【童顏界KOL 唐寧😍😍 由22歲大學生 → 演到34歲新娘 → 再演到46歲媽媽 !! 】
由細睇到大都咁 sweet 嘅童顏界KOL 唐寧，真係陪住唔少香港人成長，由佢 5 歲 BB 樣，睇到佢演教育電視，再睇到佢喺泳池度片石轉身，到而家佢已經有對囝囡喇！人地唐寧 BB 個樣仲係少女咁款，五官好似雪咗落冰格，我自己呢就極速變多功能阿嬋，深度 PS 同批盪都遮唔到兩條法令紋… 公平咩？下？公平咩？
都一排無睇過唐寧 BB 做戲，今次佢終於破冰轉身，演咗套短片過吓戲癮，由22歲大學生 → 進化到34歲新娘 → 再超進化變46歲媽媽，睇住唐寧大嘅各位，又可以睇多次佢嘅成長歷程喇！！演二字頭嘅學生，對唐寧嚟講絕對輕鬆，簡直係行入投注站都會比保安查身份証。跟住演到去結婚嫁人，再生咗兩個小朋友嘅媽媽，哼，你以為我會信咩？唐寧同佢細佬妹嚟嘅！（咁又誇張咗做多咗，姪仔姪女啦）
演足三個人生階段，係咪有啲似層相識，你而家都喺某個人生階段？咁唐寧 BB 究竟想同大家講啲咩呢… 佢今次拍攝「糖尿心」微電影，原來想話俾大家聽人大咗，係時候要留意吓糖尿病同心臟健康喇！特別係大家屋企嘅家父家母呀，今年留喺屋企多咗，運動又可能少咗，飲飲食食又多咗… 乖，聽唐寧BB話，睇晒條片佢，唐寧個樣 sweet 姐，但大家啲血糖就唔可以再 sweet 落去喇！
想了解更加多關於控糖護心嘅資訊就即刻去呢度啦：https://bit.ly/2L3im4j
#唐寧bb #個樣仲係咁sweet #糖尿病 #糖尿心 #控糖護心 #特約分享
