關於 加德士紅卡減幾多 ，我們在網路上蒐集到這些相關的討論、資訊與評價

［全世界莫財政府！聯合起來！］換個口味，講公共財政嘢，唔係專家，勿插（雖然其他嘢我都唔係專家，我專長係吃喝玩樂打邊爐訓覺睇戲）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝

TLDR：女掌門叫大家齊齊加入美國，制定最低利得稅！嘩，反了！成唔成事未知，我估冇咁易。但全球向左轉就好明顯，亦都係走返去大政府。上兩期嘅Economist 封面咪 The Big government is back

1. 呢啲，就左膠啦。雖然好多人當阿美利堅邵音音耶倫係「鴿派」，但新時代下，只有阿美利堅派。真係堅，三十年前不能想像呢樣嘢在美國出現（＊）

2. 講白啲，傳統上係講咩「央行獨立」，至少西方普遍係呢個價值。歐盟不用講，根本央行都外判埋。英國嘛，扯，搵外國人做央行行長添，咁在東方國家應該幾難接受，中國固然不可能，你諗下韓國會唔會搵日本仔做央行行長（會嘅，日佔時期咯，嘻）。當然啦，Mark Carney加拿大人，「理論上都效忠事頭婆」

3. 美國呢，都稱得上係「央行獨立」，當然你可以質疑其實都係要總統呀上下議院通過，但大約場戲都做得OK嘅，亦不致於打電話叫佢加息減息（以前侵侵就鬧點解佢冇得享受低息，可見似乎都唔係任佢玩）。至於國情有啲唔同嘅日本韓國，當然「獨立性」更低，但即係程度有深淺，你總不能話「挑，咪同大陸一樣」去講嘅（呢類泛相對主義嘅人係好煩嘅）

4. 咁但，以上種種，都係「舊時代」產物。你懂的，即係楊懷康李兆富（？）咩郭伯偉獅子山學會嗰班市場膠（包括本人），Milton Friedman（＊＊） 戴卓爾夫人　列根　新自由主義（＊＊＊）

5. 直接啲講，呢套咁嘅嘢，金融海嘯後，畀人狂媽。全球其實係左翼化嘅（雖然好多人自己係左膠又屌人左膠）。貧富懸殊呀，央行印錢呀，買唔起樓呀，上流機會冇乜呀，科企只令少數人受惠呀，政客選嚟選去（如果有得選）都係為有錢人服務呀，大家都知。

6. 金融海嘯當然係個觸發點，幾多人等咗咁多年，你班金融撚仲唔仆街，哈哈哈。點知唔係喎，公帑救銀行，銀行家照出花紅。咁當然大家好憤怒。而家就仇視啲科企小朋友，本質冇乜分別。

7. 你只睇一樣嘢，就知道全球向左轉啦。就係最低工資。阿叔讀書嘅年代，經濟學家聽親必屌。但而家已經唔係咁，最低工資已經變成norm．畢竟社會係真係會變嘅，冇錯可能「最低工資」不利就業，但人係十分奇怪嘅動物，佢地開唔開心除咗睇自己有幾多錢，仲好大程度睇其他人有幾多錢。

8. 而當然，傳統上民主黨都係偏左，拜登已經冇咁左（所以咪篤佢出嚟做共主），入面有班AOC呀 桑德斯呀 Warren呀更加左

9. 咁而家邵音音已經唔再係聯儲局，但變咗係財長。有幾多「個人意志」我就唔知了。

10. 不過畀啲客觀數字嚟，錢是印得好多的，但美國嘅利息開支，畀以前仲要低。原因？低息嘛。Interest expense As a percentage of GDP，都仲低過以前。（呢啲圖Patreon成日貼）。亦因為咁，好多人（包括我）睇死佢冇得點加息。

