［禁酒睇呢啲］又係獨角號獨家文章，都係嗰句，重點合作夥伴嚟的，未讚好佢地記得讚好，得閒出席下佢地啲活動更佳。
1. 你見我在獨角號，而家好鍾意寫飲飲食食，唔係食評，係國際，金融，或國際金融相關嘅飲飲食食嘢。成為一個sub-genre．食過阿根廷牛肉，橄欖油（https://bit.ly/2WG6jxO），牛油果（https://bit.ly/2WHvRL0），Facebook Page本身又寫過馬達加斯加人炒雲呢拿，冰島種香蕉等等。
2. 呢篇夠晒（意外地）及時，講萄葡酒。冇得飲酒都睇下。不過寫嗰時有時撈亂咗紅酒同wine，是但，唔寫都寫咗。
3. 講返，上文講過，阿根廷人以前食好多肉（而阿根廷人食肉即係牛肉，如果冇記錯阿根廷西班牙文講肉default就係牛肉），阿根廷牛扒馳名國際，但本地人而家就食少咗，唔係健康，係窮。
4. 另一邊，法國人就飲少咗萄萄酒，越嚟越少，其實都好多年了，但就唔係因為窮，亦都應該唔係因為健康咗。當年去法蘭西，啲餐廳真係紅酒平過水平過汽水，唔知係稅丫，畀啲垃圾紅酒你丫，定保護本土東西，定背後有利益（應該幾樣都有），所以唔多飲紅酒嘅我都係餐餐飲，當年窮嘛。不過講緊廿年前，而家唔知仲係咪紅酒平過水（親，餐廳飲水係要畀錢的，咁當然理論上你可以tap water嘅，反正我自己去又唔係溝女，但費事咁老土啦，同埋亦唔係真係好貴）
5. 主要都係全球化。法國人其實仲係飲好多萄萄酒。而家講緊，成年人每人平均一年飲56升，嘩，即係一年七十幾支？一個星期飲一支咁（冇計錯？）。但，已經少咗好多！1965年係一年100升以上，一個星期兩支。如果你講戰前，仲誇張，一年160升，一個星期三支，兩日飲一支。真係飲水咁
6. 但而家唔同了，唔飲紅酒飲乜？當然係其他嘢。其實法國人整體飲酒都飲少咗，乜酒都係。以前（六十年前）佔飲酒八成飲品開支，而家六成。
7. 咁唔飲酒飲乜？萬惡嘅汽水就固然—側聞幾廿年前在法國食法國餐點可樂會畀人小的。可口可樂當年點打入法國市場係商管教材，（法國人心中）惡俗嘅美國文化點入侵源遠流長（但窮又老）嘅法蘭西傳統。仲有麥當勞迪士尼同埋後來嘅星巴克等等，美式資本主義戰無不勝，全球化無堅不催（不過其實肺炎前已經退退地潮，睇下會唔會加劇）。至於咖啡茶之類，就其實冇乜大變過
8. 頭先法國人整體飲酒都少咗，而在呢個細咗嘅餅入面，葡萄酒仲要佔得越嚟越少，以前（六十年前了）佔飲品開支四成幾，而家兩成唔夠。冒起就係啤酒，威士忌。其實亦係全世界潮流差不多。埃汾較年青時才俊飲紅酒有品味，但近十幾年（定再耐啲？）潮流興威士忌，你身邊總有個專家。另外仲有啤酒，以前係極之麻甩極之佬嘅嘢，但亦多得手工啤花香啤果味啤等等就潮化，飲紅酒先係佬。
9. 不過紅酒莊又係咪好頭痕？又未必，法國人唔飲啫，有其他人飲。首先當然係美國，唔知慢人一拍定點，但美國人廿年間，葡萄酒消耗量都升咗五成，已經全球第二—不過人均同法國比仲係爭得遠，繼續努力（可想而知法國人飲幾咁多酒！跌咗咁多年都仲領先你一截）。當然仲有十幾億人嘅大陸，而家微不足道，但潛力應該大—雖然呢幾年返大陸都仲係見啲友白酒居多—就梗係茅台嗰啲白酒，唔係Sauvignon blanc
側拍定義 在 RenRen Bride 追婚日記｜安彤台中婚紗PTT推薦 的推薦與評價
怎麼可以連側拍都拍得很好看，不論換禮服還是外景拍攝， ... 分享給想結婚或者想把先生拍成人模人樣的大家 ... 讓每一件婚紗都因妳重新定義 ... ... <看更多>