Hi! Hi! 🤗
幾日無出post 忙啲咩,亞女網上花店接咗一個大order,要短時間幫客人完成母親🙍♀️節康乃馨💐永生花束送禮🎁,大order梗係連媽咪我都要幫手😂,每個工序全人手製作,亞女分配咗最簡單步驟俾我,負責將一大束永生情人草同尤加利葉用✂️剪成一細段,過程中我諗起兒時媽咪為幫補家計會拎啲冷衫回家加工,我地七兄弟姊妹👨👨👧👦👩👩👦都會幫媽咪手,其實諗返轉頭一家人圍埋一齊工作,其實好溫馨💕,我能夠幫亞女一把,我都覺得自己好幸福🥰。
尋晚收到母親節🎁,亞哥問亞妹話仲咩咁快送🎁,下星期日先係母親節,我地即時更正佢😂,今個星期日09/05/2021就係母親節🙍♀️,大家記得留返呢日陪下媽咪。
大家有冇興趣想訂購康乃馨永生花💐送俾媽咪🙍♀️或愛人👩❤️👨,永生花唔會凋謝又靚😍,有兩款花束選擇👇🏻👇🏻👇🏻。
a) 一朵💐 康乃馨花束 $65
b) 三朵💐 康乃馨花束 $120
訂購連結👉🏻 shorturl.at/byEHJ
***交收地點:觀塘地鐵站***
世上只有媽媽好!
預祝各位媽咪🙍♀️母親節快樂💕!
#母親節禮物🎁 #文迪囡囡 #永生花
兄弟衫 觀 塘 在 陳美濤 Tomato Facebook 的最讚貼文
國王的新衣(上)
之前有兩個裁縫話,可以造出神奇嘅衫,只有聰明人先睇到。
國王著住呢件「衫」,赤裸裸咁行出去,人人都想扮聰明,個個都話睇到件衫。
最後,一個細路拆穿咗呢個謊言,國王大怒,但兩個裁縫已經逃得無影無蹤。
於是,國王抓咗我,我係裁縫舖嘅老闆。
我努力辯解,嗰兩個裁縫係外地人,我咁啱請咗佢哋,真係唔知佢哋係騙子。
國王嘅神情愈嚟愈難睇,我好驚:「求國王饒我一命,我願意捐出所有家產……」
「唉!」國王長嘆一口氣:「我身為一國之君,唔通我貪你間裁縫舖咩?」
國王繼續講:「我估,兩個裁縫應該係鄰國嘅間諜。」
「間諜?」我嚇咗一跳。
「我哋國勢日漸衰微,鄰國虎視眈眈,有意入侵,派間諜嚟破壞我嘅威望,都係情理之內。」
國王解釋:「我求賢若渴,一直想搵聰明人嚟拯救我哋嘅國家,所以呢次我先會上當。」
「國王英明神武,一定可以搵到聰明人㗎。」我連忙拍個馬屁。
國王饒有興致咁望住我:「不如你講吓,有咩方法可以搵到聰明人?」
我個心跳得好快,如果我咩都講唔出,國王會唔會話我「窩藏間諜」,順勢斬咗我個頭?
壓力可以化為動力,喺死亡嘅威脅面前,我真係諗到一個方法。
我嘅人生睇落平凡,庸庸碌碌咁長大,繼承阿爸間舖,但我十歲時曾經有一個特別嘅經歷。
我屋企附近有個懸崖叫「雲霧崖」,嗰度好大霧,望落去只見到重重雲霧。
大人都提醒細路唔好去嗰邊玩,萬一跌落去就屍骨無存。
但我貪玩又叛逆,自己偷偷去咗雲霧崖,仲唔小心跌埋落去。
好彩,雲霧崖原來一啲都唔高,下面係一個水塘,只係太大霧,令大家以為個懸崖好高。
我怕俾大人鬧,從水塘爬出嚟,就返咗屋企,冇講呢件事出嚟。
我咁樣講:「國王可以話,有一個驗證智慧嘅懸崖,真正聰明嘅人跳落去,係會毫髮無損。」
「但照你咁講,所有人都會毫髮無損。」國王答。
我解釋:「冇錯,所以冇人會受傷。但真正嘅聰明人,對自己嘅智慧有信心,亦唔會相信呢個咁蠢嘅方法。」
國王問:「所以唔嚟跳崖嘅,就係聰明人?」
我哋討論咗一輪,決定舉辦「國王的懸崖」計劃。
國王宣佈,佢搵咗一個大師,計出下個月七號係七星連珠之日,雲霧崖會受到感召,啟動智慧驗證功能。
只要係聰明人,跳落去會毫髮無損,並且有機會被國王賞識,封侯拜相。
當然,國王嘅侍衛會守喺崖下,確保啲人跳完崖,唔可以馬上返上去講出真相。
當日,雲霧崖人頭湧湧,國王同我講:「原來我哋國家啲人都幾蠢。」
