【龔成問答信箱】(Q17401-Q17420)
Q17401:
老師:我想和你閒聊幾句XD
所以我的問題是:
1 : 老師我想問問是否有一些財經資訊是要收費才能夠得到呢?這些是不是所謂的第一手資訊?
因為我目前所見所聞都是透過「電視新聞或財經台」,網站,除了港交所的企業年報和你的FB專業外,自己讀過你的書籍後啟發了我,發覺到知識真的可以改變命運XD
2:我知道今年的澳門班應該沒有機會了,我已經向你助手請求留位,但我也期望香港盡快可以開關,這樣子我就不再等澳門班了XD
又一次麻煩你的意見了,感謝你
龔成老師:
1)我完全無比錢去得到資訊,因為最有用的資料地方有兩個,第一,港交所坡露易,這是核心中的核心,有實力投資者都只會睇這個,當中的年報是我分析的重點。
第二就是該企業的網站,我地買股票就如同「收購」這企業,上佢的網站就能了解公司。
另外,你平日多睇新聞、財經,已經足夠。
2)希望疫情盡快完,我會盡快過澳門,因為助手話,已有大量澳門朋友留左位,擔心最後會有部分澳門朋友上唔到,始終課室的坐位有限。
------------------------------------------------
Q17402:
阿sir我係你舊生,我最近睇緊1789,2019果份年報。想請教係綜合財務狀況表入面列出既“其他金融資產”係咩一回事,睇完個附註我都係不能理解。
2017年既年報既時候係無依條數
2018果份就3千6百萬
到2019就變成2.2億
其實佢係咪將啲現金投資左落某啲金資產?
另外依個情況對企業有咩影響?
謝謝
龔成老師:
我睇翻佢的附註,報告詳細交代,是一些「按可比較投資的公允價值計量成本,並將銀行理財產品的所有公允價值」。
即是一些銀行的理財工具,但就無具體交代是甚麼,因為除了29號附註,已無進一步的附註交代。只知是一些銀行,以市場價格計算的結構性存款投資。
一般來說,這類工具的風險都唔算高,影響不是核心性。
------------------------------------------------
Q17403:
龔成老師:你好,我簡介一下自己家庭狀況先,我32歲,老公37歲,有一個8歲兒子和一個2歲的女兒,岩岩換左一層樓,借左銀行620萬
仲有一個車位,借左銀行130萬,我每月收入4萬,老公3萬,家用1萬,供車4200,但仲有一年供完,供樓23000,管理費3300,供車位5500,仲有借左私貸每月還11000,所以扣除所有支出大概仲有一萬淨
另外我有70-80萬現金,宜家問題係我要點運用呢筆現金,可以減輕我ge供款壓力?
其實我睇開你d書,同不停甘追開你po,所以我一直都想按照你ge方法進行月供股票。但問題來啦!我之前因為覺得月供股票手續費好貴,一直拖,拖到宜家大市回落到24000樓下
已經跌入你講ge便宜區。於是我再提月供股票,我老公就好反對,距認為宜家應該分注買入而唔應該慢慢供。
我就覺得現階段先開始每月供一萬股票,有左貨底,如果個市再落就大注買入,分三注入貨,你覺得如何?同我想問我宜家ge年齡同經濟狀況可以月供邊類股票,THX!
