Andy Warhol幾十年前已經說過
每個人都有15分鐘成名機會
今時今日,一切那麼快速緊湊
可能只剩1分50秒
昨晚,同一個畫面裡有2個人
有人為了練劍中途輟學,犧牲太多
甚至在迷失自我與看不到未來的黑暗中
仍然堅持磨練,一劍一劍在劣勢下創造奇蹟🥺
然後,在那短短不夠15分鐘內
平地一聲雷,在過百萬香港人的歡呼下
成就傳奇,名字被永遠記住
成為香港人的驕傲🌈👏🥺🔥
然而同一個畫面裡
有人卻用了這輩子最多人看見
最接近成名的那次機會
丟架丟出外太空,成為宇宙笑柄
充分暴露了自己的醜陋、膚淺與無知🤦🏽
亦舒說過,一個人平時把時間用在什麼地方
是看得見的😌😌😌
多年來未被大眾注視的那段漫長歲月
你用滿是血泡的手掌撿起花劍繼續咬牙苦練🔥
還是吃喝玩樂船河自拍👾👾👾
在珠海書院沽名釣譽誤人子弟🤡🤡🤡
在Andy Warhol的成名十五分鐘裡
完全無所遁形,高下立見🙃🙃🙃
對庸才與垃圾來說
他們一輩子期盼的成名機會
也許只是公開處刑的自殺直播🙃🙃🙃
這個太精彩的對比畫面清楚告訴我們
即使我們沒有張家朗的堅持與毅力
至少也不要變成莊閒不分毫無家教
事後潛水死不認錯的特約老臨🤡
要是我們根本未預備好
就不要怪責上天怎麼一直不給你機會
因為機會
永遠是留給有準備的人
同時也留給準備出醜的人🤡🤡🤡
#我真係好鍾意你呀 #我驚我忍唔住想飛吻你呀 #不如我都跟埋你姓金啦好冇 #畀多次機會我都一定會咁問 #成名要趁早 #出醜也要趁早 #趁地稔 #家教為何物 #家朗世一 #反面教材 #當年珠海書院教嘅係黃毓民教授 #依家就係呢劈嘢 #安地華荷講幾句 #唔好影衰港女 #原產地注意 #不意外 #AndyWarhol
同時也有3部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,《豬年舖市十大預測》 好多人問我舖市來年掂唔掂, 我話真係睇你間舖喺邊度喎。 睇襯報紙,一邊就話銅鑼灣邊道邊道劈租一半, 零售市道點差點差咁,但另一邊政府嘅差餉物業估價署嘅私人零售物業售價指數, 依家香港整體舖價其實係不斷創緊歷史新高㗎喎。 咁其實來年咪舖會跑贏,咪舖會跑輸呢? 以下係我嚟緊豬...
依家就係呢劈嘢 在 李根興 Edwin商舖創業及投資分享 Youtube 的最佳貼文
《豬年舖市十大預測》
好多人問我舖市來年掂唔掂, 我話真係睇你間舖喺邊度喎。 睇襯報紙,一邊就話銅鑼灣邊道邊道劈租一半, 零售市道點差點差咁,但另一邊政府嘅差餉物業估價署嘅私人零售物業售價指數, 依家香港整體舖價其實係不斷創緊歷史新高㗎喎。
咁其實來年咪舖會跑贏,咪舖會跑輸呢? 以下係我嚟緊豬年對舖市嘅十大預測。
(1) 北邊跑贏,南邊跑輸。 好似我依企係呢道香港最南面嘅赤柱,呢道出名鬼佬多, 但依家個個expat無錢洗,housing budget cut 晒,嗰頭近廿年又無新嘅大型屋苑落成, 舖價嚟緊㗎梗係跑輸啦。 飲食段都好啲,零售段,租金都跌咗一半呀!
