第七回--鐵達尼號開始
【鐵達尼號,號稱永不沉沒的郵輪,是十九世紀初最高規格的海上船舶,1912年4月11日離開英國皇后鎮,啟程橫渡大西洋,在4月15日凌晨沉沒,船上人員2224人,其中1514人罹難。
在災難之中,除了人性的醜惡外,還孕育出不少人性的光輝。
一場只談了三天的戀愛,感動數以千萬計的人,愛情片之中的經典,到底在這段旅程中,你們可以得到什麼?】
一段旁白之後,劉俊文及李倩盈張開眼睛,陽光照入眼簾,身後有一把女聲:「噢,終於昐到你們了,旅途辛苦嗎?謝夫、佩琪,歡迎登上鐵達尼號。」一個身穿紅色大衣,圍著黑色皮草,戴著黑紅色大禮帽的胖婦人親切的向他們走來。
兩人一眼就認出,她就是系統為他們安排的養母,瑪嘉烈.布朗,在電影中送給傑克得體的西裝讓他展示出無限魅力的女人。
電影中描述的她篇幅雖然不少,但在現實中,她是鐵達尼號中其中一名最偉大的人,被稱為「永不沉沒的布朗夫人」,在她為傑克說話及提供幫助,沉船後讓水手回頭救人也能看出她的為人,但現實中的她,在沉船事件靠岸後,一直為所有生還者尋找家人及朋友,提供醫療和緊急援助,直到所有人都找到了家人和朋友才下船,其後更建立生還者委員會,為貧困生還者提供協助。
作為一個生在男性主導時代的女性,她才是真真正正的女性平權者,讓女性驕傲。
劉俊文慶幸系統為他們安排了這個身份,因為布朗太太在主線劇情中的參與性很高,他們有這個身份可以有極大自由度和社交性。
他給李倩盈打了個眼色,示意她給予一些反應,因為身份上李倩盈才是布朗太太的養女,而他只是其丈夫,所以禮貌上應該是她先跟布朗太太打招呼開場。
李倩盈明顯對於這個故事的代入還沒有習慣,帶點不自然的跟布朗太太擁抱,親了臉頰,然後她便介紹著劉俊文:「布朗太太,這是我的丈夫謝夫。」從剛才布朗太太的稱呼,看來系統早就將兩人的英文名字讓布朗太太知道。
「佩琪,我對你爸爸的事……實在感到很抱歉,他在開羅為了保護我犧牲了自己,他是個偉大的人,所以我絕對會給你們最好的補償,雖然任何錢財也不能彌補失去親人的傷痛,但我希望你們接受我最誠懇的補償……」布朗太太再抱住李倩盈道。
劉俊文在旁聽到後終於弄清系統為他們安排這身份的因由,同時他心中的狂熱正慢慢燃起,穿越,這可是穿越啊,作為一個程序員,他看過的穿越或異世界故事沒有一百也有五十,有太多對穿越的疑問,也許是程序員的職業病,比起程序的推進,他對於世界的形成,身份的構造,角色的背景更感興趣,他在腦海中已經冒出不同的問題。
例如,李倩盈的父親是什麼名字,他如何犧牲自己救了布朗太太,他多少歲,是什麼樣子,身份是什麼,為什麼會出現在那地方,李倩盈和自己的身份她知道多少等等……
旁邊的李倩盈還在和布朗太太閒聊著,完全沒注意到身邊的丈夫眼中的狂熱。
一聲長嗚,兩人感到船體的移動,鐵達尼號正式出航,而當中有一半以上的人會在這旅程中失去生命……
布朗太太帶著兩人走到自己的客房,他們的客房是位於E-23,是頭等艙之一,但看位置應該是相對較低規格的頭等艙,始終布朗太太在這世界算是NEW MONEY,也就是剛剛獲得財富的人,而女主角露絲的家族,便是傳統貴族,亦即是OLD MONEY,在有錢人的世界中,有錢也要分你是否傳統貴族。
而最大的奸角,露絲的未婚夫,卡爾.霍克利和布朗太太一樣是NEW MONEY,他們有錢,但家族沒有歷史,和露絲的婚姻,基本上是一個想要錢,一個想要名的結合,他們身處B-52,54,56的百萬富翁套房,整艘船就只有兩間房,從電影開場看到有服務生為卡爾介紹他們套房外的私人小花園已,以及他們和白星航運的董事長,亦即是在片尾中偷偷跑上救生艇的鬍子中年人同坐吃飯聊天便可以知道,明顯在身家和財富上比布朗太太高上不止一個層次。
到了客房後,布朗太太貼心的讓兩人換上新衣服,兩人看了自己一身十九世紀的西服和長裙,但比起布朗太太提供的衣服明顯是低了幾個檔次,在看衣服和排場的鐵達尼上,他住在頭等艙也需要有衣服的襯托才能被認同。
換好衣服後,劉俊文看到娓娓步出的李倩盈,她穿了棗紅色長裙,上身披上蕾絲的薄衣,他除了婚禮那天外,也沒有看過李倩盈穿得如此正式,這種西方貴族穿著,幾乎是角色扮演才能看到。
「看什麼?我穿得很不自然嗎?」李倩盈不安的看了自己,她也是第一次穿,不知道是否很奇怪。
「沒有,很好看,真的……氣質比起露絲還要好!」劉俊文揉了揉鼻子尷尬道。
「少來這套,我還是有點自知之明,劇情內的露絲是顏值巔峰,我拿什麼跟別人比?這衣服好難穿……你快過來幫我拉拉後面的繩子。」李倩盈沒好氣的說。
劉俊文也是第一次看到這種衣服,手忙腳亂之際布朗太太走了上來幫忙:「這種衣服設計,就是男人要讓女人知道,我們都要活在束縛之下,想放鬆自己的肚子也不可以,可怕的不是這設計,而是女人都接受了這種審美,覺得不這樣穿便是不美,好了,恭喜你成為世人眼中的美女了。」
換好衣服後,布朗太太便領著兩人到頭等餐廳品嚐下午茶,在路上他們也能嗅到新油漆的味道,一切事物也光潔如新,沒有現代的科技感,但無論傢俱和門牆也能看出是精心設計和製作。
每道門也有衣著整潔的服務生為他們開門,兩人在餐廳坐下,服務生便殷勤的上前:「下午好,先生和女士,可以讓我給你提供什麼飲品嗎?我們有英國著名的福南梅森伯爵茶、錫蘭頂級紅茶、大吉嶺烘焙茶,未知諸位今天想喝什麼呢?」
李倩盈眼神熾熱的望向劉俊文,激動的心情完全掩蓋不住,三款最頂級的紅茶,他們曾經在香港買過一次福南梅森的紅茶,差不多要三百多元才只有一小盒,喝時要小心翼翼的品嘗,現在她即將喝到當年最高級的紅茶,應該是僅次於皇室的特供品,要是和她的姐妹們分享,一定讓她們都羨慕得瘋了!三千積分的待遇,值了!太值了!