11. 唔加息點？Easy，咪聯儲局入去買長債，壓低個債息。錢從何來？印出嚟（Technically 唔係，因為可以收水，但你都可以咁理解）。咁你話印得多會貶值？唏，真係昨晚Patreon篇第一季回顧文先講，你小擔心。唔使講美元霸權之類，你望下個美匯指數，而家93 —金融海嘯前後，75都見過呀！當時美金爆咗煲未？未嘛，要印？大把有得印。美金跌？大把有得跌。

12. 另一個問題當然係，「印咁多會唔會通脹？」。這個嘛，好似會，又好似唔會。2008年印咁多錢夠話惡性通脹啦，不過官方話你知過去咁多年都冇乜通脹（美國政府講架，唔係大陸）。又係返返嗰句：我一般唔係一個咁陰謀論嘅人，但，「你信官方嘅通脹？」。你去一次澳門咪知通脹幾多（豬扒包，唔係你以為乜？）。廿年前幾錢，而家幾錢？3% 通脹？seriously？而邊個話你知CPI 或PCE 係通脹？你問Milton Friedman嘅，印咗錢就己經係通脹。

13. 實情今次話加稅，一早放晒風。原因當然因為拜登推嘅「美版4萬億基建方案」（話時話水泥鋼鐵股都炒咗好耐）。但錢從何來？又玩印出嚟？拜登都仲有啲常識嘅。留意，MMT撚（摩登芒叻拖V飛噢威）話以不停印冇後果的，really？咁政府點解仲要收稅？（不過，Warren AOC之類，真係話不如免晒啲學生貸款欠債，誰找數？唔知喎，印多啲，聽講冇事）（但你睇，美匯指數93喎！印錢又係咪真係咩咁大件事？）

14. 我都係跟利世民學嘢，講呢啲公共財政嘢佢比較熟。之前香港講「印花稅」，我已經話「唔搞你搞邊個」？在政府角度，印花稅係好好嘅稅，你近乎冇得走數，行政成本低，受害者亦冇人會可憐，在香港更好，因為交易所都近似係政府控制嘅。

15. 咁冇咁好嘅稅呢？薪俸稅　富人稅　（有啲唔同，前者抽人工後者抽資產）利得稅都係，因為全球化，人呀企業呀可以搬走。

16. 所以就要全世界大政府，聯合起來。之前嚴打啲逃稅呀，Tax Heaven呀，安道爾盧森堡巴哈馬開曼群島，搞CRS（襟蚊利卜丁士釘突）都係咁。

17. 但齊齊加利得稅，我估就難啲。非盟友嘅固然唔睬佢，中東佬甚至香港新加坡（OK, maybe not 新加坡）直頭開香檳，「快啲搬去我度」。但盟友都好，難聽啲講句，「你美國佬洗大之嘛，關我撚事」。唔講遠嘅，講同美國好有淵源嘅愛爾蘭，N咁年都靠低稅吸企業同人才，你估睬唔睬你？同樣地，歐洲你估睬唔睬你？歐洲一向都高稅過你又點計？仲有日本韓國，你估係咪任你舞？

18. 所以，又食下花生。但暫時見股市反應就冇乜。不過，之前香港加印花稅，好多人出嚟講「全球潮流都係低稅」，不妨講兩句？我可以話你知，全球潮流一定係抽重稅，派福利，仇富，呃選票，大政府回歸。最低工資？out了。UBI，夭利窩嫂悲食現金，真係大有市場，現金嘛。

（＊）但又要另外講下，其實以前，五六十年前啦，美國嘅利得稅絶對唔係咁低的，都係新自由主義下不停減。唔好講咩二次大戰嗰時，即使70/80年代，企業交50%稅先係常態。遲下貼。

（＊＊）絶無不敬，但Milton Friedman真係「一個幸運的人」，死得早。係，94歲，但咁啱就金融海嘯前死咗！唔使畀人活著鞭屍。上帝真係對佢好的，死嗰時佢嗰套都係顯學，死後就爆煲，但佢已經話知你。