我後面呢間香港最南嘅赤柱大街19至21號最近有間双舖成交咗1600萬,門闊近三十呎, 一開二即係每間800萬,夠曬平。點解咁平? 因為個個商戶係嗰度叫苦連天, 自由行、高鐵、港珠澳大橋,全部益唔到嗰度。
依家香港始終消費北移, 新基建、新市鎮、新增人口全部集中喺北邊。 規劃署嘅人口分佈推算報告書都有寫, 2018年至2026年期間, 新界人口會增加超過四十四萬, 佔全港人口55%。 反而港島人口會減少十萬, 將會只佔15%。 加上大陸嘅來港中低檔消費增加, 下下過海又太遠, 香港北邊,即係屯門,元朗,荃灣梗係睇高一線啦。每年加租5-10%啦。
(2) 飲食跑贏,零售跑輸。前排葵涌廣場一樓有兩間舖同一時間賣出, 大家都差不多同一時間買入。一間賺錢,另一間就蝕大本,同一廣場,同一層樓,同一時間,大家都係舖,點解天同地呢? 望真啲,前者60B舖,2012年以960萬買入,持貨5年後,1100萬沽出,賺百四萬。該舖係間小食店。後者1086號舖,則2012年曾經以545萬易手,一樣5年後沽出,不過只係賣咗360萬,蝕咗百二萬。間舖係賣衫賣褲嗰啲零售店。 嚟緊豬年舖市趨勢都會係咁,飲食嘅,服務型嘅,體驗式嘅繼續會旺,因為互聯網代替唔到。其他零售, 難免 繼續會俾網店捱打, 後生仔女依家始終行街買嘢少咗。
(3) 舊舖跑贏,新舖跑輸。 價舖就好似一條 J Curve 咁, 新落成嘅舖值錢啲, 由於風火水電煤都比較齊, 手尾又唔使跟咁多,發展商一般叫價都高啲。 但隨著間舖越來越舊,最唔值錢嘅時候就係三十零年嘅舖, 設備開始殘舊,但重建又太早。 隨時間舖越嚟越舊,超過50年的話,就好似一條J Curve 嘅尾一樣價錢標咗上去, 因為重建潛力大增。
好似我呢度紅磡山谷道17-21號咁, 鬼影都冇隻,但後面每間舖上年就畀發展商收咗三千幾萬, 如果唔係因為收購? 市值最多一千萬,無人要! 相反, 佐敦上海街62最近有個新盤落成, AVA 62, 下面間舖第一手係2015年以2308萬買入, 只係持貨3年, 啱啱竟然以1400萬沽出, 連手續費蝕過千萬。 因此嚟緊豬年我相信都係繼續舊舖跑贏,新舖跑輸。
(4) 濕貨跑贏,乾貨跑輸。 濕貨一般係比較消耗性嘅, 賣菜賣魚賣肉賣水果, 地方通常都係濕糴糴, 但日日都要買,貪新鮮。 我後面屯門啟民徑呢間菜檔就前排賣咗八千九百萬,今時今日呢啲舖頭全部跑贏, 次次續租都加十幾廿個%。 乾貨就難搞啲,佢哋一般都係比較耐用性嘅, 鐘錶珠寶衫褲鞋襪手機相機家電梳化, 依家啲嘢太襟啦, 除非啲客要好貼潮流, 一般流轉量都減少咗。 我後面呢間中環皇后大道中29號嘅Swatch, 幾年前本來租金係每月250萬, 依家就無咗接近一半。
(5) 民生位跑贏,核心位跑輸。 民生即係樓上樓下、附近居民幫襯, 半山、北角、觀塘、荃灣、大埔等, 核心即係遠到非洲啲人嚟香港都會經過, 即係銅鑼灣、尖沙咀、中環、旺角等。 民生會跑贏, 唔係因為核心唔好。而係因為核心區喺2013/14年間,自由行消費巔峰嘅時候升過龍, 依家仲要多一兩年時間回復現實。 上帝要你滅亡,必先令你瘋狂! 滅亡咗,都要時間復活啦!
