關於 億點點梗圖 ，我們在網路上蒐集到這些相關的討論、資訊與評價

［我最期待的新股出現了！］是真的！沒有之一，就只係呢間！咩RobinHood真係行撚埋一邊。

係喎，我一次都冇幫襯，等睇啲專家個個講自己點清楚。即係我又要買過光刻機先可以識買ASML股票？「人地集5億美金呀你得唔得你拎唔到就冇資格批評啦」

TLDR：Franchise真係人類文明最偉大但又最仆街嘅東西，小朋友唔好學。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 又，個business model極之成功。固然你啲網友可以好多高見，但講到尾，就係franchise，加盟店，利用啲人「追夢」，「創業」，「炒老細魷魚」嘅夢想。喂，咁你想咁爽，就梗係有代價架啦。

2. 車，大把公司都係咁做啦。學嘢啦，股東鍾意乜呀？正如有錢人先唔撚使不停再去搏，股東亦唔想你個品牌年年去諗新突破。最好就係搞起咗個品牌，然後每年屈啲「追夢者」入貨，年年坐定定收Franchise fee。至於你生意唔好？關我撚事。開多間在你對面都得呀。你賺得多我咪加你價，或者原來之前公司睇漏咗呢區都好有潛力，咁多謝晒你做爛頭卒，開一間在你側邊，你蝕嘅就貴客自理。幾咁開心。

3. Franchise真係人類文明最偉大但又最仆街嘅東西，小朋友唔好學。

4. 但「追夢」「自己做老細」梗係有代價。而我地嘅媒體同網上生態，就鍾意誇大個成功率，對啲仆晒街嘅絶口不提。「唔試過點知」。

5. 我唔止寫過一次，李斯特城奪冠後，當然係一街打飛機講雲尼亞里點天才點成功之道。但Economist 寫咗篇極之cynical 嘅文，係我近N年至愛。題為：Underdogs are overrated—Leicester City’s success should be celebrated, but not sentimentalised。當然換著你啲網友梗係話：你寫嗰個拎到英超冠軍先講啦。

但

6. If it is good and kind to suggest to people that the odds against their dreams are shorter than they think, then Las Vegas is truly a very good, kind city. But most do not think it so.

7. Have you seem IFC at 530？我本書有寫，你見到中環啲人係好撚早返工的。係呀可個撚個創業家 少年股神全職炒股 「我唔貪心一百萬本一年賺到三十萬就OK」，其實唔難呀可。我估朝早返工嗰啲友，土炮友鬼佬有大陸人都有，叻仔又有靚女又有，學霸又有屋企好有背景又有。我肯定佢地係為興趣先返工的。

8. 當然，又等我答定啲正義撚例外撚，「一竹篙打一船人」（＊）。Franchise 不一定仆街，但仆街嘅多數都搞Franchise。你做Franchi屍嘅，就真係at the mercy of franchisor，期望佢仁慈一點，唔好太仆街，唔好賺到盡，留返小小餅碎你食。咁都當然有咁嘅人（但，有冇聽過有做Franchi屍發達或者脫貧？），但，點解要將自己放落咁不利嘅位置？

9. 你見我唔會教你 向前翻騰2周半轉體3周屈體。因為你做唔到，我都做唔到。因為投資唔使計難度分，一個師奶（例如我老母）十幾廿年前買幾層樓收租，絶對可以叫你專家食屎，叻過晒啲咩CFA KOL仆街死財演。

10. 但我教你一啲正常人可以做到嘅嘢，天份唔係十分非常之差嘅，加啲努力，減少失誤。係呀，肯定唔會係10分，但我根本唔使拎10分，因為好多人連5分都拎唔到的。你睇今年幾多人輸錢？WTF？美股咁升法你都可以輸錢？

11. 拎A（原諒我唔會講5＊）不能強求，有啲真係唔係咁嘅質地，或者要付嘅時間努力太多，唔值得，當事人亦唔會肯做。但，拎個趴時，就真係絶大多數人畀啲努力都做得到的。

12. 聽日講座你都可以照問錢大媽，不過我係你就唔會浪費quota問呢啲。

詳情呢度：https://bityl.co/84af
報名呢度：https://bityl.co/84ai

（＊）而我從來冇見有人睇晒成船人先打的，我見啲網友個個都好多偉論，法國人就係乜乜乜，金融撚就係點點點，住大西北嘅就係點點點。我冇聽過一個人係識晒所以甚至細半甚至1%法國人/金融撚/大西北先去講。正如我冇聽過有人驗血抽晒最後一滴出。當然自己講就係sampling唔使食晒咁多個撻先知臭，人地講就係以偏概全謬誤。正如本人寫文講粗口就梗係不堪入目，自己寫就好有血性好真性情。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。

