平安
1000眾安
500金沙
500新鴻基
500中生製藥
會唔會太散?但我中意呢d組合。
同埋諗深一層,唔知仲投資舊經濟股有咩用,雖然仲有質素,用黎平衡組合,但我小錢直接全部潛力增長股咪仲好?
龔成老師︰
唔係因為資金少,就唔應該分散投資。只係資金少,會較難去做分散投資。任何情況,其實我地都要盡力做一個平衡的組合。
任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
你現時月供組合中,股票都有質素。但眾安(6060)不確定性較高,我不太建議用來月供。
建議你將佢換成指數基金,去提升你組合的平衡性。
至於舊經濟股,雖然佢地增長潛力不及潛力股。但佢地勝在穏定性較高,唔似潛力股咁高風險。
你要明白風險高,不等於回報一定高,這是一個錯誤想法。如果成功,回報當然可觀。但由於佢波動性大,失敗時,損失也會較慘重。
所以,「潛力股」不宜持有過多,要平衡。若你係偏年青,可以佔5成。但若你較年長或投資經驗較少,要下調少少至3成左右。
------------------------------------------------
Q22299:
龔sir, 我有以下股票,我現在43歲,想問我的組合會否太多潛力股?我想增持平穩增長股,你有什麼建議?或者對我組合有何意見?
0823 領展 $60.58 有3手
1038 長建 $41.65 有1手
1177 中國生物製藥 $8.0 有I手
1810 小米 $25.7 有1手
1830 完美醫療$4.8 有8000股
6823 香港電訊$10.54 有1手
謝謝
龔成老師︰
以你43歲計,潛力股大約可以佔你組合3-4成,若你投資經驗較淺,只宜佔1-2成。
你現時潛力股比重,的確係有點高,但主要係完美醫療(1830)近年大升所致。你現時持股,不變都係可以。
但未來資金,要優先投入平穏增長股,去令組合平衡翻。
------------------------------------------------
Q22300:
你好龔成老師, 我32歲, 儲蓄有50萬 (其中有30萬剛剛做完一年定期), 月薪3萬5, 每個月用1萬2做月供股票, 儲1萬3,
有朋友提議我把剛完定期的30萬全部買中銀(2388)收息, 請問你覺得這樣可以嗎? 或者有沒有更好建議? 謝謝!
以下是我持有的月供股:
00823 (188股) @$75.6
00066 (306股) @$44.7
02800 (471股) @$28.52
00700 (7股) @$556.5
09988 (25股) @$205.0
01177 (847股) @$7.06
01928 (393股) @$31.35
02382 (33股) @$222.4
龔成老師︰
你現時月供組合,係可以。
但正如我之前所講,我地投資除了選股要有質素外,你都要留意組合平衡性。
個別行業唔好佔組合3成以上(我見你地產類問題,已經修正好),但個股都不可以佔高於組合15%,否則都會出現過度集中性風險。
中銀香港(2388)係適合你,但不要30萬全數買佢,你要平衡分配在不同行業優質股上。
大市現處於合理水平,那50萬資金,你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過8萬的網紅Comma,也在其Youtube影片中提到,?投資英國: 按揭申請教學 線上講座 Sakura網上直播: 英國隨口UP x 英國Mortgage Broker David Kan ??英國係熱門移居及升學國家,令當地物業需求持續?,因而吸引了不少投資者積極物色英國物業筍盤。除了Full Pay之外,其實亦可以利用按揭,增加槓桿買入英國物業。 ...