（＊＊＊）不吐不快，好多「襟蚊籮膠」，以為「有襟蚊籮就金融中心」。呢啲真係不幸嘅巧合。先唔講香港北水之前，金融中心係東京，鬼佬報亞洲指數都係報日經，恒生不入流，上海更加唔知乜撚嘢，東京又行「襟蚊籮」？況且，英國唔知行咗幾多年「襟蚊籮」，但倫敦變成金融中心，正係多得Big Bang，1986年，正係鐵娘子戴卓爾夫人，deregulation，開放市場，新自由主義。係因為呢件事，倫敦先一躍成為同紐約分庭抗禮嘅金融中心。借問聲，之前三百幾年，英國行乜law？仲有，香港人就係咪都打飛機，但戴卓爾夫人釘蓋嗰時，大把「真英國人」開香檳慶祝，仲在Facebook齊齊推到” Ding-Dong! The Witch Is Dead ”（中譯：倪坤死咗我想開香檳慶祝）上返流行曲榜。當然唔係我工作識嗰啲倫敦金融撚，而係北部嗰啲藍領。真係煩精（？）話齋，你咪撚去利物浦曼徹斯特紐卡素新特蘭同人講你支持戴卓爾夫人呀，畀英國人打死你呀。而最正係，當年推到上榜都好，BBC都係冇播首歌嘅，「幾撚可恥」。

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折
＝＝＝＝＝＝＝＝＝＝＝＝＝＝

［心靈西湯］由Payme減信用卡增值講起

TL:DR：花無百日紅，你有巴京拎包華時，當然為自己打算多啲。因為到你冇包華時，就冇乜人同情你。

1. 絶非打手文或業配文，完全獨立

2. 利申先：本人係極少數，近乎係冇匯豐戶口嘅香港人。咁但，Payme我是有用的，十分好用，十分成功。最重要做到First Mover，亦都有Network Effect，人人用，你咪用。而做到Network Effect，因為佢開放畀冇任何匯豐戶口嘅人，例如我。

3. 咁大家都知，最初可以用信用卡增值5000蚊，真好。大家都知，賺里數賺積分。而其實就算冇呢啲嘢，你都係免息套現咗幾十日。固然你可以拗而家低息，但始終早買早享受，利息就係早享受嘅代價。人生得意衰盡歡嘛（＊）。一個唔該我用完呢幾千蚊就釘咗，咪唔使還（冇遺產的話）。

4. 匯豐其實之前已經將個5000蚊調低到2000。而家再2000調到1000，都引嚟一陣嘅問侯聲。我都有。人就係咁架啦，原本根本唔係你嘅嘢，但畀咗著數你，甚至都唔係收返晒，只係收返啲，佢地就鬧。人之常情，我都有鬧。雖然有啲屌晒鬼嘅，我都唔多明，喂，免費畀你用喎。背後啲R&D都要錢架下話？平時又屌香港公司短視乜乜，whatsapp收你8蚊就講 Michael Sandel

5. 不過我見有朋友（真朋友，相當尊重的朋友）講到話香港人玩爛個制度，我就覺得唔係好公道咯。唔係應該在呢個方向講（嘩，你有幾可聽到我幫香港人講好話？）

6. 香港人，當然最叻game the system。可能而家大陸人青出於藍，或者人數多，但呢啲古惑搵著數嘢，講始祖，必然係香港人。我年代去英國讀書見唔少。火車證出古惑啦，沙膠啦，會褪色嘅原子筆啦，仲有話唔見電話呃保險啦，人人皆知。你鍾意話我近蛛者殺自己仆街咪群埋啲仆街，隨你。但首先聲明本人係冇做的，另外，其實本人在英國冇乜朋友的，日日在房自瀆（唔通出走廊？）

7. 我有做嘅，咪炒埃瘋，當然啦，香港人集體回憶。唔止，炒埋賺埋分賺埋里數。十幾張卡N個Apple ID唔同送貨地址，有丫。呢啲我當然做過，你覺得大逆不道嘅，隨你。但做分析員嘅，股票已經好多時冇得炒，有埃瘋嚟講，真係唔賺錢都落場感受下氣氛嘛。

