我和八鄉朱凱廸 Chu Hoi Dick今日喺元朗水邊圍邨講安老政策。嚟聽講座嘅街坊，唔少係獨居老人。
其中一個街坊李伯同我哋講，好唔想住安老院，因為以前住過醫院18日，唔可以落床，會被綁住，住咗10日之後先可以沖涼，發現原來可以沖涼係好奢侈。佢於是想到，好多劣質院舍人手不足，而且空間又細，淨係得個細細嘅床位，同醫院環境好相似。
李伯好支持居家安老，不過居家安老服務同樣追唔上需要，李伯話8號風球或者星期日就冇人會送飯，「到照顧唔到自己時，其實可唔可以安樂死呀？去到安老院，真係人生盡頭呀！」李伯說。
政府就話，土地不足，所以先提供唔到足夠公營服務，不過呢度嘅老友記都好醒目，李伯即刻話：「啲地起院舍定豪宅先？」李伯旁邊的婆婆即刻講多句：「政府得個講字有乜用？」
依家政府有個所謂照顧者津貼計劃，但5萬幾人輪緊院舍，得5千幾人申請到，金額亦只得2000蚊，究竟政府有冇心去支援照顧者？申請呢個津貼，有重重關卡，首先要夠窮，因為有資產審查，不過窮得嚟又唔可以有申請綜援、長者生活津貼、傷殘津貼，唔怪得咁少人受惠！
羅致光形容未來係高齡海嘯，我就理解唔到，點解明知個海嘯嚟緊，社福設施都係愈追愈落後？
嚟緊呢兩星期，我會喺新界各區落區，繼續貼街坊傾下社區安老遇到嘅問題！歡迎大家嚟同我一齊開講！
傷殘津貼資產審查 在 領傷殘津貼1935港元已是按公義該給的？不應領傷殘綜援？ 的推薦與評價
公共福利金綜緩存入戶口高齡津貼長者生活津貼$4,060 高額 傷殘津貼 生果金公屋免租收入要求 資產 上限限額自住物業離港限制日數90天保險 審查 夫婦. 852HKTV ... ... <看更多>