［十三億人一人買一部Switch，嘩，不X得了］
上次Google 出新嘢（我已唔記得叫咩名），任天堂就流淚，跌足兩日（http://bit.ly/2umvwhm）。索尼更加罪大滔天，連跌三日（http://bit.ly/2GpnDgM）。
但任天堂話咁快就反彈返，一個月升咗三成咁滯。昨日更加係一棍升咗14%。點解？因為入大陸。
以前任天堂任為種種原因（你懂的），一路唔係好入到大陸。但昨日騰訊（700）旗下嘅騰訊科技獲批代理Nintendo Switch，就即時好有想像空間啦。中國十三億人喎，一人買一部喎，嘩，不得了。（呢個故事呃左好多人幾十年甚至幾百年）
固然你會話，大陸啲嘢，信一半好。事實好多時話批外資（例如銀行），到你真係入嚟又可以慢慢玩你，你見強如亞馬遜都打算唔玩。咁諗係冇錯的，但股價唔等人，永遠炒咗期望先，你唔服從呢個定律嘅，唔好買咯。
況且，我相信今次再留難外資嘅程度冇咁大。首先睇大格局，貿易戰搞咗成年，中國點都要做下樣開放返比外資，事實亦做緊（例如Tesla在上海嘅廠），短期內再點搞外資，機會好細。
二來亦要睇乜公司，任天堂賣主機，而大陸其實向來都冇乜呢瓣嘢，冇話點影響到本土公司。唔似亞馬遜咁要直接同阿里巴巴等等鬥，亦唔係Tesla咁有一大堆大陸車廠要鬥。任天堂比較似KFC （Yum! Brands啦下），你中國本身都冇垃圾炸雞，唔使保護。
三來啦喎，日本公司而家吃香的。講到尾都係拉一個打一個，中日曾經交惡，但在而家美國咁搞下，中國當然又拉攏日本，咩南京大屠殺軍妓靖國神社嗰啲衰嘢唔好講，正如中國拉攏歐盟同英國，仲講八國聯軍圓明園咩（第時先講）。咁當然亦多得侵侵六親不認，日本韓國都照搞，樹敵為樂。
而講到尾，就算去到而家呢個位，任天堂股價都far from離晒罩。同早兩年嘅新高46000都仲有啲距離。
八國聯軍圓明園 在 歷史哥澄清唬= - 【圓明園跟八國聯軍啥關係？】 很多人以為 ... 的推薦與評價
在八國聯軍中被再次徹底洗劫， 終於形成今日所見的廢墟。 結論：圓明園跟八國聯軍是有關係的！英法聯軍是開始，而八國聯軍是 ... ... <看更多>