8. 天地良心，講呢類炒賣，我唔覺得我做得好多。識我都知我唔多炒股票，即使以前工作冇咁感都唔多炒。期指之類更係從冇玩過。甚麼威士尼呀外國樓呀全部都冇。我甚至有朋友炒口罩賺咗筆！但唔係今年，係2003！我頂多買過堆金幣（但我買咗10年，咁都算炒？）。最狠就係嗰期炒iPhone，因為反正我係用家，散唔出咪自己用，或者送畀囡囡。（＊＊）。期貨市場術語呢，呢啲就叫convenience yield，CFA有教（我亂up的，CFA真係有教convenience yield，但唔係咁意思，雖則都唔係完全錯）

9. 不過講返，後期我連iPad MacBook都炒過！你心諗，水我呀？MacBook都有得炒？有喎。放出去當然係蝕少少—但賺里數夠冚。有期好多優惠的。

10. 正如朋友講，呢類東西，當年炒到飛天，好快就畀銀行封晒啦。當然。即係如果你交電費呀八達通增值呀買百佳禮券呀都可以計信用卡分，仲得了？（而百佳禮券長期有好活躍嘅二手市場，人人都知）

11. 但今次呢，有啲唔同喎。直接啲講，我用信用卡top up Payme，我諗用最嚴嘅道德高地去睇，都係fair use喎。或者講句，根本玩咗咁多年，由Day One 匯豐都知你啲友會個個月月頭去top 5000蚊出嚟賺信用卡分啦（而家2000，我剛top咗，最後機會啦！下個月1000）。有乜玩唔玩爛？（＊＊＊）

12. 掉轉，根本就你情我願，不過係營商成本。佢開頭要Network Effect，要吸客，咪容許你咁玩。到而家佢成功啦，喂，你應該預咗呢日啦。鳥盡弓藏嘛，收割你啦。你都用慣咗，吹咩？唔通你去用BOC Pay？（利申：銀行我用恒生同中銀，但從冇用過BOC Pay）

13. 其實呢類操作，好多事情都係咁。即係睇下邊個求邊個，邊個有巴京拎包華。而呢個巴能時，係會隨住時間而Shift嘅。男女關係固然好多時係咁（十八廿二就女仔巴閉男人做狗公個個搶，之後慢慢掉轉），商業關係就更加係咁。

14. 事隔咁多年，都可以講下。我有一期在香港01寫博評，甚至我開呢個Page最初就係因為嗰邊嘅文幾受歡迎。而01當時畀嘅稿費，相當不錯，都係行內皆知。但當然玩得唔係幾耐，就停咗呢樣嘢（但又利申：我仲偶然有在01寫文，但已經係另一回事）。

15. 其實成件事合理之極，又係供求，包京拎包華。01最初冇人識，咁要搶收視搶view，最簡單方法當然係搵啲勁人嚟寫（唔包括我，我係朋友介紹，當然後來我在01班作者中收視都幾好係後話），但最初人地識你老鼠，點解要幫你寫？你咪唯有出重金。當時好多出名嘅人都寫過。

16. 之但係，玩得一兩年，喂，佢拎到view。就掉返轉頭，係好多人主動R佢地想寫，當然係稿費都唔收（拿，可以睇返我上次講intern倒貼嘅文）（https://fbook.cc/3Eu6）。咪shift in 巴京拎包華咯

17. 真係冇嘢嘅，當年都未流行講condom，用完即棄。我就覺得呢啲字眼太強烈。冇嘢架喎，各取所需，難聽講句，之前冇撚出稿費畀你咩，定要養你過世？我就好感恩嘅。正如我見好多人被炒時（包括我當年都係），都會怨，我對公司咁多年點點點，冇苦勞都有肺癆。不過現實就係，有出足糧畀你架下話？你同公司嘅貢獻，每個月找完數就清咗架啦。再現實啲講，個撚個都老而不講貢獻所以要養你過世，咁後生仔仲使上位？