龔成老師:
由於大市十分波動,而經濟的發展有好大的不確定性,因此,我自己都唔會去估,幾時先底。
但我相信,呢一個係機會,問題係點樣有效把握。
當然,買入後可能會再跌,同埋無人知會跌幾耐,所以要設定一套好少少的投資策略。
比較平衡的做法,就是分注,同時留有一個「不會動用的現金」。
例如將其中$50萬,分注,同時將餘下的$20萬,作最後防線。$50萬可以分3-5注,最好慢慢用,唔好急,唔好比大市升跌的情況影響到策略。當然,你同時利用月供作配合是可以的。
------------------------------------------------
Q17404:
龔sir, 有個難題又要向你請教下,我女朋友成日聽到d國內親戚既消息,話邊隻邊隻會升,例如最近既恒大,中芯等
上過你堂當然知道依d追逐消息短炒係有風險,仲要貴價入,但問題係,次次買親佢都升wo,所以呢,我真係唔識點勸佢,唯有叫佢小注,其他就守住d優質股
想請教下你專業d既分析,我應該點樣解釋個風險佢聽呢,佢又覺得自己識止蝕唔怕wo
Thank you
龔成老師:
在絕大部分的情況,我地散戶收到的消息,都已經遲左,所以跟消息買是無意義的。
當然,都唔排除有些人是好近消息的,不過,這點無人知,連佢自己都唔會知,但從我的經驗得來,這種投資方法好難賺錢。
當市況就時,佢地會覺得好好賺,但成功因素不是「消息」,而是「市況就」。你做得正確,叫佢「唔好大注」,明白風險就得,現時的情況佢有佢自己想法。
------------------------------------------------
Q17405:
老師你好 ,請問我月供股票$8000分別供8隻各$1000會唔會個額太細?還是集中供四隻$2000較好? 因為好多隻心水同想分散風險。
另外你之前成日推介金沙, 但最近見你問答都係推介銀娛, 是否金沙比過往差了?
多謝老師解答 !!
龔成老師:
月供8隻太多了,每隻$1000,你要供好長時間先有一定的貨。因此,每月4隻會比較好。
至於金沙(1928),質素無變,佢同銀娛(0027)都是優質股,完全無問題。金沙收息會較強,而銀娛增長力較佳。
------------------------------------------------
Q17406:
你好,老師。
本人24歲。居住在澳門
現時20萬股票
6萬定期
現金有9萬左右
股票方面:
中國石化 平均 3.86 2手
盈富基金 平均 24.60 2手
美團 平均 96.85 3手
滙豐 平均 44.50 2手
金沙 平均 31.77 3手
中國光大國際 平均 4.37 2手
中國鐵塔 平均 1.70 3手
中國人民保險 平均 2.50 5手
中信國際電信 平均 2.84 10手
1. 我想問下呢個組合有冇問題。
2. 好像收息股較多,但這些收息股有沒有問題?
3. 在澳門月供比較貴。所以暫不考慮。另外月供盈富基金是不是回報較低,只能保本。同做定期比較回報都係差不多?謝謝老師解答
龔成老師:
1)持有的股票不是無質素,不過你24歲,其實應投資一些更有增長力的股票。
中石化(0386)、匯豐(0005)、中國人民保險集團(1339)、中信國際電訊(1883)增長力不算強,你要衡量是否適合自己。
2)本質是無問題。
不過,當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
所以你24歲,收息股不用太多。
3)盈富(2800)的回報不會太高,但好處是平衡組合的風險,你預這基金是收息及有基本的增值,回報好過定期的。
------------------------------------------------
Q17407:
另外想問下
本人35
有一小朋友
如果家庭收入6萬
現金大約2m
有一層樓大約8.8m, 仲有按揭3.5m
應該怎樣增加現金流?
龔成老師:
你可以投資股票,令你的財富組合更平衡,利用「股樓平衡」去為自己的財富增值。
你這個年齡,財富仍有增長力,你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股則小注。
你可以考慮盈富(2800)、銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。由於最近升了不少,最好回少少先入,同時要小注。
你可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q17408:
你好,首先多謝哂你推介股票!一直有follow開呢個專頁,並進行月供股票了約兩年,投資組合包括:
盈富(2800)、中銀(2388)、港鐵(0066)、希慎(0014)、金沙(1928)、比亞迪(1211)
我目前想改變月供組合,有兩個問題:
1. 見推介既股票無佐金沙(1928),是否不再有投資價值?我手持的該繼續持有,還是沽出?還是可繼續月供?
2. 見比亞迪升佐一倍(多謝哂你推介!),想放出大部分,轉另一隻潛力股,如你推介的9988、2382,還是兩隻都供?謝謝!