好似係我後面呢道羅素街同波斯富街大單邊嘅太子珠寶鐘錶, 2013年續約嘅時候曾經租金由80萬大幅跳到上去290萬, 全港加租幅度有史以嚟最大,但係2017年就減租四成至180萬, 180萬比起80萬仲係高一大截,嚟緊我相信仲有得減。
相反, 民生位近年一直都係追落後, 每次續租都陰下陰下加十零廿個percent。 唔怪得知,民生舖嘅大業主領展,佢嘅股價差唔多日日創新高啦。
其他預測? 仲有 (6) 細碼舖跑贏大碼舖, (7) 大眾化舖跑贏奢侈品舖,(8) 內街闊巷舖跑贏大街大道舖,(9) 建材舖跑贏傢俬舖,(10) 街舖跑贏樓上舖等等等等, 數唔曬。
當然,價錢可以解決所有問題。 即使間舖以上十樣全部唔中,唔通平到差唔多送俾你,你都唔要咩。 總之,豬年跟足以上十大預測去買舖租舖, 行多啲,睇多啲, 我相信你隻豬會行運,好快識飛天啦。
依家就係呢劈嘢 在 李根興 Edwin商舖創業及投資分享 Youtube 的最讚貼文
《哥倫布雞蛋故事: 第三輪商舖基金集資》
依家喺西班牙Madrid 同我哈佛一班同學每兩年一次reunion, 令我諗超以前哥倫布發現新大陸嘅一個故事。
【盛滙商舖基金Fund III 推介會】 - 10月8日(星期一)或9日(星期二)
- Fund I & II (2016至2018) 基金購入物業之表現回顧
- 分享如何改善配套及提升商舖租值
- 講解Fund III的集資形式及目標
講者:創辦人李根興博士及投資團隊
地點:中環新世界大廈一座1502-3室
時間: 下午一時至二時半
費用:全免 (已包午饍及飲品)
此推介會只限專業投資者參與*
* 專業投資者指持投資組合達港幣800萬元或以上的個人或公司。
投資組合包括: 現金、股票及/或債券等等,並不包括房地產。
報名方法:
Suki / Monica 2830 1111 或 whatsapp: 9218 5223 或 email: cs@bwfund.com
網上報名:
【盛滙商舖基金Fund III 推介會】 10月8日(一)
https://docs.google.com/forms/d/e/1FAIpQLSe7g_xg7rurQRjYvXoBsZfUu1hbHE7DcyBKkQh4Pe4v0F-tJQ/viewform
【盛滙商舖基金Fund III 推介會】 10月9日(二)
https://docs.google.com/forms/d/e/1FAIpQLSdVeKXNCH1jZ7Chl8585Mpn9Ql6jexH3ERJia5FVWJ-KViZQA/viewform
全文:
1492年哥倫布 Christpher Columbus 發現完美州新大陸之後, 西班牙國王等佢回國後就舉行咗個國宴慶祝佢嘅成就。 喺云云皇室成員同埋貴族之中,有人以佢為榮,亦都嘢嚟唔少妒忌。
係阿哥倫布發表演說感謝大家嘅時候, 其中一位貴族就大叫, " 有乜嘢叻呀! 係人都知揸隻船出海,係咁走,就會發現新大陸㗎喇。"
所有嘉賓都非常愕然,哥倫布則只是沉默微笑。佢話: " 大家餐桌上面都有隻雞蛋,有冇人可以將隻雞蛋打直棟喺度。" 之後啲嘉賓無論點樣擺法,隻雞蛋都係跌返落嚟。之後嗰個貴族又係道大叫啦 "雞蛋點可以棟喺度㗎"
哥倫布就拎起隻雞蛋,喺個tip tip 位度輕輕搵個匙羹拷一拷,凹一粒之後就將隻雞蛋棟咗喺度啦。之後個貴族又大叫,"係人都知你可以拷一拷隻雞蛋, 凹一粒之後就可以棟喺度啦。"
其他啲嘉賓就忍唔住捻住個嘴係咁笑。 故事帶出乜嘢理念?