劉俊文也有點小激動,畢竟親身感受這種貴族生活,在現實是用錢也買不到的。
點餐後,布朗太太親切地問:「對了,佩琪你和謝夫是做什麼的?到美國後有什麼打算?」
聽到這,劉俊文連忙跟李倩盈打眼色,做著口形說:「B計劃!」
李倩盈示意明白,在出發前,劉俊文已經鄭重的重覆一次又一次,他們的身份介紹是這次旅程最重要的,劉俊文制定了三個計劃,A計劃是他們已有固定的身份,B計劃是他們沒有固定的身份,C計劃是布朗太太跟他們的接觸不多,而現在情況便是要執行B計劃。
「我和謝夫是在劍橋認識的,他修讀的是數學,而我是醫學,畢業後我們都是四處旅行,還好謝夫他的發明讓我們獲得不少財富,我們希望可以多到不同地方,美國只是我們的其中一站,我們希望停留一陣子後便出發到中美洲。」李倩盈裝作鎮定的說著劉俊文為她準備的台詞,對於身份,在這通訊極差的大海中,只要你不要露出太多馬腳便沒有人會特意去調查,所以身份方面他們的策略是有多誇張說多誇張。
聽到他們都是從劍橋畢業,布朗太太眼中充滿讚賞,一個是數學家,一個是醫生,她沒想到自己收養的養女竟然有如此成就,本來她希望為兩人提供金錢和生活的支持以彌補她父親的離世,但現在看來她能幫忙到他們的不是金錢,而是讓他們認識更多上流社會的人,給予更好的土壤他們成長。
「對了,布朗太太,我給你準備了我調配的香水樣辦,希望你喜歡。」說罷李倩盈便拿出了自己在名店購物時的小贈品,在現代不算是什麼,但在十九世紀初,這種高純度提煉的香水持久性肯定是前所未有。
當李倩盈把樣辦輕輕噴在布朗太太的手腕時,布朗太太的面色一變:「這種乾淨清新的香味……神啊,我之前在巴黎購買的最高級香水也變得像是雜草的味道一樣了……佩琪,這……真的是你自己調配的嗎?我的天,要是讓船上的太太聞到,你將會是紐約名流中的新星,每個女人都會為了得到你一瓶香水而費盡心思啊!」
李倩盈心中得意的想,這可是傳奇的Chanel No.5,在1921年才正式面世,連瑪麗蓮夢露也經常使用的傳奇香水,哪有女人不喜歡?不喜歡的人通常也是不想和身邊的女生用上同一款香水而已:「呃……對的,這可是我精心調配,我也不喜歡太濃烈的味道,所以自己調了一款適合自己的,要是布朗太太你喜歡的話,到了紐約我看看有沒有辦法給你調配一瓶。」
「那實在太好了,謝謝你,佩琪,要是你有打算把香水量產,我可以給你介紹相關人士,不不不,要是你想建立自己品牌的話,我也能給你安排!我的天,佩琪,你將來的成就真是令人難以想像啊!」布朗太太一直嗅著香水味,每聞一口也是一臉的滿足。
突然服務生拉開了椅子,一個年約四十多,紅色短髮戴著黑色禮帽的女人坐下:「瑪嘉烈,這兩位……應該就是你之前提及的東方養女,以及她的丈夫吧。」
正當兩人弄清坐下的便是另一大反派,露絲的母親盧芙.狄威特.布克特時,另一個坐下的人,讓兩人驚為天人,那就是處於顏值巔峰,尚未發福的肥溫,不,露絲.狄威特.布克特。
「神秘的東方人,歡迎來到偉大的鐵達尼號,我是卡爾.霍克利,幸會。」一個輪廓很深,把頭髮梳得整齊的男人帶著微笑坐下。
【支線劇情任務發佈,卡爾的愛情。】系統聲音傳到兩人腦海中,一直處於???的支線任務點亮,兩人查閱了任務內容,相互對望,這,就是支線劇情嗎?
兩人仍在驚訝之時,一個短髮男子坐下。
【支線劇情任務發佈,安德魯的救贖。】什麼?支線任務,一下子就來了兩個!!??
-----------------------
下回預告
支線劇情正式開始,男女主角如何完成卡爾的愛情、安德魯的救贖?任務內容是什麼?
在男女主角的介入後,主線故事會出現什麼變故?
冰山撞唔撞得成?而人,又救唔救到?
-----------------------
作者的話
進入鐵達尼篇,我之前提過,今次既故事,頭五回早就寫好,而你地見到第六回出現最大既轉變就係抽獎世界
的確我係寫開頭時都會覺得,今次故事會唔會同之前《老婆的十二個難題》太重疊?我既大綱入面都有唔少新睇法,但現實夫妻生活可以有幾大變化?我好難做到令大家耳目一新。
所以掙扎好耐我都係決定帶入抽獎系統既電影世界。
呢個係穿越故事,但穿越既係電影,大家都知男女主角過程同結局如何?又有咩好講呢?改變劇情應該係最令人動心既一環,如果救到Jack會點?故事入面令人可惜既事太多,你會唔會想改變?而你對呢套電影又睇得有幾深入?
同時我想透過唔同電影入面,唔同時代背景既男女愛情,令大家反思愛情到底係點?鐵達尼號大家係以現代人去睇十九世紀既戀愛,當然會覺得Jack and Rose佢地好合理,但對於當時既人講,又係點?
呢個穿越將會有極長篇幅,暫定最少都有5-6萬字,都夠寫成一本書,係劇情上我花左唔少時間做資料搜集,希望令你對呢件真實發生過既歷史有更多認識。
---------------------------
一個無獎問題遊戲:
問題:係船沉沒既前提下,你諗到有乜合理而有用既方法可以拯救到大部份既乘客呢?
獎品:最接近既朋友/最有創意既朋友,可以得到我劇透我自己既想法。
---------------------------
支持作者
未買書既,可以用買書支持,連結如下:
https://bit.ly/3fL9QUH
另外首次開放打賞催稿功能:
最低10蚊,最高30蚊,可透過Payme付款
有興趣打賞的朋友,可以留言講低數額(好似歡樂滿東華咁)
而每達到300元打賞,我會立即更新下一回(每回只限一次)
希望大家唔好介意,因為收入對於作者真係好重要
同時也有11部Youtube影片,追蹤數超過80萬的網紅果籽,也在其Youtube影片中提到,|血癌|26歲沙排港將劉梓浩兩度戰勝血癌 醫生指新免疫治療最快三周見效:半年唔復發視為康復 「打沙排(沙灘排球)的目標便是要奪獎,打出成績;但回歸到人生,我的目標很簡單,便是繼續生存,因此我要接受任何事,盡力治癒這病。」今年26歲的劉梓浩(劉梓)與拍檔王沛林是香港沙排第一人,同時他亦是位血癌康復者。...