供息不供本 在 龔成 Facebook 的最佳貼文
【龔成問答信箱】(Q16101-Q16120)
Q16101:
看到老師有一張圖講成功與失敗,我就想起自己近來忍痛全賣掉匯豐 早兩日攞計數機計下 足足蝕了近15萬
我也好想知 如何
嘗試失敗後成功的感覺
龔成老師:
你沒有失敗,只是用了$15萬去買一個投資經驗,如果你能在這次好好學習,我相信你不久將來一定可以賺得翻。
你最好寫一份報告比自己,你要寫低當時點解買匯豐(0005),原因何在?而這段時間匯豐點解股價下跌,你當時買入時,I有無想過當中的風險,另外,要寫翻點解最後賣出匯豐,具體的理由。
如果你下次投資前,都能睇一睇自己這份匯豐報告,保證你每次投資前都好小心。我在股票班,會教學員填一份6頁的「企業評估表」,目的就是要佢地明白,在買入前要了解這企業甚麼,投資策略,自己可承受的風險,投資金額等等。
「企業評估表」不一定能助你每次賺錢,但就可以等學員,在充份了解企業的情況下,才進行投資。我要求我的學員,要花數小時分析一隻股票,了解佢的業務及財務情況,才可以投資,你可以睇翻自己,在買入匯豐前,花了多少時間去分析?
------------------------------------------------
Q16102:
龔老師你好,我同男朋友計劃5年內買樓,屋企5年後可以幫忙出50萬做按揭,計劃買400萬內樓。
我:現金有6萬左右。月入$20000-$40000平均$29000一年,扣除家用,保險和洗費,每月可存款約$5000-$10000(視乎當月實收入)。
男友:現金2萬左右。月入$16000,扣除家用雜費和洗費,每月存款$3000-$4000。
我有買實金,藍籌短線投資5, 2800, 1288, 788, 3,而男友則間不時投資細價股,但我兩年增長都沒有10%。
希望5年內存款到一百萬作首期和裝修用途,請問龔成老師有什麼指導。
龔成老師:
首先,黃金雖然都是有價值的項目,但不宜持有太多,因為增長力始終不算強。另外,短炒、細價股,同樣不是財富增長的方法。
其實,你地只需要合理增值,穩健投資,5年後要滾存到$100萬並不難。反而你炒炒賣賣,更加危險。
你地現時的現金不多,因此不宜動用。
之後要投資優質股,可集中投資平穩增長股,目標是每年有10%的回報,長線投資。
你地每月可以儲到$12000,你可以將其中的$8000投資,分注或月供股票都得,而餘下的$4000就儲現金,當見到大跌市就出手買優質股,提高整個財富的回報率。
你地可以考慮盈富(2800)$4000。
另外再加2隻(每隻$2000):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
另外,建議你多增加投資知識,在選股、企業估值、投資時機上落功夫,對你長遠財富有好大影響。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16103:
可否推介一些功能齊備的選股軟件? 例如可以出篩選距離52周高位少於25%,又或者季度增長高於25%的股票。 不論收費或免費也可。
龔成老師:
抱歉,我無用這類只著重「股價」的分析軟件。
因為股價跌得多,不多代表,我地分析,應該以企業的業務及價值作核心,所以,我並不認識。就算我課堂所教的選股軟件,都是集中在「企業的財務數據指標」,而不是股價等資料。
------------------------------------------------
Q16104:
老師,我爸爸今年60 歲佢係退休人士,但冇公積金,冇物業。
但佢可以用50 萬投資,我好想幫佢買定d股票做長期投資,諗緊好唔好買晒2800。。
除左呢隻,我唔知買咩好。你可唔可以比d意見?