18. 所以，condom嘅嘢，世界上人人都係鳥盡弓藏。我志願就係做一個有自主嘅 condom—趁硬就自己甩出嚟啦，唔好勞煩人地，陣間搞到周圍都係呀。咁樣諗咪舒服啲。

19. 打從我在耆英畀人豉椒炒魷後，真係明白到公司點會冇咗邊個唔得？莫講話炒你，炒埋你老闆，炒埋你老闆個老闆，全部連根拔起一樣得。當然，其實真係簡單不過嘅道理，但frying is believing，被炒過咪知。所以打後我幾時都做好畀人炒嘅準備，公司唔會放太多自己嘢。跟合約賠返三個月人工畀我得架啦。

20. 扯遠咗，但講到尾，個教訓係乜？個教訓就係，01嗰時，我係好撚勤力寫文的！當然佢地有上限！但我多數都寫到上限！你知我冇嘢多就係idea多！冇嘢快就係寫文快！點解咁搏老命？因為，人無百日好，花無百日紅！認真啲諗，都估到佢唔會無止境咁畀好好稿費你啦。同你有親咩！

21. 所以同樣地，問下自己，「之前有冇個個月都用盡5000蚊Top Up呀？」。花開堪折直須折呀。當然你話你冇咁cheap唔會拎盡，冇問題—咁你今日唔好怨話cut咯

22. 正如明星（男女都係）剝衫當然要趁早，最好你做第一個。葉玉卿周秀娜就紅得起，打後嘅再激都只係暗星。

23. 真的，我講contrarian，但唔係叫你公司就執笠你去叫老闆加人工！而係，好景嗰時，就好拎盡佢，開價狠啲，盡啲。因為到個市仆街時，就變咗公司有巴京拎包華，佢唔減你人工你都謝主隆恩！

24. 08年，我公司原本有雙糧，嗰年就取消—但我其實都十分開心！因為保得住份工，仲唔使減人工。喂，執到啦，幾多人份工都冇埋呀！保得住份工唔使減人工咪還神。正所謂，留得青山在，哪怕沒春袋呀朋友！

（＊）當然係特登打錯的，鐵粉呀

（＊＊）呀，費事有人考古。我記得嘅盡講。我炒過其中一樣最荒唐嘅嘢，係月餅券！係CLS的，甚至唔係月餅，係月餅券！Derivative Market！但同樣地，我有convenience yield！你心諗，喂，埃瘋就話自用啫，月餅你食晒佢？唔怪得食到你咁撚肥。差矣，嗰時都好撚肥。但唔係自用，係送禮！大家都知月餅係用嚟送。當年仲係要巴結其他人嘅年代，而家就唔使。又，正如期油梗係紐約同布蘭特，咁月餅券，當然係嘉麟樓。我當時寫過篇文，我應該係全香港第一個月餅分析員，賣月餅都有Book Building，only in Hong Kong，而半島真係因為呢堆月餅執唔少，聽聞利錢極高。

（＊＊＊）其實好似話topup根本冇分，我冇fact check（拿，都話我唔係咩炒達人啦）。但，至少你都拎咗個免息幾十日套現，成篇文講嘅嘢一樣成立。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7
——————————————————————————
［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145

選舉的故事

#極長文慎入 我是海心童繼民選舉經理，連登填白區運動九龍城admin。

一切源於6月12日。我凌晨四點爬起床到立法會門外，最後險被人踩人，驚心動魄。過後我們都在尋找自己在運動中的角色。在連登看到填白區運動，本只打算幫忙做文宣，怎料忙足半年。

填白區群組會議是我人生首次的「網聚」。當時我們很怕有鬼，都用假名（還有個叫熱情如火的絲打，笑）。聚會涵蓋十八區，總共過百人，每個區都不乏有志之士，人才濟濟。唯獨九龍城人丁單薄，只有兩位後勤。