［天花亂墜DSE］DSE嘅嘢，還是要考好。因為大學還是要讀。Maximize your options

TLDR：唔好玩skim reading，睇晒佢。當然你貪心當睇四仔嘅，睇第21段啦

1. 舊年放榜，都有寫DSE文。昨晚手痕走去睇返，大鑊。唔係汗顏寫得差，而係自己覺寫得幾好。咁可能係我已經退步中，但自問未必寫得好過之前兩篇（https://fbook.cc/3Wpb）（https://fbook.cc/3Wpc）

2. 繼續，都係寫畀啲考得唔好嘅人。考得好嘅，你本人或貴子弟應該唔會pathetic到要睇我嘅文。雖然呢，我又一盤冷水照頭淋，「其實今時今日要考DSE嗰啲，都等於開波已經輸咗一球先」。點解？我書中有講，我將社經地位分為九等，草根中產富有，我屋企當年應該係下級中產，而家應該係中級。而考得DSE嘅，照計都係中級中產或以下嘅小朋友。咁不幸地，你老豆唔係李嘉誠呢，你就搞唔到Viu TV食唔到郭家文的

3. 有啲人話起跑線好難聽，咁就係你的問題嘛，現今世界一大問題就係啲人只會圍爐聽啲自己感覺良好嘅嘢，你可以繼續飛機話「窮唔代表冇得發圍」「幾百億身家唔代表乜」「食郭家文唔代表乜」「一開波輸一球唔代表乜」，你開心就好。但現實係你一開波整個「全餐」嘅，賠率即時轉，市場好有效率，唔會理你咩「食全餐唔代乜」。記唔記得我係讀精算嘅？我地講概率，population，咁你可以話日日食一包煙都好長命嘅。我城嘅問題就係好多人鍾意將特例變為通例仲去論證。然後個個高估自己。

4. 講返，呢個唔係要「睇唔起」「歧視」，我只係指出個事實。你當我好似啲冷面軍醫或教練咁，睇個小朋友嘅質地，唔似會成功 —但的確唔代表不可能，更不代表你要自怨自艾—反正都發生咗啦

5. 甚至好多人都知道，劣勢反勝仲開心，更加有排飛機。正如我一個仙都冇撚拎我屋企，亦都唔謀住佢副家產，「白手興家」，就有型過老母出首期嘅人啦。雖然有得揀，我都希望我老豆係李嘉誠，冇乜人為咗想激發鬥至，而自己踢個波入龍門先

6. 講返，既然考得DSE嘅，一般屋企都唔富貴，咁你考得差，係更加大鑊的。有錢人可以afford讀書唔掂，嘻咪去追夢焗蛋糕整公仔自己做設計師，甚至簡單啲嘅，咪話老豆留返三個太古城單位畀你，一個住一個收租一個炒，然後你大可以上網日日指點江山，幾好的。

7. 但唔富貴嘅人（例如我當年），考得差嘅，係更大鑊的。因為作為一個唔富貴嘅人，讀好書入大學呢個，都係還可以嘅脫貧方法。雖然似乎個效力越嚟越低。

8. 考得唔好嘅，正路你都係應該下年嚟過，雖然舊文都講過，最緊要檢討，可能你柒，可能你懶，可能你廢。三樣唔同嘅嘢，雖然有一定正相關性。

9. 講咗咁多，其中兩個好大嘅關鍵：第一，而家係1.4個人爭一個大學學位（聽講），第二，大學學費廿年年冇加過價，大家樂人工都升咗唔少啦下話？所以讀大學係易咗，亦都平咗。（不過而家四年，好一個惡政）

10. 相反去睇，你讀唔到（應該唔會有乜人讀到而唔去讀架？），問題就更大。大學嘅嘢，似乎讀咗都冇乜用，最低消費入場券咋，但唔讀就好擇洗—所以都係讀左幾有用。

11. 讀大學嘅原因，好簡單，錢。就係人工高啲，學位都冇個，你係幾難撈的。況且唔一定我要去做律師醫生或乜，但至少可以Maximize your options，好似龍應台同個仔都講類似嘅嘢，亦係我人生嘅核心價值。你揀人當然好過人揀你，你大可以拎個First Hon去做消防員或者開巴士，但呢個係你嘅選擇。掉轉頭，冇個學位嘅，好多嘢你根本冇得揀。