好多嘢係人都知,但好多嘢唔係係人都做到。 做到,就個個知。但成功嘅要訣,就係未個個知之前 你做唔做到。
香港買賣鋪頭嘅投資者,幾十年來大把。 但絕大部份嘅人都只係想低買、高賣去賺錢。No offense, 好多業主買間舖入嚟嘅時候, 都係想殺盡上手業主個價劈到最低, 摙盡個租客加租加到盡,攞盡間舖下手買家個價至最高, 之後往往拍拍屁股就走咗去。 有乜事唔好再搵我。
以上唔係你輸,就我贏,我想改變呢個現狀, 因為係人都知做事要雙贏, 不過就係未有人做到。我2001創業買賣小生意,開始接觸商舖。2013年轉型,搞咗三年,喺2016年成為全香港首間攞正證監會牌照專門集資買舖嘅商舖基金公司。2016年7月起買入咗26間街舖,希望喺舖界賺到錢分啲畀投資者。 2017年3月起推出"服務式商舖計劃", 希望幫商戶做多啲生意, 畀佢有權投資埋一份喺間舖度,達致雙贏。2017年11月再推出"買舖 買得PRO" 計劃, 希望透過保租客,保租金,保租值嘅三大保證, 讓啲想一舖養三代, 買鋪唔想煩嘅買家買心水舖,買得安心。再係最近推出"商舖業主合作計劃", 希望幫個業主增值,出售間舖後再分返4成利潤畀佢。
以上由(1)集資買舖,到(2)同業主合作增值商舖, 到(3)搵服務式商舖租客, 到(4)賣舖"三大保證"售後服務, 全部都係香港無人做過, 全部都係同我哋公司嘅信念一樣就係 creating shared value for shops 利益一致,創造共同價值。 舖,再唔係零和遊戲。
我無資格同哥倫布比。 但一樣,做咗之後,可能係人都知。 但只係嗰個知之前,做唔做到 。
如果你有興趣同我哋一齊喺商舖創造共同增值,我邀請你參加我哋10月8號(星期一)或者9號(星期二) lunch time 時段嘅商舖基金介紹會。 我哋依家開始集資第三輪商舖基金,目標兩億港幣。
我唔係投資者,我係生意人。 我唔專注捕捉個大市上落,我係專注創造價值。 市況差 ,反而多機會。希望到時見你!
依家就係呢劈嘢 在 李根興 Edwin商舖創業及投資分享 Youtube 的最讚貼文
《香港十大商舖成交紀錄》香港的十大商舖紀錄有那十個?
(10) 舖最貴呎價成交?
(9) 舖最平呎價成交?
(8) 舖最貴每月呎租?
(7) 舖最貴每月單一租值?
(6) 舖加租最多?
(5) 舖減租最多?
(4) 舖單一成交最大金額?
(3) 舖單一蝕本最大金額?
(2) 舖升幅最多倍數?
(1) 舖跌幅最多百份比?
答案在影片裏。
..........
「行街睇舖團」人數:每次限最多十位
報名/查詢:
聯絡: Suki / Monica
電話: 2830 1111
Whatsapp: 9218 5223
Email: cs@bwfund.com
只適合持有港幣八百資產以上想買舖人士參與。
..........
影片內容:
舖每呎高達137萬,低至1429蚊,貴至每月1378萬,每呎要成8667蚊,租金升213%,但跌就百分之76,最大單11.5億,但蝕就4.6億,升可以7600倍,但跌就百分之92.5。舖真係可以天堂可以地獄。
你一輪咀係道噏緊乜嘢呀?
我係道噏緊十個商舖天堂與地獄嘅成交紀錄。你知唔知邊十個?
買舖 要買得 PRO, 我哋經常搞行街睇舖團,想報名可以打2830 1111,經過梗係要識呢十個舖市紀錄啦!