劉思樂醫生好唔好 在 Facebook 的最佳解答
第二回-房事
【2021年香港房事排名位於亞洲倒數第二,平均每月3.7次,一星期不足一次,僅比日本的三次多一點,離婚之夫妻房事數值均低於平均數,擁有一個健康和穩定的性生活是每對夫妻不可為缺的部份。
檢測到過去一年,劉俊文及李倩盈夫妻只進行過六次房事,達到滿足標準的次數為零,危機級別是最高等級,發放特別新手任務。
任務目標:達到一次雙方滿足級別的房事一次
任務獎勵:新手特別禮包
任務時限:一星期
失敗懲罰:婚姻系統將宣告二人失敗,建議離婚處理】
比起系統發放嘅任務,劉俊文更在意嘅係,原來過去一年嘅房事,竟然連一次滿足都無:「李倩盈你都幾好演技喎,唔係系統話我知,我都唔知原來你一直都係唔滿足嘅,即係有幾次你都係扮出黎啦!」
「劉生,我唔滿足你怪我啊?點解你唔檢討下自己?我唔滿足仲要扮滿足去令你有成功感,講我都覺得自己可憐兼偉大啊!你估我做戲唔攰啊?明明唔開心仲要扮到好享受,你次次都問我黎未啊黎未啊,爽唔爽啊,你勁唔勁啊,大佬啊,你依家係做訪問定扑野啊?我要答問題定要享受啊?唔通你問我黎未,問我爽唔爽,我答你有排啊!!唔爽啊!!!你唔勁啊!!!!咁啊?依家好啊,系統幫我講出心底話,我只可以同你講,劉俊文我真係對你無期望好耐喇!」李倩盈將心底說話完全講出,個人係咁震,係激動同舒暢嘅震,呢堆說話佢想講好耐,只係無機會同無勇氣去講出黎。
劉俊文都激動咁講:「你唔舒服唔享受,你講啊,你唔講我點知,你講我咪改,我可以慢慢黎可以跟你意思做嘛!我又未做過女人,點知點先為之舒服,點先為之滿足啊?男人好簡單,射左就係完成,女人無路捉喎,你演技又咁好,呃我之餘呃埋你自己,咁你對於呢件事嘅解決方法咩?」
「其實你知唔知你有咩問題呢?成日都要預約先至做,點解要講明聽晚要搞?有心情都比你搞到無心情啦?呢種事係自然發生,唔係要約嫁!」
「喂小姐,我返工好攰有時又要OT,我知道聽日得閒可以收早,我同你講定你又唔喜歡,然後有時我突然同你講話想要,你又話我變態,話聽日要返工,唔想,咁即係幾時?我係男人黎,我有性需要嫁,你知唔知有時我喺你訓左之後喺你身邊打飛機係幾唔開心,我有老婆都仲要打飛機,連朋友都唔敢講啊,我怕講出黎會比人笑啊!」
「你返工攰又唔比我攰嘅?女人唔係要發洩,係要情調要情趣,你突然間話想要就要,你當我係咩啊?飛機杯啊?」
「講真我真係用飛機杯都好過求你,起碼飛機杯唔會又呢又路,比人拒絕你估開心啊?其實你係唔係有性冷感呢?如果係嘅我都易理解少少。」
「我性冷感?不如話你自己毫無情趣又無耐性,點解你從來都唔檢討下自己,將所有問題都歸咎比其他人呢?」
【經系統評測,劉俊文先生性能力係正常,而李倩盈小姐亦無性冷感問題。】
「嗱,你就性冷感啊!」
「我夠性能力正常!」
【資料上顯示兩位宿主都曾經享受過滿足嘅房事,希望宿主可以搵出原因,達成任務】
「哈,要做唔係問題,但滿唔滿足唔係我可以控制,劉生如果你想完成任務就麻煩你比少少心機檢討下自己。」
「我檢討?好啊,不如按你方法去做,我跟足你要求去做,咁你滿意啦!但麻煩你講得清楚少少,唔好講到模稜兩可!」
「痴線,我可以點講啊?喂,你咁樣入,你加速20%,個拍子要點點點啊?對唔住,我真係講唔到你知點做。」
「用我方法你又唔滿意,但你又講唔出應該點做,我有理由懷疑你係有心為難我!即係你同你學生講做得唔啱,你都要講要點做去改正先啦,你平時係咁教你班學生咩?」
「要我一步一步教你點做,你覺得咁真係會令我覺得開心咩?女人需要嘅係你做左一種我哋需要嘅野,唔通你教住我點同你做,我跟住你做你就會好開心?」
「喂如果你肯,我真係好開心啊,但平時我叫你轉個姿勢你都唔肯,你覺得我開心咩?你頭先聽唔聽到,滿唔滿足係你同我都唔滿足啊!唔係叫射左就滿足,男人都唔係咁簡單就打發到啊!」
「算喇算喇,我唔想同你去爭執落去,唔會講得你明嘅,呢點我呢一年唔清楚咩?完成唔到咪完成唔到,依家你叫我同你上床,我真係會喊住咁做,肯定唔會滿足。」
「你覺得我想講咩?我想解決我哋之間嘅問題,但你明唔明我一路做都發現好似改變唔到咁,你覺得我唔難受咩?」
【系統偵測出爆發臨界點,請兩位宿主暫時分開冷靜,好好思考雙方感受。】
兩人暫時分開,因為佢哋都好清楚再嘈落去無結果,呢種情況發生得太多。
然後兩個分別係自己嘅兄弟,同閨蜜群組裡面求救。
「兄弟們,認真問,到底點做先可以令伴侶得到滿足嘅性愛呢?」
「嘩,咁簡單嘅問題你都問,三點,靚仔,有錢,大揪,就係咁簡單,但劉生你好似無樣中喎。」
「妖,認真啊,我真心求教,麻煩你哋比實際可行嘅方法我好唔好?」
「做乜啊?你俾老婆彈鐘話你唔掂啊?」
「印度神油同偉哥可能幫到你!」
「不如我講白少少,如果解決唔到呢件事,我會同老婆離婚,所以唔該你哋求下你哋唔好玩膠!」
「情況咁嚴峻,我收聲,其實我同老婆都好少行埋,Sor Bro,比唔到咩Advice你,同求解決方法。」
「其實你哋結婚三年,少行埋好合理喎,講真,日見夜見仲邊有咁好心情搞野呢?我都係大時大節應吓節就算……」
「你咁問得,即係你老婆唔滿意,咁佢唔滿意邊部份先?你太細?你太快?你太悶?你唔比多少少背景資料我哋好難幫你分析喎。」
「唔……呢一年我同佢行埋十隻手指數得晒,講真,我都覺得好唔滿足,每次都係同一地點,同一流程,同一時間……」