龔成老師:
1)金沙(1928)仍是有質素,但你預佢中短期會較弱,但長期仍是有質素,無問題。不過在長遠增長上,銀娛(0027)就會比金沙較好。其實你保持月供金沙都無問題的。
2)比亞迪(1211)去到$8X有點貴,不過這股仍有潛力。你可以賣部分,但就建議你有一些貨長線持有,唔好理中短期股價。
阿里(9988)、舜宇(2382)都有質素,可月供,不過現價都唔算平,因此這刻供的金額唔好太多。
------------------------------------------------
Q17409:
你好 龔成老師
我月供2800,1211有2年多,分別$3000,$1000
想問現在1211升得咁多,是否應停供嗎?
另外,想問應該月供到幾時先應該放?
龔成老師:
盈富(2800)你可以長供。
比亞迪(1211)如果在$8X,你可以停一停月供,但原有的貨就唔需要賣,除非你較多貨就賣部分,否則,可以大部分持有。
無人知股價的走勢,永遠記住,賣出後有可能買唔翻,無人知。
------------------------------------------------
Q17410:
老師,碧桂園服務自從分拆左出黎之後
碧桂園係咪唔應該再keep 因爲當年新手入左手
龔成老師:
碧桂園(2007)的質素都不差,但碧桂園服務(6098)更好。2007拆出6098後,質素略略減。
2007要不斷發展物業去賣,這樣才不斷有生意,但6098的模式就不用,物業管理是持續性的,擁有一個項目後,就會有持續的現金流,加上2007負債較多,所以從質素上,6098更好。
不過6098現價都唔平,你可以找機會先將2007賣出或轉6098。當然你要留部分2007長線都可以的。
------------------------------------------------
Q17411:
老師,對上一次搵您已一年前,最近有兩個問題想您幫忙。
1)最近同另一半因為對錢既認知不同而有爭吵,應該點同佢講好?
佢從不買股票,認為股票是廢紙。因為細公司隨時會倒閉會停牌;大集團如利豐一旦私有化,股民的錢就血本無歸。
我有買股票,但因為現持既股票都蝕緊,佢更加唔信我套理論。我同佢講只要持有優質股就ok,但佢就不停講利豐,又話國泰咁大間都會財困,都可能執笠!
我話通漲會令鈔票眨值,嚴重的話現金一樣變廢紙,但佢話呢個情況香港唔會出現。
2)目標4年有80萬,月入20k,月儲7k,現有現金21萬,另外借左2萬蚊比朋友,同埋持有以下股票:
1手金沙@33.9
1手比亞迪@$42.55
2手領展@平均價$80
月供港鐵@平均價$45.4(月供2k, 仲供緊)
- 港鐵月供月月蝕,供到懷疑人生,應該停供/減供款?
- 建議買咩股可以達成目標?thx
現有652股港鐵
龔成老師:
1)係金錢觀念,要改變對方的想法,好難,這只會增加你地的磨擦。
不如有一些資金,各自獨立,有一些則是家庭的部分,會較好。
你可以教佢一些理財的觀念,理財就是建立一個「財富組合」,當中著重「配置」,例如現金、物業、車位、優質股。
優質股都要建立組合,有時總有元一些企業會不利,但同時都有不少企業有好表現,如港交所(0388)、騰訊(0700),因此,只要有組合的概念,就能平衡風險。
2)其實最重要是組合,港鐵(0066)、領展(0823)你的回報較差,但比亞迪(1211)則較好,有時組合中,總是有好有壞,所以整體性分析就得。
其實你的方向正確,如果想組合更平衡,就加入盈富(2800)。
月供要長期的,港鐵、領展都是優質股,但中短期會因香港情況而弱,用這刻情況去衡量是無意思的,睇長期就得。
另外,如果月供想有最大回報,最好的股價走勢,就是先跌後升。
------------------------------------------------
Q17412:
成哥,近來熱炒新經濟及醫藥股,當中有兩隻想請教你,分別是信達生物(1801)及藥明生物(2269),請問這兩隻股質素如何?值博率高嗎?
