[1230隔夜超短劇評] Sorry 遲咗。
**歡迎留言討論但唔好劇透**
**留言請明示你係講緊邊套劇**
--------------------------------------------------
[ViuTV][瑪嘉烈與大衛系列 前度 第29集]
[讚] 估唔到最識處理自己感情問題嘅係小豪同埋美玉。睇到佢哋有個了斷，係好係壞都好，都鬆咗口氣。反而大衛同瑪嘉烈繼續拖拖拉拉。好煩…
[彈] 已經係尾二嗰集，但係氣氛好怪，點解洛奇出trip見到瑪嘉烈封分手信依家先出？我覺得好多餘喎，要出就一早出啦下嘛，有啲嘢過咗時辰先播真係好嘥料呀。會唔會只係為咗將啲MV放埋同一集？但真係太多，得嗰20幾分鐘，除返開啲歌連埋播連埋蘊釀都只係五分鐘多啲一首，點都死啦，重點煲一首有著數喎。另外，大衛同維珍嗰首《償還》真係好肉酸，嗰場雨中大衛喺維珍前面行過，有陣膠味。我又想問吓，點解唔用返《忽然之間》呢，用咗咁多集冇感覺都有記認啦，無啦啦轉咗做王菲，唔係唔好聽，但真係好難投入。
[演員表]
袁澧林 飾 瑪嘉烈/ 劉俊謙 飾 大衛 / 馬志威 飾 大輝 / 杜小喬 飾 美玉 / 廖碧兒 飾 維珍 / 許志安 飾 洛奇 / Suzuki 飾 小豪 / 朱栢謙 飾 玩具店爸爸 / 恭碩良 飾 Johnny
--------------------------------------------------
[無綫][超時空男臣 第29集]
[讚] 小冬係咪變黑中？鄭子誠係好有型喎。
[彈] 小冬打張誠嗰吓，張誠笑，即係佢有心迫出小冬嘅黑性情出嚟。張誠今集上半集仲係一心要返明朝，仲要帶埋魏忠賢返去。但後半集佢受到太子妃所託要殺卓華，無啦啦受到金錢引誘就留低幫卓華。反覆無常係張大總管嘅性格，三臣同太子妃都成日掛喺口邊，但咁轉法，都要畀個理由啩。我估迫張誠睇電視時可以設計多啲，例如係佢睇到好多廣告嘅錦衣美食聲色犬馬咁，到佢今日因為錢而轉軚就合理啲。不過依家佢上一句都仲係要返大明做好個朝綱，下一句就卓兄「有意思有意思」咁話要留低享樂……佢係張大總管，位極人臣，原來係低能嘅？
[演員表]
蕭正楠 飾 袁崇煥、大軍 / 曹永廉 飾 左光斗、一波 / 何廣沛 飾 李進忠、小冬 / 王君馨 飾 太子妃、Sandy/ 田蕊妮 飾 方惠芝 / 朱晨麗 飾 方惠玲 / 韋家雄 飾 溫偉泰 / 姜大偉 飾 方天 / 簡慕華 飾 余綺虹 / 蓋世寶 飾 方玉芬 / 姚嘉妮 飾 嬌姨 / 吳業坤 飾 Ivan / 李國麟 飾 大富貴 / 徐榮 飾 Samuel / 張彥博 飾 太子 / 鄭子誠 飾 張誠
--------------------------------------------------
#1230隔夜超短劇評 #無綫 #TVB #超時空男臣 #蕭正楠 #曹永廉 #何廣沛 #王君馨 #田蕊妮 #韋家雄 #簡慕華 #蓋世寶 #姜大偉 #朱晨麗 #姚嘉妮 #徐榮 #ViuTV #瑪嘉烈與大衛系列前度 #劉俊謙 #袁澧林 #馬志威 #杜小喬 #廖碧兒
償還王菲意思 在 償還歌詞2023-在Facebook/IG/Youtube上的焦點新聞和熱門 ... 的推薦與評價
償還 歌詞：監製：王菲/Alvin Leong, 從未將你的貼相從右翻至左欣賞, ... 鄧麗君的償還歌詞表達的什麼意思,1樓不二長老償還是鄧麗君主唱的一首翻譯自日語歌《 》的國語 ... ... <看更多>