❍《武》彙整
▍專頁的文章不易系統性檢索，特把《武》20 篇彙整於此。當然也可點「相片」>「武」相簿，進去一篇一篇找。
( 這只是檢索文，內文請點>> 詳文 )
#武20 ──【負壓】
▔▔▔
▩ (詳文)〔 http://bit.ly/32nF63R 〕
▩ (音檔)〔 http://bit.ly/2vXKaPY 〕
▩ 日本的人口是咱臺灣的五倍濟；咱負壓隔離病床有成千床，𪜶閣無咱的重倍額咧。咱有這號醫療環境，真正愛足寶惜。
▩ Ji̍t-pún ê jîn-kháu sī lán Tâi-uân ê gōo puē tsē; lán hū-ap keh-lī pēnn-tshn̂g ū tsiânn tshing tshn̂g, in koh bô lán ê tîng-puē gia̍h--leh. Lán ū tsit-lō i-liâu khuân-kíng, tsin-tsiànn ài tsiok pó-sioh.
#武19 ──【做手】(造假)
▔▔▔
▩ (詳文)〔 http://bit.ly/3cdu3Pc 〕
▩ (音檔)〔 http://bit.ly/37RigT8 〕
▩ 中國講𪜶疫症有較定、袂閣湠開矣。講甲有一字八字嘞！數字攏無做手呢？我是毋信啦。
▩ Tiong-kok kóng in i̍k-tsìng ū khah tiānn, bē koh thuànn--khui--ah. Kóng kah ū tsi̍t jī pat--jī--liooh! Sòo-jī lóng bô tsò-tshiú--nih? Guá sī m̄ siàn--lah.
#武18 ──【天狗熱】(登革熱)
▔▔▔
▩ (詳文)〔 http://bit.ly/2T88Ey9 〕
▩ (音檔)〔 http://bit.ly/39KfYGS 〕
▩ 蓋世間第一例，新加坡講有人致著天狗熱，隨閣 hông [予人] 穢著武漢肺炎。氣愛有偌䆀、運愛有偌衰，才會做一睏帶著兩種時氣病？
▩ Kài sè-kan tē-it lē, Sin-ka-pho kóng ū lâng tì-tio̍h thian-káu-jia̍t, suî koh hông uè-tio̍h Bú-hàn hì-iām. Khuì ài ū luā bái, ūn ài ū luā sue, tsiah ē tsò-tsi̍t-khùn tài-tio̍h nn̄g tsióng sî-khì-pēnn?
#武17 ──【跤後蹬】(腳跟)
▔▔▔
▩ (詳文)〔 http://bit.ly/3c2BSHl 〕
▩ (音檔)〔 http://bit.ly/39QoC6Q 〕
▩ 欲我掛喙罨乎，是並死較艱苦啦。食甲這个歲矣，棺柴都軁甲賰跤後蹬爾，閣差一屑仔就入去矣。我死 bua̋-kín [無要緊]，掛喙罨我毋。
▩ Beh guá kuà tshuì-am--honnh, sī phīng sí khah kan-khóo--lah. Tsia̍h kah tsit ê huè--ah, kuann-tshâ to nǹg kah tshun kha-āu-tenn niâ, koh tsha tsi̍t-sut-á tō ji̍p--khì--ah. Guá sí bua̋-kín, kuà tshuì-am guá m̄.
#武16 ──【瀾鬚】(飛沫)
▔▔▔
▩ (詳文)〔 http://bit.ly/38UeNER 〕
▩ (音檔)〔 http://bit.ly/39NosNy 〕
▩ 坐公車 khuàinn [看見] 人嗽袂離閣喋袂煞，講話講甲瀾鬚詬詬噴，和伊仝車幫是會驚驚甲袂驚喔。
▩ Tsē kong-tshia khuàinn lâng sàu bē lī koh thi̍h bē suah, kóng-uē kóng kah nuā-tshiu kāu-kāu-phùn, hâm i kāng tshia-pang sī ē kiann kiann kah bē kiann--ooh.
#武15 ──【一般的】(一般而言)
▔▔▔
▩ (詳文)〔 http://bit.ly/39YtQ0g 〕
▩ (音檔)〔 http://bit.ly/2vHOiDT 〕
▩ 武漢肺炎的暗作期，一般的是講 14 工內。新聞彼款 94 工的，彼是有較譀啦，人三七講、咱就四六聽啦，乎。
▩ Bú-hàn hì-iām ê àm-tsoh-kî, it-puann-ti̍k sī kóng 14 kang lāi. Sin-bûn hit khuán 94 kang--ê, he sī ū khah hàm--lah, lâng sam-tshit-kóng, lán tō sù-lio̍k-thiann--lah, honnh.
