呢幾日忙到嘔茄,
平常家務工作繼續,
細妹咁啱撞正測驗週,
仲要天天煮大茶飯,
買餸時間比平時長,
心思也要花得比平時多,
再正值每月情緒低潮期,
真係炆到爆燈兼感覺難受。。。
😞😞😞
你以為已到極低點,會來個反彈嗎?
世事又豈會盡如人意呢~
正所謂低處未算低~
在你洗完衫,打算從洗衣機拎果堆深色衫出來之際~
OMG😱點解全部痴晒一粒粒白色嘢架?
原來又係果位,已被我抦咗七七四十九次,
同佢講咗十萬次唔該睇清楚褲袋有無紙巾,
但仍然當我發噏風無理過我的人!!!🔥
今次仲要係兩大張低質素紙巾,一洗溶溶爛爛😑
再遇著洗深色冬天衛衣。。。
望住果一堆痴滿微塵般的黑色衫。。。
唔洗仲乾淨過洗咗嘅效果,
我心入面果團怒火真係即時衝天!!!
我決定一陣去姨媽傢私買個碌,
😑😑😑叫果位罪魁禍首今晚碌乾淨啲衫!
我要啲衫一點仔紙巾都無!!!
🔥🔥🔥🔥🔥🔥🔥🔥🔥🔥
親💕星期三快樂💕
#漏咗唔記得溫馨提示大家
#今日飯盒密集恐懼症慎入
#飯盒反映製作者當時心態
#係咪代表我好壓迫壓力大
#我都係返峨眉繼續修行去
Search