另外,有評論員指創新醫藥股難以用PE估價,應睇市值,因市值反映投資者的信心,請問你對這觀點有甚麼看法?
最後,感謝你帶我正確的認識投資世界,令我這個投資新手的組合回報去到20%,衷心感謝你!祝身體健康~
龔成老師:
估值有好多方法,利用市盈率只是其中一個方法,當企業有較高增長,而當刻的盈利較少時,市盈率的確未必最適合。
信達生物(1801)係一家中國生物製藥公司,開發了集研究、發現、開發、製造及商業化於一體的生物醫藥平台,並在腫瘤、眼科、自身免疫和代謝疾病領域建立了一個包括單克隆抗體和其他生物藥物的產品管線。
由於仍處於燒銀紙的狀態,所以有危有機,潛力度是有的,但估值好難,現時市值都唔細,只能完全「估」佢將來的價值,不確定性好大。只可以話,這刻投資值博率中等,唔建議大注。
至於藥明生物(2269),則主要提供有關生物製劑藥物發現、開發與生產服務。潛力是有的,但現時的估值都幾高,這刻投資值博率一般。同樣,如果你真的想投資,小注好了。
------------------------------------------------
Q17413:
老師你好,之前有問過你問題,多謝你詳細分析,我現在將我既情況一次過同你分享,希望你比下意見我,十分感謝
我34歲,月入大概28000,19年12月上車,按揭480萬,供30年每月供款大概18000,3,4年前買左安聯增長及派息基金hkd15萬,rmb10萬,雖然每月派息,但是帳面人民幣洩大概2000,港幣洩大概1萬3千
手上的利息可以conver帳面洩既錢,你點睇呢種基金?我需要估出做其他投資嗎?
手上股票有:
長和1手,58.7
中國移動2手,平均價格62.7
匯豐2手,平均52.55
電能實業2手,平均53.4
阿里巴巴1手,中招股價186
閱文集團中招股價55
通達集團2手,平價1.7
中國石油4手,平均4.81
雷蛇20手,平均2.6
中國鐵建5年前入,10手,平均16.2
海通國際4手,平均7.85
因為對股票不了解好多系聽朋友講而買入,大部份都洩緊好多,我應該如何部署好?要認痛賣出嗎?
p.s我唔係好有耐性,經常買完d股票賺少少就賣出=。=,我都知呢種性格唔好。。。。
因為工作是每年續約的,害怕下年不被續約,想好好利用手頭現金,大概有100萬(通常都係做3個月至半年的定期),因想你比意見:
1.拿10-20萬做股票投資,穩定的收息及增長股票有咩野好介紹?唔想要月供,月供澳門銀行手續費貴,想一次過買。
2.或者你覺得我應該如何分配呢d錢,我不想全部動用,想留一些流動現金,我想5年內可以有100萬增長唔知道有沒有可能性呢?期待你的回答。
龔成老師:
基金有好多種,要仔細睇先得,簡單來說,你可以比較這基金過往長期回報,與一般的投資市場比較,從而得知是否有投資價值。
至於股票方面,你投資的股票,大多不是最高質素之列。
而我地投資,就是建立一個「組合」,當中要集中在較高質的,一般質素的較少,無質素的要賣出。
匯豐(0005)、閱文集團(0772)、通達集團(0698)、中國石油(0857)、雷蛇(1337)、海通國際(0665)、中國鐵建(1186)都是一般質素。
至於其餘幾隻,有質素,但部分的增長力不強。
你要慢慢調整翻整個組合。
1)你可以考慮盈富、銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少,最好回翻少少先買入。
2)你要平衡配置,部分資金已經可以分注投資。同時,要留有部分現金。
建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q17414:
龔成老師你好,本人間唔時喺經濟一週睇過你啲文章,覺得幾好幾有興趣,所以開始喺facebook留意你更多,從而慢慢學習同吸收。
想請教下你關於月供股票選股組合同佔比方面,介紹背景先,本人28歲,基層公僕,收入穩定於28-30K左右,未婚,月供計劃已實行左3年半,由最初每月5000開始到現在每月12000,持之以恆,但奈何效果未見顯著。
