《兒童節隨筆》陳心遙
《信報》2018年4月4日《視線所及》專欄
世界各地都有屬於自己嘅兒童節;比較多地方係定喺6月1號或者11月20號。6月1係國際婦女聯合會定嘅,11月20就係聯合國教科文組織嘅,全世界只有香港同台灣係定喺4月4號,此乃中華民國時期開始嘅習俗,源於1931年,由當時民國政府嘅行政院長,孔子後人孔祥熙主理嘅「中華慈幼協濟會」提議,開始定下4月4號為兒童節,但台灣地區係要直到1991年嘅時候,先將呢日同婦女節合併為同一個節日,放假一天,並且定名為「婦幼節」。所以4月4號名副其實係兒童節,大概只係香港。
冇人否認兒童係未來,最老生常談嘅講法就係:「孩子係我哋社會未來嘅棟樑」。但諗深一層,點解會咁講呢?所以先排同一隊新嘅細路仔組合Idol Jr.寫咗一首歌,叫Imagine,歌詞大意係講,細路仔會想像自己同個世界嘅未來會變成點;我哋而家有嘅海洋、森林、清新嘅空氣又會變成點?佢哋呢刻天真嘅心靈又會變成點。當我哋話「孩子係我哋社會未來嘅棟樑」嘅時候,有時會有一種事不關己嘅無奈——孩子係未來嘅棟樑,咁我哋呢?我哋唔係應該就係「現在社會嘅棟樑」嚟咩?我哋嘅社區、我哋嘅學校、我哋嘅制度、我哋嘅地球,唔係通通喺我哋手上咩?如果我哋對於現在嘅困境無從入手,老鼠拉龜,點解會期待未來嘅主人翁會帶來突破轉好嘅改變呢?
「垂頭在想像,明天的模樣,誰來做榜樣,紙船隨風向。望社區、望故鄉、望每天電視報章,望你行為,做我模擬的方向。」
小朋友咪又係睇我哋頭,我哋而家最關心咩嘢,佢哋就會學到乜嘢。望吓我哋個社會,你每日褒貶緊啲咩事,賞罰緊咩人,咪知道社會關心同認同嘅取向囉,而家社會邊個最大聲,最多人關注啲嘢,嗰啲咪係小朋友對世界嘅認知囉。你企出嚟關心樓價升跌又好,香港嘅平原森林畀火燒又好,小朋友知道嗰樣嘢重要囉。
「有沒有望真我?有為我着想過?不清楚應否信任所有大人嗎?天真的心靈,明日又會變什麼,願你可,坦誠來答我。明天將變哪樣,我依靠想像,可否靠你,去重拾理想。」有朋友睇完我呢幾句第一個反應就係「黐線咩,梗係唔好相信大人啦」。我想話,無論你想唔想,小朋友第一個會相信嘅,就係身邊嘅大人,所以你想小朋友將來係點,心靈會變成點,讀幾多個興趣班都未係最重要,先諗下我哋而家留低一個咩世界畀佢哋啦。
#兒童節隨筆 #idoljr #信報 #陳心遙
兒童節隨筆 在 Nyle玩樂學隨筆 聖誕節系列2 DIY手作聖誕拼圖 - YouTube 的推薦與評價
![影片讀取中](/images/youtube.png)
Comments · 【滾妹這一家】好Q的不倒聖誕老公公&麋鹿 · 【紙藝】聖誕花環製作,做法很簡單,成品很漂亮! · 【聖誕吊飾】 兒童 版- 三分鐘學會製作聖誕襪/ How ... ... <看更多>
兒童節隨筆 在 今天是兒童節小朋友充滿! | By 月明洞隨筆手札 - Facebook 的推薦與評價
今天是 兒童節 小朋友充滿! ... 月明洞 隨筆 手札的直播影片。 2017年5月4日. 今天是 兒童節 小朋友充滿! 今天是 兒童節 小朋友 ... 更多月明洞 隨筆 手札的文章. 00:12 ... ... <看更多>