月缺後，真的會重圓？
望月今年品牌廣告一如既往，沒有月餅，沒有明星，卻以黃霑一曲《家變》作為主旋律，淡淡鄉愁，盡在Serrini深情演繹之中。
品牌負責人Chris表示：「選擇家變，多少係對過去嘅香港致敬。歌詞提到『經得起挫折、迎接變幻』，亦係我地想表達嘅中心思想，即使喺不可抗力面前，仍然要鼓起勇氣面對。」
3分23秒，廣告《一起 見證時代幻變》圍繞一對兄弟、兩段故事發展。透過鏡頭細節，反映香港波浪起跌中帶來的種種有幸與不幸 —— 例如面對家人朋友移民分隔兩地的哥哥，以及面對心上人遠走他鄉的弟弟。在洗衣店內、足球場上，他們將洗不走、踢不掉的憤怒與抑壓轉化成絕望狂呼，無聲勝有聲。
「其實想表達香港人、甚至係現代人嘅心理狀態。」Chris解釋。「例如開首洗衣店一幕，一個人睇起嚟外表平靜，但內心世界可能五味雜陳抒發唔到。」
今次是望月第三年投資品牌廣告，同樣由廣告公司Society製作，耗資80萬，故事比起上年《哪怕世界有距離》更加細膩。
傳送門：https://madman-magazine.com/blog/patisserie-la-lune/
圓月不再，即使是抒情小品，文案中每隻字也要思前想後。會否擔心對廣告創作有所局限？Chris的答案是：此路不通，另闢蹊徑。
「擔心一定有。但做得廣告本身就要冒險。只可以話我地對傳遞信息嘅渴望以及對TA（受眾）嘅信任，大於所有未知嘅擔憂。」
#兩位主角真係好好戲
#真係好靚
兩位主角真係好好戲 在 #兩位主角真係好好戲 – Explore - Facebook 的推薦與評價
explore #兩位主角真係好好戲at Facebook. ... <看更多>