水 + 電 = 消毒水？
產品宣稱：
產品網頁話：透過水+電可造成消毒水，其能消毒的原因是因為製成品有高活性氧，包括雙氧水、hydroxyl radical及superoxide［統稱為Reactive oxygen species（ROS）］。網頁指原料是水超安全，沒有致癌、皮膚炎及過敏等問題。
筆者想法：
#有關電解
大部分讀過化學的人，都知道水加上電，即係電解水（用電黎將水分解）。根據倫敦南岸大學一個寫電解水寫得好詳盡嘅網站（http://www1.lsbu.ac.uk/water/electrolysis.html），電解水係有機會出到產品宣稱的雙氧水、hydroxyl radical及superoxide的，但濃度應該唔高，只是intermediate或by products。
純水的導電能力非常低，電解會變得十分緩慢；產品的廣告亦宣稱可用自來水，而每個地方的自來水雜質也不一樣，如何可以確保製成品的消毒成份的濃度一樣，以至消毒水是否有效？再者，自來水裡的不同雜質在電解過程會變成甚麼化合物，這個是無從得知的。
於是，原料是水超安全，成品是否安全呢？尤其是產品自己指水加電會出雙氧水，難道雙氧水沒有毒性的嗎？而你還完全不知道雙氧水在電解過程後的濃度呢？
#有關radicals
產品宣稱其消毒的主要成份是hydroxyl及superoxide radicals或雙氧水；Radicals係非常之reactive的，所以半衰期十分之短，hydroxyl radicals會係短過億份之一秒無咗一半（https://www.healthcare.uiowa.edu/…/ed…/2001/1/HuJ-paper1.pdf），咁究竟佢電完啲水可以放幾耐仲有用？
係一個KOL度落嘅廣告，佢話72小時後就會變返做普通水。咁係立即變？定係逐漸變？照常理應該逐漸變吧？咁72小時後還剩下多少active可消毒的ingredients？
再來就是產品的測試，究竟係用新鮮剛電完的消毒水定係電完過咗72嘅消毒水？如果係前者，佢嘅殺菌報告結果就未必可以代表電完72小時後的消毒水的殺菌能力了。
#有關安全性
有不少研究的結果都指出Reactive Oxygen Species（ROS）與癌症的發展與惡化有關係(https://www.nature.com/articles/cddis2016105），而偏偏這個產品的主要殺菌成份就係ROS，又指產品沒有致癌，那他們如何得知產品沒有致癌？做了些甚麼實驗呢？
至於雙氧水對皮膚的毒性，亦已被不少文獻記載。低濃度的雙氧水對皮膚的毒性較低，但高濃度的雙氧水卻是腐蝕性的（https://www.atsdr.cdc.gov/MMG/MMG.asp?id=304&tid=55），究竟佢部機用咗佢話patent咗嘅方法電啲水15分鐘後，會釋出幾多雙氧水？唔同嘅水又會唔會電出唔同濃度嘅雙氧水？
#有關產品測試報告
產品在其網頁列出不少殺菌及病毒的報告，這些報告應該可信吧，但除了剛才筆者提出的「啲水電完幾耐」才做消毒實驗之外，測試的control都是用PBS（即係生理鹽水），並無用上我們常用來消毒的酒精或漂白水來做control，所以這個電加水的消毒水與酒精或漂白水的消毒成效，其實並無法比較。
今日何栢良醫生先講，一滴芝麻大的鼻涕有10萬粒病毒，殺少幾粒係咪真係無所謂先？
#筆者建議
當然，筆者只是想藉以上的討論，提出對產品的疑問，如果產品供應商能一一用科學研究的數據來解答，釋除大家的疑慮後，也許這個產品將會是之後諾貝爾獎的大熱，但在這些疑慮還未能被釋除前，我會建議用番傳統的梘液洗手、酒精搓手、漂白水消毒等等。
#暫時唔會寫有關其他產品的文章
#太辛苦
#全部claim都無Reference
#一個都無
#全部實驗都無清楚嘅protocol
#用乜水？
#電完啲水放咗幾耐？
#乜都無！
全部實驗都無清楚嘅protocol 在 科豆Scientific Papa - Facebook 的推薦與評價
暫時唔會寫有關其他產品的文章#太辛苦#全部claim都無Reference #一個都無#全部實驗都無清楚嘅protocol #用乜水？ #電完啲水放咗幾耐？ #乜都無！ | Facebook ... ... <看更多>