［一仔陰謀論？初步證據唔多支持］因為啲成交分得好散，絶對唔似係咩大戶收貨散貨格局，似乎大家群毆多啲。
TLDR：持倉變化最多嘅富途花旗，佔總成交都唔夠2%，似大家大混戰多過咩有心人散貨沽貨。咁當然有心人都可以一大班嘅，但肯定唔係一兩丁。
1. 講明先，冇乜咩好大結論，純教學。行家亦見笑，幾時都話我啲文只係畀外行人睇。咁要陰謀論呀睇穿晒呀可以去第度。本人唔玩呢啲，但至少我教識你去用去睇呢啲東西。當然你從中睇到乜點演繹就你嘅事，同一副塔羅塔同一堆茶葉同一個八字，都唔同解法啦。好似烘件麵包買個椰菜睇下雲，都有人話見到耶穌見到佛祖咁。人係鍾意搵Pattern
2. 呢個東西，「花紙」，「數花」。又名睇CCASS。如果分五個字母讀就知外行人，扮行家就讀「思咳屎」。其實就係睇下啲股票在邊個倉。中央結算系統
3. 而呢樣東西，以前好複雜，聽聞仲要畀錢。後來電子化，港交所免費有得睇（https://bit.ly/31OoylC）。更偉大係，David Webb 嘅網再系統啲，連每日變動等等都搵晒。詳情自己上去睇，完全公開，亦都免費（https://bit.ly/2FfjIWJ）
4. 我就係教學，話畀大家知有免費資源，推動呢啲資訊民主化，等你唔好以為啲人好高深，其實Yan can cook so can you, Ivan can 9 up you can 7 up。係咪好偉大？係咪抵支持先（廣告時間）
（小廣告：Ivan Patreon 狼耳街華人，一個星期至少三篇，一個月一舊水唔使，開張幾日已300人訂，仲有兩篇免費試睇：https://bit.ly/3fUjd1e）
5. 好，當然係講一仔，282。但首先講幾樣入門要知嘅嘢
6. 首先，係所有股票都要放CCASS，例如你自己拎公仔紙放床下底都得。我都拎過實物股票，老一輩講「貼牆紙」典故就係咁嚟。
7. 第二，記住香港仲係行T+2，歷史原因。但，所以今日（13號星期四）你日頭暫時睇到嘅，係昨日（12號星期三）嘅嘢。而呢啲嘢，係反映兩日前（10號星期一）嘅交易
8. 第三，所謂嘅籮綿喱nominee制度。呢度你見到嘅持股，同平時講嘅「大股東」冇任何必然關係。黎智英係大股東（好似係），但佢嘅貨可以放在匯豐，中銀（Just saying），耀才，花旗，乜都得。甚至唔入CCASS都得（相信佢冇，至少大部份冇，陣間解）。
9. 當然你開間黎智英證券都得（拎牌咯），例如上次講思捷，咁例如莊生，旗下自己有間行，或者有啲行係友好，咁你大約可以將佢同間嘢當係同一路（https://fbook.cc/3Dvo）。但呢啲特例，一般嚟講，只睇呢啲嘢，唔會睇到背後係乜水。都話你同一個大股東可以分十間放都得。你地日常股買賣股票多數都係籮綿喱，你在中銀買咪中銀個名持股，在致富買咪係致富，所以人地個股東名冊上亦唔會有你。亦所以，如果你要去股東會，呃飲呃食或者問侯管理層老母，就要叫返你間行幫你搞。而你間行好可能覺得為難（因為好煩），但呢個係你合法嘅權益。
10. 解完晒，好簡單，呢個表就係，10號星期一，啲貨去咗邊。啲倉之間點嚟嚟去去，全部有得睇。幾廿年前公司可能出皮幾兩皮嘢搵條友做呢啲嘢。而家免費。所以你話做金融嘅唔與時並進（其實咩行業都係），只會畀人淘汰。當然一般情況下我唔使叻過部電腦，唔使跑得快過隻熊，叻過會同你爭飯食嘅人就得了。
11. 呢個表快手睇下，間證券行嘅名Name，渣住幾多股Holding，在期間（呢度係10號星期一）股數變化Change，最新總共佔總股本幾多巴仙（即係渣幾多%）Stake %，期間持股巴仙變動Stake % Change，應該不太難睇
12. 你見到，其實162間行渣住，咁中間我已經hide咗百幾行。而呢個表，係跟Stake % change 排的。即係啲貨由邊度走出嚟，又去咗邊個倉。
13. 仲有你見到匯豐我都特別冇hide，因為持股多，但變動唔多的。
