*嚴禁劇透*
*粗口自行過濾*
*可瘋狂話戲屎但免外表批評人身攻擊*
[1230隔夜超短劇評][TVB][包青天再起風雲 EP02]
[讚] 包公去開封府上任，夜晚喺街度同公孫先生閒逛，跟住睇到小報話佢嚐糞破案又話佢係黑奴嗰段，我覺得感覺唔錯喎，有啲生活搞笑嘢可以見到包拯有趣一面。呢啲位喺以前金超群包公都有見過，尤其係同公孫先生一齊嘅時候，今次譚俊彥版玩得更多，暫時份量幾好唔會多咗。另外開封七子夾計令紀念念可以跟住去開封嗰段都唔錯，有好一班後生仔聚埋一齊嘅感覺。
拍包公審犯嗰吓，啲鏡頭剪接有啲心思~
[彈] 反而喺高昌時，包公、公孫、展昭翻睇以往案件嗰段，我覺得玩展昭唔識字係多咗。展昭係可以唔識字，但如果喺查案呢啲時刻呢我就希望可以認真啲，唔好加啲搞笑位落去破壞個氣氛。
不過最破壞嘅係今次「花蝴蝶」案嘅破案線索。藍色花田係咪高昌國一個地方有？又係咪得一個地方有人養羊？事前事後唔講藍色花係獨有，養羊嚟講喺塞外嚟講唔係都普遍到差唔家家戶戶都有咩？咁樣去搵到藏參地點真係好兒戲。其實只要片花田變得奇怪啲，例如啲花瓣係特別形狀好少見，咁已經得啦，做多少少已經好唔同。另外喺杜家搵到相同玩具就推斷杜江杜海兩個係孖生，真係好薄弱，不過呢個都唔係重點，重點係根本杜江杜海可以唔係孖生，因為花蝴蝶根本由頭到尾都帶住面具，而喺身份交錯方面根本係零着墨，對案情冇幫助。如果話係想講吓佛偈，話同一皮囊可以有兩個完全唔同嘅品相（呢個雲千羽都有略略講吓但唔深），咁就更加唔好安排佢哋係孖生，直頭係人格分裂好過啦。到底孖生有咩用呢？真係唔知道。
我鍾意睇包青天，係因為佢查案時嘅推理，加上一啲神怪奇異事。第一單元完咗，呢兩個元素都做得唔好。第二個單元希望好啲啦，最擔心係啲友情愛情份量，唔知之後點分配。
[演員表] 譚俊彥 飾 包拯 / 張振朗 飾 展昭 / 曹永廉 飾 公孫策 / 胡定欣 飾 雲千羽 / 姚子羚 飾 紀念念 / 李嘉 飾 王朝 / 譚坤倫 飾 馬漢 / 李日昇 飾 張龍 / 黃耀英 飾 趙虎 / 吳家樂 飾 杜江、花蝴蝶 / 吳沚默 飾 高昌公主 / 蔡國慶 飾 高昌王 / 馮素波 飾 高昌后
#1230隔夜超短劇評 #TVB #包青天再起風雲 #譚俊彥 #張振朗 #曹永廉 #胡定欣 #姚子羚 #李嘉 #譚坤倫 #李日昇 #黃耀英 #吳家樂 #吳沚默 #蔡國慶 #馮素波
包青天之開封奇案 在 [問題] 包青天之開封奇案- 看板China-Drama - 批踢踢實業坊 的推薦與評價
昨天緯來電影開始重播
也順便補之前華視首播沒看到的集數
關於首單元鍘鄭寧裡面出現的人物有些疑問想請教
鄭寧的姐姐鄭太妃,是皇上的誰?!
為什麼要自稱哀家?!
(那不是皇太后才有的稱號嗎?!)
跟他的愛妻龐愛妃有什麼不一樣?!
(因為太妃身旁的宮女,太監卻稱他為娘娘?!)
PS
在此感謝解答先....oRZ
--
※ 發信站: 批踢踢實業坊(ptt.cc)
◆ From: 118.166.101.110
... <看更多>