聚會中亦邀了不少現任議員或是經驗人士，不停拋一些很可怕的現實：「區議員薪金三萬幾，除咗開會仲係一份24/7工作。街坊停電會搵你，爆屎渠會搵你，婆婆唔識睇封信又搵你。而你無實權，能夠為街坊爭取一條電梯已經好勁。」「白區永遠都係豬頭骨先無人做，必為建制票倉，所六月開始已經好遲，你哋必須每日早午晚街站，等街坊記得你。」

六月開始，已經好遲。每區的有意之士立即開始拍硬照、做易拉架做文宣。只有兩位後勤的九龍城卻仍在尋找有意之士，並向當區泛民議員取經，問問程序如何進行。議員忠告：「facebook停用係基本，廢事畀人起你屋企人底。然後預咗畀人打，最好有兩個人有男士先好開站啦。」我當時還心想：「區議員啫，咁誇張」，後來這些卻都應驗了。

當時九龍城區有四白區：土瓜灣北、紅磡和啟德北和啟德南。尋尋覓覓，見過數名有意之士，當中不乏學生，甚至新移民。每見一位，總是問同一堆問題：「政治願景是什麼？住邊？家人背景如何？職業？年齡？學歷？戶口有幾錢？夠畀選舉經費嗎？」與陌生人查家宅般問清問楚，卻均不合適。終於七月初，我們在理工大學遇到雷靖梵。

雷靖梵，社企創辦人、單車旅行人、作家、抗爭者，還要夠高兼眉清目秀。商討一番，有意出戰土瓜灣北打琼子。

但我們這班少年太傻太天真。確認雷生意向後，立即通報民主動力等協調機制。當我們忙於拍照印刷擺街站做文宣約訪問，悄悄地已有另外四名人士有意土瓜灣北，五車連環相撞。九月尾，雷生決定退出，把競選資源讓予童繼民。我希望重申再重申，我們沒有被脅逼，我們也不是「被社民連逼退」，這是我們共同協商出來，多方同意的最好選擇。

***

忙於為雷靖梵籌備和協調的同時，我又認識了童繼民。

記得當時是七月中旬，在一次為雷靖梵備戰的會議中，一名穿恤衫拖喼的空少中由機場趕來中途加入，雖然疲累卻眼神堅定：「我住海心，我有意海心。我做FA喺前線救人，但我想做一個更有力嘅崗位去幫前線。」

與當時海心的社區主任協調後，在雙方同意的情況下，我們向民動協調機制正式報上童繼民的名字。

然後我又重新安排一堆「前期工作」，拍照印刷街站物資文宣自介諸如此類。童生和我一起拜訪各位時任和前任泛民議員取經，發現大家對「做區」的定義不盡相同。有黨習慣捱家捱户用間尺拍門、有組織習慣提供義工服務接觸街坊，當然還有各式各樣月曆卡量血壓中醫義診之類，總括而言是與街坊建立關係，令街坊投你一票。

問心，有一天離開某泛民大黨議辦一刻心中實在難受──這樣的「做區」和蛇齋餅分別在哪？以小欣小慰搏一票，這是民主嗎？選舉是在選理念、願景，還是誰量血壓量得更好？直話直說，抱歉一句，這種小欣小惠式選舉是在把民主廉價化，和蛇宴派米不遑多讓。

在這場選舉中，很有幸認識到一班能夠暢所欲言的戰友，夜裏飲兩杯暢談古今政治，瘋狂地討論選舉的價值、革命的意義。一方面交流政見，一方面疏理想法，從而訂下政崗，策劃選戰。經多番考量，童繼民決定首個大街站是一個豬咀展示站，以教街坊如何防止催淚煙切入時事議題。

當時我與其他戰線的戰友正在共辦「7.27光復紅土」遊行反中國廉價團入侵土瓜灣（那又是另一個故事了）。街坊很擔心警方會在旅巴重災區放催淚彈，因此很主動了解防煙方法。那街站很成功，連某黃媒記者也私下問我這種反傳統做區方法成效如何。