第10: 論呎價,全港最貴嘅舖就係我後面呢間銅鑼灣波斯富街77至83號波斯富大廈地下N舖,實用面積得嗰126呎,喺2014年資本策略就用1.85億買入,後來因為自由行減少,業主英記茶莊為求成交,願意減價1200萬,最終以1.73億沽出,實用呎價都高達137萬一呎,依然係全港呎價鋪王。
相比起住宅,最貴嘅樓,即使今時今曰,山頂既Mount Nicholson 係今年3月,每呎都最多只係賣過152000蚊,相比下,舖王就貴多樓王8倍。 所以舖王唔單止係舖王,應該係叫做物業之王,論呎價,應該無任何物業貴過佢嘅137萬一呎。 即使有, 我估都只係骨灰龕位,咁細個啦。
記住,舖價可以高達137萬一呎。
第9:講完最貴呎價,咁最平呢? 唉,畀張紙巾我先。而家舖市基本上係大幅落後大市,差 過住宅、差過工廈、差過商廈、差過車位、連骨灰龕位都差過。 啱啱講嗰啲,全部依家日日創新高。 但舖市呢,所有新高都係講緊11 、12、 13、 14年,但所有嘅新低都係呢兩三年發生。 我做舖嘅,都真係一殼眼淚,不過近排好返好多啦。論最平呎價? 唔好講N年前嗰啲,因為比較唔到,近年嘅話可說係我後面呢個佐敦廣場。
前身係百爵酒樓,面積近兩萬呎涉及四層樓面,係1992年嘅時候就劏咗成為160間鋪,當時嘅呎價就已經兩三萬蚊呎。 可惜好多買家收舖之後先發個實用率超低,得嗰三四成, 向賣方追討後賣方仲清盤埋間公司,管理公司都執埋,由於欠缺管理,舖價瀑跌。 喺呢度3樓9號舖,建築面積約70平方呎,係2016年4月嘅時候就沽出咗只係十萬蚊,呎價只係得1429蚊, 原業主喺九二年以70萬買入,揸咗廿四年,蝕咗八成六。
相比下,同一時期,即使最隔涉, 被譽為有可能係最平私人屋苑嘅大嶼山澄碧邨, 係2016年5月就賣咗170萬,以建築面積615呎計,呎價都要成2764蚊, 最隔涉嘅住宅比起咁中心位置嘅佐敦廣場間舖,同期住宅呎價都高出近一倍。
藝人薛家燕當年都係呢道用左254萬買左兩間,揸咗18年,係2010年就以27萬6000蚊賣買返畀財團,蝕咗近9成。 到依家你睇下,依然都係咁吉。
記住, 近年舖最平都只係1429蚊一呎。
第8。 講完買賣成交,而家就講下租務。全港最貴呎租嘅舖就係喺我後面呢間銅鑼灣景隆街同駱克道交界嘅找換店,景隆街2號呢間迷你舖, 建築面積50呎,實用只得嗰30呎,2014年4月續租租金為26萬,實用呎租為$8667。雖然 隨著自由行的縮減,2017年5月續租時,租金下跌咗近一半,至13.8萬蚊, 憑著實用每方呎每月四千六百蚊依然是香港的租值舖王。
記住, 鋪月租呎價可高達8667蚊。
第7: 講完呎租之王,而家就講下成間舖租起,最貴係邊間。就係我後面呢間銅鑼灣渣甸街 5 至 19 號京華中心地庫、地下,以及 1 至 4 樓共 6 層巨舖,總面積51,188 方呎,由 Forever 21 係2011年承租, 成為全港有史以來 最貴嘅單一舖租、月租高達 1,378 萬元。 可惜Forever 21 品牌喺2017年撤出,依家由Victoria Secret只係用一半價值,七百萬就租到。
相比起住宅單位, 摷番資料2012年5月份嘅時候,西半山天匯頂層複式單位,就用咗天價月租125萬租出, 以實用面積5732平方呎計,呎租都只係218蚊。 相比起最貴嘅舖王,舖王貴樓王呎租足足40倍。成間嘅租值都相差成十倍。 所以做得舖王,可說說是所有物業之王。
記住,最貴嘅鋪月租係1378萬。