「呢個問題好明顯,對手悶喇,不如你幻想吓,如果同你做嘅係一個未做過嘅女人,所有問題都唔會係問題。」
「雖然肥仔講嘅係好刻薄,但佢帶出一個好好嘅方向,既然你都知時地人流程都係一樣,咁不如搞下新意思,例如出去Staycation換個地方,玩下角色扮演同玩具,又或者飲吓酒睇吓AV,情趣呢樣野幾時都係咁重要。」
「會唔會係前戲唔夠嘅問題?試吓用按摩油,用完再手口並用,之前我同老婆試過好Work……呃……就係太Work所以又有一件……諗起都有少少後悔,記得戴套啊兄弟!」
「前戲唔單止係接觸嘅,你做好晒家務,買個包包,播吓歌,點吓香薰蠟燭,有Mood自然就會有好心情。」
「兄弟們,其實你哋講嘅有好多我都試過,除左買包包……但買包包先會有滿足嘅性愛會唔會太傷荷包呢?照你哋咁講我一年最多咪扑得兩次……你哋都知我老婆唔太飲酒,佢最憎我睇AV,要佢同我一齊睇咪盞死多兩錢重,唔好話玩玩具,佢連角色扮演都話變態……上次我話扮學生,佢即時話我侮辱佢嘅工作,嬲左我足足兩個星期,唔好玩我啦……」
另一邊廂……
「姐妹們,到底點先可以令男人知道點滿足自己呢?」
「無可能,死左條心佢!」
「咪就係,男人只係識得大力同快,佢哋係唔識分痛到叫同爽到叫嫁!」
「之前你咪話你老公想離婚,今日去簽紙,做乜啊?依家又唔離喇?咁我都安心啲!」
「係喎係喎,你今日離婚,搞掂未?我應該恭喜你定安慰你好?」
「無簽到啊……個衰佬話想同我再試下改,咁我都唔想離婚……咪同佢再努力一吓囉。」
「你決定再努力都好,我哋成班姐妹都會支持你,但點解咁突然唔離婚又想探討點先滿足,係唔係你老公想要分手炮,喂,咁真係又食又拎,你唔好信啊!」
「唔係啊,一言難盡,總之當務之急係我需要知道點先可以有一場雙方都享受嘅性愛,如果搵唔出呢個方法,我就應該會離婚喇……」
「如果用你呢個定義去決定離唔離婚,咁我同我老公都應該離婚啦,個肥仔佢成日大爺咁訓係度,唔好話滿足,我仲要出力啊,諗起我就嬲!」
「班男人最大問題就係佢哋睇左十幾廿年AV,睇到覺得AV入面嘅係真,班女優每次拍都收錢,十萬十萬咁收,梗係落力同開心啦,試下我老公比錢我,我都叫到拆天啊!」
「咪就係,又要護士又要空姐又要學生,睇到壞腦,仲要跟足佢哋流程做,攰過湊仔,我敷吓面膜訓吓仲舒服,我已經無慾無求喇,反正湊仔都夠我攰,上次同佢做做吓個仔醒左,上半場都勉強叫開心,點知我氹完個仔訓之後,見到個死佬都訓埋,個次之後我就嬲到唔肯同佢再搞!」
「你湊仔都好,我同老爺奶奶一齊住,夜晚要偷偷摸摸咁搞,仲要忍住唔好嘈親人,我同老公講要搞就出去酒店搞,但奶奶又話我嘅有屋企唔返,晒錢出去租酒店,我就係唔想同佢同屋先出去住啊!!!!!!」
「認真最開心嘅真係初初相識熱戀個時做,對方做嘅一切都好令人期待,有時氣都未回就突然再戰,唉……真係往事只能回味啊……早排我試過突然錫我老公,佢好驚咁問我發乜神經,咩料啊!」
「姐妹們……我係想尋求解決方法啊,唔係鬥慘大會,Cheer up girls!唔通你嘅唔會覺得咁落去你下半生同下半身都好慘咩?」
再返返去男士們嘅對話……
「嗱,我問左全能嘅Google大神喇,夫妻重燃情趣方法有,Staycation、性玩具、性愛大富翁、轉換場地、改變情調、角色扮演、增加情趣細節,呢個係性治療師比嘅Tips,你參考吓啦!」
「我都睇左有關身體方面嘅方法,每日做深蹲、做運動、唔好打飛機、食含有鋅嘅食物好似生蠔、黑朱古力嘅苯乙胺都對性方面有幫助,至於偉哥呢樣野你就要問醫生喇!我仲搵到清水健嘅壯陽餐單,你參考吓啦!花椰菜、紅蘿蔔、菠菜、小番茄、山藥、秋葵、南瓜、地瓜、水煮蛋、雞里肌肉香腸。有時也會有菇類、芽菜、高麗菜等。他也會隨身攜帶高蛋白低脂肪的雞里肌肉棒、雞里肌肉香腸、高蛋白飲料、蛋白棒,肚子餓時就吃一點來補充能量。」
「事前準備都好重要,沖涼、剃鬚、噴少少香水或者爽身粉、剪指甲、用漱口水、換床單、播音樂、點蠟燭、最好時間係晚餐後兩三小時。」
「咩九淺一深、螞蟻上樹、神之手你都識啦,我就唔重提喇,大家咁耐兄弟,我傳授我最有用嘅一招比你,你好好記住,忍唔住就記得係心入面讀 看看威風的他 雙腿好似摩打 扭波踢波頂瓜瓜 有嘴巴的都讚他 身手最啿誇 小子志可嘉 陣法腳法日練夜練 真功夫冇花假 攻呀攻 快搶攻 射呀射 射它吧 扭得好 踢得鬼馬 可稱霸只有他!至於個Beat你都識啦!」
「嘩……真係唔夠兄弟都唔會教你呢招,劉生下次你見到佢有乜要我幫手嘅即管講,正義只會遲到,從不缺席!」
「我從來都未見過你哋班死仔咁認真,除左死肥仔之外,點都好,多謝你哋,我會盡量做,祝我性福啦!」
「講真,扑野要搞到咁複雜,我真係寧願打飛機算喇……」
「X2」
「我已經打緊了!」
「諗返起當年我講過,結左婚一齊住之後要日做野做,我真係覺得自己好傻好天真……」
再返返去女士們嘅對話……
「咁多年姐妹,呢套睡衣成二千銀我自己都唔捨得買,但為左你嘅下半生,今次我大出血都要喇!」
「我幫你Book左四季今個周末嘅海景套房,個浴缸好大,夠兩個人一齊浸,祝你成功啦,幫到你嘅唔多,加油啊盈!」
「呢排我手頭緊緊哋,但我都送支靚酒比你啦,你唔飲得,比佢飲多少少,唔係醉左訓左就弊傢伙喇!」
「姐妹們……突然要你哋破費真係唔好意思,小妹將來一定報答返你哋,Love you all,有你哋我就算點都唔怕喇!」
「倩盈,其實女人要嘅係愛,有愛就會開心同舒服,我哋幫你嘅只係輔助,如果你同一個唔愛嘅人做,你準備再多都無用,你明啦。」