然後我們與偉恒昌的業主們聯絡做一個小小的互助會的小組、加入各大大少少的街坊谷、接觸南土瓜灣關注組等等。

縱使民意在我方，但這場選戰真的極難打。我們極缺資源（尤其是沒有辦公室和列印機），比對方落後十二年「地區工作」，而且童生因工常在外地，實在比long-d還要惱人。因為我們都是沒收分毫（甚至在貼錢）也有正職，不能於辦公時間處理選舉，更各自抱有不盡相同的政治理念，吵得面紅耳熱的畫面並不罕見。

而最困難的，是我們以抗爭先行的原則打選戰，逢示威日便不做區。除了街坊會有微言，更難受是不知道哪位義工何時會被捕，不知道各有意之士是否平安。每次示威衝突，我們回家後總互報平安，然後每晚我總拿著他們的身份證號碼「等門」，準備失聯就報星火跑警署。

記得有一晚會議過後，我與幾位有意參選之士喝到凌晨三點，我有點醉：「警告你哋唔好死唔好出事呀，咁辛苦填晒啲白區，唔好又白過呀。」其中一個回應：「放心啦，我帶埋遺書出去，有交代區選事宜㗎啦。」

我們的團隊本就很小，日復一日，消失的消失，被捕的被捕，受傷的受傷，團隊就更小了。記得我們本有三位義務文宣，突然有一天都退出了，因為一位被捕了、一位被警察拍門、有一位更失聯至今。

***

十月，我們宣佈參選了。我和財政把選舉指引讀了再讀，不斷請教，小心翼翼，只怕因為弄錯規矩而犯了大錯，而天啊我是一個那麼愛踐踏規範那麼隨心的人！

我們要訂政崗。經過三十輪的腦震盪，我們只打六個政綱，包括遏止廉價旅行團、減少團餐免稅店、監察沙中線、謝絕大媽舞等，箇中只有一個共通點──捍衛本土文化核心價值。

當然最重要的，還是五大訴求，光復香港。

進入選舉期，地區選戰打得火熱，區外抗爭同樣白熱化。而選舉前兩星期，我們暫停了選舉工程。

這很恐怖，因為對家可沒停止選舉工程。

故事說到這裡，必須交代童繼民是一個怎樣的人。或許有點賣花讚花香，但我眼中的童繼民，是善良、正直、謙遜。

當然他也是一個人，也有缺點。我倆也不乏吵大架的時刻，我也會不斷投訴這投訴那，但說到底，有幾個片刻令我到此刻仍義無反顧的要全力令他當選。

其中一個片刻是八月，香港第一次出現福建幫砍人的時候。路人對我們叫：「走呀！佢哋攞刀呀！」然後人群蜂擁散去。我第一個反應是嚇得掉頭就跑，童繼民卻向刀手方向衝去，因為「有刀手就有傷者」。

所以，當十一月中大和理工槍林彈雨，童繼民當然是往現場衝去，暫停拉票工程。而有很多很多個片刻，我都好恐懼要準備選舉日沒有候選人的策略。真的好可怕。

十一月對我個人和團隊來說都很難過。我自己的親人因癌逝世，整個月就是跑醫院做白事，而團隊就不斷接收我未有心情或時間處理的選舉瑣事。然而選舉近了，選民的寄望越來越大，罵我們懶的不少，罵我們以選舉吃人血饅頭的也有，更多是不停出謀獻策卻又不願落場幫忙的人。每天我也收十多個「點解唔做xxx」和「做咗xxx未」的訊息，真的開始有點精神崩潰。

最多謀策的，或是鎅橫額事件。

實話，橫額被秒鎅我是最憤怒的那位，因為所有宣傳品都是我一撇一捺一手一腳的心血。而你知道橫額有多難印嗎？正職關係，我也算有不少相熟的香港噴畫廠，但要不太貴，要不拒印。兜兜轉轉回到e-banner，收了錢才告訴我有「五大訴求」字樣只能印4k高清（即貴一倍），而且貨期慢了兩天！掛橫額小隊約完再約，好不容易掛好了，六小時不夠頭就被鎅爛拿走，想補都不能補。