12. 而更重要嘅係，講真，我認為好多人，特別係男仔（包括我），三十歲前都係一舊飯，唔知自己想點。咁你十幾歲嘅小朋友，嗰啲「追夢」，得罪講句，有幾大含金量？你冇接觸過社會，冇接觸過個行業，冇接觸過啲社會上嘅仆街（例如我），太早覺得自己應該點點點，未必係好事。

13. 再次強調，雖然我好憎講，但都係要利申返，本人是一個學霸，夠晒maximize option．我要講呢樣嘢，係不停提防自己跌入嗰種「吳彥祖教你溝女」「美斯教你踢波」嘅「其實唔難」。記住人地唔係專登喎，但吳彥祖真係覺得，喂我開口約啲女就得架啦，美斯真係發現，喂我一推就過架啦，「其實唔難」。

14. 不過，入大學嘅嘢，真係，「其實唔難」。

15. 我教過成績唔好嘅學生，repeaters．當然事實我似乎應該教精英班（同事話阿媽係女人喎），當年成績冇咁好嘅學生，同我亦冇咁親近。但至少，我知道，教班霸同教護級係唔同玩法，你想拎A嘅玩法同拎pass又唔同。

16. 咁都係嗰句，在top level，我唔信咩「努力就成功」「人人可以成材」，人人可以做美斯美斯就唔係美斯啦，根本陳美詩繆美詩紐奴高美你都做唔到（冇錯，樓奴都做唔到）。

17. 但，我地係講拎個大學入學資格喎，照計呢啲位呢，係努力或正確態度幫到你好多的。因為同投資一樣（我本書都有講），高水平嘅競技當然係天才對決，但低水平嘅競技，一般都係Loser’s game，啲人個個自殺，開波出界，好多啲分係對手失，唔係你拎返嚟。所以你正正常常打好基本功，已經可以贏晒啲落場自爆嘅人。

18. 讀大學嘅好處，都係嗰句，人工高啲，同埋地位高啲。我知一街都大學生，事實。但正係因為咁，你「唔係大學生」，就更加顯眼。當然你又可以用特例駁我，我知，邊個邊個都冇讀完大學嘛，你咪去學下。我就講整體啫。BTW，你講呀朱生蓋生嗰啲，聽聞人地屋企點都係上級中產甚至低級富豪，人地係入到哈佛然後中途唔讀，就真係唔撚同你「連XX大學都唔收」。

19. 另一樣嘢，我諗都係識嘅人唔同，雖然而家又好似冇咁明顯。大學就中學化，成個社會都扁平化，太多有學位嘅七碌。我亦係好冷酷咁話你知，好多柒頭換咗廿年前點會有大學讀？呢個亦係好多咩「大學生收入」統計嘅虛妄，三十年前中位數大學生可能係最勁3%嘅學生（冇實數，舉例），而家中位數大學生係15%嘅，如何比較？

20. 至於咩「獨立思考」「critical thinking」之類就算鳩數啦，你要靠大學先有，你都肯定係冇的。你由一街都仲要講「邊個邊個冇讀大學都搵到錢」「行行出狀元唔係讀醫嘅都可以好高人工」，知你啲網友有幾「獨立思考」「critical thinking」

21. 仲有，「讀唔到大學」，帶嚟嘅打擊，都真係唔細。首先十分現實，大家都知come on James，條女入到大學而你入唔到嘅，基本上你一定被飛或者戴帽，我晚晚同你賭都得。我話知你識轉彎定靚仔過阮民安，there are many guys like you all over the world，條女入咗大學，面對一大堆禽獸組爸之類（我冇做過，我可以掟石），真係同拍AV人間廢業差不多的。正面啲講，條女眼界都唔同咗，再唔係以前大西北嗰個食爭鮮都好感動畀你中出嘅小妹妹啦。同樣地，啲女由大學到出嚟做嘢，又係另一個重災區，原因同上。掉轉呢？條仔入到大學條女入唔到呢？「就反而冇乜所謂」「你條仔唔會飛咗你的」「因為啲仔唔介意條女唔識嘢，最好乜都唔識」「條仔搵到錢唔止食爭鮮可以食名將，你更加獎勵佢添」「況且好多人鍾意玩校服」「咁我知啲人入到大學都係玩返中學件校服」「但就係唔同嘛，你條女柒個金毛笠件Hall Tee在底仲扮學生妹咩」「咁都得嘅你去油麻地一樣有校服玩添」「正如啲人約空姐都要睇證件嘛，唔只係要件制服咯」

