【JARvel-knowledge・いただきます的背後意義】
「二他他Keymasu！！！」
唔少人去日本食嘢／食日本菜嗰陣都會跟日本人講呢句 「いただきます」，大家都知呢句係食飯前講嘅，有人會譯做「我不客氣了／我要開動了」。但其實，呢句いただきます背後嘅意義，並唔止一句「我食飯喇」咁簡單。
「いただきます」喺日文，本身係一個謙讓語（降低自己地位，自我謙虛時用嘅敬語），意思可以解作謙卑地接受、食或飲。而喺食飯前講「いただきます」，除咗表達「開餐」嘅意思之外，仲藏住一份溫暖嘅心意㗎。
一、接收食材的生命。
日本人認為「いただきます」當中表達嘅，係謙卑地接收眼前食物嘅生命。每樣食材都有佢地嘅生命，魚／肉／菜／穀物等等都係為咗延續我地嘅生命而獻出佢地嘅生命。為咗感謝佢地，所以喺食之前會講呢句「いただきます／謙卑地收下你們的生命」。所以日本人覺得，飯餸一定唔可以食剩，因為唔可以白白浪費已經為我地付出嘅生命。
二、對人表達謝意
除咗食材嘅生命之外，いただきます包含嘅謝意，仲包括將食物送到你面前嘅人嘅生命(或者係佢地付出嘅心意)。呢啲人有煮飯俾你食嘅爸爸媽媽、餐廳廚師、仲有種菜嘅農夫、捕魚嘅漁夫、甚至農夫同漁夫嘅爸爸媽媽等等。呢句いただきます，其實係要同成就呢口食物背後嘅所有人表達謝意，係好有深遠意思嘅一件事呢。
正所謂入鄉隨俗，第時喺日本食飯，就算唔知自己啱唔啱音，都唔使怕醜可以試下講。我每次講嗰陣，心入面都會不期然有一份平靜同溫暖，希望你下次講嗰陣都感受到啦。😊
#JARvelogue
#個人嚟講真係好鍾意いただきます背後嘅意思
#所以講過好多次希望多啲人知道
#導演成日都話要cut走我啲いただきます
#哈哈哈我明白好難剪不過都係堅持講
#對唔住至多下次講細聲啲
#不過細聲啲唔代表唔使剪
#冷知識Corner有無讀者㗎
#有嘅話睇之前都講句いただきます啦
#話晒都係用生命中嘅某小時寫出嚟嘅
#不過睇post之前講いただきます絕對唔係正確文法
#下次喺書局打開本書前千祈唔好咁講
#今日Hashtag多得有啲無聊
#哈哈
冷知識corner有無讀者㗎 在 每日一冷- # 特刊# 自己的冷知識自己寫！... | Facebook 的推薦與評價
每日一冷成立一年多來，感謝一千七百六十二位讀者(仍在增加中)的閱讀，我們在這個暑假即將來臨以前推出這個#自己的冷知識自己寫 的活動！ 寫冷知識有什麼好處呢？ 主編現在 ... ... <看更多>