前903 DJ 細so 今日被蘋果日報大爆2年半以嚟偷食白滑KOL「阿B」嘅證據，包括私密短訊、細so半裸自拍等，二人更被指於私竇偷會，最後阿B於6月向大婆蘇太一五一十爆出事件，希望蘇太可以叫細so放手。
報道指2017年尾，細so 喺 IG 認識皮膚白滑身材唔錯嘅 KOL「阿B」，不斷私訊對方 send 冧囡 message，例如「我愛你」「我不會放棄愛你」「只要有我 你就快樂」「我沒有想過要傷害你 更加不會帶（給）你痛苦 但蘇耀宗本身就是原罪」等等，真係不能盡錄！細 so 更向對方大爆，話曾經同老婆為咗教仔等問題嗌交，更指自己一直講嫌棄老婆嘅說話：「我一直說自己很不知所謂，對你不夠好，對她亦很差」。
報道更有唔少蘇 so 半裸自拍，更拎「阿B」嘅底褲攝喺褲頭自拍，細so 亦經常向對方傳情，去旅行亦會寄 postcard 俾對方。據報細so 於葵涌有私竇，房號為「602」。
「阿B」於6月向蘇太講清楚：「對不起兩年半前接受了蘇耀宗的愛，來到今天，我希望你能叫他放低我，我知道只有你有能力叫他放手。」佢話無論點講，細so 都話放唔低佢，每日仲堅持搵佢：「我知道既然愛他，應該讓他好過一點。」最後未知蘇太有否原諒細so，今日開學日，蘇太就 update 細so 整書枱比仔仔嘅相。
細so 剛透過傳媒回應：「吓？」佢指要了解吓先，話而家煮緊嘢食。