#武14 ──【預防射】(疫苗)
▔▔▔
▩ (詳文)〔 http://bit.ly/3a2q9Xc 〕
▩ (音檔)〔 http://bit.ly/39GjVMz 〕
▩ 今流感都有預防射通注矣，啊武漢肺炎咧？甲快！上𠢕趕嘛著明年，今年無望啦。
▩ Tann liû-kám to ū ī-hông-siā thang tsù--ah, ah Bú-hàn hì-iām--leh? Kah khuài! Siāng gâu kuánn mā tio̍h mê-nî, kin-nî bô-bāng--lah.
#武13 ──【無張無持】(冷不防)
▔▔▔
▩ (詳文)〔 http://bit.ly/38TVco1 〕
▩ (音檔)〔 http://bit.ly/2HtaELP 〕
▩ 新加坡和日本疫症嘛強欲挽袂牢矣，咱皮愛繃予閣較絚咧，無張無持喝湠就湠，一下大𪐞咱就食力矣。
▩ Sin-ka-pho hâm Ji̍t-pún i̍k-tsìng mā kiōng-beh bán bē tiâu--ah, lán phuê ài penn hōo koh-khah ân--leh, bô-tiunn-bô-tî huah thuànn tō thuànn, tsi̍t-ē tuā tòo lán tō tsia̍h-la̍t--ah.
#武12 ──【遮瞞】(隱匿)
▔▔▔
▩ (詳文)〔 http://bit.ly/3a1bCLD 〕
▩ (音檔)〔 http://bit.ly/2wbQjIu 〕
▩ 遮瞞趁一時仔爽，煏空著無了時傱。
▩ Jia-muâ thàn tsi̍t-sî-á sóng, piak-khang tio̍h bô-liáu-sî tsông.
#武11 ──【蝒蟲】(蛔蟲)
▔▔▔
▩ (詳文)〔 http://bit.ly/2TdnnHR 〕
▩ (音檔)〔 http://bit.ly/39wR25u 〕
▩ 蓋東南亞人口上濟的國家──印尼，講猶無武漢肺炎的病例嘞，這內底有啥物蝒蟲佇咧無？
▩ Kài Tang-lâm-a jîn-kháu siāng tsē ê kok-ka—Ìn-nî, kóng iáu bô Bú-hàn hì-iām ê pēnn-lē--liooh, tse lāi-té ū sánn-mih bīn-thâng tī--leh--bô?
#武10 ──【美國時間】(閒工夫)
▔▔▔
▩ (詳文)〔 http://bit.ly/37Tf9tS 〕
▩ (音檔)〔 http://bit.ly/2SjYwTD 〕
▩ 甲奇咧！啊𪜶兜咧火燒厝，猶閣有彼號美國時間來咱兜咧走相逐。
▩ Kah kî--leh! Ah in tau teh hué-sio-tshù, iáu-koh ū hit-lō Bí-kok-sî-kan lâi lán tau teh tsáu-sio-jiok.
#武09 ──【病毒】
▔▔▔
▩ (詳文)〔 http://bit.ly/2HSDZ2p 〕
▩ (音檔)〔 http://bit.ly/37k54pE 〕
▩ 驚 hông [予人] 穢著腸仔病毒、流感病毒、抑是 2019 新型冠狀病毒，捷洗手真正是大要緊。毋免去洗茉草、洗茅仔草、洗甲榕仔葉，洗雪文才是上蓋著。
▩ Kiann hông uè-tio̍h tn̂g-á pēnn-to̍k, liû-kám pēnn-to̍k, a̍h-sī 2019 sin-hîng kuan-tsōng pēnn-to̍k, tsia̍p sé-tshiú tsin-tsiànn sī tuā iàu-kín. M̄-bián khì sé bua̍h-tsháu, sé hm̂-á-tsháu, sé kah tshîng-á-hio̍h, sé sap-bûn tsiah-sī siāng-kài tio̍h.
#武08 ──【嗾著】(嗆到)
▔▔▔
▩ (詳文)〔 http://bit.ly/2HO3hPu 〕
▩ (音檔)〔 http://bit.ly/2Shn288 〕
▩ 食飯莫嗄傷雄，這號時機，無細膩去嗾著、嗽甲喀喀叫，看邊仔有偌濟人會驚甲一个面青恂恂。
▩ Tsia̍h-pn̄g mài sà siunn hiông, tsit-lō sî-ki, bô-sè-jī khì tsa̍k--tio̍h, sàu kah khe̍nnh-khe̍nnh-kiò, khuànn pinn--á ū luā-tsē lâng ē kiann kah tsi̍t ê bīn tshenn-sún-sún.
