我唔知我呢個朋友做咩要咁苦口婆心。我依然覺得，走得快d走，佢地唔自己親手仆過，就會話所有人叫佢地「諗多步」既，都係收左共產黨錢既藍絲。佢地從來都冇諗過，叫佢地9衝移民既人，從來都冇諗過你既生活係點。
我係相信「經驗教學」既。佢地仆到盡，痛到癲，先會知邊個係害佢，邊個係幫佢。你而家提佢，佢當你衰人呀。
～～～～～
倫敦人妻先生手記：都係嗰句，無人會為你嘅人生負責，我只能叫大家好好準備。
初初黎到一定乜嘢都覺得好好，熱戀期總是情人眼裏出西施。日子久了，一切都會回歸生活，到時候才見真章。
如果外國真係咁好，唔會有一大班人做海歸，如果外果真係咁差，唔會有一大班「老華僑」在海外散葉開枝。
移民講際遇講運氣也講自己的實力，5+1就係大家證明自己實力嘅時間，你過到自然歡迎你成為英國的一份子，但也要有心理準備，很多人會過不到。
然後，有沒有Plan B呢？萬一你真的很討厭英國，「靜到訓唔著」，咁你點算？Plan B係移返香港、定係移去公路邊、定係移去zone1 Heaven 附近晚晚落街跳舞？
說到底，其實都係有沒有做足功課的問題：你知自己唔去飲茶就會死，麻煩英國的新屋就揀附近有茶樓；你知道自己行路係會死，麻煩你揀附近有車站同超市。做唔足功課，或者自己呃自己「靜啲我應該都冇問題嘅」，結果咪靜到訓唔到囉。
唔夠錢？一係就賺夠再黎，一係就妥協。我夠想住淺水灣啦，但邊有得又要二百蚊又要李嘉欣？
唔好見到啲KOL過到黎好梳乎咁就跟埋過黎，你點知人地銀行戶口有幾多錢？每個月賺幾多你知咩？中左六合彩、俾富豪包、承繼巨額遺產難道又要同你講咩？同埋大家上網都係post開心野為主架啦，唔通我日L日喺度呻咩？（雖然我真係無乜野需要呻😂😂😂）
#講到尾兩個字
#自量
#如果你在香港都係勉勉強強
#唔會無端端黎到變得大富大貴
#嗰啲黎到英國撈得掂嘅
#本身在香港都唔係差
#只係欠一個時來運轉的機會
#請唔好對英國有太多不切實際的幻想
#英國沒有騙你
#生活也沒有騙你
#是你欺騙了自己
#世上最開心嘅事
#係見到嗰啲話你放負人渣嘅人
#如何折墮而正能量地生活著
#啊好棒棒
#真想跟你說句加油
#親愛的你還有六年慢慢嘆呢 🥰🥰🥰
