【就算你識飛，都要入場劵】
喺舊公司工作嗰陣，曾經聽過一位總編咁樣鬧個PR:「你段新聞稿寫乜呀? 唔中Point，標點符號用錯晒，又話Degree......」使唔使鬧得咁兇狠呀? 我靜雞雞喺server download段稿嚟睇，邊有用錯標點符號啫? 根本成段都冇標點，如果一口氣讀出嚟真係氣都斷，又好難怪總編㷫過火屎。
有Degree係咪一定叻啲? 其實未必，但我亦可以好老實咁同你講，就算你寫稿好過上述嗰位PR 100倍，甚至寫到識飛，如果你冇Degree、深造文憑資格或讀過相關課程，根本連入嚟呢個Office俾總編鬧嘅機會都冇，點解呀? 因為公司出招聘廣告嗰陣，總係列咗幾個point，其中一個係Degree holder in 乜乜乜科目 or other related disciplines。
無論係Marketing、PR、記者、IT、Engineer，你認為有幾多個HR識得評定你份稿寫得好唔好? 你份Marketing Plan掂唔掂? 你係咪真係識寫Code? HR識唔晒全部工種細節係好正常，你可以照鬧，但冇辦法改變呢個局面，遇著資深HR都仲有價講，遇著啲經驗唔多嘅HR，你份CV冇佢哋要求嘅關鍵字眼，即係Education Background達唔到佢哋要求，咁你份cv好難去到部門主管手上，連Interview嘅機會都冇。
一句講晒，做人做事成唔成功，唔一定睇學歷，不過呢樣嘢係入場劵，係現實，亦係事實。
咩學海無涯呢啲老土到核爆嘅說話我唔講喇，廣告還廣告，真係苦心婆心講句，趁有心有力，可以揀啲適合自己嘅課程進修，cv靚仔啲，搵工容易啲，攞咗張入場劵先。
唔知點實行唔緊要，香港公開大學喺7月22號會有一個兼讀制課程資訊日，到時除咗有校友分享環節之外，有問題亦可以面對面問教授，仲有職員現場答你學分、學費資助、選科，同埋報名手續點搞，當中嘅遙距課程亦Fit 晒上班一族嘅朋友，今年秋季開學，而家計劃下絕對冇壞。
詳細資料喺度: http://bit.ly/2uyTU1u
#香港公開大學 #兼讀制課程資訊日