而我當初定下嘅月供目標係想於40歲時開始每月平均有$8000 - $10000嘅股息收入,如身體健康狀況許何,我會一直月供到退休(約60歲)
想喺退休後靠利息來過活,而我本人亦無大目標及大志,未必會置業和移民,好大機會一直喺香港生活下去,所以希望能夠搵一系列長線甚至超長線嘅股票來配合我嘅期望,目前我嘅月供股票組合如下:
12恒基地產 - 1000
66港鐵 - 2000
270粵海投資 - 1000
823領展房產基金 - 2000
1038長江基建集團 - 1000
1299友邦保險 - 1000
1928金沙中國有限公司 - 1000
2388中銀香港 - 1000
2588中銀航空租賃 - 1000
6823香港電訊-SS - 1000
共:$12000
我都花了點功夫和時間去研究呢個組合出來,目標係想達致平穩增長,穩步上揚和穩中求勝嘅效果,若干年後亦不會出現太大問題甚至有倒閉危機
而佔比方面已盡量減少地產金融行業,保持地產金融4成,公用3成,其他板塊3成,至於盈富基金本人在月供倉方面不考慮,因本身MPF已100%港股同埋另外流動倉位都有買賣
想請教龔Sir我呢個組合有冇改善同優化嘅空間?例如減少某一類別或加重某一個股嘅比重?希望能提供寶貴意見來助本人達成我嘅長遠目標,謝謝!
龔成老師:
當中的股票,都是有質素的,不過,增長力就唔強,你組合缺少了一些有增長力的股。而你的年齡,其實可以進取少少。
組合不少股票,是典型的收息股,好難預期股價有好大的增長。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少,月供金額不宜太大注。
而比亞迪(1211)、中生製(1177)是潛力股,如果你見到有較大的回落,都可以開始月供。
------------------------------------------------
Q17415:
早晨,龔sir,每日都看到一些正能量的說話,心情都覺得靚D,多謝!
我想問下,我的財務怎樣做,才能達到財務自由: 我和先生 四十幾歲,有現金50萬,老公每月收入2萬,月供中行2千
我兼職8千,供保險4千 ,大家每月剩1萬2千,
多年前買2628,$33'3入1萬到現在,我們怎樣做會較好D,謝謝你
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你地4X歲,財富仍有增長力,但就不是進取模式,中行(3988)只是收息股,未必適合你地現時的情況。
你可以考慮盈富(2800)$2000。
另外再加1、2隻(每隻$1500):銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
如果你不懂股,就集中供盈富$5000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
至於中人壽(2628),可以守的。
------------------------------------------------
Q17416:
老師,你好
請問619呢隻股票適宜投資嗎?
龔成老師:
南華金融(0619)質素一般。
業務唔穩定,無乜增長力,近年出現了虧損,整體的投資價值唔算高。
------------------------------------------------
Q17417:
龔Sir你好,我21歲,準備搵緊全職,宜家返緊兼職炒散,月入大約15k-18k,扣除交家用,日常洗費會有5k-8k草到,手頭現金只得40k
我今年4月開始月供股票,每月4000
$2000(2800)
$1000(0066)
$1000(2388)
想問下咁既組合可以嗎?洗唔洗加多隻潛力股?
另外,我買左兩手1972(22蚊),宜家企左係度,都唔知應唔應該放左佢,長遠佢有冇機會升返呢?