好多謝你的分享
龔成老師:
對佢這個年齡來說,風險不能高,因此應集中投資一些風險較低,有穩定派息的股票。盈富(2800)有平穩增長力,但不是最好的收息之選,因此,只建議投資3、4成資金。
你可以將餘下的6、7成資金,可以建立一個收息股組合,你可考慮港燈(2638)、香港電訊(6823)、匯豐(0005)、工行(1398)、置富(0778)、陽光(0435)、深高速(0548)等,大多有6%以以上股息。
(你可睇下《50穩健收息股》當中仲有好多)。
我地唔可以集中投資單一股票,要建立一個組合,無論是收息,還是股價方面,都能較為平衡。
留意翻,大市波動,唔好一次過買入,要分注,慢慢入,同時留有現金。
------------------------------------------------
Q16105:
老師,我本身月入6萬,開支佔2萬,cash 有200萬,我一向唔識投資,買黎買去都係939,0005,338,通常都係蝕,又唔識止蝕,長放十年都試過。有時聽朋友講買衍生工具,一次牛熊,一次窩輪,各輸幾十萬。。。。唉。。。。
我呢d收入,其實應該點做賺錢計畫,我連saving 計畫嗰d都無買。因為真係零概念。又多又唔識揀。。。d saving 又成日要綁死d錢好多年
自己有層未供完嘅樓
你可唔可以比少少建議我
感激
龔成老師:
首先,你唔好再投資衍生工具,另外,你要建立一個平衡的組合,好唔好集中在個別股票,同時要選更高質素類別的股,因為你現時持股,不是說全無質素,但就唔算高質。
你可以考慮盈富(2800)、銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
現時已經可以動用部分資金,以分注模式投資,只要同時留有現金就得,你要穩健的進行財富增長。你本身有物業,在財富配置上,應加大股票力度,我地理財,是建立一個財富組合,股樓平衡,長期持有。
------------------------------------------------
Q16106:
老師你好,本人19歲還是超級新手,最近一邊閱讀<<年報勝經>>一邊想嘗試分析年報。
在0868的2015年年報中有提到,「中國進行的兩次地方天然氣價格調整令本集團之能源成本降低。」這令我產生一個假設性的問題,撇除事情發生的可能性,我只是想看看我的思路是否正確。
請問如果天然氣價格大升,股價是否會下跌? 如果會的話,這是否入貨的時候? 因為成本上升並不影響業務本身的質素?十分感謝!
龔成老師:
當天然氣價格上升,對佢成本上有影響,這的確會令盈利下跌。
但要睇翻到時天然氣價格的情況,有時中國調整天然氣的價格,不止考慮國際能源因素,同時會考慮中國市場、商業應用、民用等等的因素,因此要推算並不容易。
另外,到時是否入貨時機,要睇翻天然氣成本佔佢多少,對盈利有多少影響,到時的股價下跌多少。
同時,如果天然氣上升是長期,佢的長遠賺錢能力左,這樣股價就不是特別平,而是合理價。
------------------------------------------------
Q16107:
龔sir 你好 我現年28歲 近期先開始留意投資增值自己資產,就買左股票勝經及80後百萬富翁研究。
我想月供盈富$2000,中生$1000,金沙$1000或者領展$1000,總數$4000,金沙or領展邊隻比較好,你覺得我適合嗎?謝謝
龔成老師:
如果你28歲,會偏向增長方向多少少。
你可以月供盈富(2800)$2000、中生(1177)$1000、領展(0823)$1000,長遠來說,會適合你。這些都是有質素的股票,你保持長期進行月供就得。
如果你之後收入增加,可以增加盈富及加上其他潛力股去月供。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16108:
老師,我有一問題想請教的,美國曾在金融海嘯用QE救市,之後令香港樓價大升。
現在美國在疫情下也推出無限QE,請問這會不會同樣令香港樓價未來十年樓價大升?