第6: 講起加租最多, 可以數返去2011年自由行好景嘅時候,銅鑼灣羅素街58號,即係同波斯富街大單邊呢個位, 建築面積地下700呎加一樓1100呎,太子珠寶鐘錶嗰時就以每月250萬續租, 比起舊租80萬,租金急升超過兩倍,即係213%。 嗰陣時嘅業主幾狼,樓? 邊度有加咁多呀。
記住,舖租一加可以加213%。
第5: 升得急,亦都跌得甘。香港史上減租最多個案,就係我後面呢道。恩平道17至19號地舖,同白沙道嘅大單邊,建築面積1471呎,2013年起以月租170萬租給名錶IWC, IWC 約滿後減租以60萬再租給英國家電品牌Dyson, 可惜由於Dyson冇辦法打通1及2樓於是放棄租用。 於2017年8月再租給藝廊40萬元, 由高峰期足足跌了76%,相信係香港單一減租嘅紀錄。 仲未衰完,即使減租咗,可惜不足半年間藝廊又再執笠,依家最新租左俾Initial, 希望做得住啦。
記住,舖租最多減76%。
第4: 舖市歷來單一舖最大單Deal 呢? 可以數返去2012年6月, 內地投資者劉軍就用咗11.42億買咗我後面,波斯富街 108 至 120 號寶榮大樓地下 A 、 B 號舖、1 及 2 樓,即泉章居舊址,總樓面約 2.5 萬方呎,係當時及至今最大單單一舖嘅 deal 。嗰陣時,原業主都只係早三年,即係2009年7月以約3.07億元買入姐,三年升近三倍,仲要係交吉賣,劉軍係唔係買貴咗呢?
好多人問我,佢買間舖買得靚唔靚。我話好簡單啫,唔使問咁多,你賣返出去有錢賺嘅,咪買得靚囉。賣出去蝕本嘅,咪買得差囉。喺劉軍呢單case,就買咗嗰差位,因為係蝕大本。
記住,舖最大單單一成交係11.42億。
第3。 香港市場蝕本最多嘅鋪係邊間? 就係劉軍呢間啦。佢係2012年以11.42億元買入之後,吉咗一年,2013年底終於搵到先施百貨進駐,以月租190萬租出大部份樓面,2016年續租時就減咗兩成至150萬先施續租到依家。當時地下AB號舖則長期租不出,直至2014年底,劉軍劈價五成,以2.1億元出售地下AB號舖予宏安鄧清河,劉軍再係2017年2月以4.68億沽埋先施個位俾冠華鏡業,前後合共套現6.78億,比起2012年買入價11.42億, 未計手續費,係五年間就蝕咗4.64億, 即係蝕本超過4成,相信至今係香港歷史上蝕本最多錢嘅商舖成交。
老實說,買得呢啲位置嘅一般都係好強實力,有頭有面嘅投資者。即使係蝕本都唔會咁樣高調沽貨離場,好樣衰。仲洗見人? 係都靜雞雞,公司股份轉讓無人知道。不過,如果唔係本地投資者嘅, 冇識咁多朋友,我估就相對冇所謂嘅。 我去非洲買鋪,蝕本咪照沽囉,但如果係香港,蝕大本,好樣衰㗎媽,仲駛出來行!
記住,舖蝕最多係4.64億。
第2: 講完蝕得最甘,不如講下升得最多。我後面呢間係全港有史以來升得最多倍的舖, 地址係波斯富街76號地舖(羅素街及波斯富街交界)。本來是Rado, 現在是 Folli Follie。 原業主於1966年以5萬元買入, 係2011年1月以3.8億沽俾英皇。45年間升值7600倍, 是香港舖界紀錄,應該也是所有物業中的紀錄。建築面積600呎,呎價$63萬,買入時租金為每月64萬,回報2.0%。之後2014年3月加租1.8倍至179萬, 隨著零售業自由行大跌,Rado 於2015年12月撤出,follie follie 進駐,最新租金為90萬,呎租由$2983減至$1500。 舖市升過千倍好平常,但係升7600倍依然係香港紀錄。
樓的話,最多一般升都只係升幾百倍。係我後面呢間,勿地臣街16號一個單位,係2017年1月,因為收購而被發展商用3600萬買入,原業主係70年用$37000買入單位,46年間就升值咗972倍。 翻查有報導過嘅資料,呢單已經係香港樓嘅紀錄。
