《我和看更有個約會》第1回
上星期三去in 嗰份工 : AO(PM)-Estate , 全名係 Assistance Officer ( Property Management) - Estate, 中文可以叫房地產物業管理部助理主任，即係看更。
搭正9點，我第一個敲門入去見人事部主管羅小姐，覺得有啲面善，可能因為佢外貌有七分似邵美琪，即係PTU 嗰個Madam。
點知一坐低，佢揭兩下本file, 忽然話 : 「李生，仲認唔認得我？」
我托一托副老花，我又唔係任達華……
羅小姐笑笑口 : 「 Irene 呀， lrene Law 呢，97年暑假我去你公司見工，同你話會畀心機一直做落去，點知做咗兩個幾月，科大收咗我我就辭職，你唔單止冇鬧我，仲出晒全部糧……。」
我即時記得番，十八年前，我請 lrene 果陣，仲開玩笑問佢男朋友係咪鄭伊麵，當年佢地仲打得火熱，未出現高妹Gigi。
97前，我响觀塘成業街做五金廠，打通兩個單位，公司大約有四五十人。
今日竟然同lrene 掉轉位坐，如果有杯砒霜，唔使唱《香夭》我都即刻飲勝。
世界上，有乜嘢可以開心得過in 舊老細？
除咗CY下台。
就係咁，我就好似英雄本色裏面落難嘅Mark哥，開始咬住個兜……
-第1回完-
李懂媽
個金ao全名 在 #請益玉山銀行個金AO - 工作板 | Dcard 的推薦與評價
由於找不到太多相關和具體的資訊，身邊也沒有從事金融業的家人朋友，所以上來請教各位有經驗的前輩們：本身是去年的畢業生，由於某些家庭因素最近才要 ... ... <看更多>