《降魔的2.0》馬季會變AV降魔人?
~ 上季結局,馬季決心做降魔人,唔想連累芷若大夫,決定放棄已經萌芽的感情。身為男人,有女唔可以溝,但始終有原始需要,編劇都明白,所以今季補償小馬,由第一集開始,他已經變得「甜甜地」,在有為間屋「左青龍、右滑鼠」,經常出現睇AV情節,而且一直未停過,與此同時,馬季雖然實牙實齒,話自己會接受豪仔訓練,提升降魔能力,幫豪仔消滅海魔,但事實上小馬講就無敵,做就冇力,一直唔可以集中精神訓練,所以降魔能力一直冇提升,咁點幫豪仔呢?唔駛擔心,有伏筆嘅,估計AV力量會幫馬季的能力大幅提升,十四集時,一向無法集中精神訓練的他,靠AV力量成功突破,召喚女優瑠珮悅子,只要馬季睇多啲AV特訓,大有可能將悦子變成召喚獸,聯手一同降魔,成為史上首過AV降魔人!係真嘅一定係創意上一大突破,日本人都可能買版權翻拍😆,可能性⋯梗係唔高,我自己AV上腦啫,但不斷出現相關劇情,又唔怪得人咁估咯。
~ 海盜魔威力咁大,駛唔駛又上身又玩碟仙,然後只是為左搶個石敢當公仔,直接去搶有幾難,就算晶晶有血石䕶身,睡覺過陣又無攬住瞓,偷左都唔知啦!豪仔係羅剎,穿越時空很容易,駛唔駛等埋馬季搭船入長洲呢?自己飛入長洲搵阿媽咪仲好。
~ 魔的眼涙講到咁勁,估唔到咁易被封印,其實可以講多集,俾個機會風獅虎表現下身手都好吖,這角色整天游手好閑,好似無乜用咁。
~ 豪仔始終都係吃馬季醋,介意晶晶將馬季當親生仔養大,可憐天下父母心,十五集晶晶為個仔求神代豪仔贖罪又真係幾感人。
~ 一直以為豪仔聽開的佐治音樂會是在地獄舉辦的,原來在人間,咁佢駛乜買飛,隨時入去聽都得啦,隱形咪得囉。
~ 江嘉敏客串段戲其實有冇都得,因為令到豪仔個角色自相矛盾,之前口口聲聲話自己受盡艱苦訓練,但又有咁多時間去人間溝女,同聽音樂會,當然,喜歡睇江嘉敏的會唔同意我的講法。
~ 鋪了十集,阿花(譚凱琪)的身份終於曝光了,原來又同風獅虎有淵源,跳海死即係她是海魔啦。
~ 啤啤快些離開啦,好拖呀!
#降魔的2.0 #馬國明 #黃智雯 #胡鴻鈞 #劉佩玥 #鄧佩儀 #譚凱琪 #C君 #蔣志光 #謝雪心 #林凱恩 #黃子恆 #麥凱程
劉佩玥父母 在 講劇時辰到 Facebook 的最讚貼文
《降魔的2》劇情終於入局了,郭展明是仇恨「元氣彈」
~ 第一週的《降魔的2》總有種未入局的感覺,馬季與豪仔是主線,不過這個亦正亦邪的豪仔,最終變成石敢當2號,成了馬季的降魔老師,繼續同晶晶玩憶子溫情,這方面有點重複上季,唔知算唔算新設定好?龍貓仔一段算有溫情好看,笑話劇情亦偶有驚喜,KC同Terry客串一幕惹笑,朱千雪有驚喜,風獅爺有福利,只是因為欠缺對立的角色,沒有強勁的魔出現,總覺得只是馬季生活日常,像賽馬的沙圈踱步熱熱身,仍然未入閘正式比賽一樣。
~ 上周末巧兒被虐待致死,到郭展明再次出現,有這奸角出現,入局的氣氛出現了,六、七集算是製造了一個小高潮,先有巧兒一段設計得幾感動,被父母如此殘忍對待,變了鬼仍然處處維護,加上童星黃雪兒出色演出,加強了她真是死得好冤枉的感覺,惹人同情。
~ 林凱恩飾演的阿Ling因巧兒事件憤怒,與大話魔比利交易,製造郭展明的投射,而這個郭展明的力量,要依靠阿Ling用幽靈警探力量去煽動網民仇恨,仇恨集結得愈多,力量愈大,有點似元氣彈原理。不過,豪仔初次正式出手對付魔就唔夠打,有點失威添。郭展明再現真的可以增強緊湊氣氛,而懷著魔胎的林凱恩欣賞她演得夠放,雖然有些位有過度用力感覺,但肯放盡去奸,唔怕所謂影響形象是值得鼓勵。展明再消失和用刀插小馬一幕,Ling的掲斯底理表現值得一讚。
~ 莉莉用朱古力豆解釋情敵關係一幕幾得意,不過豪仔那句關係仲亂過大台劇,欣賞肯自嘲,但卻自打咀巴,又話之前一直努力修練,不理人間事情,連阿媽嗰樣都唔認得,又點會去睇大台劇。
~ 芷若看來會加入降魔隊,歡迎呀,會多些出鏡嗎,她在巧兒這段戲有不少好的發揮位呀。
~ 「的士探靈團」條宣傳真係超低能,勁搞笑😂
~ 馬季重傷,預告下集有下地獄情節,即是會再見到阿媽小儀,可惜因金剛已經離開了,有點失色。
#降魔的2.0 #馬國明 #黃智雯 #胡鴻鈞 #劉佩玥 #鄧佩儀 #譚凱琪 #C君 #蔣志光 #謝雪心 #林凱恩 #黃子恆
劉佩玥父母 在 方以文 睇電視喇喂 Facebook 的精選貼文
🚫嚴禁劇透
🚫粗口自行過濾
🚫免批評外表人身攻擊
·
[1230隔夜超短劇評][TVB][降魔的2.0][EP06]
·
[讚]
芷若嘅通靈能力令到巧兒明白佢咁樣去幫父母係唔啱,小演員黃雪兒繼續發揮穩定,如果喺中間加返段嬲芷若拎啲遺物畀警察,多返少少情緒變化可能更好,黃雪兒應該做到。
·
芷若同小馬終於有突破,仲差啲咀埋。不過之前幾集直至上去探靈的士之前小馬仲係避避忌忌,經過咗巧兒一事可以話小馬覺得芷若對靈界多咗了解距離近咗,但點解經過呢一件事之後就會感情有突破呢?
