廉航既關係，又要係羽田晒左一晚時間！！我真係十萬倍呼籲大家唔好揀凌晨機，除非你年青力壯／周圍都瞓到／唔醒瞓，否則呢個行為真係等同於自殺咁滯。本人意見不代表本人立場，但我會盡力去勸身邊朋友唔好做傻事，由其是捱夜對女士們皮膚唔好架～😫😫😫
上兩星期日晚，同朋友完左一整日喪行既行程後，回家沖一沖身就帶佢到羽田機場送機見送り（みおくり）。事前我地要CHECK好多野，包括最終車／的士車費／膠囊旅館／24小時營業既餐廳等等！！最最最一番重要的就是後備電源～因為丫仁無手機／Wi-Fi玩係會發狂🙄🙄🙄有左上次同皇帝妹喪等5小時的經驗，今次準備好得多！！零食小吃就唔小得，第一時間就當然要霸返個比較舒服既位置休息。
機場叉電位都預左爆多人架啦，我地選擇上到去已經關門的餐廳專用枱，將背囊入面既醫肚恩物／玩意／消閒用品冚崩冷攞晒出黎！如果機場有間卡啦OK／夾公仔GAME CENTRE一定大賺👍🏼但我既HP真係有限，已經陪你玩左成日，自已撐到2點已經好勁，朋友仲有力氣繼續追劇☺️佩服佩服。終於到左一個點要打橫係長櫈瞓一陣叉叉電。🔌🔋
原來羽田4樓（即驚安殿堂個層）有一個可以出去既觀景台，可以欣賞到飛機升降。我地捱到四點半左右，朋友提議出去觀景台睇日出☁️🌥⛅️🌤☀️係香港個時丫仁定必拒絕，呢D咁浪漫既野我不嬲都唔做。今次真係機緣巧合下唔想浪費青春，決定去睇人生第一次日出。呆等6小時後的自然觀景，睇到咁燦眼既鹹蛋黃，忍唔住俾個LIKE你～原來SPIDERMAN 3 個一幕日出係真架，日出原來真係有橙光！！
大家下次唔好彩搭凌晨機，記得去湊湊熱鬧！我地又唔係旅遊記者，不用爭分奪秒既。傷身呀女～傷身呀仔～
丫仁回家沖個涼，補一補眠就照常返工啦～元気出せ！！
#廉航 #羽田 #年青力壯 #等同於自殺 #本人意見不代表本人立場 #最終車 #的士車費 #膠囊旅館 #皇帝妹 #醫肚恩物 #大丈夫 #工作遊記 #後備電源 #SPIDERMAN #驚安殿堂 #鹹蛋黃 #日出 #旅遊記者 #不用爭分奪秒 #虛度光陰