14. 好，其實不難睇到，最多貨咪IB走出嚟，另外花旗都唔少。去咗邊？富途，或者中銀。咁但，唔好，記住唔好over interpret．換著普通人，特別先有結論嘅，咪可以自己懶醒咁話「哈哈，仲唔畀我捉到大戶手影！」（居然有人覺得咁樣免費就睇到大戶手影，大戶未免太廢，正如好多人望住個股票機睇盤就以為睇到大戶部署）「仲唔係外資沽貨中資買貨！」特別有政治諗法嘅，更加可以fit in story , any story。咪話有人睇薯仔都見到耶穌，睇聖經又見到密碼咁
15. 但，你都估到，邊有咁簡單？富途中銀買就一定中資？聽聞好多連登仔都用富途啦，貪平又好，虛則實之又好，唔好以為券商係中資，代表客都一定係。反之亦然。固然我估大陸佬未必個個敢在花旗開戶口，但，亦不代表果啲就係外資。
16. 呢個係埃汾啲文收視唔爆（相對啦）嘅原因，因為我唔會嘩眾取寵，係冇結論我就話冇結論。
17. 咁寫嚟做乜？首先教你睇呢堆嘢，二來，都話呢個表反映10號星期一之嘛，仲有好戲在後頭，呢篇教咗基本先，打後有嘢（如有）再研究。三來，其實都仲睇到其他嘢嘅。
18. 首先，見唔見Total Securities in CCASS？33%咋，8億6股，所以在市場有得交易嘅，根本就唔多。而你見10號星期一，已經14億股成交（下面volume有寫）（Value 係成交金額，$），幾咁驚人。
19. 但，你見即使係最頂嘅富途，多咗1%股本在佢地手（再強調，可以係好多個人），都不過係多咗2700萬股— 10號星期一14億股成交喎！最多嘅富途只係佔咁少（唔夠總成交2%），所以你見到，其實啲trade 係飛嚟飛去，初步唔似係咩好大陰謀咁入邊個手。沽貨亦係，最多嘅IB都只係冇咗2400萬股，同14億股成交，爭好遠
20. 仲有一點，肥佬黎。佢持股應該71%。好啦，智力遊戲。頭先咪講，CCASS先得33%。你應該得到結論，肥佬黎絶大多數貨，都冇入CCASS（冇乜咩特唔特別陰唔陰謀）。我就當CCASS全部都係佢（咩呀，一個人開百幾個戶口唔得？），都只係33%，唔足佢自己持股嘅一半。而當然我估，呢33%入面，大數都唔係佢（但總會有啲係佢，因為100-71細過 33）
21. 結論？冇架，但教識你睇呢啲嘢。同埋唔好過度演繹自己作故事，畀人笑就事少，自己冇進步事大。睇埋過幾日嘅花紙，睇下有冇嘢跟進
22. 而又講多樣，其實，早兩星期寫 陳智思檔亞洲金融（662）同盤谷銀行，咪寫過下呢個CCASS（https://fbook.cc/3Dvp）。嗰篇文寫得幾差下，但難得讀者都照like．但真係生命唔係一條直線，「好似Steve Jobs 去上西洋書法班咁」，你嗰日有睇陳智思篇文，咪會知呢舊嘢點運作咯。呢啲係平時嘅練習，無論係知識，思考，定係工具。台上一分鐘台下十年功。呢篇文兩千字，我連埋搵數整Excel 都唔使45分鐘就打完，係平時練習嘅結果—唔指係練打字，仲有其他嘢。
23. 版務：又其實呢篇文，原本係想只畀Patreon付費讀者。不過考慮到多人想睇有助我吸下engagement 先放呢度。但長此落去你都估到，呢度只會放啲吸睛但冇乜養份嘅文（呢篇還可以），金融零食是也。可能都有人覺得好過癮，甚至有啲付費讀者覺得喂呢啲薯條咁正做乜街外人食？你Chef Table煮啲嘢反而麻麻—但信我啦，食薯條冇益呀。
————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？
簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145
免費八字算另一半 在 【開運1分鐘～八字算命】如何結識另一半#八字看婚姻 - YouTube 的推薦與評價
... ( 免費 送給大家) 快登記啦https://enricheducation.net/人格數字解碼-special-oct-2022//ref/2411 喜歡學多D，知多D的朋友仔，記得按讚、追蹤、分享啊 ... ... <看更多>