·
展明最後殺咗巧兒兩公婆,佢畀小馬打死之後嘅靈力都好似好高咁。比利係幫展明復活?Ling係咪要求復活嘅展明對佢千依百順呢?第一季係展明lead住Ling,依家乜都聽晒Ling話。如果真係比利嘅能力幫展明復活,咁即係紅眼魔胎嘅力量仲未使出嚟?
·
[彈]
巧兒繼續係今集嘅重點,成段比較直白,如果巧兒畀芷若睇嘅畫面可以寫到巧兒真係唔乖,甚至係虛構啲畫面然後畀芷若發現,可能更好睇。依家巧兒為咗父母稱讚去練習偷嘢、父母應承咗佢買炸雞最後又冇咗件事拎咗啲錢去吸毒,睇落一直都只覺得巧兒好慘。成段係為咗表達巧兒想話畀芷若知道佢都唔係咁乖所以父母先打佢,但唔係好做到。所以最後巧兒覺得父母真係有錯嗰吓嘅感覺亦都冇咁強烈。其實前半集成班的士司機打牙骹話要搞的士探靈團同土炮宣傳片嗰度有啲拖可以減少少,畀多啲時間巧兒個case好啲。
·
街坊可以拎到巧兒張相去燒衣嗰吓有啲搞笑喎。為咗畀芷若見到佢哋係燒畀巧兒再傾吓偈?唔使咁麻煩啦,芷若依家有靈力感應,感覺到佢哋係燒畀巧兒就得,仲有趣。
·
[演員表] 馬國明 飾 馬季 / 胡鴻鈞 飾 莫偉豪 / 黃智雯 飾 莊芷若 / 謝雪心 飾 梁晶晶 / C君 飾 風獅爺 / 劉佩玥 飾 貝貝娜 / 黃子恆 飾 郭展明 / 林凱恩 飾 張佩玲 / 鄧佩儀 飾 施萊施 / 譚凱琪 飾 阿花 / 韋家雄 飾 陳永廉 / 譚嘉儀 飾 莉莉 / 易宇航 飾 比利 / 吳佩如 飾 Naomi / 陳國峰 飾 莊浩迅 / 余子明 飾 黃小旦 / 馬海倫 飾 李翠 / 鍾志光 飾 齊齊 / 蕭徽勇 飾 大頭 / 馬譽軒 飾 龍貓仔 / 黃穎君 飾 龍貓嫂 / 何遠東 飾 龍貓 / 蘇恩磁 飾 鍾淑嫻 / 賴慰玲 飾 梁晶晶 / 楊凱博 飾 馬季 / 鄭耀軒 飾 莫偉豪 / 黃雪兒 飾 巧兒 / 李興華 飾 巧兒父 / 麥皓兒 飾 巧兒母 /
·
#1230隔夜超短劇評 #TVB #無綫 #降魔的2 #馬國明 #胡鴻鈞 #黃智雯 #謝雪心 #C君 #鄭詩君 #劉佩玥 #黃子恆 #林凱恩 #鄧佩儀 #譚凱琪 #韋家雄 #譚嘉儀 #易宇航 #吳佩如 #陳國峰 #馬譽軒 #黃穎君 #何遠東 #賴慰玲 #楊凱博 #鄭耀軒 #黃雪兒 #李興華 #麥皓兒
劉佩玥父母 在 貝貝娜 - Explore 的推薦與評價
【#TOPick娛樂】貝貝同父母道別好感人! 訂閱Telegram最新 ✈️ ... مزید دیکھیں. 【降魔的2.0】劉佩玥演繹與父母道別派洋蔥陳嘉輝溫裕紅 · topick.hket.com. ... <看更多>