【情義夫妻】
前年夏季，我有幸見到一段至死不渝嘅愛情，一切由我收到一個轉介電話講起…
2016年6月6日
兩星期前，平安鐘機構打俾我，話有對年老夫婦想申請入老人院，我同阿伯通過電話，約咗今日上門家訪。
李伯，83歲，血壓高，心臟病，前列腺炎，小腸氣，大年初七喺屋企跌斷大腿骨，做咗手術，宜家攞助行架重新學行路。
李太，76歲，骨癌康復者，白內障，青光眼，舊年初完成標靶治療後，宜家可以重新篤住把遮出街，買餸煮飯洗衫拖地。
我上去第一件事，係幫李伯申請緊急陪診，因為佢星期三有個矯形及創傷(骨科)覆診！
慶幸我同其他服務單位同事關係唔錯，即打電話，填評估表，用咗十五分鐘，攪掂！
之後，同兩老傾申請入老人院問題…
其實，兩個都極唔想入，只係驚執輸，想排住先…
我同佢哋傾咗五十分鐘，佢哋最終決定放棄申請…
因為，李伯步行能力有機會好返，李太買餸煮飯洗衫拖地可以一手包辦。
前年，李太接受骨癌治療間，醫生曾叫李伯送佢去老人院，李伯斷然拒絕！
「叫我同我老婆分開，不如叫我死咗去！佢住咁遠我邊可能日日走去探佢？佢行唔穩唔緊要，我扶實佢；佢用尿片唔緊要，我幫佢換；佢煮唔到飯唔緊要，我煮俾佢食！」
喺李伯悉心照顧下，李太奇跡大步欖過！
直到今年大年初七，兩人角色意外調轉…
同一番說話，出自街坊口中，叫李太送跌斷骨嘅李伯入老人院…
同樣豪氣義氣兼備嘅回應，出自聲線同樣響亮嘅李太口中…
今日，我第一次上去見兩老，李太啱啱去街市買完餸返嚟…
珍貴有限嘅服務資源，應留返俾最需要嘅人…
我用同樣響亮嘅聲線同兩老講：「如果你哋第日開始感到照顧困難，想入老人院，可隨時搵我，我即時幫你哋申請！」
同享富貴好容易，要共患難好艱難…
但今日，我有幸遇見一對…
一對性格豪邁，聲線響亮，彼此深愛對方嘅義氣夫妻…
祝福你哋，永遠相愛，幸福快樂！
前列腺炎 康復 在 前列腺炎的康复要注意哪些 - YouTube 的推薦與評價
前列腺炎 的康复要注意哪些前列腺炎患者要注意自我保健，加强身体锻炼，预防感冒，积极治疗身体其他部位的感染，提高机体抗病力。 ... <看更多>