我亦有留意比較細/新既股,例如8083,9923,302,由我留意佢哋開始到宜家升左最少50%,9923仲利害到150%,但我冇入手,我有睇過佢發展業務
其實應該可以入手的,但我係新手資金又不多,便卻步。如果我再搵到覺得可投資既股應唔應該入手?呢3隻股係呢個時間我係咪唔應該入?請指教
龔成老師:
你現時持有的,都是有質素的股票,可以長線持了,不過增長力的確唔強。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股可以加少少。
至於太古地產(1972),有質素的,你可以持有,但預佢增長力都是中等。
如果你資金不多,就唔好心急投資,你上述所提出的幾隻新股,都有風險,是有危有機的類別,你要小心控制資金,這類股不是不能入,只是要明白風險。
------------------------------------------------
Q17418:
龔成老師,你好。我現時30y,是最近才開始學習投資股票。目標能買樓。
有一孩子的家庭。每月可儲$5000。
看了你FB專頁一段時間,和看了你的「80後3百萬富翁」。
已買入以下股
2828(200股)
788 (200股)
823(200股)
1099(800股)
2800(1000股)
3988(5000股)
9988(200股)
9999(200股)
請問以上股需要做調整嗎?
另外,我考慮是否黃金股7299或1789。汽車股175。5G 1810。
感謝老師抽空回覆!
龔成老師:
上述的股票,都是有質素的,你可以持有,但你30歲,收息股就未必最適合,中行(3988)這類收息股,唔需要持有太多。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
至於FL二南方黃金(7299),當中有槓杆成份,要留意風險。加上現時金價,這刻的投資值博率不算高。
至於愛康醫療(1789),雖然有潛力,但現價的投資值博率同樣唔高。
吉利(0175)、小米(1810)有投資價值,現時在合理區中上部,你分注都可。
------------------------------------------------
Q17419:
龔成老師你好 最近都在追你Fb的帖 本人今年24歲 有約20萬的現金 每月都會供4000元保險 當中有些含有儲蓄成份的 其中供款年期分為18年,20年,25年
前排用197入左1手9988
會繼續持有 剩下的現金 會留著日後大跌市才入手
最近見建行有小小跌 想遲啲多d再買幾手。收收息 這樣會操之過急嗎?
現在打算開始月供 先試試3000元一個月
2800 2000
9988 500
0823 500
請問這樣分配可以嗎🙏想問下有冇幾本股票或投資既書推介一下 想睇多d書增長一下投資知識。謝謝你
龔成老師:
保險儲蓄這類產品,在理財中都有當中的作用,不過你年輕,因此唔需要投資太多,小部分就得。應該留一定的資金作進攻。
至於上述的月供股票,都是有質素的,你可以開始進行。
你現時現金較多,應該加強翻股票部分,不過,如果你這刻知識不算多,就唔好心急加,慢慢進行。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注就得。
你可首先睇:
《80後百萬富翁》
《股票勝經》
《財務自由行》
之後再睇其他。
------------------------------------------------
Q17420:
老師想請教一下
想問下你對屯門既樓有認識嗎?因為我住九龍東 唔係好熟果邊
但最近都有朋友係屯門買左新樓 4xx-5xx 有26x-3xx實用
因為將軍澳啲樓最平都要過$600萬 冇咁多首期同埋收入都過唔到壓測
所以想睇下其他區既樓會唔會都有投資價值 短期內都想先放租
有時間希望老師可以俾啲意見 thanks
龔成老師:
屯門區我自己都唔算熟,只可以話長遠的升幅,不及市區,因為地理上有分別,加上附近的洪水橋,都有一定的供應,所以升值能力不高。
當然,你如果找到租金回報率較高的地區,屯門樓都可以考慮的。
但講到尾,投資一層物業不是少數目,建議你仔細了解當區的情況,交通、租務情況、社區等因素。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
加多寶倒閉 在 我是台灣人.台灣是咱的國家 Facebook 的最讚貼文
高玲玲
你是自住? 你根本沒賣掉? 房價下跌請問你有虧嗎???
如果你因為生小孩? 套房想換三房? 公寓 換電梯?
肯工作就該買的起房子~ 以前可能要貼1000萬, 以後房價下跌, 你到時可能只要貼 500萬? 請問房價下跌~ 你到底是虧錢還是省錢??
炒房的錢 拿去創業~可以增加多少工作機會跟 稅收??
