【畀和理非一次機會．畀香港贏返次】
一，呢幾日，一直都好想將所見所聞寫低，但又真係冇乜心機去寫。衝突升級，社會嘅不安亦都更明顯。
二，十月四號星期五，下晝， 高明 、 Ivan Li 李聲揚 - 華麗后台 同我錄咗兩集 Podcast；我哋都知唔會咁快可以播出街，所以揀咗兩個冇咗即時嘅題目（等我同事執好，再搵個地方去放）。錄完，五點幾，我急急腳去文華飲嘢。嘩，仲去文華？夠晒離地。沿途一街都係人。可以見到，大多數都係中環放工友。口號呢，中英夾雜；除咗 Fight for Freedom Stand with Hong Kong，就係 Five Demands Not One Less。
三，文華，靜過鬼。我同洋朋友都係求其食個沙律，就出返去干諾道湊熱鬧。我呢位洋朋友，當個兵，對於武裝衝突自然有專業睇法：「其實差佬要衝散班示威暫，仲有大把方法；香港嘅示威者太斯文啦。」我哋都有講到法國黃背心，洋朋友話：「我見過，真係見過。完全唔同級數。」另，呢位朋友對汽油彈好不滿，佢覺得冇用。我補多句，香港建築物嘅消防標準太高，市區亦都冇乜易燃嘅物料。
四，如是者，我哋又觀察咗一輸；洋朋友食埋支雪茄，就返入文華揸水，我就跟隊向金鐘方向行。沿途，我見到唔少人似白領，但個個都有個口罩；到處都搵到口罩，真係香港嘅風俗。當然，我都見到有人派口罩。我冇攞，亦冇打算戴。途中，99% 嘅人都有口罩，亦好少人好似我咁 lone wolf 行。唔知係咪咁，好似眾人都對我有少少戒心，驚我係「喬裝」啩，畢竟生酮之後，真係 fit 咗。
五，行到政總附近，終於見到老解總部有警察遙遙駐守。橋上面，有唔少人大聲鬧佢哋；我發現多數係女仔。係喎，對警察嘅不滿，我發覺女仔比男仔更 expressive。呢個現象都幾值得研究，又或者我有 observer bias 都唔定。男嘅呢，反而更多人會主動設路障，同埋見有車行過指揮交通。去到警總個頭，群眾情緒點都會激動少少。男男女女都有鬧，但我主觀都係覺得女仔比較嬲。
六，其實沿途係冇真正見過警察，所以鬧都係隔成幾百呎嘅表態。但去到呢個位，我都不期然諗返 2014 年。話說個時警察第一次放催淚彈，我從 Facebook 數據見到，第一班鬧同去金鐘支援學生嘅，都係女多男少。
七，我唔係話男人唔衝；而係男人表達不滿呢，似乎有另一個模式。我有好多個都幾黃嘅 WhatsApp Group ，入面都係麻甩佬；我哋都鬧，但公開呢，又比較冇咁高調。
八，去到政總，企咗陣，有人話：「去銅鑼灣，去銅鑼灣。」我見自己當日反正冇去做 Gym，行咪行囉。一直告士打道行，我都係一個人，不過我留意到，口號漸漸 sync 去：「香港人，反抗。」
九，沿途都有啲小插曲 - 有個男人想掟嘢去路中間做路障，畀途人叫住：「喂，你咁會掟到啲車㗎！」又一個事例引證我經常講，對勇武最大制約，係同行嘅和理非。
十，當現場冇警察，又有好多和理非，結果只係得一班人叫口號。
十一，去到銅鑼灣，感覺氣氛有啲變化。當時，未有任何衝突又或者破壞。但似乎當刻大家都唔知做乜好，齋企？定係點？我就唔知點解，覺得唔走遲少少可能連黨鐵都停（其實都係七點零八點未到）；總之，我走先。之後先知，我走咗冇耐，銅鑼灣就開始有人拆 CCTV ⋯⋯唔係話我在場會阻止，但我懷疑當刻有唔少和理非同我諗法一樣：「冇乜嘢，我都係走先。」
十二，黨鐵返歸途中，聽廣播話唔定將軍澳站。睇 TG 見到，原來 Popcorn 都幾大鑊。返到坑口，剛剛有衝衝來到，我睇住佢哋拆嘢爆電視爆玻璃。當時我都諗，政府唔叫人割，我諗都會有人叫。果然不出我所料，第二日，林鄭直頭用「同暴力割蓆」呢五個字。
十三，其實，光譜兩端，都深藍深黃係核爆都唔割。不過，單議席單票制選舉，從來都係睇動員嘅成功率，尤其係中間嘅選民。假如未來幾個星期繼續升級，恐怕建制派真係未輸晒。
十四，好似早兩日分析，禁蒙面只係虛招，政府亦一定係有權用盡，但最重要係為「翻盤」。政府同建制派嘅就一定係「反暴力」。另一邊呢？「五大訴求」？「解散警隊」？呢一個位，從政嘅朋友好易跌入同溫層嘅盲點。要記得，今次區議會選舉，目標係要借遍地開花，奪得 117 票選委票，左右下屆行政長官選舉。
【延伸閱讀 - http://bit.ly/334WdXd 】
十五，當然，亦都有人會質疑，選舉，有用咩？政府唔會 DQ 咩？議員咪一樣照拉！緊急法都可以用，香港仲有制衡咩？
十六，無錯，今次非建制要捕捉最大公因數就係：「如果連和理非嘅手段都唔可以用，咁就得返最後一條路⋯⋯」我知，有唔少人都已經覺得，已經得返一條路。
十七，畀香港贏返次；投票嗟，咁都易過上街易過衝，係咪？正所謂，兄弟爬山，冇抵觸嗟。如果唔成功，咪繼續衝囉。
十八·，越接近選舉期，就越唔應該畀對家有子彈，有口實。
十九，另，十月十六就係立法會復會同宣讀施政報告，同日政府都要正式提出撤回。假如當日因任何原因開唔到會，政府一定會將責任賴落人民身上。要記得，林鄭係官吏出身，最叻就係推卸責任。
二十，呢個政府做錯事傻事嘅機率咁高，畀林鄭讀埋份施政報告，我唔覺得會蝕章。
功率因數題目 在 [考題] 基本電學問題- 看板Examination - 批踢踢實業坊 的推薦與評價
[考題] 國考歷屆考題與考題觀念討論(書裡看到的選這個)請附上想法、出處
題目：有一工廠負載，每月用電1000度，功率因數0.7，改善後功率因數0.95，設原
有損失5%，則每月可減少電力損失為多少度？
答案：228.5度。
這題解法課本上是：
1.改善後損失率為：5%*(cos45.57/cos18.20)平方=2.715%
2.每月減少度數： 10000*(5%-2.715%)=228.5度
我的問題是：
1.這題的解法我完全看不懂，為什麼改善後損失率是1的算法？
2.功率因素改善時(並聯一個電容)，P會變動嗎？還是只有Q會變動？
又整體電路的V&I會變動嗎？
問題很長，抱歉，也麻煩各位高手解答了，謝謝！
--
※ 發信站: 批踢踢實業坊(ptt.cc)
◆ From: 42.79.87.203
... <看更多>