關於 偏向資方造成制度不公義 ，我們在網路上蒐集到這些相關的討論、資訊與評價

［讀者投稿］

-求職者角度-

《邊個幫緊邊個？職場上你我都係命運共同體》

一個求職者對獵頭的控訴！

#資本主義市場下就係咁運作

我係一個求職者，試過用獵頭/Agent 搵工，但無一次成功。

最離譜嘅經歷係咁：
1. 獵頭/Agent 遲大到要我等45分鍾
2. 無book meeting room 做interview，最後問我係Pantry 得唔得
3. 去到見面第一句同我講話「原本傾緊果個role無左，不過唔緊要，手上仲有role」，但就講極都講唔出
4. 明明無role扮有role, 去到擺明正係想八我前公司啲料
5. 明明唔係我想做嘅嘢就逼我試下，無啦啦安排左interview 同比左我cv人
6. 比JD我果陣比左另一個求職者CV我！！

我都試過好獵頭/Agent ，佢哋的確無呃我，每次電話都好實在講到比我聽個role係點，對我career發展有乜用，要點面試同埋會幫我叫好價（雖然仲未發生到有offer)

上面種種經歷，唔係要指責獵頭/Agent 有幾差，而係想講「獵頭/Agent 」呢份職業入門好易，質素都可以相差好大！求職者要有心理準備面對「差獵頭/Agent」

相比起市場上面嘅求職者如是，門檻都可以好低，咁做獵頭好自然會預到「差cv 」&「差求職者」

#利益係資本制度下係唯一保障
但係明明獵頭/Agent 都係打份工，有咩特別？

特別之處係佢有晒你啲個人資料，你唔會知佢點用！又或者間公司點用你都唔會知！除此之外，埋單比獵頭/Agent 係另一間公司，所以好自然佢哋一定係帶有立場，更重要係你好似有求於佢咁

情況就好似你阿媽請左個補習老師比你，你覺得教得唔好，都唔會由你去炒個補習老師，係你阿媽話事。但獵頭/Agent 就仲複雜啲啲

至於用清潔阿姐個比喻，有啲西客係都要搞臭個廁所，要掟啲m巾上天花，咁係清潔姐姐問題定係個客問題？

對我來講，係制度問題，點解個清潔姐姐要做埋清潔以外嘅CS manage 工作？個客有無跟足制度，有無權力去做呢個行為？

公司應該要有指引比人點用廁所（03年後香港廁所都成日有），如果清潔姐姐不幸預上，應該向公司反映，記錄低作日後PDCA.

而客人有無自由去做相關行為？有權利就有義務，假如係權力以外，就係明顯犯規，以此比喻，公司可以claim 果位客人拋m巾上天花！

唔知你有無代入角色，其實求職者都可以係清潔姐姐，獵頭都可以係果位客，而公司可以象徵社會上標準

求職者用時間/請日假去見工，搵工係有成本，可以係一個弱勢

獵頭都可以提出一啲無理要求，要求職者跟

說到底，就係無一個制度處理獵頭同求職者關係，因為獵頭行業無監管（職業介紹所規例廢到嘔），好自然就無一個信任基礎，因為獵頭的確帶有立場，同時大家都無一個法定保障，求職者係未有offer 前都係弱勢

係無制度底下，如果正係討論「好can」、「好獵頭」根本係唔現實，兩個人為利益而相遇，又點可能唔講利益？

#偏向資方造成制度不公義
而現行無形嘅制度下，獵頭都係受害人，佢哋每日搵料，幫其他公司shortlist canl，教人interview，有時仲落手幫人執cv ，佢哋明明都有勞動付出，但偏偏就無人認同佢哋勞動價值！又或者無係薪酬上反映出，佢哋永遠都係「有/無」當中，又係咪佢哋自己攞嚟？

點解無人會話間公司明明內定左請邊個，又叫多幾個人見工，造到「程序公義」以便內定人選？獵頭又白做一堆功夫！

#點解啲公司無錢又學人搵獵頭？
未比錢人賺，又學人指指點點？
點解呢行咁唔公平你哋又接受，唔向啲公司反映，只係要求啲求職者配合下？

制度不公義，又或者係偏資本主義制度，職場環境上你同我都係受害者⋯⋯

#點解工運咁重要
職場都可以好立體，今日我做壞規矩，第日你入行一樣硬食；我take 左個垃圾價，日後個老闆/HR就可能用左做指標

如果你只係留意自己果行，自己間公司福利，做過世係無乜大問題，但假如你有轉工/轉行心態，你都只會有廢到爆嘅勞工法保護，硬食所謂「行規」影響，整個香港職場惡性循環

面對不合理職場文化，無保障嘅就業環境，集體對抗先有用，唔係人民鬥人民

好難，盡做。