龔成老師:
對,這會令全球的資產價格上升。
無限QE,就是不斷增加貨幣的供應,當貨幣增加時,每個貨幣的價值自然會減少,資產價格就會自然地推高。
所以,長遠來說,物業、優質股的價格,只會進一步向上。
------------------------------------------------
Q16109:
老師, 請問0548 深圳高速現價可否買入作長揸收息? 但業績倒退, 有问題嗎? 疫情会有影响嗎? 謝謝分析
龔成老師︰
深圳高速公路(0548),同樣是不錯的股票,收入主要來自公路路費。現時9成收入依靠路費收入,另外佢都有做環保事業,這部份會有增長潛力,現階段佔比重很低。預期此股長遠會由收息股,慢慢進化成平穏增長股。
佢剛出業績純利同比回落27.3%,但你要留意翻,其實集團2018年有一筆約22億的政府收回部份集團路段之補償,這個一次性收入將2018年純利大幅拉高。若不計這筆收入,本年度純利是有增長的。
集團近9成收入來自路費,這部份長遠而言,都會係一個穏定收入來源,此股種類算是收息 + 一點平穏增值型股。
現時股息率雖有逾7%,有長線投資價值。但留意佢過往幾年派息都有些波動,唔建議佔太大比重。
------------------------------------------------
Q16110:
老師,想問下你呢,近日香港有銀行提供,供樓客户供息不供本
你覺得係社會責任定係銀行怕出現負資產從而增加銀主盤,只是想分析一下現時樓价是否有下調空間,因為我等左好耐上車。thanks
龔成老師:
我相信兩樣都有。
其實,這種銀行對銀行無乜損失,因為原理就是「延長貸款」,佢仍可以在當中持續收息,仍是有錢賺的,加上咁樣做,可以有品牌效果,所以對佢來說無損失。
我相信,樓市中短期會因香港的經濟轉弱,而出現下跌,因為貿戰、社運、肺炎的打擊,將慢慢對實體經濟有進一步的影響。
但由於香港樓,始終是供不應求,因此,只要有一定程度的下跌,就會有需求出現,所以唔好預期會跌得好多。中短期下跌,長遠仍會向上。
------------------------------------------------
Q16111:
老師我買左一隻大灣區的債券基金,我上年頭買$10元,有升過10.30,現在市場要錢唔要貨,持續下跌。
近期該基金跌了很多,想問老師應否現時賣掉債券,等市場拆完倉後再買回?謝謝
龔成老師:
債券基金,則有好多的,這一定要仔細睇先得,有d則有潛在的風險,絕對不是保本的產品。
第一,有些基券基金,會投資「高收益債券」,即是「垃圾債券」,你一定要睇睇佢所佔的比率。
第二,債券基金往往不是單純地持有債券,而是可以作買賣,以及利用衍生工具作對沖等策略,即是可能有價格上的波動。你要睇下該基金的策略,是否高風險。
第三,不少銀行都會提供借貸,以槓杆去放大回報,以平息借貸去賺取息差。這一定會提高了風險。
我不是說債券基金有問題,只是說明當中的風險,最重要的,這不是保本產品。
你睇翻該基金,如果大部分是較高評級的債券,可持有。
唔好「賣完又買」,因為根本無路可捉,如果無質素就賣出,有質素就持有。
------------------------------------------------
Q16112:
龔sir, 我今年30歲,現在有140萬現金,另外還有17手盈富基金(買入價為22和21.5), 3手恒基地產(買入價是30.25) 。
我是護士(月入4萬5) 另外仲有兼職(平均月入1萬)。 現在搬了出來,租屋連日常駛費(計埋飲食車費家用)每月支出要2.5萬。
本身打算買荃灣的半新樓,但2房要730萬左右,現在儲的金錢買唔到,最重要是樓價沒有跌,所以打算延遲1-2年,儲夠首期直接買2房單位。
因為恒指已跌到比較便宜的水平,我希望把120-130萬分段買入股票(留10-20萬作流動現金),你覺得這個做法好嗎?
我打算60%的錢買在盈富基金, 其他剩餘的買領展,地鐵,中銀,阿里巴巴。這組合可以嗎?
另外近期我買了3手恒基地產,購入價是30.25, 可是股價不停跌。
我明白買股票是買一間公司的資產,不應單看股價,只要公司的資產是優質,長遠股價會升返,但我想請教你,恒基地產還是不是優質股,值得繼續持有還是應盡快賣出(坦白講,現在的心情有點傷心)?