「係啊,我老公有時突然間講句肉麻情話我已經會好想要,但偏偏呢種事係可遇不可求,祝福你!」
「講得無錯,唔好太刻意,隨其自然啦,越急越慌只會令自己緊張到享受唔到,Relax!」
「今晚等我幫你問吓我老公點先最開心,如果有參考價值嘅我再話你知!」
「唉講起我真係好耐無同老公行埋喇……唔知佢今晚會唔會對我有表示呢?」
「著返套戰衣先啦!」
「我依排肥左好多,都唔知著出黎有冇反效果……」
兩邊嘅討論開始進入閒聊狀態之時,劉俊文同李倩盈都分別收到系統嘅通知。
【叮,恭喜宿主,因為你為對方著想去做準備,獎勵積分100分,希望宿主知道無論方法係好係壞,只係你係為對方著想,希望兩個人有更好嘅未來,就已經值得獎勵!」
劉俊文望住唔知有乜用嘅分數心不在焉,佢忍唔住問:「系統,頭先我班兄弟講嘅野有冇用?係咪我跟住做就會令倩盈得到滿足啊?」
【除咗唱足球小將之外,其他方法都未嘗不可,會有效提升身體、心情、環境等因素,宿主請繼續努力。】
「喂,系統你答非所問喎,即係你覺得唔一定有用啦,咁我可唔可以問你我到底應該點做先會成功?」劉俊文並唔蠢,如果係有用,系統點會講呢種模稜兩可嘅答案。
【章博士設計嘅系統並唔會提供直接答案,需要宿主從了解同思考中得到真正屬於你同伴侶嘅答案,但你可以用一半積分換取一個提示錦囊,溫馨提示,積分清零同時等於任務失敗,請小心運用分數。】
劉俊文望一望唔知有乜用嘅200積分,剛剛突而奇來賺返100,依家用返100分去買提示,都只不過係打回原形姐,咁總好過唱足球小將嘅:「系統我決定換錦囊!」
【成功換取錦囊,劉俊文現時積分為100分,錦囊生成中……請稍等……是次提示為,需要】
空氣變得寧靜,劉俊文開始覺得唔對路:「喂,系統你……唔係已經講完喇嘛?需要?需要咩啊?你正奸商,仲姑寒過我課金抽蛋,喂,喂,應下我,你係唔係死左機啊?」
【成功掃描系統,一切正常,請宿主放心,章博士講一半唔講一半嘅作風,係唔同時空都係出晒名,希望宿主明白並非系統玩野,比起閣下兄弟提出嘅意見,本系統覺得更有價值,請宿主盡早參透。】
而李倩盈方面,佢都忍唔住問系統一個問題:「到底我享受唔到,係唔係我嘅問題呢?」
【宿主請勿自責,章博士提過,夫妻之間出現問題從來都唔係一個人責任。】
「唔係一個人責任……咁即係我都有責任啦。」女人嘅直覺好敏銳,抽出系統字句上嘅重點。
【對,就房事方面,兩位宿主均有責任。】
「咁我責任係咩?」李倩盈心急地問。
【章博士設計嘅系統並唔會提供直接答案,需要宿主從了解同思考中得到真正屬於你同伴侶嘅答案,但你可以用一半積分換取一個提示錦囊,溫馨提示,積分清零同時等於任務失敗,請小心運用分數。】
「依家我有600分,換一個錦囊係300分……好啦……換啦換啦……」李倩盈無奈地講。
【成功換取錦囊,李倩盈現時積分為300分,錦囊生成中……請稍等……是次提示為,被動。】
「吓?被動係我嘅問題?即係我要主動咁去同佢做先叫好?性格嘅野點改啊,我真係唔鍾意主動咁去奉承佢囉,咁我算乜啊……」李倩盈紅住面咁講,佢一向都係被動地做,亦係好多女人對性嘅方式。
【宿主請自行理解提示,兩性關係在於思考,並非提供做法照做,請宿主努力。】
「我終於知道平時劉俊文聽到我講似有還無提示嘅感受喇……有時唔想就係唔想,你叫我主動我真係會開心咩?到底阿章博士明唔明白女人啊?」李倩盈對於呢種提示下意識就係唔想接受。
【章博士生理上係百分之百男人,對於女人心理係從日積月累理解之中形成經驗,請宿主努力解讀提示,本系統從來都唔會對宿主不利。】
「好喇好喇……咁我可唔可以再買一個提示?我想知道點先可以過到呢關。」李倩盈計計自己分數,仲有300分,再買一次得返150分,都比劉俊文多,係無辦法之下,佢唔想單靠姐妹們嘅分析,因為以佢所知,佢哋嘅房事都唔係太愉快。
【成功換取錦囊,李倩盈現時積分為150分,錦囊生成中……請稍等……是次提示為,最後一次。】
「喂啊!系統你講白少少好唔好啊!咩最後一次,你係指我應該用最後一次同佢做嘅心態去做?定我同佢真係最後一次做啊?」李倩盈開始覺得系統嘅提示聽完仲令人煩惱,有少少後悔買錦囊。
【既然宿主無信心完成任務,即將面臨離婚,咁不如盡情去享受同一個曾經愛過嘅人最後一次嘅性愛,如果呢次係最後一次,你會想同佢點做,呢個問題你需要考慮清楚。】
兩個人終於各自返到屋企,劉俊文只係對李倩盈講左句:「返黎喇?」
然後相對無言,今次嘅任務,對於好多人講係一種秘而不宣嘅問題,減去好多身體上有問題嘅夫妻,好多有能力又有需要嘅係房事上得唔到抒發,最後演變出唔同嘅問題。
床上兩人各自思考,諗得再多,都只不過係自己嘅一廂情願。
【現時劉俊文及李倩盈夫婦的狀況如下:
婚姻等級:新婚夫妻
共同積分:250
劉俊文積分:100
李倩盈積分:150
階段:零
特別新手任務進行中:兩人於一星期內需進行一次雙方都滿足的性愛
成功獎勵:新手特別禮包
失敗懲罰:離婚
劉俊文錦囊提示:需要
李倩盈錦囊提示:被動,最後一次
第一階段任務:尚未發放
第一階段緊急任務:尚未到達開啟條件
積分任務:尚未開啟】
----------------------------
下回預告:
有人話,新對手就係最好嘅對手,每個人都喜歡新鮮感,所有第一次都係令人期待,但一次生兩次熟三次大結局,對於一個同你走埋下半世嘅人,新鮮感真係最重要嗎?
