咁多年來，父親都非常樂意做我同母親嘅柴可夫。就算我已經搬走，每次返娘家食完飯佢都仍然堅持車我返屋企。以前細個唔鍾意車出車入，直接車返屋企我好難溜出去玩；而家就當然珍惜每一次 #車得一次就一次🥺 因為只有坐父親嘅車先令我有返做小女兒嘅感覺。
坐父親手車最有趣嘅當然係佢嘅playlist，呢幾年聽得最多嘅都係周華建、王傑，同埋一啲細個喺”音樂天地”都有唱過嘅英文歌。我發現無論個playlist點轉，總會有一首“How can I tell her”。呢首來自Lobo嘅名曲1973年推出，當時父親應該大概廿歲，正值充滿澎湃愛情嘅青春期，裏面一定有無限回憶。
舊歌總比新歌好聽，都係因為有經歷。
舊歌powerful嘅地方係喚起記憶力，將往事勾起連結到我哋情感。細個嘅時候情緒起伏比較大，對感情又敏感，好多歌一聽就跟足你一世。如果只可以揀一首歌嘅話，我一定揀古巨基嘅大雄。仲記考A level account 之前嗰日 #係AL呀吹咩 ，男朋友要分手我喊咗成晚 #正仆街 #遲多日分手會死咩，好記得我一路聽住呢隻歌一路bal 唔到條數，眼淚心痛又徬徨。成年後唔係再無新嘅愛歌，只係當人成熟之後心比較平穩 #其實係棱角已開始被磨蝕 ，大概好難再有青春期咁強烈嘅反應。
人總要向前望，過分重複聽舊歌只會令人留戀，而且作為一個業餘排舞師/dancer，我仍然需要為我嘅耳朵增值，所以我會用一啲付費嘅音樂線上平台選擇”最球人氣榜”每日由佢random播，起碼都叫做keep up with the trend未至於脫節。我懷緬過去，更加展望將來。 #廢腑之鹽
最代表到你青春嘅又係邊一首歌?
#已經去到鍾意聽舊歌嘅年紀
#有無人記得邊本係音樂天地
#女人像鹽
睇多啲IG就唔會脫節：
Instagram.com/missyboni
其實係棱角已開始被磨蝕 在 酒詞- 迷失時必聽的歌——浪談周耀輝的〈很久沒有約自己〉 的推薦與評價
其實 我寫過〈還有甚麼給你〉、〈借火〉等等，而這首〈很久沒有約自己〉乃是我的大愛，每逢心有不快、迷失時也必聽。 ... 但願十年後，二十年後，棱角沒有被磨蝕了。 ... <看更多>