另外都想問煤氣還是優質股嗎?我見股價跌了很多,也考慮過想趁低買入
龔成老師:
盈富(2800)恆基(0012)都可以長線持有的。
恆基仍是有質素,當然,增長力減少左,預期佢中短期都是弱,不過,這股是睇長線及超長線的。
至於無左送股,其實對企業本質無影響,只是左手右與右手數的問題,不過,這反映佢增長力方面弱左。
這股不是無質素,單計佢手持農地是全港最多的發展商,就明有一定的價值,當然,農地要發展要好長時間,所以先話這股要好長線。
至於你買樓方面,由於你有買樓的打算,而買樓要你有一定的流動資金,因此,我會建議你較多持有現金,同時這刻努力儲錢,等樓市跌。
香港經濟將轉弱,接下來1、2年好有可能樓價跌(當然,不預期會大跌,因為需求大)。而在長遠計,樓市仍會向上的,因為供求仍失衡。
除非股價出現再大型的下跌,你先考慮買翻少少股票,否則,大部分建議你持有現金。
------------------------------------------------
Q16113:
龔成老師你好,本人40歲 有2小孩中學,有一間物業欠($260萬)每月供款$11000,還有一工人、我同先生入息不高,兩人每月只有$40000
現金有$40萬在按揭戶口收息,基本上每月沒有多餘錢剩,股票買落到輸了$30萬,現在我應該怎樣累積財富
龔成老師:
由於你負擔較重,加上每月無法儲到現金,所以在配置上,會偏向保守。
暫時應較多資金存於按揭戶口,起碼都能對消到約2%的利息。這刻最多只能動用$10萬,如果見到股市大跌,才考慮再動用其中的$10萬,而買入時要分注投資。
你可以考慮盈富(2800)、銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
以現時大市的平貴度,只能動用$10萬,分注投資上述股票,買入後長線持有。
------------------------------------------------
Q16114:
老師你好,本人現61歲,有職業,月入4萬,但現在公司正在裁員,我想就輪到我啦
現在每月供股2800供6千及005供8千,在月股供戶口有1500股005,12000股2800及40000股1398,仲有供緊兩份儲蓄保險,每份年供6萬,有一份欠2年有份欠3年手上持有5200股005及20000股778
現金持有60萬.下年有份保險可取36萬,如被裁或自動離公積金約100萬,自住物業,先生已退休,兩人洗費不多,請問現要如何取得較高被動收入,謝謝你
龔成老師:
你出現了資產集中的風險。
進行理財,應該建立一個平衡的組合,但你持有匯豐(0005)在比例上太多,任何一隻股票,我地都唔應該咁樣。另外,你同時持有工行(1398),這同樣會有行業集中風險情況。
建議你減慢月供的步伐,增加買入其他類別的股票。
你可以將這現金萬,慢慢分注投資收息股:港燈(2638)、香港電訊(6823)、陽光(0435)、深高速(0548)等,大多有6%股息,平衡翻你的組合。增加翻你的現金流。
留意,大市波動,唔好一次過入,要分注,慢慢入貨。同時留現金。
至於公積金,除股票外,你可以考慮其他低風險,收息類的項目,例如銀行或保險公司的產品。
------------------------------------------------
Q16115:
Hello, 我而家27歲 有25萬左右資產
20萬Cash, 2手恒生 $135.05,3手領展 $76.35,每個月大約草到1萬-1萬2現金,應該點樣分配去「月供股票」同「儲蓄」比較好?
家人可能會幫助小小首期,而我目標希望一年後資產可以增值到40-50萬
龔成老師:
你可以在這刻,好好利用現金,現時的大市有長線投資的價值,你可以動用其中的$10萬,分注投資優質股,餘下$10萬,就等再大型跌市先出現。總之,現時的$10萬以分注模式,慢慢分注入就得。
至於你現時持有的股票,都是有質素的,你持有就得。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。做月供股票,每月$10000
。
你可以考慮盈富(2800)$5000。
另外再加2隻(每隻$2500):銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果你不懂股,就集中供盈富$10000。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16116:
你好!一直有追看你Facebook,了解月供股嘅好處,但未行動,有以下考慮,想請教一下:
我嘅資料:
今年28歲,單身女性,希望2-3年內買樓。月薪$36,000。大概每月可儲$15,000。現時有
$300,000現金、$40,000股票、$150,000基金。未有物業。
(1) 應該儲月供股票,定係儲現金買樓?如果月供股票,應該買收息定增長股?