有人話搞搞新意思,當你一次用一招,一百零八招用過晒之後,玩具同角色扮演都試過,仲有幾多野對你講係新鮮?
呢個世界有兩類人,第一類係食飯最緊要好食,另一類係食飯好唔好食在於你同邊個食。
人嘅性慾只會隨時間減低,以五十歲更年期為標準,用你呢個月做過嘅次數去做乘法,你人生仲餘下幾多次性愛?
而呢個數字之中,有幾多係你真正享受?有幾多係交差?
如果連愛都未搞清楚,性愛就只餘下性,何來圓滿?
-----------------------------
作者的話:
性呢個問題,曾經只係困擾我地無對手同無地方,但可悲既係好多人有地方有對手之後,都仲有問題。
蔣薇已經步入第十個年頭,初初睇我既讀者好多都結婚生仔,或者我地既題材已經唔可以再維持係單戀苦戀暗戀情侶相處既階段。
猶豫好耐都係決定寫呢個敏感既問題,大家成年人,我亦唔當大家小朋友,希望大家可以係性呢個問題上思考,亦希望接下來既睇法會令你地有新體會。
第一回得到接近300like既成績,都算係令我有所鼓舞,希望大家唔好吝嗇Like and Share,當然係你覺得好睇先比啦
如果覺得唔好既,真係懇請大家留言表達
----------------------------
第二回有獎問答活動:
題目:對你講,一場令雙方都滿足既性愛係有咩因素?(無正確答案,大家可自由發揮)
禮物:我無乜野多,書最多,可以任揀我五本作品其中一本(不包郵),如果呢個故事都出得成書的話,亦可以選擇期貨
四個答得最好既可以得獎,兩名得獎者由我選擇,另外兩個最多like既都可以得獎,為推動更多人討論,讀者之間回覆得最好既都可以特別得獎,設兩名
----------------------------
支持作者可以:
訂購我過往的作品,連結如下
https://bit.ly/3fL9QUH
由於最近比較忙,需要周末先可以處理訂書,希望大家見諒
劉思樂醫生好唔好 在 Facebook 的最佳解答
第一回-系統
結婚?近乎係同生老病死一樣,係人生中不可或缺嘅一環。
2019年香港有44247對新人結婚,同時亦有21157對夫妻離婚,近乎48%嘅離婚率,換句話說,你喺婚姻注冊處完成注冊後,喺你後面嘅一對新人,數據上,唔係你離,就係我離。
結婚當日,劉俊文喺親朋戚友面前揚言:
「婚姻係戀愛嘅墳墓,但埋葬咗戀愛之後,就係一家人嘅全新開始!」
當時贏得一眾掌聲,然後三年後嘅今日,佢一個人喺屋企重睇結婚片段,著起當日結婚訂造嘅西裝,出發去律師樓,今日係佢同老婆簽紙離婚嘅一日。
律師喺簽紙前重申一次:「我需要再次向兩位確認,呢段婚姻已經去到兩位都覺得不能挽救嘅地步,你哋今日簽署嘅係『擬向法庭申請解除結婚的同意書』亦即是表格2E,今次係雙方同意下嘅離婚,提出申請後一年,就可以正式向法庭申請正式離婚,兩位清楚有關情況嗎?」
劉俊文望一望老婆,見佢微微咁點頭,自己亦只可以嘆口氣點頭。
律師將筆遞向女方:「李倩盈小姐,請喺兩份表格最下方簽署確認。」
兩個人一齊簽署,對劉俊文講曾經係一件幸福同快樂嘅事,之前簽過三次,第一次係開聯名戶口,第二次係結婚,第三次係買樓,果然三次之後,就係大結局,今日兩個一齊簽離婚協議書……
簽名如舊,都係好熟悉嘅簽名,但簽署嘅內容就有天淵之別。
結婚簽署當日,李倩盈感動到落淚,而離婚呢日,佢亦都落淚……兩次都係,佢忍住淚水去簽署人生中最重要嘅決定。
「劉俊文先生,到你簽名,簽完後呢份協議書就會正式成立。」律師將兩份滴有淚痕嘅同意書推到佢面前。
李倩盈別過頭,唔想望住自己老公簽呢個名。
劉俊文腦海入面不停重覆一句:呢段婚姻已經去到兩位都覺得不能挽救嘅地步?
其實係唔係挽救唔到呢?最近呢一年,係唔係真係做到最好?係唔係只要再做多少少,我哋嘅結局就會唔同?
作為程序員,劉俊文十分理性,當呢個問題無確實答案之前,佢唔會憑直覺去確認……
「我唔想簽住……對唔住……」劉俊文放低支筆。
「既然劉生未確認,咁今日我哋或者就到此為止,等雙方都諗清楚我哋再約時間簽文件吧。」律師相當有經驗,見太多未諗清楚嘅夫妻,如果呢個時候要迫佢哋做決定,只會演變成爭執,佢並唔想聽夫妻間嘅指控,一個唔覺意,有人會大打出手,到時都唔知點收科。
「劉俊文!!!!!!!!」李倩盈咬牙切齒咁怒吼:「你係唔係玩野!!!!婚又係你話要離,簽紙你先反口,係唔係嫌未傷得我深?」
律師即時將兩人分開,安撫好情緒再分別送落樓,律師心諗,要嘈唔該落樓再嘈。
劉俊文到樓下時,李倩盈已經喺大堂等緊佢,以劉俊文認識嘅佢,依家係前所未有咁嬲。
為左唔係大街上演鬧劇,一個唔覺就比人放上網,劉俊文拉住佢去後巷慢慢傾。
點起一支香煙,李倩盈一臉嫌棄咁望住點煙嘅劉俊文,係,李倩盈好唔鍾意人食煙,所以佢憤怒值再向上升左:「劉俊文,今日我已經好唔開心,簽完大家各行各路,我唔想再為你呢個人傷心,點解你偏偏要我再經歷多一次咁唔開心嘅日子?我前世欠你啊?你係唔係想我死喺你面前你先安樂!」
劉俊文沉默左一陣先答:「我呢排諗左好多,到底我愛唔愛你,答案係愛,我唔明點解我愛你,但偏偏得出黎嘅結果係我哋要離婚……頭先律師問我,係唔係覺得呢段婚姻無法挽救,我係有個問號,會唔會我做多少少,我哋就會好,我哋就會成為童話中幸福快樂嘅結局?
