［股災點算好？］早兩日同HomeBlogger做直播，發現睇嘅人數創新高。當然唔係因為我本書好好賣（都還好），累積咗好多新粉絲（都有啲），而係擺明因為三日跌咗2500點啦！
TLDR：跌到幾時？跌定未？咩位買？買乜？下半年點部署？我啲MPF點算？就快移民仲應唔應該買股票？全部答晒你。星期六尖沙嘴講座，https://bityl.co/84ai。
至少一樣嘢，我唔係升市先出嚟講嘢（你見上星期我反而貼其他嘢多，講下國際學校呀之類），股災我都一樣出文，100% invested，輸就兩份。輸錢咪輸錢咯，唔輸得的？你唔買咪唔會輸。我21-19已經夠啦。
呢啲唔係叫誅心論動機論，而係skin in the game．我冇買嘅，講乜都得啦，我話聽日尼加拉瓜股市跌九成都得。
明喎，Patreon付費嘅，就好似賭仔，贏錢梗係打賞荷官唔手軟，輸錢就叉燒飯船飛都同你計啦。但明明市差時先要睇嘛，市好反而你真係當我荷官咁得架啦。
免費片嘅，就似信教，或者教父。平時梗係自己股神，大大鑊先嚟求神問卜，Don Vito Corleone, give me justice．
咁好啦，西西里人呢，在個女出嫁嗰日，要聽你嘅要求。本人唔係西西里人又冇女嫁，即係咁講。但，你擔心咩「美國唔畀基金買中港股」，想知跌到幾時呀，係咪死貓彈呀，你啲MPF點配置呀，下半年買乜股呀之類，又畀個機會你。
星期六731，我同HomeBlogger會在尖沙嘴搞個講座，全新內容未講過，5點至7點，就講以上嘅東西。本尊現真身，唔係錄段片，歡迎你拎埋我本書嚟題字合照之類。唔得閒嚟嘅？咁都會有重播，但當然照樣都係收咁多錢
當然係收費的，免費嘢邊有好？你打上電視問「阿李生我40蚊買咗1919呀而家點算好」（＊），咁人地除咗叫你「5蚊買入6蚊走4蚊止蝕」外，仲可以做乜？
但講座你可以預先send兩個問題嚟，咁我地都會細心幫你睇。你即興電視台問嘢，就梗係只能答你「5蚊買入6蚊走4蚊止蝕」。講真以前好多時啲友打上嚟，問隻嘢我聽都未聽過嘅（你以為我神仙？），咁可以點？但總唔可以話「唔識」，否則觀眾咪覺得你唔專業，編導咪覺得你收視毒藥，喂呢條肥仔乜都唔識嘅，下次唔好搵佢。我地嘅社會係不利introvert，猶豫就係冇料到，答得快就有信心，大聲就識嘢嘛。
詳情呢度：https://bityl.co/84af
報名呢度：https://bityl.co/84ai
（＊）非抽水，呢個正係當年嘅我。我指40蚊買1919嗰部份，我未痴線到打上電視台嘅。