(2) 如果目標2年內買樓 (目標550萬樓),月儲$15,000足夠嗎? 需要加大儲蓄額?
龔成老師:
1)你的目標是3年內買樓,這是一個中線投資時期,你可以將部分資金投資股票,作基本的增值,但就唔可以太進取,同時唔能夠動用全部現金。
你可以考慮盈富(2800)、銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
你可以分注入,總之你自己計住,要餘下40%以上的現金,以你現金佔總財富比例計。如果你覺得分注好難做到,就月供,例如每月供$10000。
2)要睇你目標樓價,$15000只是基本,如果可以增加到$20000會更好。
------------------------------------------------
Q16117:
老師, 現年31, 近排同保險傾, 佢建議我每年加保費約$13,000, 加大儲蓄同人壽, 供15年, 假設60歲可取點45萬, 每年增加
我計過, 以股票每年回報8%唻計, 用呢$13,000去做月供股票, 供15年本金$195,000, 再滾到60歲應該過100萬, 咁跟保險買儲蓄人壽咪好不智? 點解啲有人會咁做?
如果用呢$13,000做月供當一千, 想要8%回報, 揀咩類型比較好? 謝謝
龔成老師:
我地理財,要做到攻守兼備,先做好防守,再做進攻,這類產品是防守型,都有佢的價值。不過,防守部分,「足夠」就得,太多就會浪費了資金的機會成本。
同埋,對於無投資能力的人,這些產品都有一定的作用。
你31歲,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
因此,月供一些平穩增長類股票,如盈富(2800)已經是一個簡單的選擇。
現時大市波動,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16118:
龔sir.....我係股票新手...我買左3手金沙 29.8...之後先睇到你嘅分享要分注入巿...
(果3手金沙佔我總投資額大概20%)
我想買1211同6..但而家唔敢買住..因為驚佢仲有得跌
想問下下一步應該點做好?
謝謝龔sir細心解答
龔成老師:
你的買入價不貴,金沙(1928)有質素,能夠分注當然最好,不過你都唔需要太多過擔心,持有就得,不過,20%已是上限,之後應該投資其他股票。
下一步,要睇你的現金有多少,如果現金不多,就要忍手,如較多,可以分注入一些貨。我地要平衡建立一個組合,在買入時,要慢慢分注。
大市好波動,無人知會點走法,分注就是一種平衡風險的做法。
------------------------------------------------
Q16119:
龔成老師,我想問3個問題:
1:「月供股票」的形式是否很難做到「三桶水投資法」的效果?
2:我發現到你在「股票勝經」一書最後的篇幅中分別有一位年輕人和一位退休人士的股票組合,而且是附加了一個組合分佈圖的圖片
而這些圖片是在「80後3」那書裡面的股票疑難問題討論是沒有運用過的,老師你可不可以以後再出書都盡量加入這些組合的圖片呢?因為我一看圖片就非常清晰。
會很吸引讀者去追看,而且自己已經理解決得到那組合裡面的利與弊,然後再看你的見解,發覺也與自已初步分析都有相似,例如是風險太集中等等......
3:第三個問題就是你的密集式澳門班會否受疫情影響而還沒有落實日期?然後公佈細則隨了在FB外還有沒有其他地方?
謝謝你的解答,感謝你。
龔成老師:
1)都可以做到的,但就要利用年期去進行調整,例如初期供較有增長,之後就集中供收息。這只是一個分配問題。
2)這都是不錯的建議,我研究一下。
3)原本打算2020年第三季再搞澳門班的,但暫時會安排有第四季,具體情況都要睇疫情而定。你可以預先 WHATSAPP (852-55457212)我同事,打「留位澳門股票班」,我同事有相關資料就會比你。
------------------------------------------------
Q16120:
龔成老師,近來環球經濟都因為疫情變差,似乎係掃貨好時機。
手上有兩三手盈富2800及恆基地產12,幾手中國銀行3988。
而家12號恆基地產剛宣布取消了十送一股政策,是不是證明它的賺錢能力減弱?如果我手上有三萬現金,我應該買12號恆基還是2800盈富基金比較好?