同你一齊,我真係好攰,但我付出過嘅你又知道幾多?而你付出嘅又唔會少,我知你為我改左唔少,我哋試過改,但始終兩個人性格太唔夾,你鍾意做嘅我唔鍾意,我鍾意嘅你又唔鍾意。
我唔明,我真係唔明,點解兩個相愛嘅人,會有咁嘅下場,點解我哋唔可以成為幸福嘅一對?」
李倩盈靜靜咁聽完,問佢拎左支煙點完之後吸左一啖,咳左好耐:「咳……咳……我真係唔明食煙有乜好,你明知我唔喜歡,但你都照食,又唔係好味,又浪費錢,又唔健康,但你就係唔肯戒,呢個就係你同我嘅問題,我唔明你,你亦說服唔到我,有好多事唔係改就改到,煙你可以唔食咩?
劉俊文,你問點解,咁你又有冇問過自己點解啊?
我哋改又改過,試又試過,最後你都係唔滿意,我話,咁我放生你啦,等你搵個真係啱你嘅人,你知唔知我講呢句係用左幾大勇氣啊!!!!
人人都以為我好幸福,我爸我媽到今日都唔知我有幾唔開心,佢哋仲問我黎緊中秋你上唔上黎做節,我真係唔敢同佢哋講,我哋搞緊離婚啊!」
係,結婚需要見證人,當日坐喺佢哋旁邊睇住簽紙嘅父母,由佢哋批準認同嘅婚姻,今日由兩個人做決定就可以離婚,父母再唔同意都無用,相同嘅係,劉俊文都無同父母提過。
「李倩盈,如果我想再同你試一次,你仲肯唔肯比個機會我哋?」
「哈,試你又唔係未試過,你有咩方法去試?婚姻輔導我哋又見過,心理醫生又搵過,社工又傾過,佢哋比過我哋嘅方法少咩?唔似你為人,你平時唔係好講邏輯咩?同一個方法,只會有同一個結局,呢句係你講嫁劉生,依家你又想變啊?」
劉俊文一手抱住左李倩盈:「係……我無新嘅方法……但我都想試多次,我都想不顧一切,我都想夾硬去試多次……我同你結婚唔係無原因,而呢個原因我一直都記住……或者……再試一次會有一個唔一樣嘅結局……
李倩盈,我就只係問你一個問題,你仲愛唔愛我?如果你愛嘅,我哋就試多次,最後最後一次,但如果你唔愛嘅,我哋就上去簽紙,今次我比你做決定好唔好……」
未回答之前,兩人腦海突然叮左一聲,一把聲出現。
【婚姻革命系統正在啟動,檢測宿主,同步中……時間為二零二一年六月二十一日,宿主為劉俊文以及李倩盈,同步成功,系統啟動。】
劉俊文放開手,臉色都好奇怪咁望住老婆,問佢係唔係聽到咩奇怪嘅聲音,佢疑惑咁點頭。
腦海嘅聲音再次出現。
【此系統為兩人共生,製作人係章少崇博士,二零四六年,世界各地發達國家離婚率已高達九成以上,該時代人類已唔再相信婚姻,離婚就好似分手咁簡單,章少崇博士花費十五年製作出婚姻革命系統,配合時空技術將之投放到唔同年代,當兩個仍然相愛嘅人面臨離婚之時,系統就會自動生成,協助兩人挽救最後一次婚姻,如果系統解決唔到兩人嘅問題,你哋就可以毫無顧慮地離婚。】
「你聽唔聽到一個系統嘅聲啊?」劉俊文猶豫地問,因為件事太匪夷所思。
李倩盈試探地講:「章少崇博士?」
「頂……你真係聽到,即係我無思覺失調無幻覺,太好喇……」確認唔係幻覺之後,劉俊文開始思考頭先聽到嘅訊息,離婚率去到二零四六年超過九成,聽到都覺得心酸,人經歷得愈多,社會愈進步,但對於感情同婚姻就愈來愈兒戲。
【唔需要太擔心,本系統暫時喺不同時空之中成功拯救一千六百五十一萬四千三百七十九對夫妻,成功率超過七成,章少崇博士講過,從來無人教你點去應對婚姻,出現問題係好正常,加上人類對於物慾愈來愈強,缺乏感情探索,婚姻從來都唔易,相愛但因為相處問題而忘記愛情初衷係好平常嘅事,章博士都曾經好似你哋咁,當失去時先後悔莫及,本系統會慢慢協助你哋更了解婚姻,就算最後失敗都好,你哋都可以更明白愛情同婚姻。】
「你……我……我哋可以交流?」劉俊文奇怪問。
【可以,本系統係劃時代設計,有最強嘅AI系統,比起你哋更懂人性,更懂愛情,更懂婚姻,你有心事同問題想問,本系統都可以答你。】
李倩盈突然問:「我想問,你話我哋仲係相愛,呢件事係真事?」
【本系統偵測得出嘅數據係確認你哋相愛,唔係本系統唔會出現為你哋同步。】
李倩盈望向劉俊文,剛好佢都望向自己,喺對望之中,佢哋笑左笑,原來大家都仲係相愛,或者系統比出嘅呢個結論,係對於剛剛仲打算離婚嘅兩人一個最大笑話。
「咁章少崇博士所提出嘅婚姻見解又係點?」作為程序員,劉俊文比較在意一個系統嘅邏輯同過程,到底咩為之婚姻?從來都無人有一個好明確嘅定義,憑乜佢咁肯定佢嘅理論係正確?起碼要先了解佢嘅理論先可以判斷成效。
【宿主婚姻階段太低,現時是新婚夫妻,並未有權限閱讀章博士的完整理論,宿主請盡快升級以開啟更多權限。
現時劉俊文及李倩盈夫婦的狀況如下:
婚姻等級:新婚夫妻
共同積分:零
階段:零
第一階段任務:尚未發放
第一階段緊急任務:尚未到達開啟條件
積分任務:尚未開啟
請問宿主二人是否同意參與婚姻革命系統?】
李倩盈有少少擔心咁問:「呢個系統需要我哋付出咩代價?」
【本系統費用全免,到達不同階段更會有獎勵發放,請宿主放心,你們需要考慮係想唔想挽救呢段即將破裂嘅婚姻,去了解兩個人相處嘅奧秘,為對方付出,令自己成為更好嘅人類。】
「呢個時候,既然我哋都無更好嘅方法,咁不如信任呢個咁神奇嘅系統,睇下佢會唔會令我哋有所改變?」劉俊文同老婆講,如佢所講,試過好多方法但都係失敗告終,咁不如死馬當活馬醫。
【雙方宿主均同意參與婚姻革命系統,全面檢測二人數據……請稍等……完整系統激活!
