七件非常實用的初生嬰兒物品，你買咗未？
陽陽出世就嚟100日啦，今次係育嬰上有更多經驗，陽陽BB舒服d心情都靚d,我亦比起當時照顧諾諾輕鬆好多，所以有d分享，希望可以幫到其他準媽媽/初生BB媽媽🥰
1️⃣鼻垢夾
初生嬰兒未有鼻毛，容易打噴嚏；鼻腔細小，鼻屎又較濕潤，難以幫助BB清潔，用鼻垢夾輕鬆清除鼻垢
2️⃣餵奶換片記錄apps
初生嬰兒食奶換片無限loop，健康院姑娘問一日餵幾多次奶，幾多塊濕片真係考起阿媽😳一個實用餵奶換片記錄apps絕對幫到你；可以幫你記埋埋身餵奶食咗左定右？食咗幾多分鐘👍🏻
3️⃣嬰兒床床鈴
唔係講笑，第一胎諾諾嗰陣時冇買，返屋企唔夠一個星期就失守要上大人床至瞓到😓😓😓之後見到侄仔咁乖可以瞓BB床，原來每晚臨瞓之前都開床鈴比佢聽/睇🤔到今胎陽陽，我都精心淘咗個靚靚床鈴比佢，陽陽竟然都可以乖乖瞓BB床😯所以我推薦大家必買！
4️⃣紗巾被仔
其實初生BB怕凍又怕熱😅着太多衫會好炆憎，所以我多數會冚被仔，但又唔使買咁大張（如圖）；用係high chair 、bb車或手抱個陣，有時用嚟冚住腳仔/肚肚，薄薄地好萬用👍🏻
5️⃣尿疹膏
10個初生BB 10個都會有紅pat pat🥺因為初生BB大便又水又糊，屙得又密（特別係人奶BB）抹得多自然會pat pat紅🍑所以尿疹膏買定看門口實冇輸，好過真係紅晒先撲出去買。
6️⃣嬰兒睡袋x 2
初生BB夜晚瞓覺最好唔好冚被，因為好容易出現踢被/被蓋過頭😱嘅情況，我個人建議嬰兒睡袋買背心型，四季都啱用，起碼要買兩件，因為嘔奶/濕過片可以替換
7️⃣斜枕
話說陽陽嘔奶情況好嚴重，未滿兩個月個時，幾乎日日都嘔3-5次奶😩夜晚好驚佢嘔奶倒流入鼻有危險，次次一聽到有聲就成個彈起去睇佢；後嚟得知有斜枕呢個偉大嘅產品😍如圖呢款日本🇯🇵斜枕角度只有10度，初生bb瞓落去舒適，枕套可以拆出嚟洗；夜晚終於唔使再驚佢嘔奶會有生命危險😌
今次分享住咁多先，btw我用緊呢條韓國 #孭帶 超好用，由初生滿月至兩歲都啱用，有無人有興趣睇介紹？
#初生嬰兒 #新手媽媽必備 #育兒分享 #湊bb #初生嬰兒孭帶 #諾諾陽陽
初生 bb 有 鼻屎 在 嬰兒鼻屎2023-在Facebook/IG/Youtube上的焦點新聞和熱門 ... 的推薦與評價
若發現寶寶鼻腔有固體型分泌物，千萬不要用夾子或尖銳物將它弄出來，萬一孩子動來動去不小心就會將他的鼻黏膜戳破。而有些寶寶的鼻涕中混和硬鼻屎，強行用 ... 如何幫嬰兒 ... ... <看更多>