公司賺錢 是房東的功勞? 坐地喊漲? 否則你就搬走?
公司虧錢 是員工的責任? 減薪? 責任制? 無薪假? 共體時艱?
房東是個職業嗎? 上班幾點到幾點? 每周工作幾天? 有報稅嗎?
房子養蚊子 不降價? 租不出去不降價? 能叫做 行情價嗎?
低薪資? 少子化? 老年化? 人才出走? 低消費力? 百業倒閉? 治安敗壞?
小孩每天睡醒 等父母早點分財產就好? 抗壓性差? 容易暴怒? 沒責任感? 個性孤僻? 行為極端? 無同理心? 不知民間疾苦? 依賴心強? 媽寶? 爸寶? 到底 是誰害的?
台灣只有2300萬人,假設4人住一戶,只需要575萬戶房子,現在的空屋數量已經高達 83 萬戶, 為什麼還要蓋房子?為什麼要一在破壞大自然? 賣不出去不降價能叫行情價嗎? 為什麼屋主自己不去創業?
為什麼 物價狂漲薪資沒漲? 為什麼辛苦工作不能成家立業??? 到底是誰 把台灣搞到這樣的???
瑞士平均薪資5600瑞士法郎~ 平均月薪約 19 萬台幣~
第二間房子,增值稅便高達50%,資產稅也隨之提高。
瑞士學者分析,政府本就不該視房地產為一般商品納入自由經濟市場,如此才可防止房產泡沫化, 有房子住本為人權之一。
空屋稅~ 薪加倍~ 物不漲~ 房東要創業~ 人才回台灣~ 租金補薪資!!
買新房 賣舊房~ 可以加速 都市更新~ 建築業工人也有工作~ 台灣 老房子跟 違建太多了~ 也可以讓那些養蚊子的的屋主自己創業,增加台灣就業機會!!!
加多寶倒閉 在 記者陳曉蕾 Facebook 的最佳解答
尖東好時
男人經過,眼望望,好像我們走進了甚麼私人地方——這不是商場嗎?店鋪封塵雜物堆放在公眾的大堂,「呢邊唔入得架。」保安員居然是對着顧客出聲,臨走還要加多一句:「這裏的業主全部都上哂岸啦,唔旨在!」
十間鋪位八間丟空,這是尖東的好時中心。
.........
時間流轉到一九八一年,好時中心落成時,尖沙嘴東部閃亮登場:金燦燦的商業大樓,列陣似的,都在一兩年間相繼啟用;玻璃幕牆日間映着海水粼粼,夜裡燈飾璀璨,發展商請來舞台燈光的技術人員,全港首創在大廈幕牆掛燈飾。四周霓虹燈五光十色爭生意,年青人都湧來這裏「落D」(的士高舞廳),名車相繼開往各大夜總會,大富豪、新花都、迷城……鬥排場、鬥奢華,一間比一間豪氣,大富豪更用小型勞斯萊斯在場內接送客人。新世界中心的「海城」酒樓夜總會竟然是全世界最大,佔地達到十五萬平方呎,相等於香港大球場!
金光燦爛,香港是會生金蛋的鵝,一眨眼遍地都是黃金。沒多少人記得尖沙嘴最初在英國租借時,幾乎全是軍營,華人被趕去油麻地以北居住,直到需要起九廣鐵路,才讓華人搬回來開工。1975年九廣鐵路總站搬到紅磡,政府拆掉尖沙嘴南岸的路軌,並把軍營遷走,這才騰出尖東一大片土地來。
發展商豪賭似的,一次過買下大量地皮──贏了。尖東的街道重新改名:今日的麼地道原名「正義道」、麼地里是「正氣道」、加連威老道是「明光道」、科學館道是「興祥道」,在尖沙嘴中心詢問處旁的城市模型,還可看到這些舊街名。香港仔改了英文名馬上升呢,人人信心爆棚。
那些年當紅的影星柏安妮其中有一首歌叫《尖東》,歌詞好誇張:「天使都發癫要搵尖東/携着ET去搵尖東/長住尖東怕返天宫……天使睇吓鐘快些收工/垂下對翼去搵尖東/長住燦爛發光尖東!」
...........
