《鍾意》
♂：早晨
♀：早晨，蔣艾小朋友
♂：唔好開名好唔好……
♀：我鍾意叫你全名，又係你講比我聽既，依家唔比人講？
♂：咁你又話我知你全名
♀：我有諗過，但都係決定唔講，一陣講左你起我底咁點算
♂：你好出名？
♀：出唔出名都係咁話
♂：唔公平囉，依家只有你叫我名無我叫你名
♀：男同女無公平喎，更何況我無要求你講我知，唔好道德綁架我
♂：咁由佢啦，由佢啦，我依家唔想知啊！
♀：又發脾氣啊蔣艾
♂：係，我可以好小朋友
♀：多左喇……肉酸啊……
♂：我唔理
♀：咁你唔好理啦，我都唔理你喇
♂：唔好……
♀：乖，姐姐錫返
♂：已經記低左，你話你好重承諾嫁
♀：屌……比你陰左
♂：哈哈，比我見到你，你就要錫返我
♀：哎呀……真係多左喇……
♂：我想知你叫咩名
♀：喂，你再問多幾多次，答案都唔會唔同左
♂：我覺得會，我會一直問
♀：你係唔係鍾意我
♂：係
♀：夠直接
♂：多謝
♀：點解你鍾意我
♂：唔鍾意點會傾咁耐
♀：唔好鍾意我好唔好
♂：唔好
♀：我同你唔會有結果，我唔想傷害你
♂：鍾意既可以揀咩？
♀：即係你即使受傷你都會鍾意我
♂：可以咁講
♀：何必呢
♂：我覺得你都鍾意我
♀：係，所以我唔會比呢件事發生
♂：你鍾意我，我鍾意你，點解要咁
♀：我地識左幾耐？
♂：16日
♀：17日就鍾意，會唔會太兒戲
♂：你覺得幾耐先唔兒戲
♀：如果你到170日都仲鍾意先咁講
♂：點解係170日？
♀：無得解，我唔希望你會憑一時既感覺而講鍾意，我上黎咁耐，同我講鍾意既無一百都有八十，而我一向都覺得好反感，有幾了解我，咁就話鍾意我，我唔係小朋友，唔會信
♂：鍾意其實唔難，我覺得同你傾計好開心，每日朝早第一時間就想同你講早晨，期待同你傾計，每日夜晚同你講晚安，如果咁都唔係鍾意，我唔知可以點形容
♀：如果用你呢個定義，咁我都鍾意你，但對我講，鍾意唔單止係咁，蔣艾小朋友，你加油啦，令我認同你既鍾意，令我鍾意你
♂：嘻，好
♀：嘻乜春，好弱智啊！
♂：鍾意一個人會令人變成弱智，你唔知咩？
♀：咁你真係好撚鍾意我
♂：知我咩料啦！
♀：無聊，好啦，唔講喇，晚安
♂：但我仲想同你傾
♀：我已經覺得同你傾得太多喇……有好多野唔好一日做晒，分開做都可以
♂：好……你講既，我都聽
♀：博乜
♂：博你歡心
♀：好爛啊……
♂：喂，我諗到樣野令你可以好開心
♀：講黎聽下
♂：不如我作首詩比你！
♀：屌……我未聽到首詩，我都已經笑到癲！！！你認真？？
♂：係
♀：咁你作啦，我等你，買定止痛藥等你
♂：一於咁話，晚安！
♀：好啦，晚安，蔣艾
——
長傾·不見@鍾意
https://bit.ly/LongchatEP16
八十而 在 子曰：五十而知天命，六十而耳順，七十而從心所欲，不踰矩 的推薦與評價
子曰：「吾十有五而志於學，三十而立，四十而不惑，五十而知天命，六十而耳順，七十而 ... 杖朝之年→80歲,耄齡→80歲以上,耄耋→八、九十歲,,期頤之年→百歲. ... <看更多>