舊公司Admin姐姐返咗工幾個月之後，發覺老細唔係冇錢，不過就有鋪拖數癮，出trip嘅機票酒店錢全部拖（佢哋係搵細旅行社agency，唔係上網book），公司對外所有數都鍾意拖，就連有新同事入職，佢負責去印卡片，已經搵啲觀塘區細細間嘅印刷廠，講緊一百幾十蚊嘅卡片錢都要拖人。
有次旅行社agency打嚟同Admin姐姐講：「你訂嘅加拿大機票同酒店錢過咗幾個月未找數，你老細直情去完再返嚟啦，幾時出票呀？我哋細公司經營好困難㗎，個個都咁拖唔掂哩，幫幫手吖！」
其實Admin姐姐已經追過N次，最嬲係老細根本連票都開埋，簽晒名，放咗去會計部嗰度，但係會計同事答Admin姐姐：「票係有，不過唔使咁快畀啦！啲錢梗係擺自己公司戶口最好，等佢哋追多幾次先啦！你使乜同佢哋急啫。」
當時我坐Admin姐姐隔離，好記得佢成肚火咁講：「呢間公司變態㗎喎，票都出埋，係都要拖，收埋張票喺櫃桶都唔找數，訂機票酒店係我出面㗎，第日轉工仲點叫得郁啲agency幫我呀？做臭晒我自己個名。」
即使後來終於找數，不過Admin姐姐已經好無癮，以family reason為由辭職，好嚟好去。老細又真係信佢因為family reason而resign，即時出job ad請返個admin，過咗大約兩個星期就請到，同時希望佢同新人交接好先走。
可能新舊Admin都係差唔多年紀嘅女仔，佢兩個好快friend咗，日日好似孖公仔咁工作同埋食lunch，拖數事件就當然有講啦，最後新請嗰位Admin比舊Admin姐姐更加早last day。🙈
網頁內有另一個新舊員工交接嘅投稿，阿Sam返新工第一日發現，負責教佢嗰位同事全程黑面，對Team Head態度亦好冷淡，氣氛有啲奇怪......
加拿大機票 在 加拿大機票 - 留學板 | Dcard 的推薦與評價
不好意思，現在這裡請問各位目前在加拿大唸書的朋友，我想明年暑假到加拿大去玩，目前來回機票含轉機大概都要40000ntd 以上不知道各位有什麼建議或是 ... ... <看更多>