龔成老師:
對,中短期的不利,對價值投資者來說是一個機會。
你持有的都是有質素的股票,持有無問題。
恆基(0012)仍是有質素,當然,增長力減少左,預期佢中短期都是弱,不過,這股是睇長線及超長線的。
至於無左送股,其實對企業本質無影響,只是左手右與右手數的問題,不過,這反映佢增長力方面弱左。
這股不是無質素,單計佢手持農地是全港最多的發展商,就明有一定的價值,當然,農地要發展要好長時間,所以先話這股要好長線。
不過,我唔建議你只集中在幾隻股票,你應該建立一個更平衡的組合。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
供息不供本 在 林一鳴的投資世界 Facebook 的最佳貼文
近期樓市錄得一些蝕讓或撻訂個案,當中有不少的例子,竟然都是「呼吸Plan」。
雖然我在過去幾年都看好本港樓市,但一直都不建議買家選擇「呼吸Plan」及「納米樓」,因為可以死得好慘,其中以呼吸Plan的後果最為嚴重!因為買錯納米樓,最多都是買貴或住得辛苦,但唔夠實力而使用呼吸Plan強行上車,結果可能會車毀人亡,停止呼吸。
甚麼是「呼吸Plan」?在數年前的時候,金管局對銀行按揭添加辣招,除了降低按揭成數之外,還要通過壓力測試,亦要嚴格審視入息與每月供款比率;至於按揭證券公司的九成貸款,只能做到400萬以下的物業,八成就限制於600萬,導致很多想買樓的人,最後都過唔到按揭的關卡。
發展商為了速銷樓盤,於是推出超高成數按揭,貸款由發展商的財仔安排,申請資格非常寬鬆,不需要有足夠的入息證明,也不用通過甚麼壓力測試,就可以借到九成或以上的按揭貸款。由於經紀推銷的時候都說「只要有呼吸就借到錢」,所以講吓講吓就變成了「呼吸Plan」。
呼吸Plan在開始的時候,對買家確實頗為吸引的,最低只要付出5%首期就上到車,貸款在首兩三年的利息超低,甚至可以「供息不供本」,又不用做壓力測試,比買二手樓容易得多。所以有呼吸Plan的新盤,只要售價不是太偏離市價,一般銷情都會不錯,例如在環海東岸的銷售中,就超過六成買家使用呼吸Plan。
可是在優惠期之後呢?按揭息率就會立刻飆升,提高至最優惠利率P或以上水平,每月供款金額亦會急速提升。例如本來只拿着數十萬現金,月薪只有兩萬五千元的人,在金管局的限制之下,很難可以做到按揭買到樓,但他可以通過呼吸Plan買500萬的新盤,首期只需要付出5-10%即25-50萬,開始時每月供款約為兩萬元,還餘下五千元可以開飯。
但當利息變成P之後呢?每月供款就超過兩萬七千元,超過整份人工的金額,就算唔食唔喝都唔夠錢供樓!相信買家最初的如意算盤,希望過幾年後樓價升到三成,到時就能夠轉按到銀行回復低息;但結果樓價沒有這個升幅,銀行亦限制每月供款額與入息最高只為五成,即是這位月薪只有兩萬五千元的人,每月供款額最高就是一萬兩千五百元,就算得到銀行最好的2.25%按揭息率、貸款期二十五年計算,銀行最多只能借到287萬,要補回160萬差價才可以進行轉按。由於每月供款額與入息的限制,這例子也不可能做到按揭公司的九成按揭,得到四百多萬的貸款。
目前市場蝕讓或撻訂的呼吸Plan例子很多,例如屯門掃管笏滿名山的「1838一按計劃」(1838天內供息不供本、首年免息、第二三年P-4%、第四五年P),紅磡環海東岸「開心直通車計劃」(先付5%首期、每月供樓價0.35%、入伙後餘下金額借發展商財仔,首年P-0.5%,其後P+0.75%)等;較大額就有筲箕灣香島兩千七百多萬的單位,首三年免供免息,第年定息2.75%,其後就會變成P。
