S2E28 幻影號的奇航 Feat. 胡長松 文學打狗｜#奕齊上下班
反抗中國滲透佮推sak台語文運動，一直是台灣基進深耕ê政治議題。毋過，凡勢是台灣史頭1 kài，有小說家創作出結合2者ê文學藝術，通好講是 #文學版个台灣基進，也著是台文作家胡長松ê《幻影號的奇航》。
這本台語小說，目前嘛已經擘起去博客來文學新冊ê好銷榜矣--喔！今仔日ê podcast，邀請逐家佮奕齊做伙來熟似這部作品！
⛴胡長松是啥人？
胡長松，本底是華語小說家，對20冬前轉做台文作家，作品內底定定有魔幻寫實ê風格。咱大概會使用3个台語文學內底反覆出現ê傳統，定位伊過去ê作品：白色恐怖書寫、平埔族書寫、基督神學書寫。
永過為著欲寫遮ê題目，伊所引用ê材料已經非常濟（歷史論文、人類學民族誌等等），長松佇踏話頭（自序）內講伊較早探討ê是台灣ê「內在」。毋過佇這本《幻影號的奇航》內底，伊轉向欲探討台灣ê「外在」，有關國安、軍事、外交ê議題，參考誠濟海洋史、軍事研究，甚至是研究中國因素ê專冊，莫怪奕齊會講「這本完全是我ê菜」！
⛴幻影號ê現實既視感
長松這本冊是對2014年開始書寫，寫到2019年完成，毋過，內底所寫著中國ê譀古事，包括收買宮廟、海上民兵、女間諜色誘，這幾年攏一一實現--ah，內底寫著日本人、美國人佮台灣人合作反中ê代誌，這幾冬嘛愈來愈濟類似ê案例。奕齊才會講，這完全是比超前佈署閣較超前ê主題！
⛴台文創作ê心路歷程？
奕齊嘛佮長松討論著用台語創作ê歷程。原來，著算是愛非常掌握語言ê小說創作者，長松猶原開7, 8 冬ê時間，才chhiau揣出適合ê書寫方式，對長松來講，1開始當然有想欲推廣台語ê心意，毋過寫台文20冬落來，已經感覺「寫台語才有法度寫出好ê作品」，才有彼ê自然ê畫面佮情感。
這本冊閣有另外1ê特點：長松為著beh予閣較濟人看有，一直攏咧調整寫法。《幻影號的奇航》不論是主題、寫法抑是用字，攏已經盡量對一般讀者較友善--ah。無論你ê台文能力、年歲是按怎，相信攏會使讀出趣味ê 所在！
⛴收聽本集，佮幻影號做伙出帆
https://pse.is/3prxeu
出帆 在 良山與吉他-出帆(1984年民國73年亞洲唱片) - YouTube 的推薦與評價
播放清單https://www.youtube.com/watch?v=_NtTcvgUin4&list=PLYxQXPUDN6w0Q3ShMeO3lWJWaYD9twW4C&index=1. ... <看更多>