這次採訪,記者攝影師一行四人,都有自己的「尖東故事」──
A九零年在理工唸書,日日逛尖東:「當年在海傍拍拖一定撞到熟人,等於公開關係,不用也沒有臉書轉status;學費才一萬幾千,隨便在尖東寫字樓兼職當接待員,很容易便賺到學費和生活費。」
B九一年在尖東一間薄餅店做樓面,現在這分店遍佈全港,但在尖東開的是第一間:「好多客人都是外國人,香港人剛開始食pizza,好熱鬧,個個都把沙律堆到山咁高!」
C在觀塘學攝影,同學老遠都來到尖東擺相展:「大家就是在街上放畫架和相片,也不用申請,二三十年來都是這樣。」
年輕最輕的D是「九十後」,爸爸就在尖東開洋服店,小學中學都在爸爸的店裏做功課,媽媽偶然在店裏幫忙,一家人經常在噴水池附近的茶餐廳開餐。
然而也是D,看着尖東漸漸暗淡:「爸爸的洋服店最初都是外國人來做西裝,慢慢變成內地客,出手可能闊綽一點,但就麻煩得多…租金又不斷加,幾年前結束了。」
現於好時中心開洋服店的陳師傅開玩笑:「拿支AK47來掃,都掃不到人!這裏是辦公室,不是商場。旅行社、珠寶、洋服店都是靠熟客,OK的,但靠門面的零售就難了。」九七年亞洲金融風暴、零一年美國九一一事件、零三年沙士,骨牌一樣,尖東突然走紅,也突然失去方向。
Heidi在尖東一間酒店工作了十一年,最初上班,這區還有一些小型咖啡店、食店一頓飯三十多元,還能有生活,但如今連茶餐廳都變「景點」,一碗牛雜竟然可以叫價九十多元。她坦言越來越陌生:「周圍都是藥房,時裝店也主打內地客,全部都想做內地人生意,已經不是我們去的地方了。」
還有,政府居然可以未公開招標,就批出尖東海濱公園的管理權,要司法覆核才肯公開諮詢──香港的淪落,還有底線嗎?
..................
好時中心的地鋪,一度都是藥房,然而去年最後開的一間,今年最先倒閉,內地經濟滑落,尖東馬上覺得冷。
走進商場裏面,空調隔絕了天氣變化,也凝住時光,白金升降機依然運作,慘白燈光撐着仍在經營的小店。逛著逛著,竟然意外地好行,完全沒有買東西的壓力,店主靠着熟客也不緊張,在自己地頭一臉自在,神情態度令人想起食肆名店的老夥伴。
最熱鬧就是地庫的桌球會,上班時間卻還有幾群人在打桌球,四五十歲的年紀,悠悠閒唔駛做,星光一閃,演員陶大宇也在當中。
那管外面風風雨雨,一切可以照舊,這也是部分香港人的一種「淡定」?
........
文章原刊
https://eweekly.hk/…/%E5%B0%88%E6%AC%84%E5%B0%96%E6%9D%B1%E…
圖片:
http://www.e-zone.com.hk/discuz/viewthread.php?tid=11293
加多寶倒閉 在 爆料公社公開版 的推薦與評價
這是本社團版規,版規極重要,進入社團前務必閱讀,否則極易被踢出社團○】 【爆料公社使用規約如下】 01:PO文及請加上〔圖片〕及附上時間地點,回覆留言則不需要 ... ... <看更多>
加多寶倒閉 在 加多寶涼茶味道如何?全聯購入前身為「王老吉涼茶」的對岸 ... 的推薦與評價
加多寶 涼茶以前是王老吉涼茶,根據維基百科,2012年5月後分家。今天買了全聯 加多寶 涼茶六罐裝149元,跟味丹青草茶對比一下。# 加多寶 涼茶# 加多寶 # ... ... <看更多>