https://eastweek.my-magazine.me/main/94822
供息不供本 在 Comma Youtube 的最佳解答
?投資英國: 按揭申請教學 線上講座
Sakura網上直播: 英國隨口UP x 英國Mortgage Broker David Kan
??英國係熱門移居及升學國家,令當地物業需求持續?,因而吸引了不少投資者積極物色英國物業筍盤。除了Full Pay之外,其實亦可以利用按揭,增加槓桿買入英國物業。
原來英國除可選擇息隨本減方式供款,亦可揀選供息不供本❓ 投資英國樓時遇到好多按揭上嘅疑問❓ 英國同香港買樓按揭大不同,究竟有咩要注意❓今次我哋請嚟英國Mortgage Broker David Kan通通為你解答!
![post-title](https://i.ytimg.com/vi/tGcQJujPQUQ/hqdefault.jpg)
供息不供本 在 睿富財經頻道WealtHub Channel Youtube 的最讚貼文
《 #周末尋樓熱 》節目逢周六早上九點,讓你度過一個充實的周末早晨!
主持:天窗文化CEO 李偉榮、著名地產博客 脫苦海
本期嘉賓:紀惠集團行政總裁 湯文亮
———————————————————
本期內容:
#專家暢談 湯文亮
每周一位專家,暢談樓市走勢,分析地產投資風向。
#區區尋樓 29:34
處處有寶藏,區區有商機,剖析香港本地有哪些值得投資的樓盤。
本期主題:港島東 篇
#梁隼有計 36:04
地產博客梁隼,每周一個買樓小貼士。
本期主題:供息不供本 短期措施
———————————————————
相關活動:
3月4日 — 大馬MM2H + 置業 + 創業策略工作坊
http://bit.ly/39fGjMS
———————————————————
相關閱讀:
湯文亮博士《庶民經濟學 - 買樓者言》
實體書:https://bit.ly/2UXvCa7
電子書:https://bit.ly/2ICY9OM
脫苦海《智取筍盤2 - 升值地段大發現》
實體書:https://bit.ly/2p7Ibp8
電子書:https://bit.ly/2M2OaEu
梁準《買樓有計》
實體書:http://bit.ly/2Y34YC0
電子書:http://bit.ly/2IuGiMs
———————————————————
想向專家提問交流,或聽更多不同的意見及分析,立即訂閱 #睿富WeatlHub。想支持我地就 Like 及 Share!
Facebook// www.facebook.com/wealthub.hk
Website// www.wealthub.hk
![post-title](https://i.ytimg.com/vi/_ApKDWoPQ0g/hqdefault.jpg?sqp=-oaymwEbCKgBEF5IVfKriqkDDggBFQAAiEIYAXABwAEG&rs=AOn4CLDCT4KZ-tl1J0Gj7uKMMI0fUZFFLQ)
供息不供本 在 香港按揭HKMC - ‼️中國銀行「還息不還本」安排 ... - Facebook 的推薦與評價
中國銀行「還息不還本」安排‼️ 中國銀行「6個月供息唔供本」措施有以下重點,詳情如下: 對現有中銀按揭客戶,提供延期按揭供款之「 *6個月供息不供本措施」* ... ... <看更多>
供息不供本 在 【英國按揭】海外物業代理老闆Cubie 親述以公司及自僱人士 ... 的推薦與評價
供息不供本 適合什麼人?Buy to let及Buy to live分別? ... <看更多>