我心諗,梗係啦,國王的新衣都有人信,何況係國王的懸崖。
國王忍唔住問:「照咁睇,真正嘅聰明人,唔會喺呢度出現,我哋要搵有咩人喺屋企?」
「你要嘅唔止係聰明人,仲要係胸懷天下,有心救國嘅聰明人。」
我解釋:「有德行嘅聰明人,見到咁多人將要枉死,一定會嚟阻止。」
國王的新衣,只係國王出醜,聰明人未必會出聲;國王的懸崖,係人命關天。
國王喺崖上微服觀察,我同侍衛喺崖下等,冇幾耐,就有一個好大隻嘅男人跳咗落嚟。
佢好驚訝:「嘩,我冇死到,原來我係聰明人?」
侍衛將佢拉上崖,之後好多個男人都跳落嚟,大隻佬更驚訝:「原來我全村嘅兄弟都係聰明人?」
大隻佬望到我,好熱情咁自我介紹,佢叫大牛,佢同佢班兄弟四肢發達,頭腦簡單,一直都想聰明啲,所以就嚟跳崖。
我有啲無奈:「但雲霧崖係驗證你聰唔聰明,唔可以令你變聰明。」
「有唔同㗎咩?」大牛撓撓頭。
唉,我國人民真係好蠢,怪唔知得國王一心搵聰明人。
我將大牛拉埋一邊,解釋事情嘅始末,大牛似懂非懂咁點點頭。
我再叫侍衛睇住佢,唔好離開呢度。
然後,我繼續重覆呢種做法,不斷同蠢人溝通都幾攰,仲有人堅信自己係聰明人,要見國王要做官……
下集:https://bit.ly/3e0QKGa
將專頁設定為「搶先看」/ "See first",最新故仔馬上睇!
我腦裡面有個炸彈:https://goo.gl/FPrJWy
田螺姑娘:http://bit.do/fiyZp
#短故 #短篇 #小說 #陳美濤 #廣東話 #粵語 #tomatochan #國王的新衣
兄弟衫 觀 塘 在 蝦叔跑步 Uncle Shrimp Running Facebook 的最佳貼文
謝謝Edkin精心炮製。兄弟姊妹,路上小心。
【元朗STRONG!打算去元朗遊行嘅全部同我入嚟!】文:Edkin
我呢啲老人家都要學連登口吻:「打算去元朗遊行嘅全部同我入嚟!」
首先要搞清楚去元朗遊行,最重要嘅目的係乜嘢?
如果純粹用遊行嘅角度睇,我本人覺得今次去元朗遊行風險非常之高:最理想情況不過係和平結集和平散去,但係一個唔小心有乜嘢衝突,令民意有偏離就得不償失。所以好似警察咁講,唔去遊行就乜事都冇。係咪?
錯。
今次元朗一班流氓無差別攻擊市民,係超出咗香港 所-有-人 嘅底線。今日喺元朗,聽日任何一區都可以發生。呢種襲擊,講到明就係恐怖襲擊,目的就係挑起仇恨,令到市民日常活在恐怖氣氛之中。但係有一樣嘢要清楚:攻擊恐怖分子,係武裝部隊嘅工作。作為平民百姓,我哋嘅反擊就係要 生-活-如-常。
超過百年歷史嘅波士頓馬拉松受到恐怖襲擊,造成多人死傷。之後一年既馬拉松,終點線分毫不變,民眾一如過往夾道歡呼支持。已經復原嘅跑手再一次踏上跑道完成比賽。呢一切,都係民眾嘅反抗:Boston Strong,每一個人擦乾眼淚包紮傷口之後,大家堅如磐石,半步不讓,生活如常,絕不會被恐怖襲擊所動搖。
所以今次元朗遊行,係要清楚表明,我哋絕對唔會屈服喺恐怖襲擊之下。我哋針對嘅係施襲嘅兇徒,而過往幾日起底已經好清楚,呢啲人全部都係流氓同埋爛仔。 呢啲人 絕-不-等-同 元朗嘅市民同原居民。今次聲討之餘,最重要係同元朗嘅市民站在同一陣線,開心玩樂,食飯買嘢,享受生活。我哋以往遍地開花嘅光復遊行,係趕走上水嘅水貨客,趕走屯門嘅大媽艷舞,今次係要同元朗市民一齊還原元朗嘅美好,同時唾棄向普通市民施襲嘅恐怖分子,清楚明確。
大家入到元朗,要清楚俾元朗嘅居民知道,反送中抗爭咁耐,幾多萬人上街遊行,我哋冇傷害過任何市民,冇襲擊過任何商舖,清清白白仁義兩全,點可能會出現去襲擊人哋嘅村落或者祠堂呢種咁無厘頭嘅行為?
