某日，客打電話來。
客：「想問你，拍條片要幾錢？」
我：「你拍乜野片先？」
客：「其實我未諗到拍咩架，睇左錢先。」
我：「其實我未諗到收幾錢架，睇你想拍咩先。」
客：「我冇乜idea喎，我諗住搵你傾下幾多錢，先決定去拍。」
我：「但係我喺冇idea的情況之下，真係quote唔到你價的，因為拍片的收費可以差好遠。」
客：「咁...你試下幫我諗諗，應該點拍，然後再計埋條數俾我丫。」
我：「諗呢樣野呢...其實，我一開始諗果下，已經係開始呢單工作的頭一步，你又未confirm同我合作，又未俾訂，咁你叫我而家諗...」
客：「你諗左先啦...」
我：「你俾左錢我先啦...」
客：「咁要俾幾錢架？」
我：「咁你拍乜野先？」
客：「我冇乜idea喎，我諗住搵你傾下幾多錢，先決定去拍。」
...
(無限loop)
其實，各位尊貴的客戶們，
你地知唔知自己點解要請人拍片架？
你地知唔知自己為乜而拍片架？
我地拍片唔係賣菜，菜係一條條都係差唔多咁樣，可能有D生得靚D，但差別不會比影片的大。影片係可以好多變化、好多可能性的，加一個effect或者減一個場景， 條片咩野用途、片長幾多分鐘、條片俾咩人睇等等，都會影響拍攝方法，從而影響quote價，所以價錢是可以差好遠的。如果連小小idea都冇，只係顧住俾錢，呢單合作順利極都有限。
我地拍片行業，可以有好多input，亦可以冇咁複雜，大家真係有心合作，係要認真坐低傾的。
我唔係介意你俾個budget多與少的問題，而係在第一步傾果陣，你有冇些少想法，令我可以幫下你呢？你一D想法都冇的話，你當我地同你諗同你傾D時間唔係時間？
我已經唔係斤斤計較果隻人，但我想客戶們都要清楚明白，大家要達成一件事，雙方都要有責任，唔係剩係識俾錢就算。如果你只識俾錢而乜都唔理，同土豪有何分別呢？
其實我未諗到 在 【 諗到】 【 歌詞】共有41筆相關歌詞 的相關結果
大洪水 兵只想保住僅有嘅穩定曾經擁有一身熱血拼勁諗到未出世小生命我選擇妥協接受 ... 今天也不眨眼其實我冇諗到講D乜野都好你已經聽到老兩個走嘅路腳步一一仔細數數 ... ... <看更多>