關於 全職獵人 旅 團 ，我們在網路上蒐集到這些相關的討論、資訊與評價

《林鍾大戰》上星期落幕，呢場「大戰」都總算係喺今時今日呢個荒謬嘅社會氣氛下帶到啲歡樂俾大家，個個一開始話唔睇但最後個個都求LINK睇，冇LINK嘅都好似《破壞之王》鍾麗緹咁用收音機（Youtube）聽直播，全城氣氛熾熱，花生指數高企，所以老實講呢場比賽根本冇人輸，林作、大J、Steven、雙方教練、場內場外的觀眾都贏咗極富娛樂性的一晚，就算你唔好拳賽的刺激，都應該會因為LMF同尹光的出現而興奮，最後只差在睇唔到林作口中所講嘅「我有我喺台上打，裕美就同我阿媽喺台下打」嗰一幕。

作為林作朋友，我都講過會ALL-IN佢，而講真，我真係覺得佢冇輸到，起碼冇被K.O.，大家亦睇到佢出咗招有如七連閃電鞭的連環拳，都算係咁。雖然有人話佢淨係識用避走同攬的戰術，台下鍾生團隊咆哮：「攬完未呀！」，台下林作團隊回敬：「唔俾攬呀？」，但一場擺明車馬娛樂行先的拳賽，唔通又唔可以用中國古拳法最高境界——心理戰術？難道你又唔想真係出現一幕「鍾培生嬌喘一聲倒在林作懷裏」？最值得表揚嘅，係就算輸咗之後，佢都以佢一向幽默的作風去多謝鍾生，係有風度。最後林作仲真係收到94萬支票，94萬加上備戰運動量再加走上擂台比賽兼贏得大部分人的支持，值得。

鍾生就更加唔使講，除咗Dr. Strange的出場方式充分滿足咗佢自戀的心態、不遺餘力咁話俾唔識佢的人聽佢係「香港電競之父」外，佢搞的培心培生會員直播，聽聞高峰期達5萬多人同時收看，即係話$800 x 50,000，最少佢都淨袋$40,000,000，仲未計佢$28,800一張的VVIP實體飛。

雖然最後結果有啲失望，但我真心覺得香港係需要有多啲呢類花生指數高企的娛樂節目令大家笑一下、輕鬆一下，就好似N年前ViuTV的《跟住矛盾去旅行》咁，大家矛盾對決一下、笑下佢，等香港人都可以吐一口苦水同怨氣。

不過最意想不到嘅其實係17 LIVE做直播嘅囡囡，個個都喺直播當晚賺盡view數及打賞，又乘機喺廣告位叫大家follow自己IG，聽聞仲有主播因此打造出千萬熱度同過百萬寶寶幣(即係幾多港幣有冇人可告知？)，仲唔係最大贏家？

我哋而家接受消費券喇！今個9月仲有現任HR團隊Career Coaching 限時優惠、及Big4優惠，嚟了解一下：https://wa.me/message/HODW7VGMWFAGL1
—————————————————————
免費下載2021 薪酬報告：https://fillturecareercoaching.co/salaryreport2021/
—————————————————————
立即追蹤全職獵人FullTime Headhunter各大社交平台，搶先獲得各種最新職場資訊！
最新職位空缺：https://instagram.com/fillturegroup
最新職場情報及冷知識：https://instagram.com/fillturecareercoaching
全職獵人：https://instagram.com/fulltimeheadhunter
—————————————————————
#全職獵人 #FullTimeHeadhunter #FilltureCareerCoaching #CareerCoaching #林鍾大戰 #誰是最後大贏家 #17live
讀者投稿、廣告合作現正開放中，歡迎電郵至info@fillturegroup.com

《Change - Now or Never》

有上過我 Career Coaching 的朋友都知道，除了著重求職技巧、面試策略、搵工方向等 technical skills 外，其實我最著重係令 candidates 係心態上有「需要作出改變」的意識。實在見過太多 candidate 多年打工都抱著安穩、安逸的心態 － 不求有功，但求無過。但在 2020 年疫情下，公司不再論功行償，無論有功定無錯均被要求放無薪假、甚至狼狽被炒。

一言驚醒夢中人。

突然在飯碗不保之際，大家才一窩峰地想改變、想轉型、想轉行。日前係一個由中國人壽海外主辦的網上講座中，有史無前例的爆額人數報名，在座間發問人數遠超預期，大多數人都想知道自己所面對的困局可以如何作出改變、應該朝什麼方向改變。藉此多謝主辦機構的邀請，可以俾一個平台我向這些求職者作出分享，當中大部份都係素未謀面、完全唔認識我的新朋友。