呢一度我必須要指出一個重要嘅歧點:即使次次遊行都話有鬼,但係今次係好明顯有人希望喺元朗嘅遊行裏面會出事,藉著混亂去挽救自己。
上次以白衣為記既恐怖分子無差別襲擊市民,佢地既樣貌係眾多既攝錄影片段之中被清楚記低。警察即使一時之間未有行動,呢啲人心裏面都係惶惶不可終日。 呢個時候雖然有人嘗試將上星期日嘅襲擊講做「保家衛村」嘅防衛舉動,但係打得咁過火,係人都當呢啲係砌詞藉口。所以今次一早有人散播「入村拆祠堂」呢類荒謬嘅消息,就係為咗希望今次元朗遊行入面出現類似嘅情況,就可以將佢哋上星期日嘅暴行合理化。
而當中係呢件事上面搖旗吶喊得最大聲,就係立法會議員 何-君-堯。
我哋首先睇返上星期日恐怖襲擊之後,港台節目《視點31》上面,何君堯莫名其妙咁不停聲稱朱凱廸既支持者搞光復行動要入村拆人祠堂。大家睇佢嘅動作似係歇斯底里,但係其實佢就係需要咁樣嘅sound bite ,等本地共媒用呢個畫面去大做文章。大家一定要清楚入村拆祠堂呢種講法以前係未出現過,何君堯係首先提出(正如梁振英搞港獨),令到呢個流言變成似層層,逼使鄉議會同警察都要對其回應,從而進一步增加呢件事嘅可信性。 然後何君堯又再神神地自己做live,又以黑社會口吻話「一條生路一條活路」拉朱凱廸落水;明眼人都睇到,如果遊行當日有人著住黑衫入村稍為生事,成件事嘅風向就會畀佢哋扭轉,朱凱廸就會受到波及。
今次元朗恐怖襲擊,何君堯同恐怖分子握手言歡嘅畫面路人皆見,事後建制派同何君堯割席,何君堯係出屎橋結果推咗自己落屎坑。恐怖襲擊之後第二日何君堯父母墳頭被毀,就似係揭露更多難以告人嘅內情。今次何君堯令到元朗及屯門鄉紳灰頭土臉,佢統戰鄉紳嘅價值已經大大降低,如果何君堯再失落立法會議員資格,到時西環唔會再係佢靠山,所有瞄準佢嘅事情都唔會再有所顧忌,佢就死都唔得掂。所以而家何君堯發曬窮惡,係都要同區既主要對手朱凱廸攬炒,可見佢係已經死無退路。
所以今次遊行嘅目標係向恐怖襲擊企硬。同時希望大家唔好畀任何人有機會喺村內生事,然後等任何相關人等有機會由元朗恐怖襲擊嘅罪行之中開脫!
大家今次盡量唔好接近村落,唔需要一定著黑衫,多啲留喺元朗市區消費,食完飯唔好等入黑,盡快散場。流動如水,大家一早散曬就冇機會畀人生事,就更加唔需要擔心要還拖。戰場唔需要一定喺元朗,喺大格局睇,將建制固有嘅力量打散就已經係勝仗。
文末附上元朗簡易地圖,尊重村落,唔好特別打搞。希望大家入到元朗多多開心消費。不過部分店家背景可疑,就可免則免。另外如果遇到突發情況亦附上一系列可以躲避嘅地方。記住動若流水,平安黎平安散就係勝利。
大家加油!
