呢張截圖來自《傳真社》，拍攝日期已經係一年前。哇係一年前！原來一年前早就揭發走私大飛猖獗嘅情況，油麻地上貨，目無王法！
即係話，如果警方一年前認真看待走私大飛，咁啲走私犯就唔會咁惡；佢哋唔會咁惡，就唔敢撞去警船；佢哋唔撞警船，madam 就唔會墮海；madam 唔墮海，佢就唔會浸親；佢唔浸親，就唔會失蹤；唔會失蹤，就唔駛變浮屍。
正正因為警方後知後覺，令到同袍喪命，madam 真係死得好唔抵。當年 madam 咁神勇，獲頒「踏浪者行動」獎章，代表佢喺 2019 年時「止暴制亂」有功。
「止暴制亂」有功的踏浪者，卻因警隊高層漠視大飛多時而喪命浪中，能不教人唏噓天理嗎？
星期五係踏浪者頭七，我會特別留意新聞邊個笑臉迎人，唔理逝者家人傷痛，當無事發生過。乜嘢係人禽之別？人會識得悼念頭七，禽就不懂。
一年前《傳真社》片段：https://youtu.be/Kr4FSHwIoa4
注：感謝讀者 S.Y. 提醒，上句應改作下段。
如果警方一年前認真看待走私大飛，啲走私犯「從而」唔會咁惡；佢哋唔會咁惡，「從而」唔敢撞去警船；佢哋唔撞警船，madam 「從而」唔會墮海；madam 唔墮海，佢「從而」會浸親；佢唔浸親，「從而」唔會失蹤；唔會失蹤，「從而」唔駛變浮屍。
傳真社 在 FactWire News Agency 傳真社 - Facebook 的推薦與評價
傳真社 2015年由3,300人支持成立，是香港人創下的歷史紀錄，亦是一個夢想的實現。 ... 傳真社曾面對財政危機，一度裁減至兩名記者，有賴公眾的支持及陪伴，支撐著我們 ... ... <看更多>