今次講座與過往最大分別是 － 發問氣氛異常熱烈，每個求職者都極度希望自己可以作出事業改變、轉型，他們都樂於接受新的意見、都勇於進行新的嘗試。當你還在思索應否改變時，香港很多人已經在探索如何改變。

做完講座之後，亦引令我作出一個反思：「究竟一直以來，有改變呢種心態係咪真係咁難？定係我自己太顛？」

兩年多前，我未有全職獵人 Facebook Page、未有自己獵頭公司、未有 Career Coaching 團隊，只係一個每天係中環返工放工的普通獵頭，每天過著見客、見 candidate、跑數的生活，又點會預料到今天竟然成功有自己的生意、品牌，亦可以作為講者與其他人分享「改變」的心得。

我知道有人永遠抱著「以不變應萬變」的心態處事，而我係一直認為這種心態已經完全不合時宜的一個人。

不變，其實先係你面對最大的風險。

改變，先係一個你管理風險的方法。

如果當時我並無改變，以今年市況來說，在獵頭公司繼續打工的收入起碼減少 70%，或者連份工都無埋。因為我當時作出改變，先會把握到機會。

講座中有分享的嘉賓在疫情前分別從事空姐和導遊，疫情一個浪殺到收入直插為零。於是把心一橫決心改變，重新進修、考牌並加入財務策劃行列。而他們各自工作多年所累積到的人脈網絡亦是他們轉行時的優勢，他們的國際視野亦能為客戶帶來新的財務策劃方向。短短數月他們成功轉型開展了第二事業，沒有坐以待斃等待收入重新降臨在自己身上，反而主動尋找機會。他們很多舊同事到上月航空業、旅遊業大裁員才驚覺需要改變。

正如我一向都會建議 candidate 要有改變的心，不是往往到水浸眼眉才識驚。而我其中一個職責就是為大家找出改變的方向和 Trandsferrable Skills Set，為大家在改變的路上提供各方面支援。我深信，無論轉行、甚至創業的路上絕不容易，但你需要堅持一種信念：走出了 Comfort Zone ，就是對的第一步。儘管我擁有自己的生意，「求變」亦是每天的心態。

你所冒最大的險，就是你不願冒一切的險。

#全職獵人久保
#久保特約

#飛出您想事業
#中國人壽海外事業發展日

IG: Fulltimeheadhunter

《人生斷捨離》(上）

「斷絕不需要的東西、捨棄多餘的事物、脫離對物品的執着」

表面上，人們對斷捨離的印象就是執屋丟物品，令生活空間更大。

其實，真正要整理不是房間，而係自己內心。

試想一下，今天你「臨時起義」將衫褲鞋丟了一大半。但出到街，係網絡上，你又被不同廣告誘惑買下各種無無謂謂，幾個月後只會打回原形。
減省自己貪欲，令自己精神更滿足先係重點。
甚至乎，「收納師」等用斷捨離包裝的職業也陸續出現，為香港蝸居提供服務。
究竟，除了屋企需要整理，我們人生當中「工作」、「友情」、「愛情」和「親情」間又需唔需要適時捨棄呢？
——————————————
友情。
「從前共你促膝把酒傾通宵都不夠 為何舊知己在最後變不到老友」
人越大朋友越少，抑或細個好多朋友都不是真正朋友？
其實細個嘅係朋友，大個嘅都係朋友。只係需求唔同咗。
細個你要朋友kill time，成長後要buy time 。
冇利用價值？唔見喇。我做金融，你做侍應，冇利益，唔見喇。
「朋友」變成有冇效率去界定。
細個邊有理依啲，有嘢玩，你肯玩就唔理你高矮肥瘦都做到朋友。

小羊同我已經係廿幾年朋友。
可惜我最近結婚，終於令我們漸行漸遠。
就在我簽紙當天，曾邀請他出席，得到的回覆是：要開會，遲啲請你食飯，公司有得claim。
自從他轉了做保險行業後，彷彿每一次出席團體活動也是來傾生意，甚至乎去踢波都要俾對方卡片，介紹自己。
那個中三，星期六早上九點也會到足球埸和我一起奔馳的小羊已經消失了。換來的是一個把「朋友」看成有多少「羊毛」可剪下的獵人。