Part 1 背景可疑店鋪,避免消費:
1. 元朗西鐵站對出西鐵燒烤樂園
2. 金禾遊戲機中心
3. 新太陽桌球會
4. 百味軒 餐廳
5. 喜洋洋點心專門店
Part 2 7.27 元朗遊行撤退方法。
1.元朗市中心撤退
一.無封大馬路
往天水圍:輕鐵761p(天耀站)/輕鐵轉西鐵/巴士b1/269d/276p(大馬路沿路都有站,聚星樓落)
往荃灣:68m
往旺角:268x
往上水:276/276P
往沙田:269D
往東涌:E34B
二.封大馬路
往天水圍:輕鐵/輕鐵轉西鐵/行去安寧路或安樂路或朗屏總站搭k73
往屯門:輕鐵/輕鐵轉西鐵
2.朗屏撤退
往天水圍:k73
往青衣:68a(朗屏邨總站/屯公轉車站/荃灣/青衣)
往佐敦/尖沙咀/紅磡:268b
往黃大仙/九龍灣/觀塘:268c
往其他地方:西鐵😂
3.到達天水圍撤退
❌269D(往瀝源)/276P(往上水)因有機會經元朗
❌B1,去福田口岸
❌鐵巴K73(元朗西總站)、K74(唔使理)只去元朗
❌B2/B2P,直接去深圳灣
⭕️天祐苑
(搭西鐵(往紅磡方向車頭2號門)
到月台一落扶手電梯 最近就係exit d 天橋 行斜路落去 直行就係巴士站)
- 九巴69m 經荃灣 ,終點葵芳站
- 69x 經美孚、長沙灣、深水埗、旺角、佐敦,終點西九龍高鐵
- 269B 經西九高鐵站、尖沙咀,終點紅磡
- 269C 經黃大仙、鑽石山、彩虹、九龍灣,終點觀塘
- 276a 上水站
- 城巴 969 西隧去港島,上環至銅鑼灣
- 龍運 E34A ,東涌及機場
⭕️天慈
(k73 「天耀邨耀豐樓」站落車 過對面馬路的巴士站)
- 九巴265B 經美孚、長沙灣、深水埗、旺角、奧運站,終點柏景灣
- 269M 經荃灣、葵興、葵芳,終點荔景
- 276B 經落馬洲皇巴站,終點上水站
- 龍運 A37 ,直去機場,留意A車比較貴
4.往屯門方向撤退
一.到洪水橋站:
(輕鐵610/614/615)
-63x 往佐敦 經屯公轉車站/旺角 (要去洪福邨搭,sorry for唔識行)
-68a 往青衣 經屯公轉車站/荃灣 (行去輕鐵車尾巴士站 唔使過馬路 唔使入隧道)
二.到兆康站:
搭輕鐵(上面嗰三條線 落車要上一層)/西鐵(往紅磡車尾)
-261 往天平邨 經上水
Part 3 地區服務資訊
元朗屯門區
【元朗及天水圍區】
1. 宣道會元基堂
地址:元朗康樂路嘉好樓2樓 (正堂)
時間:1500 - 2130
用途:禱告休息,提供水及洗手間
義工支援:提供合適的交通資訊、傾談關心、代禱服侍
電話:24799138
2. 信義會元朗生命堂
地址:元朗安寧路115-137號 (副堂)
時間:1400 - 2100
用途:禱告休息,提供水及洗手間
電話:2478 6913
3. 基督教協基會元朗社會服務中心
地址:新界元朗水邊圍邨盈水樓平台206-209室
時間:1400 - 2200,會按需要延長開放時間
用途:休息,提供水、急救物資、食物
支援:社工提供元朗地區及情緒支援
電話: 24434853
4. 童軍知友社賽馬會朗屏青少年服務中心
地址:元朗朗屏邨賀屏樓平台216-225室
時間:1500 (27/7) – 0600 (28/7)
電話:24755441 / 82099021 (青少年外展/ 深宵外展)
5. 香港聖公會聖馬提亞綜合服務–賽馬會青年幹線
地址:新界元朗天水圍天龍路4號 (景湖居一、二座對面)
時間:1400 (27/7) – 0600 (28/7)
電話:24460738
6. 基督教香港信義會天水圍外展社會工作隊
地址:天水圍天瑞邨瑞輝樓地下
時間:1400 (27/7) – 0600 (28/7)
電話:24786913 / 98729969 (青少年外展/ 深宵外展)
【屯門區】
兆康西鐵站 (支援站)
位置:兆康西鐵站近巴士站果邊既空間(以前順豐速遞果邊)
時間:1600 (27/7) - 0030 (28/7)
用途:基本物資支援、地區休息站資訊
屯門西鐵站 (支援站)
位置:近屯門西鐵站與河田輕鐵站中間 連儂牆附近
時間:1600 (27/7) - 0030 (28/7)
用途:基本物資支援、地區休息站資訊
1. 屯門贖世主堂
地址:屯門鄉事會路二號
時間:1500 (27/7) – 0600 (28/7)
*將於27/7下午三時起明供聖體,為香港社會祈禱,直至早上六時(28/7)
用途:另開放地方予禱告休息,提供水及洗手間
電話:24596510
2. 信義會王賽明快樂家庭培育中心
地址:屯門兆康苑兆康商場2字樓
時間:1500 (27/7) – 0600 (28/7)
電話:24618099
【地區外展/ 深宵外展服務】
【元朗】
香港基督教服務處元朗區青少年外展工作隊
Tel: 90644064
童軍知友社賽馬會朗屏青少年服務中心 - 深宵外展服務
Tel: 82099021
【天水圍】
基督教香港信義會天水圍外展社會工作隊及深寓外展服務
Tel: 98729969
【屯門】
救世軍屯門深宵青少年外展服務
Tel: 60377780
以上資料由元朗義工提供,願大家平安。
(後記,本文波士頓一段受到文友蝦叔跑步 Uncle Shrimp Running 啟發,特此致謝)
連結:https://www.facebook.com/hasuk42195/posts/2368833173197317