#武07 ──【囤】
▔▔▔
▩ (詳文)〔 http://bit.ly/38WrrD1 〕
▩ (音檔)〔 http://bit.ly/2UAT949 〕
▩ 衛生紙莫閣買轉去囤矣啦，連鞭現錢買無現貨喔。我挖溪，你先放！共紙留予屎咧滾的人。
▩ Uē-sing-tsuá mài koh bé tńg-khì tún--ah--lah, liâm-mi hiān-tsînn bé bô hiān-huè--ooh. Guá óo khe, lí sing pàng! Kā tsuá lâu hōo sái teh kún ê lâng.
#武06 ──【肺炎】
▔▔▔
▩ (詳文)〔 http://bit.ly/2Vgp0ar 〕
▩ (音檔)〔 http://bit.ly/2tIqHCn 〕
▩ 講武漢肺炎食啥就醫會好，這款假新聞滿四界，咱莫做阿西，有閒「台灣事實查核中心」就去共踅。
▩ Kóng Bú-hàn hì-iām tsia̍h sánn tō i ē hó, tsit khuán ké sin-bûn muá-sì-kè, lán mài tsò a-se, ū-îng “Tâi-uân Sū-si̍t Tsa-hi̍k Tiong-sim” tō khì kā se̍h.
#武05 ──【夜婆】(蝙蝠)
▔▔▔
▩ (詳文)〔 http://bit.ly/2vWMmaL 〕
▩ (音檔)〔 http://bit.ly/2tCTnwn 〕
▩ 毋通啥物生跤帶手物都想欲掠來食，吮夜婆肉，是會變夜婆俠諾？
▩ M̄-thang sánn-mih senn-kha-tuà-tshiú-mi̍h to siūnn-beh lia̍h-lâi tsia̍h, tshńg iā-pô bah, sī ē pìnn Iā-pô-kiap--hiooh?
#武04 ──【璇石】(鑽石)
▔▔▔
▩ (詳文)〔 http://bit.ly/2TaBGNx 〕
▩ (音檔)〔 http://bit.ly/39gaTpA 〕
▩ 璇石公主號 (Diamond Princess) 裡 hông [予人] 隔離的人，袂當自由行徙，透暝透日都關踮峇艃房內，論真是悽慘代。
▩ Suān-tsio̍h Kong-tsú-hō--lin hông keh-lī ê lâng, bē-tàng tsū-iû kiânn-suá, thàu-mê thàu-ji̍t to kuainn tàm bâ-lî-pâng-lāi, lūn-tsin sī tshinn-tshám-tāi.
#武03 ──【祕書】
▔▔▔
▩ (詳文)〔 http://bit.ly/37ZFBSV 〕
▩ (音檔)〔 http://bit.ly/2UpdY2p 〕
▩ 世界衛生組織的祕書長啊，無，你是咧發爐呢？痟話講甲閣會牽絲呢！
▩ Sè-kài Uē-sing Tsoo-tsit ê pì-su-tiúnn--ah, bô, lí sī teh huat-lôo--nih? Siáu uē kóng kah koh ē khan-si--neh!
#武02 ──【喙罨】(口罩)
▔▔▔
▩ (詳文)〔 http://bit.ly/2VjOc02 〕
▩ (音檔)〔 http://bit.ly/3814RZz 〕
▩ 病院外口，四界都有 khuàinn [看見] 掛過的喙罨 hông [予人] 擲佇塗跤，呔會遐有水準啦！
▩ Pēnn-īnn guā-kháu, sì-kè to ū khuàinn kuà--kuè ê tshuì-am hông tàn tī thôo-kha, thài ē hiah ū-tsuí-tsún--lah!
#武01 ──【緩期】(延期)
▔▔▔
▩ (詳文)〔 http://bit.ly/37UyIBW 〕
▩ (音檔)〔 http://bit.ly/2v55hiQ 〕
▩ 教育部宣佈開學緩期，各大學開學日且定佇三月初二。
▩ Kàu-io̍k-pōo suan-pòo khai-ha̍k uān-kî, kok tāi-ha̍k khai-ha̍k-ji̍t sánn tīng tī sann-gue̍h tshe-jī.
#這二十天的一日PO一篇結束
#將回復一二十日PO一篇的慢活節奏
俠諾 在 Qno 俠諾科技中國風形象影片 - YouTube 的推薦與評價
Qno 俠諾 科技中國風形象影片. 444 views444 views. Jun 23, 2011. 2. Dislike. Share. Save. qnomarketing. qnomarketing. Subscribe. Qno 俠諾 科技 ... ... <看更多>