22. 呢段完全過火，但真係示範，你再叻都好，你入唔到大學呢，都係要面對一定壓力。咁當然千金難買少年窮，都係經歷，你捱得過嘅之後仲強大 — 但有啲人就捱唔過自此自暴自棄一世嘛。都係嗰句，有得揀嘅，我唔會揀一開波輸兩球先然後激發鬥志咯，梗係開波對手趕一件出場再輸全餐，然後再自爆輸多球，我拎住兩球在手練波咁踢試下新人試下戰術，玩到你完場最開心。

23. 你見我呢篇文，係唔得assertive，充滿猶豫。因為個世界真係唔同咗，我唔sure嘅嘢我就寫唔sure．十年前我可以好肯定咁話你知，梗係讀大學搵份好工啦。但世界一路變。呢刻我都仲相信讀大學係個好選擇，因為人工高啲，識嘅人正常啲。但呢個溢價係一路縮緊嘅，扁平化嘛。你學好多嘢亦唔使經大學。

24. 況且，新書都有寫，傳統嗰種爬corporate ladder嘅玩法，越嚟越難玩。特別係香港。特別係你係一個考DSE嘅非富貴家庭。我就係有咁嘅自覺，我當年係行呢條路，雖然唔係完全一帆風順，但大致條路都係 讀好書入間好大學搵份牛工 入商業機構 升職上位加人工 儲錢投資 再搞其他嘢。但唔等於你而家你照行都會OK。我大學畢業係2000年喎大佬

25. 呢篇的確寫得唔係幾好，不過大家應get到我嘅意思。有啲人話我寫文冇重點，我嘅重點就係冇重點，sorry我係唔興好似伊索寓言咁話你知有乜教訓。嗰啲文我都識寫，打工成日寫，Tell the audience what you're going to say, say it; then tell them what you've said嘛。但在某天我已拒絶再玩。See？呢啲就係maximize your option，我知道點玩，但唔跟佢。同你完全唔識係兩回事。

26. 我新書有講，你睇好多戲都可以谷阿莫三分鐘講完，但你唔係浸住兩個鐘，就唔係嗰回事的。正如好多書都可以幾句講完，但就係你要睇晒先浸到嗰種味。唔係你楊丞琳大閘蟹咁濕一濕水就得。

27. 而即係，留到最尾先講，屌你老母睇三千幾字都冇耐性，就咪撚讀大學浪費社會資源啦。我講真的，我啲讀者好多都兩三日睇完我本7萬字大作，完全唔難入口。咁你睇幾千字都搞唔掂嘅，你同我講咩創意咩知識型社會？即係你係日日在whatsapp send voice message嗰啲撚樣啦下話？

28. 下篇實用啲，教你揀乜科。不過好忙，過兩日先寫。呢篇照顧咗啲考得唔好嘅先，唔係我大愛左膠，只係有緩急。「女人就係唔明，我睇埋場波先得閒執勞蘇，唔等於場波緊要過勞蘇」。

29. 我from day one 都係精英主義的，但處理先後同重唔重要，唔係同一回事。我教書時都係搵啲考得唔好嘅學生傾計先的，即時平時可能唔係太多計傾。考得好嗰啲，你自己有排鳩威啦，暫時唔使我錦上添花。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［今日寫呢啲］星期六都有？因為星期五冇寫。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。

言歸正傳，繼4月後，我再入市買股票（平時每月定額嗰啲唔計）。結果一買就跌，三隻都潛水。你睇Patreon咪知邊三隻。

咁有幾個角度演繹嘅，你鍾意當我係燈嘅，咪大手沽空咯，唔阻你。不過由2009年我買美股，到而家升咗幾多？第二個角度睇，以往都唔少係我一買即跌，可能都有原因，因為往往係 Fear of missing out，到你搶住去買時，往往估值唔平。點避免？你咪睇下上一段括號入面嘅字。

