《讀者請教》
星期日就母親節，身為媽咪嘅我當然好想開開心心同個女過啦，點知男家太嫲果邊一個信息就話要帶埋個女正日過去食飯，下星期就到細b預產期，真係唔想去咁遠，我就話唔去啦，咁佢地就想叫我老公正係帶個女去，我個心就勁唔舒服，好委屈，呢次係我第二年過母親節。
首先，個仔結婚老爺奶奶乜都冇理過，完左個婚禮就係到怨三怨四，book埋個化裝師比佢，當日佢唔要，之後同人講冇book比佢，所以t恤牛仔褲出席，結婚前話敬茶果時影相會比對龍鳳鈪我戴，但之後要還比佢，真係笑左出離，結婚果日，男家影完相，到女家影，佢地就要我地反過去續個敬酒，當然，我屋企都唔想我難做叫我去左先。
結完婚第二個月我有左，佢地日嘈夜嘈，我反工24小時輪間已經好攰，反完通宵想訓下又呠門又係房門口係咁吸塵，頂唔順搬左出去住到生，每一日收早我媽都會煲湯煮飯叫我食完先走，令我諗起人地比我一兩條嘅剩飯菜。個女出世搬左返娘家住，呀媽第一句已經話一早就搬返嚟啦，咁辛苦，我真係喊出嚟。
之後bb都係由我媽幫手湊，由bb出世男家一句都冇問候過，連個孫生日一句生日快樂都冇，第一次見個孫係無啦啦兩公婆走左上離我屋企，兩手空空，因為呢次係佢地第一次上離，我媽有啲唔開心，覺得好唔尊重。
到左上年母親節，呀女就四個月，第一次帶個女去太嫲到，一見到就話真係女仔離？之後就係咁話我唔識做人丫媽，飲奶飲得慢話我唔識餵，喊話我唔識抱，仲話bb幾歲要識咩，睇我教得好唔好，呢個就係我第一個母親節😊
我唔明白點解要呀女去你地到慶祝，你地理過佢啲咩？佢幾點出世 幾時識坐識爬識企你地知唔知？佢飲咩奶著咩片生活習慣呢？你地有冇理過佢啲咩？比過啲咩佢？陪過佢？係佢六個月果時比你湊左短短五分鐘，我去個廁所，差小小冇左個女，牙都未有比薯片佢食又比雪糕，我出離見佢塊臉紫曬，真係嚇死，你地仲笑話佢冇用。
老公又怕佢地，我真係好唔甘心個女比佢地帶走😔我唔想母親節都冇得同個女過，辛辛苦苦到底為乜？
想請教各讀者，我應該點做好 先唔比佢地帶走個女？謝謝🙇🏻♀
＃我的極品四大長老
到底為乜 在 人生意義｜【 做人咁辛苦到底為乜？今日終於有答案 ... 的推薦與評價
人生意義｜【 做人咁辛苦 到底為乜 ？今日終於有答案！ 】｜好多人生活每日勞勞碌碌、重重複複…做人到底為咩呢❓人生中除咗讀書、工作、結婚、生仔… ... <看更多>