大俠老咗之後（上）
少年豪俠，策馬江湖，行俠仗義，偶遇佳人。
從此雙劍合璧，持劍衛道，譜出一段佳話。
之後呢？小說從來唔會話畀你聽，大俠同佳人退休後會做啲咩。
亦唔會話畀你聽，大俠後生嗰陣造成嘅舊患，會令佢老咗之後有風濕。
依加，五十年前名震一時嘅「銀劍飛龍」飛大俠，一路敷風濕膏藥，一路囉囉嗦嗦話想飲酒。
不過，我都唔再係五十年前嘅江湖第七美人，我只係一個「扭住老公耳仔，警告佢，大夫叫佢唔好飲酒」嘅阿婆。
當年郎才女貌，依加男殘女老，某程度上，我哋依然係咁襯。
當年我哋一齊行走江湖，去到某個風光如畫嘅小鎮，停下腳步，開咗一間酒館，請咗兩個伙計。
初頭嗰幾年，老公仲會去驅逐吓啲惡霸，路見不平拔刀相助咁。
後來，有個大門派喺附近嘅山頭立足，想行俠嘅弟子太多，壞人都唔夠用，搞到啲惡霸唔敢蒲頭，老公亦唔再需要出劍。
就咁過咗三十幾年，雖然鎮上嘅人依然尊稱佢一聲「飛大俠」，叫我「飛嫂」，但我哋只係一對平凡嘅老夫妻。
聽講最近個大門派搬走咗，不過我哋早已經退出江湖，呢啲嘢都唔關我哋事。
呢三十幾年嚟，我哋過得平靜而幸福，間唔中有啲風濕頭痛腳痛便秘咁囉。
直到有一日，酒館嘅客人喺度傾計，佢哋講起：「鍾老虎真係好過份。」
「係囉，好好地一個後生仔，打斷咗人隻腳。」
「唉，本來人哋準備考秀才㗎嘛。」
老公八八卦卦咁痴埋去：「發生咩事啊？」
原來，有個叫鍾老虎嘅惡霸，搬咗嚟呢個小鎮。
佢買咗一個大宅同一啲田地，然後，佢想收購某個書生嘅田地。
因為塊哋係祖產，所以書生唔肯賣，鍾老虎就半夜搵人破壞田地上嘅莊稼。
書生梗係不忿，上門搵鍾老虎算帳。
佢哋發生爭執，結果書生被打斷咗一隻腳，掟出大宅外。
老公拍枱大叫：「實在太過份啦，冇王法㗎咩。」
客人解釋：「鍾老虎個妹，係縣太爺最新納嘅小妾。我哋呢個小鎮連秀才都唔多個，鍾老虎咪王法囉。」
我插嘴：「呢啲衰人，總會有人替天行道嘅，遲早俾天收！」
「講就好聽，邊有咁多大俠路過……係喎，飛大俠當年都係大俠嚟，不如你去為民除害啦。」客人嘻嘻哈哈咁起哄。
老公冇出聲，唏，大家都係講笑啫。
但五日後，老公突然支支吾吾，遮遮掩掩。
我捉住佢一睇，先發現佢隻左眼腫咗，腫到豬頭炳咁。
我好嬲：「你搞咩嚟？」
「我呢幾日去考察咗，發現鍾老虎真係欺男霸女，無理地打斷咗人哋隻腳，依加仲霸佔埋人哋嘅田地！」老公義憤填膺咁講。
我問：「所以呢？我唔係問鍾老虎，我係問你身上嘅傷點嚟。」
老公吞吞吐吐：「所以我咪去搵鍾老虎理論……跟住佢唔講道理，打咗我一拳……」
「你係咪傻㗎？都話明係惡霸，點會同你講道理？」我一手扯佢埋嚟，點知佢大叫：「啊，痛！」
「又邊度痛啊？」
「佢仲踢咗我一腳……」
我扯開佢件衫，連條腰都瘀埋。
我一路幫佢捽藥酒，佢仲囉囉嗦嗦：「俠之大者，理應為國為民。大家叫得我一聲『飛大俠』，我就有責任……」
我忍唔住打斷佢嘅說話：「你今年七十七啊，唔係二十七啊！呢啲嘢留番畀啲後生仔做啦。」
「你當年唔係咁講㗎，你當年同我一齊行俠仗義……」
我反駁：「當年你一招輕功可以飛上屋頂，上年你行樓梯仆咗落去啊。」
待續...
Patreon訂閱即時睇下集，快人一步：https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #大俠老咗之後
俠之大者 在 [討教] 怎樣稱的上為國為民，俠之大者- 看板JinYong 的推薦與評價
郭靖曾對楊過說：為國為民，俠之大者
也就是說稱的上俠之大者，就是以天下蒼生為念，對國家盡忠
郭靖為了阻止蒙古大軍進犯，保衛襄陽城，讓百姓得以安居樂業
在這方面稱他為俠之大者，應該是無庸置疑，所以得到一個北俠稱號
另外，蕭峰以天下蒼生為念，不願幫助大遼進軍大宋
逼退大遼皇帝以後，對宋朝施以大義，算是立了大功
在忠義兩難存之下，只好自殺殉國，所以我個人認為蕭峰也是能做到俠之大者
再來看看當時的時空背景，自天龍射鵰、神鵰以後，蒙古建立大元朝
倚天的時空背景國家是元朝，在這方面反而汝陽王為了驅除亂黨對國家盡忠
所以汝陽王是不是也稱的上俠之大者
之後就更難找到同時具備為國為民的主角或大俠
另外再舉一個為國為民的例子，若是有食官俸，算是為國執法，逞奸除惡，為民除害
是不是也稱的上俠之大者，例如七俠五義中包拯的得力助手展昭(只能想到這個例子)
比較接近的應該算是丘處機，他殺貪官汙吏，逞奸除惡
若是有食官俸，在國家授權下，為國執法，他應該也稱得上為國為民吧
說了這麼多，結論就是，討論看看究竟怎樣才能稱得上為國為民，俠之大者?
如果以國家來說，很多我們所謂的反派，都是為國為民
或者不是行軍打戰，但就以食國家俸祿，逞奸除惡，也能成為俠之大者嗎?
不過這又造成矛盾，一些大俠、宗師級的人物都不屑與官府往來
--
※ 發信站: 批踢踢實業坊(ptt.cc)
◆ From: 123.110.191.209
※ 編輯: pfboy 來自: 123.110.191.209 (11/24 16:34)
... <看更多>