第三角度睇，有乜點？可以點？我想架？但次次包你買完即升？不如次次都你買之前股災，然後你買完一個星期就升幾倍，到你沽埋又股災好未？實情根本做唔到，好廢都要講，唔係升就跌架啦。之前Patreon寫過（我本書都有寫），你一日一日睇，股市升跌真係一半半，但拉長啲咪升嘅機會多過跌。驚？冇驚過，唔好話買完跌2%，跌20%都試過啦，上山打獵出海打魚嘅嘢，幾時到你決定點點點。

我畀你星期一美股升一倍又點？你收得山啦咩？所以根本應該跌市仲開心。當然如果你仲有一個月退休就唔係咁講，咁呢啲情況點處理？Patreon有講

然後都講咗三隻港股，港交所大家知啦，難得中美有件事有共識：大家都認為中概股唔應該在美國上市。咁最初以為中國只係懲戒滴滴先斬後奏，但，而家嘅玩法，話嚟香港就豁免乜乜審查，就似乎真係擔心（姑勿論佢嘅擔心make 唔make sense）數據安全，亦係明益港交所。

咁中美交惡，當然港交所受惠，而家個個知啦，但我9月已經講。唔係2020年9月，係2019年9月，你自己搵明報。

不過呢啲受惠，只係other things unchanged嘅情況。例如分析員報告話，全部ADR嚟晒香港上市，港股成交會升27%—但呢個當然係最樂觀情況，實際上差不多肯定打個七折甚至五折。即使佢假設成立，全部返晒嚟，又假設美國唔禁自己人投資都好。大佬，你在美國有10億成交，唔係返到嚟都有嘛。點解？文入面有解。

小米嘅，亦係大家都知啦，手機銷量超過蘋果添呀，呢啲數冇得假。但係咪好巴閉？又唔係，呢啲market share計收入—但你有冇錢賺？全世界冇一間公司賣手機好似蘋果咁賺錢，一度搵咗行業超過100%嘅利潤。但，小米又係咪一無是處？咁你大把日本韓國台灣廠估到執笠添，文入面有解。
佐丹奴，都冇乜好講，但之前寫過兩次，就係貪間公司簡單，又唔大，由年頭出業績蝕錢都派息，到5月盈喜我都寫過，睇晒佢你就大約明白點睇股票。冇錯真係 research assistant 101，拎最低工資咋—但好多人連呢啲嘢都唔識。例如，今次個盈喜，就梗係盈警啦！我估星期一股股價跌，Patreon解。唔跌咁點？咪升咯！包生仔咩

每日一圖嘅，兩個都係講行業整合，併購。首先，有話美國近N年越嚟越左，又或者民主黨仇商。而家啲年輕選民可能係，今屆政府都或者係（不過FAAMG股價照創新高）。但你睇過去幾十年，Antitrust 調查係越嚟越少嘅，文入面有講。

第二圖嘅，咁似乎而家Big Tech收購會被阻，但呢兩年最旺係咩行業嘅併購？就係軟件。舊年佔咗所有刁嘅15%，今年少啲，但都有5%，都係史上最高。點解？文入面解

Good Read兩篇嘅，第一篇都例牌嘢，講美國5.4%通脹，市場都冇乜驚。原因？你睇埋啲細數字咪知，主要都係二手車，或者一啲同經濟重開嘅項目，唔似會持久。根本你睇多小小嘢已經知，我Patreon就係幫你睇埋

第二篇就過癮，類似課題我都寫過。你問啲細路，十個有九個想做YouTuber，冇人話你知想搞個Facebook Page。固然聽講FB讀者老化（話你喎），又聽聞而家啲人唔睇字只睇片（但你睇緊乜？）。不過，即使係啲老嘢，好多都話搞YouTube channel，唔係Facebook Page。原因？佢地以為好搵啲。咁眾所周知，Facebook係一個仙都唔會分畀你的，而YouTube就會分廣告錢。但，係咪咁就「公平」啲？就係我書都有寫嘅理論，到你自己做老細就知：兩皮嘢請到嘅人，點解要畀兩皮一？同樣地，Faebook一個仙都唔畀你，你班友一樣不停貼嘢，即係玩得好開心啦。YouTube就要貼錢先有咁多人拍片，咁何者模式更優勝？又或者，你可以留意下，YouTube嘅廣告收入，應該只係Facebook嘅四份一左右。純利？邊個話你知YouTube有錢賺？點解會咁？又係嗰句，Patreon有講！

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