自從早幾日係page 公佈小弟新婚後，得到好多人祝福。
經統計後，超過九成得到的人情是由素未謀面的讀者給予，我會將所有得到的款項捐給經篩選的慈善機構（當然不會是無國界）。而反而一向有聯絡開嘅「朋友」們，當得知後，大部分就一句「congratulation」、「咁快結婚，係唔係有咗？」就算，更甚者當我問他們會否來觀禮，得到的是兩個藍剔的「已讀不回」。

「來年陌生的是昨日最親的某某」
——————————————
愛情。
「長嗟或短嘆 或者不可給你選」
好多人話：「你都三十幾歲人，應該就快結婚。」
於是乎，大家（尤其女性）都對「三十而立」非常敏感。
彷彿不結婚，冇拍拖就會缺氧。

試想下，十幾廿歲時，我們追尋另一半會唔會設置限制比自己？
當然唔會。
但人大了，如同認識朋友一樣，標準已經不同了。
細個要「激情」，大個要「細水長流」。
由高大、身材正，外貌至上，去到要有穩定職業、穩定收入、性格相合，冇不良嗜好......最好有樓有車先有安全感，連買個手袋都要折現比現金先為之送禮物。

然而，愛情是最不講道理的。
我的一個上市公司CFO朋友J小姐在職埸上左手翻雲，右手覆雨。
可惜，她有一個賤男朋友，一個於十年間出軌無數次又欠上一身街數的人。
理智如她，面對過百億M&A deal，面不改色；可J亦同時面不改容，容忍賤男一錯再錯。J的姿色，聰穎也應該值得更好。
剪不斷 理還亂。
作為旁人，當然覺得不值，早該捨棄。
但係.......

你仲有冇收埋以前嘅情信或者禮物？

賤男自古存在，近年來，「收兵女」也老是常出現。
有些已經有男朋友的女性，在人群裏也掛着「Available」的牌。
在所有媒體上（Facebook, Twitter,Instagram等）也做到滴水不漏，完全發現不了另一半痕跡，彷彿好似自己一個去旅行咁樣。
當有其他異性追求，她們也欣然接受。吃飯、小禮物、被追求嘅感覺確實難以推卻，唯一只係冇「愛」，更親密的關係要有課金多少去決定，課得越多得到的越多。
而當追求者想進一步發展時，先發現一切只如夢幻泡影。
但他們不甘心，總覺得「我同依家男朋友唔夾（但係又唔捨得）」的她最終會選擇他們。
然而，即使你們成功也只會成為下一個「唔夾」的人。
捨得不捨得，甘心不甘心，也應該放過自己。
「分與合 洗剪吹 我們成長裡 尋伴侶 換髮式 各有程序」
———————————————
友情也好，愛情也好，如果做不到「斷捨離」，不斷結交損友、壞情人，最終只會把你有限的時間填滿。
就如把你有限的屋企空間，擺滿雜物後，寸步難行。

你想自己以後人生荊棘滿途嗎？
人嘅一生好短暫，每一日都係好短暫，計埋瞓覺、工作其實只有幾個鐘頭，唔好浪費時間係不必要嘅人和事、應酬、放閃及打卡上面，好好活在當下，好好珍惜眼前人。

最緊要好好做返自己。

各位讀者又有冇啲關於朋友、情侶間難捨難離嘅故事，不妨分享一下。

而下集就係分享一下有關親情和工作間的難捨難離。

#全職獵人久保

IG: Fulltimeheadhunter

快d訂閱啦，第一時間我就可以同大家分享新關&抽蛋?
動畫《HUNTER×HUNTER》與《怪物彈珠》第2彈合作
▼轉蛋《HUNTER×HUNTER》：
2019年11月28日12:00〜12月2日11:59
第1彈合作活動的角色和冒險也會再度登場！而且，在第1彈合作活動登場的「小傑」「奇犽」「酷拉皮卡」可以獸神化了！

快d訂閱啦，第一時間我就可以同大家分享新關&抽蛋?
▼任務詳情：隊伍內編入1體或以下擁有「反傷害壁」技能的角色並通關
** 解放「獨一無二的存在 梅路艾姆（★6）」的獸神化

快d訂閱啦，第一時間我就可以同大家分享新關&抽蛋?
動畫《HUNTER×HUNTER》與《怪物彈珠》第2彈合作
▼轉蛋《HUNTER×HUNTER》：
2019年11月15日（五） 12:00〜11月17日（日） 11:59
第1彈合作活動的角色和冒險也會再度登場！而且，在第1彈合作活動登場的「小傑」「奇犽」「酷拉皮卡」可以獸神化了！