如果你喺1960年代買入香港第一個大型私人屋苑,即係美孚新邨,第一手揸到而家,揸足50年,都只係升咗大約二三百倍。 所以舖王升值潛力遠遠大過樓王。
記住,舖可以升值7600倍。
第1: 上帝要你滅亡,必先令你瘋狂。升得多,梗係亦都會跌得甘。 買樓一般最多都只係蝕幾成。即時97年最高峰嘅時候買入,03年沙士嘅時候沽出,就蝕七成囉。但買舖就蝕得更甘啦。 你以為我上面講嘅佐敦廣場蝕得甘? 未算。 我後面呢個尖沙咀金馬倫道首都廣場一樓F148舖,實用80呎,前身係DNA 商場, 喺2013年由劏場大王尹柏權劏出嚟,全場劏舖數目超過700個, 推出首兩年五厘回報保證,吸引咗唔少第一次買舖嘅買家,原業主係2014年用827.2萬第一手買入, 由於欠缺推廣及管理不善,舖價大跌淪為死場,原業主就係2017年5月以70萬沽出, 未計手續費, 帳面蝕咗足足91.5%。
呢個未係香港紀錄,只係排第二。第一應該係位於我後面荃灣近路德圍嘅地皇廣場, 前身為登發大廈嘅商場,本來係幾間大型食肆同補習社。 喺2012年又係劏場大王尹柏權劏出二百五十間舖, 又係首兩年五厘回報保證,可惜劏場最終又係淪為死場,係2017年7月地皇廣場內一個2樓嘅238號舖,建築面積 84 方呎,實用面積 42 方呎。原業主用400萬4千元買入,持貨五年以30 萬元沽出,帳面勁蝕 92.5%! 比首都廣場嗰間蝕多1%,呢個先至係香港舖市蝕本嘅紀錄, 我相信亦都係喺香港所有物業市場蝕本嘅紀錄。
好多人問我蝕咁多點解要賣呢?你要明白,商場舖即使你租唔出,每個月都要畀冷氣同管理費,每間舖平均要比成千幾蚊港幣。 一方面你租唔出的話,你可以每個月繼續俾千幾蚊,或者一次過收30萬斬纜就算數啦。 你可以等,但回望返佐敦廣場,一吉起來就可以至今吉足廿六年,咁你會選擇每個月畀千幾蚊, 唔好彩嘅畀足26年,或者袋三十萬認輸離場呢? 你自己計計數啦。
好在喺2017年8月份,有個叫李根興嘅攪屎棍聯同一班業主, 一齊唱歌跳舞希望聯合力量招租搞返旺個場 ,而家?已經100%出租曬啦! 想租鋪?可以打俾 Olive Wong 5640 8020 睇下你仲有無份入場。三十萬一間? History 啦,依家肯以倍數上返去。
但最後,都要記住鋪可以蝕92.5%。
今日聽多次個南無佬講咗啲乜?
舖每呎高達137萬,低至1429蚊,貴至每月1378萬,每呎要成8667蚊,租金升213%,但跌就百分之76,最大單11.5億,但蝕就4.6億,升可以7600倍,但跌就百分之92.5。舖真係可以天堂可以地獄。
而家聽得明啦掛。你去天堂定地獄? 睇你本事啦。
李根興博士 Edwin @ 2018年8月
盛滙商舖基金 Bridgeway 創辦人
- 關於「舖」:聯絡我 WhatsApp 90361143 edwinlee@bwfund.com
依家就係呢劈嘢 在 仲係超大社區,依山傍水,旺中帶靜筍盤,總價70萬買三房二廳 ... 的推薦與評價
【中山買樓2022】南區碧桂園鳳凰城劈價大盤,仲係超大社區,依山傍水,旺 ... 盤,總價70萬買三房二廳二衛剛需戶型,首付14萬就上車,投資退休首選。 ... <看更多>
依家就係呢劈嘢 在 睇下有幾多個係你哋識嘅呢?而搵嚟呢啲嘅口語字 - Facebook 的推薦與評價
我就覺得依家有好多人喺度〔賊喊捉賊〕! 7 年 檢舉. Venessa Chu, profile picture. ... <看更多>
相關內容