本系統有兩個達成方式,其一係雙方積分到達一萬分,其二係雙方通過第五階段的最終考驗,章少崇博士提出婚姻有五個階段,現時劉俊文及李倩盈階段為零。
積分系統激活成功,系統根據雙方意願發放基礎積分:
劉俊文積分--100分
李倩盈積分--500分
積分任務尚未激活,請宿主先進行新手任務,數據分析中……現將雙方生活中的最大矛盾生成新手任務……檢測中……異常數據發現……數據重組中……生成任務中……
檢測到兩位宿主存在極大矛盾,即將發放特別新手任務,此特別新手任務困難度為地獄級別,所以成功通過將發放新手特別禮品包,獎勵豐富,希望宿主努力。
任務發放中……
新手任務:房事】
「吓????」「吓吓吓????」劉俊文同李倩盈對於呢個地獄級新手任務難得地有同一個反應,吓??????
-----------------------------
下回預告:
【2021年香港房事排名位於亞洲倒數第二,平均每月3.7次,一星期不足一次,僅比日本的三次多一點,離婚之夫妻房事數值均低於平均數,擁有一個健康和穩定的性生活是每對夫妻不可為缺的部份。
檢測到過去一年,劉俊文及李倩盈夫妻只進行過六次房事,達到滿足標準的次數為零,危機級別是最高等級,發放特別新手任務。
任務目標:達到一次雙方滿足級別的房事一次
任務獎勵:新手特別禮包
任務時限:一星期
失敗懲罰:婚姻系統將宣告二人失敗,建議離婚處理】
-----------------------------
作者的話:
終於終於又出新故事,係呢個故事之前,我起草左三個新故事,但每個寫到五千字左右都覺得唔夠張力同追看性,所以又停筆再諗,終於有一個可以令我覺得好想寫落去好緊張既題材
希望大家喜歡可以 LIKE COMMENT SHARE,我本來係一個唔睇重LIKE既人,但對上一個貓貓故,面對每一回只有幾十Like既時候,我好質疑自己係唔係寫得咁差,已經無力量再寫落去,寫左咁耐,生活所迫,如果都係寫作上無一個成長,呢個將會係我最後一個故事,書又出過,我心願已了,只好重新去做一個營營役役既普通人
我唔求多,真係唔好再得幾十like好唔好……只要過百我都就會繼續寫落去,呢個係一個免費作者小小既期望,感激成全
劉思樂醫生好唔好 在 果籽 Youtube 的精選貼文
|血癌|26歲沙排港將劉梓浩兩度戰勝血癌 醫生指新免疫治療最快三周見效:半年唔復發視為康復
「打沙排(沙灘排球)的目標便是要奪獎,打出成績;但回歸到人生,我的目標很簡單,便是繼續生存,因此我要接受任何事,盡力治癒這病。」今年26歲的劉梓浩(劉梓)與拍檔王沛林是香港沙排第一人,同時他亦是位血癌康復者。這一切要從3年前說起,2018年,劉梓浩於雅加達亞運會首場分組賽後感到不適,被逼退賽,回港後確診急性淋巴白血病。
其實早在亞運前夕,劉梓的身體已出現不適,看過醫生,醫生認為他患感冒,處方了一些藥物,「亞運前兩至三星期,真的感到特別疲倦,晚上睡覺時會出很多汗,但自己完全沒有察覺這件事。」當時劉梓以為服藥後會改善。
https://hk.appledaily.com/lifestyle/20210503/SSOUR2NWQNDL3GPUURTAB4M3EQ/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#血癌 #沙排 #劉梓浩 #新免疫治療 #白血病
#果籽 #StayHome #WithMe #跟我一樣 #宅在家
劉思樂醫生好唔好 在 果籽 Youtube 的精選貼文
|粉瘤|勿當粉瘤是暗瘡 醫生提醒粉瘤症狀有黑白小孔 微創手術留疤風險低
皮膚長出圓狀凸起的東西,用力一擠或擠出白色有異味的分泌物,這可能是俗稱「粉瘤」的表皮囊腫。不少人誤當粉瘤為暗瘡、粉刺,如強行擠出分泌物或會導致發炎,有外科醫生指嚴重或須透過手術切除,而現今以微創手術切除粉瘤,傷口較傳統手術的細,減少手術對皮膚的術後影響。
現年39歲的劉小姐,面部在約3年前長出凸起的圓狀物,起初細小得如普通暗瘡,有時劉小姐會自行擠它,「擠出分泌物後雖然變平,但過了七、八日後,它又會再凸出來。」雖然凸起的圓狀物不痛不癢,但在今年越變越大,大得如手指甲般,影響外觀,故她有時也會多塗粉底液以作遮蓋,「該東西令我變得不愛拍照,從前我很喜歡照相的,但現在因凸了出來,我覺得很難看。」
https://hk.appledaily.com/lifestyle/20210422/4JQPWW4SFVH6HEK722KM7MXRY4/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#粉瘤 #暗瘡 #微創 #粉刺 #切除粉瘤
#果籽 #StayHome #WithMe #跟我一樣 #宅在家
劉思樂醫生好唔好 在 果籽 Youtube 的精選貼文
幾乎人人每年都總會見牙醫一兩次,去洗牙、補牙,甚至剝牙。牙科中的唯一外科專科——「口腔頜面外科」你又有否聽過?現時全港僅63位具此專科資格的醫生,劉思樂醫生便是其中一位。
不少人兒時志願是成為醫生,口腔頜面外科專科醫生劉思樂是能夠夢想成真的少數。劉思樂醫生憶述:「兒時傷風咳嗽便會去看醫生,當時已覺得醫生很有型、很厲害,可以幫人解決問題。成長期間因為家人患病,令我思考長大成人後會否行醫助人。」劉思樂醫生笑言自己小時候手指特別靈活,做手工、做勞作、玩樂器,統統很快上手,於是就想到要用雙手工作,想成為外科醫生。所謂外科醫生,簡單而言即是要做手術的醫生,打開肚皮、剖開心臟、掀開腦袋是一般人對外科醫生的印象。劉思樂醫生說:「可能是機緣巧合,或者我命運如此,我選擇了牙科。若是牙科出身,外科就別無他選,只得口腔頜面外科,專門做口腔顎骨手術。」
https://hk.appledaily.com/lifestyle/20210321/2FUNBMIANRGGHM2GJPSPZIBDTA/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#牙醫 #口腔頜面外科 #手術 #外科 #洗牙
#果籽 #StayHome #WithMe #跟我一樣 #宅在家