幸而街坊都很好，自發補橫額，甚至把橫額變了連儂布。大家有很多意見，我們也考慮過很多方法，後來街坊找到了一閉路電視片段，讓我們可以思考下一步。

一路走來，團隊由五十人到剩下低谷的五人。走到最後的最後，我徘徊崩潰邊緣，脾氣開始暴燥得嚇人，團隊批評任何事我都會尖叫：「咁你又唔做！」大家囑咐我休息，我又會：「啲嘢我唔做邊個做？」只能說，我沒有童繼民的謙遜和耐性，而我很抱歉我曾經罵過大家，我知道大家對我出自關心。對不起。

***
由認識雷靖梵到認識童繼民，由計選民統計到開票箱，我們吵過哭過，有時還會對大家說很難聽的說話，但到最後我們都非常信任對方，英文俚語的說法就是：「We trust each other with our lives」， literally。

衷心佩服任何一位候選人，把自己的形象缺點私隱和身家奉獻這場贏面不高的選戰。我們的谷名叫「大衛大戰歌利亞」，皆因白區都是建制票倉，輸是正常，贏是奇蹟。半年後，我們背負著香港人的厚望，街坊的信任，最後一次會議，團隊都說：「我哋會贏㗎！贏呀！」童繼民也在說：「你知唔知咩係吸引力法則？你覺得自己會贏，你就會贏。」

11月24日，我凌晨四點出發去海心打點，跑足一天，投票完結時竟創下72%投票率歷史新高。晚上十時半，我們走進票監察點票。我們身後的公眾區約有十個直播鏡頭，拍著我手心冒汗，坐立不安。11月25日約凌晨一時，開了兩個票箱，大致平手。

「得啦，會贏㗎」在中間的小小休時段，童繼民對我說：「你諗吓請人好過啦，我想幫手足。我前兩晚發夢去咗搵辦事處喎。不如租甘露（黃店）隔離吖，日日食糖水，正呀。」我：「但預算唔多喎，一係高薪請一個助理，一係萬鬆啲請兩個。都幫唔到手足生計幾多。」童：「如果我攞埋份人工出嚟，係唔係可以高薪請兩個？」

童繼民幫助前線手足的初心，始終如一。

第一次點票完結，連計問題票，我們共輸25票。

在頭幾次會議，已有前輩警告我挑戰選舉機器先要預數月的無眠。對家在地區深深扎根，這深紅地區連貼張海報、一張橫額也容不下，半小時至十二小時內文宣必消失。而且法團、互助會、街坊聯會等等全是對方的人，實非我們短時間內可以逆轉的根深蒂固。

但是，海心街坊卻很有愛。秘密補橫額、煮早餐、送生果，十分疼愛我們。

我倆要求重點。

第二次點票，我不斷在想，是否做漏了甚麼。假如我多做兩張英文文宣，或是多探老人院，或是派多幾百個燈籠，或是到港圖灣洗樓，或是多印六十支幡，或是影一輯新硬照，或是每次跟童生出FA拍片……會否能掙多三十票？

故事的結局，我們得票2890張，輸了26票，以0.9%之差敗了給時任九龍城區議會主席民建聯潘國華。

到第二次點票還未完結，我已經忍不住退到公眾席抱著街坊大哭，街坊都遞上紙巾抱著我。票站職員宣讀結果，童繼民九十度躹躬向街坊道歉，大叫「光復香港，時代革命」，我仍在哭。街坊不斷送上安慰，我其實很內疚，很累，很詞窮。

為何這個建制票倉的香港人這麼美。

這半年，我們發了一場夢。夢醒了，我們依舊沒有權力，沒有資源，沒有薪金請手足；户口清空了一點，身體差了一點。但海心紅土街坊團結了很多，我的戰友也多了很多。

支線任務我們失敗了。現在回到612過後，重新再尋找運動中的角色，繼續主線任務。

***
備註：為了保護大家，此文盡量不提及團隊，及省略所有義工名字。各位手足，在心中。