#聖誕好去處 #大富翁夢想世界
我承認我有山頂情意結，由拍拖到而家做埋媽媽，都好鍾意喺生日、節日去山頂行吓... 行咗咁多次，終於有大型嘅新玩意‼️Bat Bat 仲玩得好開心㖭🥰
#全球首個大富翁主題館 💵 Monopoly Dreams 大富翁夢想世界 💵 已經開幕，設喺山頂真係好適合，因為呢區真係好多大富翁😆 除咗有好多互動遊戲玩、有主題場景打卡影靚相、有主題小食店靚靚造型美食..... 行出去露天大平台仲有靚靚香港美景睇，視角同凌霄閣觀景台一樣，不過唔使入場費㗎🤫
好💰講吓大富翁主題館有乜 #景點推介～
🤩電子銀行💸狂執錢
銀紙滿天飛！限時執到幾多錢，全部屬於你‼️拎返屋企留念又得，喺禮品店或小食店當現金券使用有得，得咗～（每次最多用3張）
💦入水務局㩒緊急掣💥
Bat Bat 玩到唔捨得走嘅水務局，牆上不斷顯示爆水管，小朋友要眼明手快去緊急閂水喉，咁先唔會水浸㗎。
🎬大富翁4D動感影院
唔只立體同張椅識郁，仲有風吹埋嚟，有水灑埋嚟，一齊融入乂富翁嘅世界，刺激好玩，Bat Bat 唔驚喎！
🤑參觀金庫影靚相
睇番d 相，我見到我塊面都發咗光 😂 成個金庫都金碧輝煌，仲有專人幫手影靚相㖭。
✨大富翁經典打卡景點
呢度仲有好多其他大富翁招牌打卡景點，包括電燈公司嘅霓虹光管牆、實體化嘅監獄等。大家仲可以免費喺度抽一張地契，輸入自己個名，即場打個印，地契就屬於你㗎啦🤪
玩完一輪，推介必試呢度嘅 #大富翁主題小食店，除咗主題造型非常吸引之外，估唔到味道仲好正！
三色夢想爆谷 $60
有焦糖味、朱古力味、粟米濃湯味，三隻都好好食，食唔晒仲可以拎返屋企慢慢食，可存放幾日㗎。
花膠碗仔翅 $50
靜靜地話畀大家知，呢間小食店老闆做開港式小食，所以呢度嘅港式街頭小食好接地氣，唔係得個樣，係真心正嘅👍
黑松露沙律醬薯條$50
個醬好濃黑松露味，非常足料，薯條係我喜歡嘅厚肉嗰隻，沾醬味道特別出㗎。
金蒜燒賣 $35
啲炸香嘅蒜粒好充足，配埋燒賣食到Lam晒脷㗎😋
芝士肉醬飛碟 $68
個汁做得好濃郁，Bat Bat 同爸爸都好鍾意食，媽媽食咗一啖咋～
凍Nitro Coffee $40
近年Big hit 嘅Nitro Coffee 有啲水準，不過最重要當然係上面嘅大富翁公仔啦。
🌟小貼士🌟
👉以上小食+飛碟+飲品可以選套餐優惠，更抵食。
👉買完行出大平台，坐喺涼亭睇住香港美景慢慢歎，特別好食㗎。
《大富翁夢想世界》
Monopoly Dreams Hong Kong
地址：山頂道 118 號山頂廣場 3 樓
開放時間：上午 10:00 至 下午 10:00
票價：成人$260；小童及長者$220
Website: www.monopolydreams.com
#大富翁 #親子好去處
凌霄閣觀景台 在 遊山頂、走步道！在盧吉道觀景台飽覽維港，景色一覽無遺！ 的推薦與評價
山頂#維多利亞港#盧吉道 觀景台 #山頂行山或許你多次去過山頂、 凌霄閣 ，但有沒有到過山頂的夏力道和盧吉道環迴步行徑？步行徑的一部份就是盧吉道 觀景台 ... ... <看更多>